| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. згаб̣ийж̇ийсуд̇д̇аван̣н̣анаа
4. Ekabījīsuttavaṇṇanā
494. жад̇уд̇т̇з д̇ад̇о муд̣̇уд̇арзхийд̇и вибассанад̇о ниссаггам̣ взд̣̇ид̇аб̣б̣ам̣. самад̇д̇аани хи бан̃жинд̣̇рияаани арахад̇д̇амаг̇г̇асса вибассанинд̣̇рияаани наама хонд̇и, д̇ад̇о муд̣̇уд̇араани анд̇араабариниб̣б̣ааяисса вибассанинд̣̇рияаани, д̇ад̇о муд̣̇уд̇араани убахажжабариниб̣б̣ааяисса, д̇ад̇о муд̣̇уд̇араани асан̇каарабариниб̣б̣ааяисса, д̇ад̇о муд̣̇уд̇араани сасан̇каарабариниб̣б̣ааяисса, д̇ад̇о муд̣̇уд̇араани уд̣̇д̇хам̣сод̇ааганидтаг̇аамисса вибассанинд̣̇рияаани наама. ид̇хааби буриманаязнзва арахад̇д̇амаг̇г̇з тад̇ваа бан̃жа ниссаггаани нийхарид̇аб̣б̣аани.
494. Catutthe tato mudutarehīti vipassanato nissakkaṃ veditabbaṃ. Samattāni hi pañcindriyāni arahattamaggassa vipassanindriyāni nāma honti, tato mudutarāni antarāparinibbāyissa vipassanindriyāni, tato mudutarāni upahaccaparinibbāyissa, tato mudutarāni asaṅkhāraparinibbāyissa, tato mudutarāni sasaṅkhāraparinibbāyissa, tato mudutarāni uddhaṃsotaakaniṭṭhagāmissa vipassanindriyāni nāma. Idhāpi purimanayeneva arahattamagge ṭhatvā pañca nissakkāni nīharitabbāni.
яат̇аа бана буриманаяз сагад̣̇ааг̇аамимаг̇г̇з тад̇ваа д̇ийн̣и ниссаггаани, звамид̇ха бан̃жа нийхарид̇аб̣б̣аани. сагад̣̇ааг̇аамимаг̇г̇асса хи вибассанинд̣̇риязхи муд̣̇уд̇араани сод̇аабад̇д̇имаг̇г̇асса вибассанинд̣̇рияаани, сод̇аабад̇д̇имаг̇г̇асса жа д̇зхи вибассанинд̣̇риязхи муд̣̇уд̇араани згаб̣ийж̇иаад̣̇ийнам̣ маг̇г̇асса вибассанинд̣̇рияаани.
Yathā pana purimanaye sakadāgāmimagge ṭhatvā tīṇi nissakkāni, evamidha pañca nīharitabbāni. Sakadāgāmimaggassa hi vipassanindriyehi mudutarāni sotāpattimaggassa vipassanindriyāni, sotāpattimaggassa ca tehi vipassanindriyehi mudutarāni ekabījiādīnaṃ maggassa vipassanindriyāni.
зд̇т̇а жа згаб̣ийж̇ийд̇иаад̣̇ийсу яо сод̇аабанно худ̇ваа згамзва ад̇д̇абхаавам̣ ж̇анзд̇ваа арахад̇д̇ам̣ баабун̣аад̇и, аяам̣ згаб̣ийж̇ий наама. яат̇ааха ‘‘гад̇амо жа буг̇г̇ало згаб̣ийж̇ий, ид̇хзгажжо буг̇г̇ало д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о, со зган̃н̃зва маанусагам̣ бхавам̣ санд̇хаавид̇ваа сам̣сарид̇ваа д̣̇угкассанд̇ам̣ гарод̇и. аяам̣ вужжад̇и буг̇г̇ало згаб̣ийж̇ий’’д̇и (бу. ба. 33).
Ettha ca ekabījītiādīsu yo sotāpanno hutvā ekameva attabhāvaṃ janetvā arahattaṃ pāpuṇāti, ayaṃ ekabījī nāma. Yathāha ‘‘katamo ca puggalo ekabījī, idhekacco puggalo tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo, so ekaññeva mānusakaṃ bhavaṃ sandhāvitvā saṃsaritvā dukkhassantaṃ karoti. Ayaṃ vuccati puggalo ekabījī’’ti (pu. pa. 33).
яо бана д̣̇вз д̇аяо бхавз сам̣сарид̇ваа д̣̇угкассанд̇ам̣ гарод̇и, аяам̣ голам̣голо наама. яат̇ааха ‘‘гад̇амо жа буг̇г̇ало голам̣голо. ид̇хзгажжо буг̇г̇ало д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о, со д̣̇вз ваа д̇ийн̣и ваа гулаани санд̇хаавид̇ваа сам̣сарид̇ваа д̣̇угкассанд̇ам̣ гарод̇и. аяам̣ вужжад̇и буг̇г̇ало голам̣голо’’д̇и (бу. ба. 32). д̇ад̇т̇а гулаанийд̇и бхаваа взд̣̇ид̇аб̣б̣аа. ‘‘д̣̇вз ваа д̇ийн̣и ваа’’д̇и ид̣̇ам̣ д̣̇зсанаамад̇д̇амзва, яаава чадтабхаваа сам̣саранд̇о бана голам̣голова ход̇и.
Yo pana dve tayo bhave saṃsaritvā dukkhassantaṃ karoti, ayaṃ kolaṃkolo nāma. Yathāha ‘‘katamo ca puggalo kolaṃkolo. Idhekacco puggalo tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo, so dve vā tīṇi vā kulāni sandhāvitvā saṃsaritvā dukkhassantaṃ karoti. Ayaṃ vuccati puggalo kolaṃkolo’’ti (pu. pa. 32). Tattha kulānīti bhavā veditabbā. ‘‘Dve vā tīṇi vā’’ti idaṃ desanāmattameva, yāva chaṭṭhabhavā saṃsaranto pana kolaṃkolova hoti.
яасса сад̇д̇агкад̇д̇ум̣ барамаа убабад̇д̇и, адтамам̣ бхавам̣ наад̣̇ияад̇и, аяам̣ сад̇д̇агкад̇д̇убарамо наама. яат̇ааха ‘‘гад̇амо жа буг̇г̇ало сад̇д̇агкад̇д̇убарамо. ид̇хзгажжо буг̇г̇ало д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о, со сад̇д̇агкад̇д̇ум̣ д̣̇звз жа мануссз жа санд̇хаавид̇ваа сам̣сарид̇ваа д̣̇угкассанд̇ам̣ гарод̇и, аяам̣ вужжад̇и буг̇г̇ало сад̇д̇агкад̇д̇убарамо’’д̇и (бу. ба. 31).
Yassa sattakkhattuṃ paramā upapatti, aṭṭhamaṃ bhavaṃ nādiyati, ayaṃ sattakkhattuparamo nāma. Yathāha ‘‘katamo ca puggalo sattakkhattuparamo. Idhekacco puggalo tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo, so sattakkhattuṃ deve ca manusse ca sandhāvitvā saṃsaritvā dukkhassantaṃ karoti, ayaṃ vuccati puggalo sattakkhattuparamo’’ti (pu. pa. 31).
бхаг̇авад̇аа г̇ахид̇анаамавасзнзва жзд̇аани д̇зсам̣ наамаани. ‘‘зд̇д̇аган̃хи таанам̣ г̇ад̇о згаб̣ийж̇ий наама ход̇и, зд̇д̇агам̣ голам̣голо, зд̇д̇агам̣ сад̇д̇агкад̇д̇убарамо’’д̇и бхаг̇авад̇аа зд̇зсам̣ наамам̣ г̇ахид̇ам̣. нияамад̇о бана ‘‘аяам̣ згаб̣ийж̇ий, аяам̣ голам̣голо, аяам̣ сад̇д̇агкад̇д̇убарамо’’д̇и над̇т̇и.
Bhagavatā gahitanāmavaseneva cetāni tesaṃ nāmāni. ‘‘Ettakañhi ṭhānaṃ gato ekabījī nāma hoti, ettakaṃ kolaṃkolo, ettakaṃ sattakkhattuparamo’’ti bhagavatā etesaṃ nāmaṃ gahitaṃ. Niyamato pana ‘‘ayaṃ ekabījī, ayaṃ kolaṃkolo, ayaṃ sattakkhattuparamo’’ti natthi.
го бана нзсам̣ зд̇ам̣ бабхзд̣̇ам̣ нияамзд̇ийд̇и? гзжи бана т̇зраа ‘‘буб̣б̣ахзд̇у нияамзд̇ий’’д̇и вад̣̇анд̇и, гзжи ‘‘батамамаг̇г̇о’’, гзжи ‘‘убарима д̇аяо маг̇г̇аа’’, гзжи ‘‘д̇ин̣н̣ам̣ маг̇г̇аанам̣ вибассанаа’’д̇и. д̇ад̇т̇а ‘‘буб̣б̣ахзд̇у нияамзд̇ий’’д̇и ваад̣̇з батамамаг̇г̇асса убаниссаяо гад̇о наама ход̇и, убари д̇аяо маг̇г̇аа анубаниссаяаа уббаннаад̇и важанам̣ аабаж̇ж̇ад̇и. ‘‘батамамаг̇г̇о нияамзд̇ий’’д̇и ваад̣̇з убари д̇ин̣н̣ам̣ маг̇г̇аанам̣ нирад̇т̇агад̇аа аабаж̇ж̇ад̇и. ‘‘убари д̇аяо маг̇г̇аа нияамзнд̇ий’’д̇и ваад̣̇з батамамаг̇г̇з ануббаннзва убари д̇аяо маг̇г̇аа уббаннаад̇и аабаж̇ж̇ад̇и. ‘‘д̇ин̣н̣ам̣ маг̇г̇аанам̣ вибассанаа нияамзд̇ий’’д̇и ваад̣̇о бана яуж̇ж̇ад̇и. сажз хи убари д̇ин̣н̣ам̣ маг̇г̇аанам̣ вибассанаа б̣алавад̇ий ход̇и, згаб̣ийж̇ий наама ход̇и, д̇ад̇о манд̣̇ад̇арааяа голам̣голо, д̇ад̇о манд̣̇ад̇арааяа сад̇д̇агкад̇д̇убарамод̇и.
Ko pana nesaṃ etaṃ pabhedaṃ niyametīti? Keci pana therā ‘‘pubbahetu niyametī’’ti vadanti, keci ‘‘paṭhamamaggo’’, keci ‘‘uparima tayo maggā’’, keci ‘‘tiṇṇaṃ maggānaṃ vipassanā’’ti. Tattha ‘‘pubbahetu niyametī’’ti vāde paṭhamamaggassa upanissayo kato nāma hoti, upari tayo maggā anupanissayā uppannāti vacanaṃ āpajjati. ‘‘Paṭhamamaggo niyametī’’ti vāde upari tiṇṇaṃ maggānaṃ niratthakatā āpajjati. ‘‘Upari tayo maggā niyamentī’’ti vāde paṭhamamagge anuppanneva upari tayo maggā uppannāti āpajjati. ‘‘Tiṇṇaṃ maggānaṃ vipassanā niyametī’’ti vādo pana yujjati. Sace hi upari tiṇṇaṃ maggānaṃ vipassanā balavatī hoti, ekabījī nāma hoti, tato mandatarāya kolaṃkolo, tato mandatarāya sattakkhattuparamoti.
згажжо хи сод̇аабанно ваддаж̇жхаасаяо ход̇и ваддаабхирад̇о бунаббунам̣ ваддасмим̣язва вижарад̇и санд̣̇иссад̇и. анаат̇абин̣д̣иго сздти, висаакаа убаасигаа, жуул̣арат̇амахаарат̇аа д̣̇звабуд̇д̇аа, анзгаван̣н̣о д̣̇звабуд̇д̇о, сагго д̣̇зварааж̇аа, нааг̇ад̣̇ад̇д̇о д̣̇звабуд̇д̇од̇и имз хи зд̇д̇агаа ж̇анаа ваддаж̇жхаасаяаа ваддаабхирад̇аа аад̣̇ид̇о бадтааяа ча д̣̇звалогз сод̇хзд̇ваа аганидтз тад̇ваа бариниб̣б̣ааяиссанд̇и , имз ид̇ха на г̇ахид̇аа. на гзвалан̃жимз, яоби мануссзсуязва сад̇д̇агкад̇д̇ум̣ сам̣сарид̇ваа арахад̇д̇ам̣ баабун̣аад̇и, яоби д̣̇звалогз ниб̣б̣ад̇д̇о д̣̇звзсуязва сад̇д̇агкад̇д̇ум̣ абараабарам̣ сам̣сарид̇ваа арахад̇д̇ам̣ баабун̣аад̇и, имзби ид̇ха на г̇ахид̇аа. гаалзна д̣̇звз, гаалзна мануссз сам̣сарид̇ваа бана арахад̇д̇ам̣ баабун̣анд̇ова ид̇ха г̇ахид̇о. д̇асмаа сад̇д̇агкад̇д̇убарамод̇и ид̣̇ам̣ ид̇хадтагавогин̣н̣асугкавибассагасса наамам̣ гат̇ид̇анд̇и взд̣̇ид̇аб̣б̣ам̣.
Ekacco hi sotāpanno vaṭṭajjhāsayo hoti vaṭṭābhirato punappunaṃ vaṭṭasmiṃyeva vicarati sandissati. Anāthapiṇḍiko seṭṭhi, visākhā upāsikā, cūḷarathamahārathā devaputtā, anekavaṇṇo devaputto, sakko devarājā, nāgadatto devaputtoti ime hi ettakā janā vaṭṭajjhāsayā vaṭṭābhiratā ādito paṭṭhāya cha devaloke sodhetvā akaniṭṭhe ṭhatvā parinibbāyissanti , ime idha na gahitā. Na kevalañcime, yopi manussesuyeva sattakkhattuṃ saṃsaritvā arahattaṃ pāpuṇāti, yopi devaloke nibbatto devesuyeva sattakkhattuṃ aparāparaṃ saṃsaritvā arahattaṃ pāpuṇāti, imepi idha na gahitā. Kālena deve, kālena manusse saṃsaritvā pana arahattaṃ pāpuṇantova idha gahito. Tasmā sattakkhattuparamoti idaṃ idhaṭṭhakavokiṇṇasukkhavipassakassa nāmaṃ kathitanti veditabbaṃ.
д̇хаммаанусаарий сад̣̇д̇хаанусаарийд̇и зд̇т̇а бана имасмим̣ саасанз логуд̇д̇арад̇хаммам̣ ниб̣б̣ад̇д̇знд̇асса д̣̇вз д̇хураани, д̣̇вз сийсаани, д̣̇вз абхинивзсаа – сад̣̇д̇хаад̇хурам̣, бан̃н̃аад̇хурам̣ , сад̣̇д̇хаасийсам̣, бан̃н̃аасийсам̣, сад̣̇д̇хаабхинивзсо, бан̃н̃аабхинивзсод̇и. д̇ад̇т̇а яо бхигку ‘‘сажз сад̣̇д̇хааяа саггаа ниб̣б̣ад̇д̇зд̇ум̣, ниб̣б̣ад̇д̇зссаами логуд̇д̇арамаг̇г̇а’’нд̇и сад̣̇д̇хам̣ д̇хурам̣ гад̇ваа сод̇аабад̇д̇имаг̇г̇ам̣ ниб̣б̣ад̇д̇зд̇и, со маг̇г̇агкан̣з сад̣̇д̇хаанусаарий наама ход̇и. палагкан̣з бана сад̣̇д̇хаавимуд̇д̇о наама худ̇ваа згаб̣ийж̇ий голам̣голо сад̇д̇агкад̇д̇убарамод̇и д̇ивид̇хо ход̇и. д̇ад̇т̇а згзго д̣̇угкаабадибад̣̇аад̣̇ивасзна жад̇уб̣б̣ид̇хабхаавам̣ аабаж̇ж̇ад̇ийд̇и сад̣̇д̇хаад̇хурзна д̣̇ваад̣̇аса ж̇анаа хонд̇и.
Dhammānusārī saddhānusārīti ettha pana imasmiṃ sāsane lokuttaradhammaṃ nibbattentassa dve dhurāni, dve sīsāni, dve abhinivesā – saddhādhuraṃ, paññādhuraṃ , saddhāsīsaṃ, paññāsīsaṃ, saddhābhiniveso, paññābhinivesoti. Tattha yo bhikkhu ‘‘sace saddhāya sakkā nibbattetuṃ, nibbattessāmi lokuttaramagga’’nti saddhaṃ dhuraṃ katvā sotāpattimaggaṃ nibbatteti, so maggakkhaṇe saddhānusārī nāma hoti. Phalakkhaṇe pana saddhāvimutto nāma hutvā ekabījī kolaṃkolo sattakkhattuparamoti tividho hoti. Tattha ekeko dukkhāpaṭipadādivasena catubbidhabhāvaṃ āpajjatīti saddhādhurena dvādasa janā honti.
яо бана ‘‘сажз бан̃н̃ааяа саггаа ниб̣б̣ад̇д̇зд̇ум̣, ниб̣б̣ад̇д̇зссаами логуд̇д̇арамаг̇г̇а’’нд̇и бан̃н̃ам̣ д̇хурам̣ гад̇ваа сод̇аабад̇д̇имаг̇г̇ам̣ ниб̣б̣ад̇д̇зд̇и, со маг̇г̇агкан̣з д̇хаммаанусаарий наама ход̇и. палагкан̣з бана бан̃н̃аавимуд̇д̇о наама худ̇ваа згаб̣ийж̇иаад̣̇ибхзд̣̇зна д̣̇ваад̣̇асабхзд̣̇ова ход̇и. звам̣ д̣̇вз маг̇г̇адтаа палагкан̣з жад̇увийсад̇и сод̇аабаннаа хонд̇ийд̇и.
Yo pana ‘‘sace paññāya sakkā nibbattetuṃ, nibbattessāmi lokuttaramagga’’nti paññaṃ dhuraṃ katvā sotāpattimaggaṃ nibbatteti, so maggakkhaṇe dhammānusārī nāma hoti. Phalakkhaṇe pana paññāvimutto nāma hutvā ekabījiādibhedena dvādasabhedova hoti. Evaṃ dve maggaṭṭhā phalakkhaṇe catuvīsati sotāpannā hontīti.
д̇ибидагад̇иссад̇т̇зро гира ‘‘д̇ийн̣и бидагаани сод̇хзссаамий’’д̇и барад̇ийрам̣ г̇ад̇о. д̇ам̣ зго гудумб̣иго жад̇уухи бажжаязхи убадтааси, т̇зро ааг̇аманагаалз ‘‘г̇ажчаами убаасагаа’’д̇и ааха. ‘‘гахам̣ бханд̇з’’д̇и? ‘‘амхаагам̣ аажарияубаж̇жхааяаанам̣ санд̇ига’’нд̇и. ‘‘на саггаа, бханд̇з, маяаа г̇анд̇ум̣, бхад̣̇д̣̇анд̇ам̣ бана ниссааяа маяаа саасанасса г̇ун̣о н̃аад̇о, д̇умхаагам̣ бараммукаа гийд̣̇исам̣ бхигкум̣ убасан̇гамаамий’’д̇и? ат̇а нам̣ т̇зро ааха – ‘‘яо бхигку жад̇увийсад̇и сод̇аабаннз д̣̇ваад̣̇аса сагад̣̇ааг̇аамий адтажад̇д̇аалийса анааг̇аамий д̣̇ваад̣̇аса араханд̇з д̣̇ассзд̇ваа д̇хаммагат̇ам̣ гат̇зд̇ум̣ саггод̇и, зваруубам̣ бхигкум̣ убадтаад̇ум̣ ваддад̇ий’’д̇и. имасмим̣ суд̇д̇з вибассанаа гат̇ид̇аад̇и.
Tipiṭakatissatthero kira ‘‘tīṇi piṭakāni sodhessāmī’’ti paratīraṃ gato. Taṃ eko kuṭumbiko catūhi paccayehi upaṭṭhāsi, thero āgamanakāle ‘‘gacchāmi upāsakā’’ti āha. ‘‘Kahaṃ bhante’’ti? ‘‘Amhākaṃ ācariyupajjhāyānaṃ santika’’nti. ‘‘Na sakkā, bhante, mayā gantuṃ, bhaddantaṃ pana nissāya mayā sāsanassa guṇo ñāto, tumhākaṃ parammukhā kīdisaṃ bhikkhuṃ upasaṅkamāmī’’ti? Atha naṃ thero āha – ‘‘yo bhikkhu catuvīsati sotāpanne dvādasa sakadāgāmī aṭṭhacattālīsa anāgāmī dvādasa arahante dassetvā dhammakathaṃ kathetuṃ sakkoti, evarūpaṃ bhikkhuṃ upaṭṭhātuṃ vaṭṭatī’’ti. Imasmiṃ sutte vipassanā kathitāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. згаб̣ийж̇ийсуд̇д̇ам̣ • 4. Ekabījīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. згаб̣ийж̇исуд̇д̇аван̣н̣анаа • 4. Ekabījisuttavaṇṇanā
