| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. згаб̣ийж̇исуд̇д̇аван̣н̣анаа
4. Ekabījisuttavaṇṇanā
494. вибассанад̇о ниссагганд̇и вибассанинд̣̇риязхи ниссаггам̣. ид̣̇аани д̇амзва сан̇кзбад̇о вуд̇д̇амад̇т̇ам̣ виваранд̇о ‘‘самад̇д̇ааний’’д̇иаад̣̇имааха. д̇ийн̣и ниссаггаани звамид̇ха бан̃жа ниссаггаани нийхарид̇аб̣б̣аани згаб̣ийж̇иаад̣̇ивибхааванад̇о. д̇знааха ‘‘сагад̣̇ааг̇аамимаг̇г̇асса хий’’д̇иаад̣̇и. сод̇аабад̇д̇имаг̇г̇асса вибассанинд̣̇рияаани наама д̇знад̇д̇абхаавзна сагад̣̇ааг̇аамимаг̇г̇ам̣ бад̇д̇ум̣ г̇ажчанд̇асса сод̇аабаннасса вибассанинд̣̇рияаани. бан̃жаби д̇з сод̇аабад̇д̇имаг̇г̇асса бхзд̣̇ааязваад̇и ‘‘сагад̣̇ааг̇аамимаг̇г̇з тад̇ваа нийхарид̇аб̣б̣ааний’’д̇и вуд̇д̇ам̣.
494.Vipassanatonissakkanti vipassanindriyehi nissakkaṃ. Idāni tameva saṅkhepato vuttamatthaṃ vivaranto ‘‘samattānī’’tiādimāha. Tīṇi nissakkāni evamidha pañca nissakkāni nīharitabbāni ekabījiādivibhāvanato. Tenāha ‘‘sakadāgāmimaggassa hī’’tiādi. Sotāpattimaggassa vipassanindriyāni nāma tenattabhāvena sakadāgāmimaggaṃ pattuṃ gacchantassa sotāpannassa vipassanindriyāni. Pañcapi te sotāpattimaggassa bhedāyevāti ‘‘sakadāgāmimagge ṭhatvā nīharitabbānī’’ti vuttaṃ.
згаб̣ийж̇ийд̇и зд̇т̇а канд̇хаб̣ийж̇ам̣ наама гат̇ид̇ам̣. яасса хи сод̇аабаннасса згам̣ канд̇хаб̣ийж̇ам̣ ад̇т̇и, згам̣ ад̇д̇абхааваг̇г̇ахан̣ам̣, со згаб̣ийж̇и наама. д̇знааха – ‘‘сод̇аабанно худ̇ваа’’д̇иаад̣̇и. маанусагам̣ бхаванд̇и ид̣̇ам̣ банзд̇т̇а д̣̇зсанаамад̇д̇ам̣, д̣̇звабхавам̣ ниб̣б̣ад̇д̇зд̇ийд̇иби вад̇д̇ум̣ ваддад̇иязва. бхаг̇авад̇аа г̇ахид̇анаамаанзд̇аани. зд̇д̇аган̃хи бамаан̣ам̣ г̇ад̇о сад̇д̇агкад̇д̇убарамо наама ход̇и, зд̇д̇агам̣ голам̣голо, зд̇д̇агам̣ згаб̣ийж̇ийд̇и бхаг̇авад̇аа зд̇зсам̣ наамам̣ г̇ахид̇ам̣.
Ekabījīti ettha khandhabījaṃ nāma kathitaṃ. Yassa hi sotāpannassa ekaṃ khandhabījaṃ atthi, ekaṃ attabhāvaggahaṇaṃ, so ekabīji nāma. Tenāha – ‘‘sotāpanno hutvā’’tiādi. Mānusakaṃbhavanti idaṃ panettha desanāmattaṃ, devabhavaṃ nibbattetītipi vattuṃ vaṭṭatiyeva. Bhagavatā gahitanāmānetāni. Ettakañhi pamāṇaṃ gato sattakkhattuparamo nāma hoti, ettakaṃ kolaṃkolo, ettakaṃ ekabījīti bhagavatā etesaṃ nāmaṃ gahitaṃ.
д̣̇вз д̇аяо бхавзд̇и д̣̇звамануссзсу зва д̣̇вз д̇аяо бхавз. самб̣од̇хижад̇усажжад̇хаммо барам̣ аяанам̣ ниссаяо г̇ад̇и зд̇ассаад̇и самб̣од̇хибарааяан̣о. гулад̇о гулам̣ г̇ажчад̇ийд̇и голам̣голо. сод̇аабад̇д̇ипаласажчигирияад̇о бадтааяа хи нийжагулз уббад̇д̇и наама над̇т̇и, махаабхог̇зсу гулзсу зва ниб̣б̣ад̇д̇ад̇ийд̇и ад̇т̇о. гзвалоби хи гула-сад̣̇д̣̇о махаабхог̇агуламзва вад̣̇ад̇и. д̣̇вз ваа д̇ийн̣и ваа гулаанийд̇и д̣̇звамануссавасзна д̣̇вз ваа д̇аяо ваа бхавзд̇и аяамби миссагабхавзна гат̇ид̇о. ж̇аад̇асса гумаарасса вияа арияааяа ж̇аад̇ияаа ж̇аад̇асса наамамзд̇ам̣, яад̣̇ид̣̇ам̣ нияад̇од̇и сад̇д̇агкад̇д̇убарамаад̣̇игод̇и жа саман̃н̃аад̇и д̣̇ассзнд̇о ааха ‘‘бхаг̇авад̇аа г̇ахид̇анаамавасзнзваа’’д̇иаад̣̇и.
Dve tayo bhaveti devamanussesu eva dve tayo bhave. Sambodhicatusaccadhammo paraṃ ayanaṃ nissayo gati etassāti sambodhiparāyaṇo. Kulato kulaṃ gacchatīti kolaṃkolo. Sotāpattiphalasacchikiriyato paṭṭhāya hi nīcakule uppatti nāma natthi, mahābhogesu kulesu eva nibbattatīti attho. Kevalopi hi kula-saddo mahābhogakulameva vadati. Dve vā tīṇi vā kulānīti devamanussavasena dve vā tayo vā bhaveti ayampi missakabhavena kathito. Jātassa kumārassa viya ariyāya jātiyā jātassa nāmametaṃ, yadidaṃ niyatoti sattakkhattuparamādikoti ca samaññāti dassento āha ‘‘bhagavatā gahitanāmavasenevā’’tiādi.
яад̣̇и буб̣б̣ахзд̇унияамад̇о сод̇аабанно жа нияад̇од̇и сод̇аабад̇д̇имаг̇г̇ад̇о уд̣̇д̇хам̣ д̇ин̣н̣ам̣ маг̇г̇аанам̣ убаниссаяаабхаавад̇о буб̣б̣ахзд̇угижжам̣ над̇т̇ийд̇и сод̇аабад̇д̇имаг̇г̇асса убаниссаяабхааво аабаж̇ж̇ад̇и. яад̣̇и д̇ассаби буб̣б̣ахзд̇уубаниссаяо сияаа, д̇аава нияамад̇о сод̇аабад̇д̇имаг̇г̇уббад̇д̇ид̇о буб̣б̣з зва нияамид̇о, яааван̃жа аганидтам̣ д̇асса буб̣б̣ахзд̇у наама , ахзд̇угад̇аа аабаннаа, ижжасса ахзд̇у аббажжаяаа нибпад̇д̇и баабун̣аад̇и. гин̃жа хзд̇у жз? нияамад̇о сод̇аабанно жа нияад̇од̇и батамамаг̇г̇аад̇хиг̇амзнзва ануггамзна убари д̇ин̣н̣ам̣ маг̇г̇аанам̣ гижжаани нибпаж̇ж̇анд̇и, звам̣ сад̇д̇агкад̇д̇убарамад̇аад̣̇инияамз сад̇и сад̇д̇амабхаваад̣̇ид̇о уд̣̇д̇хам̣ бавад̇д̇ад̇ааяа д̣̇угкасса муулабхууд̇аа гилзсаа батамамаг̇г̇знзва кийн̣аад̇и убари д̇аяо маг̇г̇аа агижжаа сияум̣. д̇знааха ‘‘батамамаг̇г̇асса убаниссаяо гад̇о наамаа’’д̇иаад̣̇и.
Yadi pubbahetuniyamato sotāpanno ca niyatoti sotāpattimaggato uddhaṃ tiṇṇaṃ maggānaṃ upanissayābhāvato pubbahetukiccaṃ natthīti sotāpattimaggassa upanissayabhāvo āpajjati. Yadi tassapi pubbahetuupanissayo siyā, tāva niyamato sotāpattimagguppattito pubbe eva niyamito, yāvañca akaniṭṭhaṃ tassa pubbahetu nāma , ahetukatā āpannā, iccassa ahetu appaccayā nipphatti pāpuṇāti. Kiñca hetu ce? Niyamato sotāpanno ca niyatoti paṭhamamaggādhigameneva anukkamena upari tiṇṇaṃ maggānaṃ kiccāni nipphajjanti, evaṃ sattakkhattuparamatādiniyame sati sattamabhavādito uddhaṃ pavattatāya dukkhassa mūlabhūtā kilesā paṭhamamaggeneva khīṇāti upari tayo maggā akiccā siyuṃ. Tenāha ‘‘paṭhamamaggassa upanissayo kato nāmā’’tiādi.
яад̣̇и убари д̇аяо маг̇г̇аа сад̇д̇агкад̇д̇убарамаад̣̇ид̇ам̣ нияамзнд̇и, д̇ад̇о жа ан̃н̃о сод̇аабанно над̇т̇ийд̇и сод̇аабад̇д̇имаг̇г̇асса агижжагад̇аа ниббаяож̇анад̇аа аабаж̇ж̇зяяа. ат̇а саггааяад̣̇идтиаад̣̇иббахаанам̣ д̇асса гижжам̣, д̇зсам̣ д̇зсам̣ бахаанзна сад̇д̇агкад̇д̇убарамаад̣̇инияамад̇ааяа. бхавид̇аб̣б̣ам̣, яаава убаримаг̇г̇аа зва хонд̇ийд̇и сад̇д̇абхаваад̣̇ид̇о уд̣̇д̇хамабавад̇д̇анад̇о д̇зна винаанзна саггааяад̣̇идтиаад̣̇иббахаанзна жа д̇зна винаа бхавид̇аб̣б̣анд̇и ааха – ‘‘батамамаг̇г̇з ануббаннзва убари д̇аяо маг̇г̇аа уббаннаад̇и аабаж̇ж̇ад̇ий’’д̇и. д̇ин̣н̣ам̣ маг̇г̇аананд̇и убари д̇ин̣н̣ам̣ маг̇г̇аанам̣. вибассанаа нияамзд̇ийд̇и яуж̇ж̇ад̇ийд̇и вуд̇д̇амад̇т̇ам̣ виваранд̇о ‘‘сажз хий’’д̇иаад̣̇имааха.
Yadi upari tayo maggā sattakkhattuparamāditaṃ niyamenti, tato ca añño sotāpanno natthīti sotāpattimaggassa akiccakatā nippayojanatā āpajjeyya. Atha sakkāyadiṭṭhiādippahānaṃ tassa kiccaṃ, tesaṃ tesaṃ pahānena sattakkhattuparamādiniyamatāya. Bhavitabbaṃ, yāva uparimaggā eva hontīti sattabhavādito uddhamapavattanato tena vinānena sakkāyadiṭṭhiādippahānena ca tena vinā bhavitabbanti āha – ‘‘paṭhamamagge anuppanneva upari tayo maggā uppannāti āpajjatī’’ti. Tiṇṇaṃ maggānanti upari tiṇṇaṃ maggānaṃ. Vipassanā niyametīti yujjatīti vuttamatthaṃ vivaranto ‘‘sace hī’’tiādimāha.
сод̇аабанно ваддаж̇жхаасаяо. д̇ад̇рзгажжз баагадз бан̃н̃аад̇з д̣̇ассзнд̇о ‘‘анаат̇абин̣д̣иго’’д̇иаад̣̇имааха. ид̇хадтагавогин̣н̣асугкавибассагассаад̇и яо имасмим̣ гаамабхавз тид̇о мануссад̣̇звавасзна вогин̣н̣абхавуубабад̇д̇иго сугкавибассаго жа, д̇асса васзна. наамам̣ гат̇ид̇анд̇и сад̇д̇агкад̇д̇убарамод̇и наамам̣ гат̇ид̇ам̣. гзжи бана ‘‘гаамабхавз сад̇д̇агкад̇д̇ум̣язва уббаж̇ж̇ад̇и, на д̇ад̇о’’д̇и вад̣̇анд̇и, д̇ам̣ виймам̣сид̇аб̣б̣ам̣.
Sotāpanno vaṭṭajjhāsayo. Tatrekacce pākaṭe paññāte dassento ‘‘anāthapiṇḍiko’’tiādimāha. Idhaṭṭhakavokiṇṇasukkhavipassakassāti yo imasmiṃ kāmabhave ṭhito manussadevavasena vokiṇṇabhavūpapattiko sukkhavipassako ca, tassa vasena. Nāmaṃ kathitanti sattakkhattuparamoti nāmaṃ kathitaṃ. Keci pana ‘‘kāmabhave sattakkhattuṃyeva uppajjati, na tato’’ti vadanti, taṃ vīmaṃsitabbaṃ.
сод̇хзссаамийд̇и ж̇амб̣уд̣̇ийбз гзнажи д̇збидагзна бхигкунаа сад̣̇д̇хим̣ бидагад̇д̇аяамзва маяхам̣ уг̇г̇ахабарибужчаавасзна сод̇хзяяаамийд̇и барад̇ийрам̣ ж̇амб̣уд̣̇ийбам̣ г̇ад̇о. яо бхигку саггод̇ийд̇и яож̇анаа. анижжаанубассанаад̣̇ийсу згамукзна абхинивидтзнаби абхид̇хаммабарияааязна д̇ийхи зва вимогкзхи маг̇г̇ам̣ лабхад̇ийд̇и абхинивзсабхзд̣̇зна д̇аяо буг̇г̇алаа сун̃н̃ад̇ад̇о вудтид̇аа, д̇ат̇аа д̇аяо аббан̣ихид̇ад̇о вудтид̇аад̇и ча хонд̇и, д̇зва сад̣̇д̇хаад̇хурабан̃н̃аад̇хуравасзна д̣̇ваад̣̇аса сагад̣̇ааг̇аамино. д̇ат̇аа араханд̇о, д̇аяо анд̇араабариниб̣б̣ааяино зго убахажжабариниб̣б̣ааяий зго уд̣̇д̇хам̣сод̇о аганидтаг̇аамийд̇и бан̃жа, д̇з асан̇каарасасан̇каарабариниб̣б̣ааяибхзд̣̇зна д̣̇асаад̇и авихаад̣̇ийсу жад̇уусуби жад̇д̇аалийса, аганидтз бана уд̣̇д̇хам̣сод̇о над̇т̇ийд̇и адтажад̇д̇аалийса анааг̇аамино. вибассанаа гат̇ид̇аа саммасанажаарасса гат̇ид̇ад̇д̇аа.
Sodhessāmīti jambudīpe kenaci tepiṭakena bhikkhunā saddhiṃ piṭakattayameva mayhaṃ uggahaparipucchāvasena sodheyyāmīti paratīraṃ jambudīpaṃ gato. Yo bhikkhu sakkotīti yojanā. Aniccānupassanādīsu ekamukhena abhiniviṭṭhenapi abhidhammapariyāyena tīhi eva vimokkhehi maggaṃ labhatīti abhinivesabhedena tayo puggalā suññatato vuṭṭhitā, tathā tayo appaṇihitato vuṭṭhitāti cha honti, teva saddhādhurapaññādhuravasena dvādasa sakadāgāmino. Tathā arahanto, tayo antarāparinibbāyino eko upahaccaparinibbāyī eko uddhaṃsoto akaniṭṭhagāmīti pañca, te asaṅkhārasasaṅkhāraparinibbāyibhedena dasāti avihādīsu catūsupi cattālīsa, akaniṭṭhe pana uddhaṃsoto natthīti aṭṭhacattālīsa anāgāmino. Vipassanā kathitā sammasanacārassa kathitattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. згаб̣ийж̇ийсуд̇д̇ам̣ • 4. Ekabījīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. згаб̣ийж̇ийсуд̇д̇аван̣н̣анаа • 4. Ekabījīsuttavaṇṇanā
