| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. ஏகச்சங்அத்தீ²திகதா²
7. Ekaccaṃatthītikathā
1. அதீதாதி³ஏகச்சகதா²வண்ணனா
1. Atītādiekaccakathāvaṇṇanā
299. இதா³னி ஏகச்சங் அத்தீ²தி கதா² ஹோதி. தத்த² யே ‘‘ஏகச்சங் அதீதங் அத்தீ²’’தி மஞ்ஞந்தி, ஸெய்யதா²பி கஸ்ஸபிகா; தேஸங் லத்³தி⁴பி⁴ந்த³னத்த²ங் அதீதங் அத்தீ²தி புச்சா² ஸகவாதி³ஸ்ஸ, ஏகச்சங் அத்தீ²தி விஸ்ஸஜ்ஜனங் பரவாதி³ஸ்ஸ. அயஞ்ஹி அதி⁴ப்பாயோ – அவிபக்கவிபாகங் அத்தி², விபக்கவிபாகங் நத்தீ²தி. ஏகச்சங் நிருத்³த⁴ந்தி அனுயோகோ³ ஸகவாதி³ஸ்ஸ. தஸ்ஸத்தோ² – யதி³ தே அதீதங் ஏகச்சங் அத்தி² ஏகச்சங் நத்தி², ஏவங் ஸந்தே ஏகச்சங் அதீதங் நிருத்³த⁴ங், ஏகச்சங் அதீதங் அனிருத்³த⁴ங், ததே²வ டி²தந்தி ஆபஜ்ஜதி. விக³தந்திஆதீ³ஸுபி ஏஸேவ நயோ.
299. Idāni ekaccaṃ atthīti kathā hoti. Tattha ye ‘‘ekaccaṃ atītaṃ atthī’’ti maññanti, seyyathāpi kassapikā; tesaṃ laddhibhindanatthaṃ atītaṃ atthīti pucchā sakavādissa, ekaccaṃ atthīti vissajjanaṃ paravādissa. Ayañhi adhippāyo – avipakkavipākaṃ atthi, vipakkavipākaṃ natthīti. Ekaccaṃ niruddhanti anuyogo sakavādissa. Tassattho – yadi te atītaṃ ekaccaṃ atthi ekaccaṃ natthi, evaṃ sante ekaccaṃ atītaṃ niruddhaṃ, ekaccaṃ atītaṃ aniruddhaṃ, tatheva ṭhitanti āpajjati. Vigatantiādīsupi eseva nayo.
அவிபக்கவிபாகத⁴ம்மா ஏகச்சேதி இத³ங் யஸ்மா யேஸங் ஸோ அவிபக்கவிபாகானங் அத்தி²தங் இச்ச²தி, தேபி அதீதாயேவ. தஸ்மா யதா² தே அதீதங் ஏகச்சங் அத்தி², கிங் ததா² அவிபக்கவிபாகாபி த⁴ம்மா ஏகச்சே அத்தீ² ஏகச்சே நத்தீ²தி சோதே³துங் வுத்தங். விபக்கவிபாகாதி இத³ங் யேஸங் ஸோ நத்தி²தங் இச்ச²தி, தேஸங் வஸேன சோதே³துங் வுத்தங். அவிபாகாதி இத³ங் அப்³யாகதானங் வஸேன சோதே³துங் வுத்தங். இதி இமேஸங் திண்ணங் ராஸீனங் வஸேன ஸப்³பே³ஸு அனுலோமபடிலோமேஸு படிஞ்ஞா ச படிக்கே²போ ச வேதி³தப்³பா³. அதீதா ஏகதே³ஸங் விபக்கவிபாகா, ஏகதே³ஸங் அவிபக்கவிபாகாதி விப்பகதவிபாகா வுச்சந்தி. யேன ஹி கம்மேன படிஸந்தி⁴ நிப்³ப³த்திதா, ப⁴வங்க³ம்பி சுதிபி தஸ்ஸேவ விபாகோ. தஸ்மா படிஸந்தி⁴தோ யாவ சுதி, தாவ தங் விப்பகதவிபாகங் நாம ஹோதி. ததா²ரூபே த⁴ம்மே ஸந்தா⁴யேதங் வுத்தங்.
Avipakkavipākadhammā ekacceti idaṃ yasmā yesaṃ so avipakkavipākānaṃ atthitaṃ icchati, tepi atītāyeva. Tasmā yathā te atītaṃ ekaccaṃ atthi, kiṃ tathā avipakkavipākāpi dhammā ekacce atthī ekacce natthīti codetuṃ vuttaṃ. Vipakkavipākāti idaṃ yesaṃ so natthitaṃ icchati, tesaṃ vasena codetuṃ vuttaṃ. Avipākāti idaṃ abyākatānaṃ vasena codetuṃ vuttaṃ. Iti imesaṃ tiṇṇaṃ rāsīnaṃ vasena sabbesu anulomapaṭilomesu paṭiññā ca paṭikkhepo ca veditabbā. Atītā ekadesaṃ vipakkavipākā, ekadesaṃ avipakkavipākāti vippakatavipākā vuccanti. Yena hi kammena paṭisandhi nibbattitā, bhavaṅgampi cutipi tasseva vipāko. Tasmā paṭisandhito yāva cuti, tāva taṃ vippakatavipākaṃ nāma hoti. Tathārūpe dhamme sandhāyetaṃ vuttaṃ.
விபச்சிஸ்ஸந்தீதி கத்வா தே அத்தீ²தி புச்சா² ஸகவாதி³ஸ்ஸ. யதா² த⁴ம்மத⁴ரஸ்ஸ புக்³க³லஸ்ஸ நித்³தா³யந்தஸ்ஸாபி ப³ஹுபவத்தினோ த⁴ம்மா அத்தீ²தி வுச்சந்தி, ஏவங் லோகவோஹாரவஸேன அத்தி²தங் ஸந்தா⁴ய படிஞ்ஞா பரவாதி³ஸ்ஸ. விபச்சிஸ்ஸந்தீதி கத்வா பச்சுபன்னாதி து³தியபஞ்ஹே ‘‘கம்மானங் அவினாஸஸங்கா²தோ கம்மூபசயோ நாமேகோ அத்தீ²’’தி லத்³தி⁴யங் ட²த்வா படிஞ்ஞா பரவாதி³ஸ்ஸ.
Vipaccissantīti katvā te atthīti pucchā sakavādissa. Yathā dhammadharassa puggalassa niddāyantassāpi bahupavattino dhammā atthīti vuccanti, evaṃ lokavohāravasena atthitaṃ sandhāya paṭiññā paravādissa. Vipaccissantīti katvā paccupannāti dutiyapañhe ‘‘kammānaṃ avināsasaṅkhāto kammūpacayo nāmeko atthī’’ti laddhiyaṃ ṭhatvā paṭiññā paravādissa.
2. அனாக³தாதி³ஏகச்சகதா²வண்ணனா
2. Anāgatādiekaccakathāvaṇṇanā
300. அனாக³தங் அத்தீ²திஆதீ³ஸுபி ஏகச்சங் அத்தீ²தி உப்பாதி³னோ த⁴ம்மே ஸந்தா⁴ய வத³தி. ஸேஸங் ஸப்³ப³த்த² ஹெட்டா² வுத்தனயத்தா உத்தானத்த²மேவாதி.
300. Anāgataṃatthītiādīsupi ekaccaṃ atthīti uppādino dhamme sandhāya vadati. Sesaṃ sabbattha heṭṭhā vuttanayattā uttānatthamevāti.
ஏகச்சங்அத்தீ²திகதா²வண்ணனா.
Ekaccaṃatthītikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / 7. ஏகச்சங் அத்தீ²திகதா² • 7. Ekaccaṃ atthītikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. ஏகச்சங்அத்தீ²திகதா² • 7. Ekaccaṃatthītikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. ஏகச்சங்அத்தீ²திகதா² • 7. Ekaccaṃatthītikathā
