| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੭. ਏਕਚ੍ਚਂਅਤ੍ਥੀਤਿਕਥਾ
7. Ekaccaṃatthītikathā
੧. ਅਤੀਤਾਦਿਏਕਚ੍ਚਕਥਾવਣ੍ਣਨਾ
1. Atītādiekaccakathāvaṇṇanā
੨੯੯. ਇਦਾਨਿ ਏਕਚ੍ਚਂ ਅਤ੍ਥੀਤਿ ਕਥਾ ਹੋਤਿ। ਤਤ੍ਥ ਯੇ ‘‘ਏਕਚ੍ਚਂ ਅਤੀਤਂ ਅਤ੍ਥੀ’’ਤਿ ਮਞ੍ਞਨ੍ਤਿ, ਸੇਯ੍ਯਥਾਪਿ ਕਸ੍ਸਪਿਕਾ; ਤੇਸਂ ਲਦ੍ਧਿਭਿਨ੍ਦਨਤ੍ਥਂ ਅਤੀਤਂ ਅਤ੍ਥੀਤਿ ਪੁਚ੍ਛਾ ਸਕવਾਦਿਸ੍ਸ, ਏਕਚ੍ਚਂ ਅਤ੍ਥੀਤਿ વਿਸ੍ਸਜ੍ਜਨਂ ਪਰવਾਦਿਸ੍ਸ। ਅਯਞ੍ਹਿ ਅਧਿਪ੍ਪਾਯੋ – ਅવਿਪਕ੍ਕવਿਪਾਕਂ ਅਤ੍ਥਿ, વਿਪਕ੍ਕવਿਪਾਕਂ ਨਤ੍ਥੀਤਿ। ਏਕਚ੍ਚਂ ਨਿਰੁਦ੍ਧਨ੍ਤਿ ਅਨੁਯੋਗੋ ਸਕવਾਦਿਸ੍ਸ। ਤਸ੍ਸਤ੍ਥੋ – ਯਦਿ ਤੇ ਅਤੀਤਂ ਏਕਚ੍ਚਂ ਅਤ੍ਥਿ ਏਕਚ੍ਚਂ ਨਤ੍ਥਿ, ਏવਂ ਸਨ੍ਤੇ ਏਕਚ੍ਚਂ ਅਤੀਤਂ ਨਿਰੁਦ੍ਧਂ, ਏਕਚ੍ਚਂ ਅਤੀਤਂ ਅਨਿਰੁਦ੍ਧਂ, ਤਥੇવ ਠਿਤਨ੍ਤਿ ਆਪਜ੍ਜਤਿ। વਿਗਤਨ੍ਤਿਆਦੀਸੁਪਿ ਏਸੇવ ਨਯੋ।
299. Idāni ekaccaṃ atthīti kathā hoti. Tattha ye ‘‘ekaccaṃ atītaṃ atthī’’ti maññanti, seyyathāpi kassapikā; tesaṃ laddhibhindanatthaṃ atītaṃ atthīti pucchā sakavādissa, ekaccaṃ atthīti vissajjanaṃ paravādissa. Ayañhi adhippāyo – avipakkavipākaṃ atthi, vipakkavipākaṃ natthīti. Ekaccaṃ niruddhanti anuyogo sakavādissa. Tassattho – yadi te atītaṃ ekaccaṃ atthi ekaccaṃ natthi, evaṃ sante ekaccaṃ atītaṃ niruddhaṃ, ekaccaṃ atītaṃ aniruddhaṃ, tatheva ṭhitanti āpajjati. Vigatantiādīsupi eseva nayo.
ਅવਿਪਕ੍ਕવਿਪਾਕਧਮ੍ਮਾ ਏਕਚ੍ਚੇਤਿ ਇਦਂ ਯਸ੍ਮਾ ਯੇਸਂ ਸੋ ਅવਿਪਕ੍ਕવਿਪਾਕਾਨਂ ਅਤ੍ਥਿਤਂ ਇਚ੍ਛਤਿ, ਤੇਪਿ ਅਤੀਤਾਯੇવ। ਤਸ੍ਮਾ ਯਥਾ ਤੇ ਅਤੀਤਂ ਏਕਚ੍ਚਂ ਅਤ੍ਥਿ, ਕਿਂ ਤਥਾ ਅવਿਪਕ੍ਕવਿਪਾਕਾਪਿ ਧਮ੍ਮਾ ਏਕਚ੍ਚੇ ਅਤ੍ਥੀ ਏਕਚ੍ਚੇ ਨਤ੍ਥੀਤਿ ਚੋਦੇਤੁਂ વੁਤ੍ਤਂ। વਿਪਕ੍ਕવਿਪਾਕਾਤਿ ਇਦਂ ਯੇਸਂ ਸੋ ਨਤ੍ਥਿਤਂ ਇਚ੍ਛਤਿ, ਤੇਸਂ વਸੇਨ ਚੋਦੇਤੁਂ વੁਤ੍ਤਂ। ਅવਿਪਾਕਾਤਿ ਇਦਂ ਅਬ੍ਯਾਕਤਾਨਂ વਸੇਨ ਚੋਦੇਤੁਂ વੁਤ੍ਤਂ। ਇਤਿ ਇਮੇਸਂ ਤਿਣ੍ਣਂ ਰਾਸੀਨਂ વਸੇਨ ਸਬ੍ਬੇਸੁ ਅਨੁਲੋਮਪਟਿਲੋਮੇਸੁ ਪਟਿਞ੍ਞਾ ਚ ਪਟਿਕ੍ਖੇਪੋ ਚ વੇਦਿਤਬ੍ਬਾ। ਅਤੀਤਾ ਏਕਦੇਸਂ વਿਪਕ੍ਕવਿਪਾਕਾ, ਏਕਦੇਸਂ ਅવਿਪਕ੍ਕવਿਪਾਕਾਤਿ વਿਪ੍ਪਕਤવਿਪਾਕਾ વੁਚ੍ਚਨ੍ਤਿ। ਯੇਨ ਹਿ ਕਮ੍ਮੇਨ ਪਟਿਸਨ੍ਧਿ ਨਿਬ੍ਬਤ੍ਤਿਤਾ, ਭવਙ੍ਗਮ੍ਪਿ ਚੁਤਿਪਿ ਤਸ੍ਸੇવ વਿਪਾਕੋ। ਤਸ੍ਮਾ ਪਟਿਸਨ੍ਧਿਤੋ ਯਾવ ਚੁਤਿ, ਤਾવ ਤਂ વਿਪ੍ਪਕਤવਿਪਾਕਂ ਨਾਮ ਹੋਤਿ। ਤਥਾਰੂਪੇ ਧਮ੍ਮੇ ਸਨ੍ਧਾਯੇਤਂ વੁਤ੍ਤਂ।
Avipakkavipākadhammā ekacceti idaṃ yasmā yesaṃ so avipakkavipākānaṃ atthitaṃ icchati, tepi atītāyeva. Tasmā yathā te atītaṃ ekaccaṃ atthi, kiṃ tathā avipakkavipākāpi dhammā ekacce atthī ekacce natthīti codetuṃ vuttaṃ. Vipakkavipākāti idaṃ yesaṃ so natthitaṃ icchati, tesaṃ vasena codetuṃ vuttaṃ. Avipākāti idaṃ abyākatānaṃ vasena codetuṃ vuttaṃ. Iti imesaṃ tiṇṇaṃ rāsīnaṃ vasena sabbesu anulomapaṭilomesu paṭiññā ca paṭikkhepo ca veditabbā. Atītā ekadesaṃ vipakkavipākā, ekadesaṃ avipakkavipākāti vippakatavipākā vuccanti. Yena hi kammena paṭisandhi nibbattitā, bhavaṅgampi cutipi tasseva vipāko. Tasmā paṭisandhito yāva cuti, tāva taṃ vippakatavipākaṃ nāma hoti. Tathārūpe dhamme sandhāyetaṃ vuttaṃ.
વਿਪਚ੍ਚਿਸ੍ਸਨ੍ਤੀਤਿ ਕਤ੍વਾ ਤੇ ਅਤ੍ਥੀਤਿ ਪੁਚ੍ਛਾ ਸਕવਾਦਿਸ੍ਸ। ਯਥਾ ਧਮ੍ਮਧਰਸ੍ਸ ਪੁਗ੍ਗਲਸ੍ਸ ਨਿਦ੍ਦਾਯਨ੍ਤਸ੍ਸਾਪਿ ਬਹੁਪવਤ੍ਤਿਨੋ ਧਮ੍ਮਾ ਅਤ੍ਥੀਤਿ વੁਚ੍ਚਨ੍ਤਿ, ਏવਂ ਲੋਕવੋਹਾਰવਸੇਨ ਅਤ੍ਥਿਤਂ ਸਨ੍ਧਾਯ ਪਟਿਞ੍ਞਾ ਪਰવਾਦਿਸ੍ਸ। વਿਪਚ੍ਚਿਸ੍ਸਨ੍ਤੀਤਿ ਕਤ੍વਾ ਪਚ੍ਚੁਪਨ੍ਨਾਤਿ ਦੁਤਿਯਪਞ੍ਹੇ ‘‘ਕਮ੍ਮਾਨਂ ਅવਿਨਾਸਸਙ੍ਖਾਤੋ ਕਮ੍ਮੂਪਚਯੋ ਨਾਮੇਕੋ ਅਤ੍ਥੀ’’ਤਿ ਲਦ੍ਧਿਯਂ ਠਤ੍વਾ ਪਟਿਞ੍ਞਾ ਪਰવਾਦਿਸ੍ਸ।
Vipaccissantīti katvā te atthīti pucchā sakavādissa. Yathā dhammadharassa puggalassa niddāyantassāpi bahupavattino dhammā atthīti vuccanti, evaṃ lokavohāravasena atthitaṃ sandhāya paṭiññā paravādissa. Vipaccissantīti katvā paccupannāti dutiyapañhe ‘‘kammānaṃ avināsasaṅkhāto kammūpacayo nāmeko atthī’’ti laddhiyaṃ ṭhatvā paṭiññā paravādissa.
੨. ਅਨਾਗਤਾਦਿਏਕਚ੍ਚਕਥਾવਣ੍ਣਨਾ
2. Anāgatādiekaccakathāvaṇṇanā
੩੦੦. ਅਨਾਗਤਂ ਅਤ੍ਥੀਤਿਆਦੀਸੁਪਿ ਏਕਚ੍ਚਂ ਅਤ੍ਥੀਤਿ ਉਪ੍ਪਾਦਿਨੋ ਧਮ੍ਮੇ ਸਨ੍ਧਾਯ વਦਤਿ। ਸੇਸਂ ਸਬ੍ਬਤ੍ਥ ਹੇਟ੍ਠਾ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਮੇવਾਤਿ।
300. Anāgataṃatthītiādīsupi ekaccaṃ atthīti uppādino dhamme sandhāya vadati. Sesaṃ sabbattha heṭṭhā vuttanayattā uttānatthamevāti.
ਏਕਚ੍ਚਂਅਤ੍ਥੀਤਿਕਥਾવਣ੍ਣਨਾ।
Ekaccaṃatthītikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / ੭. ਏਕਚ੍ਚਂ ਅਤ੍ਥੀਤਿਕਥਾ • 7. Ekaccaṃ atthītikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਏਕਚ੍ਚਂਅਤ੍ਥੀਤਿਕਥਾ • 7. Ekaccaṃatthītikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਏਕਚ੍ਚਂਅਤ੍ਥੀਤਿਕਥਾ • 7. Ekaccaṃatthītikathā
