| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੭. ਏਕਚ੍ਚਂਅਤ੍ਥੀਤਿਕਥਾ
7. Ekaccaṃatthītikathā
੧. ਅਤੀਤਾਦਿਏਕਚ੍ਚਕਥਾવਣ੍ਣਨਾ
1. Atītādiekaccakathāvaṇṇanā
੨੯੯. ਯੇ ਕਤੂਪਚਿਤਾ ਕੁਸਲਾਕੁਸਲਾ ਧਮ੍ਮਾ વਿਪਾਕਦਾਨਾਯ ਅਕਤੋਕਾਸਾ, ਕਤੋਕਾਸਾ ਚ ਯੇ ‘‘ਓਕਾਸਕਤੁਪ੍ਪਨ੍ਨਾ’’ਤਿ વੁਚ੍ਚਨ੍ਤਿ। ਯੇ ਚ વਿਪ੍ਪਕਤવਿਪਾਕਾ, ਤੇ ਸਬ੍ਬੇਪਿ ‘‘ਅવਿਪਕ੍ਕવਿਪਾਕਾ’’ਤਿ વੇਦਿਤਬ੍ਬਾ। ਤੇਸਂ વਿਪਾਕਦਾਨਸਾਮਤ੍ਥਿਯਂ ਅਨਪਗਤਨ੍ਤਿ ਅਧਿਪ੍ਪਾਯੇਨ ਪਰવਾਦੀ ਅਤ੍ਥਿਤਂ ਇਚ੍ਛਤਿ। ਯੇ ਪਨ ਪਰવਾਦੀ ਸਬ੍ਬੇਨ ਸਬ੍ਬਂ વਿਪਕ੍ਕવਿਪਾਕਾ ਕੁਸਲਾਕੁਸਲਾ ਧਮ੍ਮਾ, ਤੇਸਂ ਅਪਗਤਨ੍ਤਿ ਨਤ੍ਥਿਤਂ ਇਚ੍ਛਤਿ। ਤੇਨਾਹ ‘‘ਅਤ੍ਥੀਤਿ ਏਕਚ੍ਚਂ ਅਤ੍ਥਿ ਏਕਚ੍ਚਂ ਨਤ੍ਥੀ’’ਤਿਆਦਿ। ਏવਂ ਇਚ੍ਛਨ੍ਤਸ੍ਸ ਪਨ ਪਰવਾਦਿਨੋ ਯਥਾ ਅવਿਪਾਕੇਸੁਪਿ ਏਕਚ੍ਚਂ ਨਤ੍ਥੀਤਿ ਆਪਜ੍ਜਤਿ, ਏવਂ વਿਪਕ੍ਕવਿਪਾਕੇਸੁ ਅવਿਪਕ੍ਕવਿਪਾਕੇਸੁ ਚ ਆਪਜ੍ਜਤੇવਾਤਿ ਦਸ੍ਸੇਤੁਂ ‘‘ਅવਿਪਕ੍ਕવਿਪਾਕਾ ਧਮ੍ਮਾ ਏਕਚ੍ਚੇ’’ਤਿਆਦਿਨਾ ਪਾਲ਼ਿ ਪવਤ੍ਤਾ। ਤੇਨ વੁਤ੍ਤਂ ‘‘ਤਿਣ੍ਣਂ ਰਾਸੀਨਂ વਸੇਨਾ’’ਤਿਆਦਿ। વੋਹਾਰવਸੇਨਾਤਿ ਫਲਸ੍ਸ ਅਨੁਪਰਮવੋਹਾਰવਸੇਨ, ਹੇਤੁਕਿਚ੍ਚਂ ਪਨ ਅਨੁਪਰਤਂ ਅਨੁਪਚ੍ਛਿਨ੍ਨਂ ਅਤ੍ਥੀਤਿ ਲਦ੍ਧਿਯਂ ਠਿਤਤ੍ਤਾ ਚੋਦੇਤਬ੍ਬੋવ। ਅવਿਚ੍ਛੇਦવਸੇਨ ਪવਤ੍ਤਮਾਨਞ੍ਹਿ ਫਲਸ੍ਸ ਪਬਨ੍ਧવੋਹਾਰਂ ਪਰવਾਦੀ વੋਹਾਰਤੋ ਅਤ੍ਥੀਤਿ ਇਚ੍ਛਤਿ, ਹੇਤੁ ਪਨਸ੍ਸ ਕਮ੍ਮਂ ਪਰਮਤ੍ਥਤੋ ਚ ਕਮ੍ਮੂਪਚਯવਾਦਿਭਾવਤੋ ਪਤ੍ਤਿਅਪ੍ਪਤ੍ਤਿਸਭਾવਤਾਦਯੋ વਿਯ ਚਿਤ੍ਤવਿਪ੍ਪਯੁਤ੍ਤੋ ਕਮ੍ਮੂਪਚਯੋ ਨਾਮ ਏਕੋ ਸਙ੍ਖਾਰਧਮ੍ਮੋ ਅવਿਪਨ੍ਨੋ, ਸੋਪਿ ਤਸ੍ਸੇવ વੇવਚਨਨ੍ਤਿ ਪਰવਾਦੀ। ਯਂ ਸਨ੍ਧਾਯਾਹ –
299. Ye katūpacitā kusalākusalā dhammā vipākadānāya akatokāsā, katokāsā ca ye ‘‘okāsakatuppannā’’ti vuccanti. Ye ca vippakatavipākā, te sabbepi ‘‘avipakkavipākā’’ti veditabbā. Tesaṃ vipākadānasāmatthiyaṃ anapagatanti adhippāyena paravādī atthitaṃ icchati. Ye pana paravādī sabbena sabbaṃ vipakkavipākā kusalākusalā dhammā, tesaṃ apagatanti natthitaṃ icchati. Tenāha ‘‘atthīti ekaccaṃ atthi ekaccaṃ natthī’’tiādi. Evaṃ icchantassa pana paravādino yathā avipākesupi ekaccaṃ natthīti āpajjati, evaṃ vipakkavipākesu avipakkavipākesu ca āpajjatevāti dassetuṃ ‘‘avipakkavipākā dhammā ekacce’’tiādinā pāḷi pavattā. Tena vuttaṃ ‘‘tiṇṇaṃ rāsīnaṃ vasenā’’tiādi. Vohāravasenāti phalassa anuparamavohāravasena, hetukiccaṃ pana anuparataṃ anupacchinnaṃ atthīti laddhiyaṃ ṭhitattā codetabbova. Avicchedavasena pavattamānañhi phalassa pabandhavohāraṃ paravādī vohārato atthīti icchati, hetu panassa kammaṃ paramatthato ca kammūpacayavādibhāvato pattiappattisabhāvatādayo viya cittavippayutto kammūpacayo nāma eko saṅkhāradhammo avipanno, sopi tasseva vevacananti paravādī. Yaṃ sandhāyāha –
‘‘ਨਪ੍ਪਚਯਨ੍ਤਿ ਕਮ੍ਮਾਨਿ, ਅਪਿ ਕਪ੍ਪਸਹਸ੍ਸਤੋ।
‘‘Nappacayanti kammāni, api kappasahassato;
ਪਤ੍વਾ ਪਚ੍ਚਯਸਾਮਗ੍ਗਿਂ, ਕਾਲੇ ਪਚ੍ਚਨ੍ਤਿ ਪਾਣਿਨ’’ਨ੍ਤਿ॥
Patvā paccayasāmaggiṃ, kāle paccanti pāṇina’’nti.
ਯਞ੍ਚ ਸਨ੍ਧਾਯ ਪਰਤੋ ਪਰਿਭੋਗਮਯਪੁਞ੍ਞਕਥਾਯ ‘‘ਪਰਿਭੋਗਮਯਂ ਪਨ ਚਿਤ੍ਤવਿਪ੍ਪਯੁਤ੍ਤਂ ਉਪ੍ਪਜ੍ਜਤੀਤਿ ਲਦ੍ਧਿਯਾ ਪਟਿਜਾਨਾਤੀ’’ਤਿ વਕ੍ਖਤਿ।
Yañca sandhāya parato paribhogamayapuññakathāya ‘‘paribhogamayaṃ pana cittavippayuttaṃ uppajjatīti laddhiyā paṭijānātī’’ti vakkhati.
ਏਕਚ੍ਚਂਅਤ੍ਥੀਤਿਕਥਾવਣ੍ਣਨਾ ਨਿਟ੍ਠਿਤਾ।
Ekaccaṃatthītikathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / ੭. ਏਕਚ੍ਚਂ ਅਤ੍ਥੀਤਿਕਥਾ • 7. Ekaccaṃ atthītikathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਏਕਚ੍ਚਂਅਤ੍ਥੀਤਿਕਥਾ • 7. Ekaccaṃatthītikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਏਕਚ੍ਚਂਅਤ੍ਥੀਤਿਕਥਾ • 7. Ekaccaṃatthītikathā
