| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
згаад̣̇асагаваараван̣н̣анаа
Ekādasakavāravaṇṇanā
331. згаад̣̇асагзсу – згаад̣̇асаад̇и бан̣д̣агаад̣̇аяо згаад̣̇аса. згаад̣̇аса баад̣̇угаад̇и д̣̇аса рад̇анамаяаа, згаа гадтабаад̣̇угаа. д̇ин̣абаад̣̇угамун̃ж̇абаад̣̇угабаб̣б̣аж̇абаад̣̇угаад̣̇аяо бана гадтабаад̣̇угасан̇г̇ахамзва г̇ажчанд̇и. згаад̣̇аса бад̇д̇аад̇и д̇амб̣алохамаязна ваа д̣̇аарумаязна ваа сад̣̇д̇хим̣ д̣̇аса рад̇анамаяаа. згаад̣̇аса жийвараанийд̇и саб̣б̣анийлагаад̣̇ийни згаад̣̇аса. яаавад̇ад̇ияагаад̇и угкид̇д̇аанувад̇д̇игаа бхигкуний, сан̇гхаад̣̇исзсаа адта, аридто, жан̣д̣агаал̣ийд̇и. згаад̣̇аса анд̇арааяигаа наама ‘‘наси анимид̇д̇аа’’д̇и аад̣̇аяо. згаад̣̇аса жийвараани ад̇хидтаад̇аб̣б̣аанийд̇и д̇ижийварам̣, вассигасаадигаа, нисийд̣̇анам̣, бажжад̇т̇аран̣ам̣, ган̣д̣уббадижчаад̣̇и, мукабун̃чанажол̣ам̣, баригкааражол̣ам̣, уд̣̇агасаадигаа, сан̇гажжигаад̇и. на вигаббзд̇аб̣б̣аанийд̇и зд̇аанзва ад̇хидтид̇агаалад̇о бадтааяа на вигаббзд̇аб̣б̣аани. г̇ан̣тигаа жа вид̇хаа жа суд̇д̇амаязна сад̣̇д̇хим̣ згаад̣̇аса хонд̇и, д̇з саб̣б̣з куд̣̇д̣̇агагканд̇хагз нид̣̇д̣̇идтаа. бат̇авияо бат̇ависигкаабад̣̇з нид̣̇д̣̇идтаа. ниссаяабадибассад̣̇д̇хияо убаж̇жхааяамхаа бан̃жа, аажарияамхаа ча; звам̣ згаад̣̇аса. аванд̣̇ияабуг̇г̇алаа наг̇г̇зна сад̣̇д̇хим̣ згаад̣̇аса, д̇з саб̣б̣з сзнаасанагканд̇хагз нид̣̇д̣̇идтаа . згаад̣̇аса барамаани буб̣б̣з вуд̇д̇зсу жуд̣̇д̣̇асасу згаад̣̇асагавасзна яож̇зд̇ваа взд̣̇ид̇аб̣б̣аани. згаад̣̇аса вараанийд̇и махаабаж̇аабад̇ияаа яаажид̇аварзна сад̣̇д̇хим̣ буб̣б̣з вуд̇д̇аани д̣̇аса. згаад̣̇аса сиймаад̣̇осаад̇и ‘‘ад̇икуд̣̇д̣̇агам̣ сиймам̣ самманнанд̇ий’’д̇иаад̣̇инаа наязна гаммаваг̇г̇з ааг̇амиссанд̇и.
331. Ekādasakesu – ekādasāti paṇḍakādayo ekādasa. Ekādasa pādukāti dasa ratanamayā, ekā kaṭṭhapādukā. Tiṇapādukamuñjapādukapabbajapādukādayo pana kaṭṭhapādukasaṅgahameva gacchanti. Ekādasa pattāti tambalohamayena vā dārumayena vā saddhiṃ dasa ratanamayā. Ekādasa cīvarānīti sabbanīlakādīni ekādasa. Yāvatatiyakāti ukkhittānuvattikā bhikkhunī, saṅghādisesā aṭṭha, ariṭṭho, caṇḍakāḷīti. Ekādasa antarāyikā nāma ‘‘nasi animittā’’ti ādayo. Ekādasacīvarāni adhiṭṭhātabbānīti ticīvaraṃ, vassikasāṭikā, nisīdanaṃ, paccattharaṇaṃ, kaṇḍuppaṭicchādi, mukhapuñchanacoḷaṃ, parikkhāracoḷaṃ, udakasāṭikā, saṅkaccikāti. Na vikappetabbānīti etāneva adhiṭṭhitakālato paṭṭhāya na vikappetabbāni. Gaṇṭhikā ca vidhā ca suttamayena saddhiṃ ekādasa honti, te sabbe khuddakakkhandhake niddiṭṭhā. Pathaviyo pathavisikkhāpade niddiṭṭhā. Nissayapaṭipassaddhiyo upajjhāyamhā pañca, ācariyamhā cha; evaṃ ekādasa. Avandiyapuggalā naggena saddhiṃ ekādasa, te sabbe senāsanakkhandhake niddiṭṭhā . Ekādasa paramāni pubbe vuttesu cuddasasu ekādasakavasena yojetvā veditabbāni. Ekādasa varānīti mahāpajāpatiyā yācitavarena saddhiṃ pubbe vuttāni dasa. Ekādasa sīmādosāti ‘‘atikhuddakaṃ sīmaṃ sammannantī’’tiādinā nayena kammavagge āgamissanti.
аггосагабарибхаасагз буг̇г̇алз згаад̣̇асаад̣̇ийнаваа наама ‘‘яо со, бхигкавз, бхигку аггосаго барибхаасаго арияуубаваад̣̇ий, саб̣рахмажаарийнам̣ адтаанамзд̇ам̣ анавагаасо яам̣ со згаад̣̇асаннам̣ б̣яасанаанам̣ ан̃н̃ад̇арам̣ б̣яасанам̣ на ниг̇ажчзяяа. гад̇амзсам̣ згаад̣̇асаннам̣? анад̇хиг̇ад̇ам̣ наад̇хиг̇ажчад̇и, ад̇хиг̇ад̇аа барихааяад̇и, сад̣̇д̇хаммасса на вод̣̇ааяанд̇и, сад̣̇д̇хаммзсу ваа ад̇химааниго ход̇и, анабхирад̇о ваа б̣рахмажарияам̣ жарад̇и, ан̃н̃ад̇арам̣ ваа сам̣гилидтам̣ аабад̇д̇им̣ аабаж̇ж̇ад̇и, сигкам̣ ваа бажжагкааяа хийнааяаавад̇д̇ад̇и, г̇аал̣хам̣ ваа рог̇аад̇ан̇гам̣ пусад̇и, уммаад̣̇ам̣ ваа баабун̣аад̇и жид̇д̇агкзбам̣ ваа, саммуул̣хо гаалам̣ гарод̇и, гааяасса бхзд̣̇аа бараммаран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и (а. ни. 11.6). зд̇т̇а жа сад̣̇д̇хаммод̇и б̣уд̣̇д̇хаважанам̣ ад̇хиббзд̇ам̣.
Akkosakaparibhāsake puggale ekādasādīnavā nāma ‘‘yo so, bhikkhave, bhikkhu akkosako paribhāsako ariyūpavādī, sabrahmacārīnaṃ aṭṭhānametaṃ anavakāso yaṃ so ekādasannaṃ byasanānaṃ aññataraṃ byasanaṃ na nigaccheyya. Katamesaṃ ekādasannaṃ? Anadhigataṃ nādhigacchati, adhigatā parihāyati, saddhammassa na vodāyanti, saddhammesu vā adhimāniko hoti, anabhirato vā brahmacariyaṃ carati, aññataraṃ vā saṃkiliṭṭhaṃ āpattiṃ āpajjati, sikkhaṃ vā paccakkhāya hīnāyāvattati, gāḷhaṃ vā rogātaṅkaṃ phusati, ummādaṃ vā pāpuṇāti cittakkhepaṃ vā, sammūḷho kālaṃ karoti, kāyassa bhedā parammaraṇā apāyaṃ duggatiṃ vinipātaṃ nirayaṃ upapajjatī’’ti (a. ni. 11.6). Ettha ca saddhammoti buddhavacanaṃ adhippetaṃ.
аасзвид̇ааяаад̇и аад̣̇ид̇о бадтааяа сзвид̇ааяа. бхаавид̇ааяаад̇и нибпаад̣̇ид̇ааяа вад̣дхид̇ааяа
Āsevitāyāti ādito paṭṭhāya sevitāya. Bhāvitāyāti nipphāditāya vaḍḍhitāya
ваа. б̣ахулийгад̇ааяаад̇и бунаббунам̣ гад̇ааяа. яаанийгад̇ааяаад̇и суяуд̇д̇аяаанасад̣̇исааяа гад̇ааяа. вад̇т̇угад̇ааяаад̇и яат̇аа бад̇идтаа ход̇и; звам̣ гад̇ааяа. анудтид̇ааяаад̇и ану ану бавад̇д̇ид̇ааяа; нижжаад̇хидтид̇ааяаад̇и ад̇т̇о. барижид̇ааяаад̇и саманд̇ад̇о жид̇ааяа; саб̣б̣ад̣̇исаасу жид̇ааяа аажид̇ааяа бхаавид̇ааяа абхивад̣дхид̇ааяаад̇и ад̇т̇о. сусамаарад̣̇д̇хааяаад̇и судту самаарад̣̇д̇хааяа; васийбхаавам̣ убанийд̇ааяаад̇и ад̇т̇о. на баабагам̣ субинанд̇и баабагамзва на бассад̇и, бхад̣̇рагам̣ бана вуд̣дхигааран̣абхууд̇ам̣ бассад̇и. д̣̇звад̇аа рагканд̇ийд̇и аарагкад̣̇звад̇аа д̇хаммигам̣ рагкам̣ бажжубадтаабзнд̇и. д̇увадам̣ жид̇д̇ам̣ самаад̇хияад̇ийд̇и киббам̣ жид̇д̇ам̣ самаад̇хияад̇и. уд̇д̇ари аббадивиж̇жханд̇од̇и мзд̇д̇аажхаанад̇о уд̇д̇арим̣ арахад̇д̇ам̣ асажчигаронд̇о сзко ваа бут̇уж̇ж̇ано ваа худ̇ваа гаалам̣ гаронд̇о б̣рахмалогуубаг̇о ход̇и. сзсам̣ саб̣б̣ад̇т̇а уд̇д̇аанамзваад̇и.
Vā. Bahulīkatāyāti punappunaṃ katāya. Yānīkatāyāti suyuttayānasadisāya katāya. Vatthukatāyāti yathā patiṭṭhā hoti; evaṃ katāya. Anuṭṭhitāyāti anu anu pavattitāya; niccādhiṭṭhitāyāti attho. Paricitāyāti samantato citāya; sabbadisāsu citāya ācitāya bhāvitāya abhivaḍḍhitāyāti attho. Susamāraddhāyāti suṭṭhu samāraddhāya; vasībhāvaṃ upanītāyāti attho. Na pāpakaṃ supinanti pāpakameva na passati, bhadrakaṃ pana vuḍḍhikāraṇabhūtaṃ passati. Devatā rakkhantīti ārakkhadevatā dhammikaṃ rakkhaṃ paccupaṭṭhāpenti. Tuvaṭaṃ cittaṃ samādhiyatīti khippaṃ cittaṃ samādhiyati. Uttari appaṭivijjhantoti mettājhānato uttariṃ arahattaṃ asacchikaronto sekho vā puthujjano vā hutvā kālaṃ karonto brahmalokūpago hoti. Sesaṃ sabbattha uttānamevāti.
згаад̣̇асагаваараван̣н̣анаа барияосаанаа
Ekādasakavāravaṇṇanā pariyosānā
згуд̇д̇аригаван̣н̣анаа нидтид̇аа.
Ekuttarikavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 11. згаад̣̇асагавааро • 11. Ekādasakavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / згаад̣̇асагаваараван̣н̣анаа • Ekādasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / згаад̣̇асагаваараван̣н̣анаа • Ekādasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо згаад̣̇асагаваараван̣н̣анаа • Ekuttarikanayo ekādasakavāravaṇṇanā
