| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
згаад̣̇асагаваараван̣н̣анаа
Ekādasakavāravaṇṇanā
331. згаад̣̇асагзсу на вод̣̇ааяанд̇ийд̇и на багаасанд̇и. суяуд̇д̇аяаанасад̣̇исааяа гад̇ааяаад̇и ижчид̇ижчид̇агаалз сукзна бавад̇д̇зд̇аб̣б̣ад̇д̇аа яуд̇д̇аяаанам̣ вияа гад̇ааяа. яат̇аа бад̇идтаа ход̇ийд̇и самбад̇д̇ийнам̣ яат̇аа бад̇идтаа ход̇и. ану ану бавад̇д̇ид̇ааяаад̇и бхааванааб̣ахулийгаарзхи ану ану бавад̇д̇ид̇ааяа.
331. Ekādasakesu na vodāyantīti na pakāsanti. Suyuttayānasadisāya katāyāti icchiticchitakāle sukhena pavattetabbattā yuttayānaṃ viya katāya. Yathā patiṭṭhā hotīti sampattīnaṃ yathā patiṭṭhā hoti. Anu anu pavattitāyāti bhāvanābahulīkārehi anu anu pavattitāya.
сукам̣ субад̇ийд̇иаад̣̇ийсу (а. ни. адта. 3.11.15; висуд̣̇д̇хи 1.258) яат̇аа сзсаж̇анаа самбаривад̇д̇амаанаа гаагажчамаанаа д̣̇угкам̣ субанд̇и, звам̣ асубид̇ваа сукам̣ субад̇и, нид̣̇д̣̇ам̣ огганд̇оби самаабад̇д̇им̣ самаабанно вияа ход̇и. сукам̣ бадиб̣уж̇жхад̇ийд̇и яат̇аа ан̃н̃з нид̇т̇унанд̇аа виж̇амбханд̇аа самбаривад̇д̇анд̇аа д̣̇угкам̣ бадиб̣уж̇жханд̇и, звам̣ аббадиб̣уж̇жхид̇ваа вигасамаанамива бад̣̇умам̣ сукам̣ ниб̣б̣игаарам̣ бадиб̣уж̇жхад̇и. анубхууд̇абуб̣б̣авасзна д̣̇звад̇уубасам̣хааравасзна жасса бхад̣̇д̣̇агамзва субинам̣ ход̇и, на баабаганд̇и ааха ‘‘баабагамзва на бассад̇ий’’д̇иаад̣̇и. д̇хаад̇угкобхахзд̇угамби жасса б̣ахулам̣ бхад̣̇д̣̇агамзва сияаа язбхуяязна жид̇д̇аж̇аруубаануг̇ун̣ад̇ааяа уд̇уаахаараж̇аруубаанам̣. д̇ад̇т̇а баабагамзва на бассад̇ийд̇и яат̇аа ан̃н̃з ад̇д̇аанам̣ жорзхи самбариваарид̇ам̣ вияа, ваал̣зхи убад̣̇д̣̇уд̇ам̣ вияа, бабаад̇з бад̇анд̇ам̣ вияа жа бассанд̇и, звам̣ баабагамзва субинам̣ на бассад̇и. бхад̣̇рагам̣ бана вуд̣дхигааран̣абхууд̇ам̣ бассад̇ийд̇и жзд̇ияам̣ ванд̣̇анд̇о вияа, бууж̇ам̣ гаронд̇о вияа, д̇хаммам̣ сун̣анд̇о вияа жа ход̇и.
Sukhaṃ supatītiādīsu (a. ni. aṭṭha. 3.11.15; visuddhi 1.258) yathā sesajanā samparivattamānā kākacchamānā dukkhaṃ supanti, evaṃ asupitvā sukhaṃ supati, niddaṃ okkantopi samāpattiṃ samāpanno viya hoti. Sukhaṃ paṭibujjhatīti yathā aññe nitthunantā vijambhantā samparivattantā dukkhaṃ paṭibujjhanti, evaṃ appaṭibujjhitvā vikasamānamiva padumaṃ sukhaṃ nibbikāraṃ paṭibujjhati. Anubhūtapubbavasena devatūpasaṃhāravasena cassa bhaddakameva supinaṃ hoti, na pāpakanti āha ‘‘pāpakameva na passatī’’tiādi. Dhātukkhobhahetukampi cassa bahulaṃ bhaddakameva siyā yebhuyyena cittajarūpānuguṇatāya utuāhārajarūpānaṃ. Tattha pāpakameva na passatīti yathā aññe attānaṃ corehi samparivāritaṃ viya, vāḷehi upaddutaṃ viya, papāte patantaṃ viya ca passanti, evaṃ pāpakameva supinaṃ na passati. Bhadrakaṃ pana vuḍḍhikāraṇabhūtaṃ passatīti cetiyaṃ vandanto viya, pūjaṃ karonto viya, dhammaṃ suṇanto viya ca hoti.
мануссаанам̣ бияо ход̇ийд̇и урз аамуггамуд̇д̇аахааро вияа, сийсз бил̣анд̇хамаалаа вияа жа мануссаанам̣ бияо ход̇и манаабо. амануссаанам̣ бияо ход̇ийд̇и яат̇зва жа мануссаанам̣ бияо, звам̣ амануссаанамби бияо ход̇и висаакад̇т̇зро вияа. наасса аг̇г̇и ваа висам̣ ваа сад̇т̇ам̣ ваа гамад̇ийд̇и мзд̇д̇аавихаарисса гааяз уд̇д̇арааяа убаасигааяа вияа аг̇г̇и ваа, сам̣яуд̇д̇абхаан̣агажуул̣асийвад̇т̇зрассзва висам̣ ваа, сам̣гижжасааман̣зрассзва сад̇т̇ам̣ ваа на гамад̇и на бависад̇и, наасса гааяам̣ вигобзд̇ийд̇и вуд̇д̇ам̣ ход̇и. д̇хзнувад̇т̇умби жзд̇т̇а гат̇аяанд̇и, згаа гира д̇хзну важчагасса кийрад̇хаарам̣ мун̃жамаанаа адтааси. зго луд̣̇д̣̇аго ‘‘д̇ам̣ виж̇жхиссаамий’’д̇и хад̇т̇зна самбаривад̇д̇зд̇ваа д̣̇ийгхад̣̇ан̣д̣агам̣ сад̇д̇им̣ мун̃жи. саа д̇ассаа сарийрам̣ аахажжа д̇аалабан̣н̣ам̣ вияа виваддамаанаа г̇ад̇аа, нзва убажаараб̣алзна на аббанааб̣алзна, гзвалам̣ бана важчагз б̣алавахид̇ажид̇д̇ад̇ааяа. звам̣ махаанубхааваа мзд̇д̇аа. киббам̣ самаад̇хияад̇ийд̇и гзнажи барибант̇зна барихийнаж̇жхаанасса б̣яаабаад̣̇асса д̣̇уурасамануссарид̇абхаавад̇о киббамзва самаад̇хияад̇и. мукаван̣н̣о виббасийд̣̇ад̇ийд̇и б̣анд̇ханаа бамуд̇д̇ад̇аалабаггам̣ вияа жасса виббасаннаван̣н̣ам̣ мукам̣ ход̇и. асаммуул̣хо гаалам̣ гарод̇ийд̇и мзд̇д̇аавихаарино саммохамаран̣ам̣ наама над̇т̇и, асаммуул̣хова нид̣̇д̣̇ам̣ оггаманд̇о вияа гаалам̣ гарод̇и.
Manussānaṃ piyo hotīti ure āmukkamuttāhāro viya, sīse piḷandhamālā viya ca manussānaṃ piyo hoti manāpo. Amanussānaṃ piyo hotīti yatheva ca manussānaṃ piyo, evaṃ amanussānampi piyo hoti visākhatthero viya. Nāssa aggi vā visaṃ vā satthaṃ vā kamatīti mettāvihārissa kāye uttarāya upāsikāya viya aggi vā, saṃyuttabhāṇakacūḷasīvattherasseva visaṃ vā, saṃkiccasāmaṇerasseva satthaṃ vā na kamati na pavisati, nāssa kāyaṃ vikopetīti vuttaṃ hoti. Dhenuvatthumpi cettha kathayanti, ekā kira dhenu vacchakassa khīradhāraṃ muñcamānā aṭṭhāsi. Eko luddako ‘‘taṃ vijjhissāmī’’ti hatthena samparivattetvā dīghadaṇḍakaṃ sattiṃ muñci. Sā tassā sarīraṃ āhacca tālapaṇṇaṃ viya vivaṭṭamānā gatā, neva upacārabalena na appanābalena, kevalaṃ pana vacchake balavahitacittatāya. Evaṃ mahānubhāvā mettā. Khippaṃ samādhiyatīti kenaci paripanthena parihīnajjhānassa byāpādassa dūrasamanussaritabhāvato khippameva samādhiyati. Mukhavaṇṇo vippasīdatīti bandhanā pamuttatālapakkaṃ viya cassa vippasannavaṇṇaṃ mukhaṃ hoti. Asammūḷho kālaṃkarotīti mettāvihārino sammohamaraṇaṃ nāma natthi, asammūḷhova niddaṃ okkamanto viya kālaṃ karoti.
згаад̣̇асагаваараван̣н̣анаа нидтид̇аа.
Ekādasakavāravaṇṇanā niṭṭhitā.
згуд̇д̇ариганаяаван̣н̣анаа нидтид̇аа.
Ekuttarikanayavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 11. згаад̣̇асагавааро • 11. Ekādasakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / згаад̣̇асагаваараван̣н̣анаа • Ekādasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / згаад̣̇асагаваараван̣н̣анаа • Ekādasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо згаад̣̇асагаваараван̣н̣анаа • Ekuttarikanayo ekādasakavāravaṇṇanā
