| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੧੧. ਏਕਾਦਸਕવਾਰੋ
11. Ekādasakavāro
੩੩੧. ਏਕਾਦ ਪੁਗ੍ਗਲਾ ਅਨੁਪਸਮ੍ਪਨ੍ਨਾ ਨ ਉਪਸਮ੍ਪਾਦੇਤਬ੍ਬਾ, ਉਪਸਮ੍ਪਨ੍ਨਾ ਨਾਸੇਤਬ੍ਬਾ। ਏਕਾਦਸ ਪਾਦੁਕਾ ਅਕਪ੍ਪਿਯਾ। ਏਕਾਦਸ ਪਤ੍ਤਾ ਅਕਪ੍ਪਿਯਾ। ਏਕਾਦਸ ਚੀવਰਾਨਿ ਅਕਪ੍ਪਿਯਾਨਿ। ਏਕਾਦਸ ਯਾવਤਤਿਯਕਾ। ਭਿਕ੍ਖੁਨੀਨਂ ਏਕਾਦਸ ਅਨ੍ਤਰਾਯਿਕਾ ਧਮ੍ਮਾ ਪੁਚ੍ਛਿਤਬ੍ਬਾ। ਏਕਾਦਸ ਚੀવਰਾਨਿ ਅਧਿਟ੍ਠਾਤਬ੍ਬਾਨਿ। ਏਕਾਦਸ ਚੀવਰਾਨਿ ਨ વਿਕਪ੍ਪੇਤਬ੍ਬਾਨਿ। ਏਕਾਦਸੇ ਅਰੁਣੁਗ੍ਗਮਨੇ ਨਿਸ੍ਸਗ੍ਗਿਯਂ ਹੋਤਿ। ਏਕਾਦਸ ਗਣ੍ਠਿਕਾ ਕਪ੍ਪਿਯਾ। ਏਕਾਦਸ વਿਧਾ 1 ਕਪ੍ਪਿਯਾ। ਏਕਾਦਸ ਪਥવੀ ਅਕਪ੍ਪਿਯਾ। ਏਕਾਦਸ ਪਥવੀ ਕਪ੍ਪਿਯਾ। ਏਕਾਦਸ ਨਿਸ੍ਸਯਪਟਿਪ੍ਪਸ੍ਸਦ੍ਧਿਯੋ। ਏਕਾਦਸ ਪੁਗ੍ਗਲਾ ਅવਨ੍ਦਿਯਾ। ਏਕਾਦਸ ਪਰਮਾਨਿ। ਏਕਾਦਸ વਰਾਨਿ ਯਾਚਿਂਸੁ। ਏਕਾਦਸ ਸੀਮਾਦੋਸਾ। ਅਕ੍ਕੋਸਕਪਰਿਭਾਸਕੇ ਪੁਗ੍ਗਲੇ ਏਕਾਦਸਾਦੀਨવਾ ਪਾਟਿਕਙ੍ਖਾ। 2 ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਆਸੇવਿਤਾਯ ਭਾવਿਤਾਯ ਬਹੁਲੀਕਤਾਯ ਯਾਨੀਕਤਾਯ વਤ੍ਥੁਕਤਾਯ ਅਨੁਟ੍ਠਿਤਾਯ ਪਰਿਚਿਤਾਯ ਸੁਸਮਾਰਦ੍ਧਾਯ ਏਕਾਦਸਾਨਿਸਂਸਾ ਪਾਟਿਕਙ੍ਖਾ । ਸੁਖਂ ਸੁਪਤਿ, ਸੁਖਂ ਪਟਿਬੁਜ੍ਝਤਿ, ਨ ਪਾਪਕਂ ਸੁਪਿਨਂ ਪਸ੍ਸਤਿ, ਮਨੁਸ੍ਸਾਨਂ ਪਿਯੋ ਹੋਤਿ, ਅਮਨੁਸ੍ਸਾਨਂ ਪਿਯੋ ਹੋਤਿ, ਦੇવਤਾ ਰਕ੍ਖਨ੍ਤਿ, ਨਾਸ੍ਸ ਅਗ੍ਗਿ વਾ વਿਸਂ વਾ ਸਤ੍ਥਂ વਾ ਕਮਤਿ, ਤੁવਟ੍ਟਂ ਚਿਤ੍ਤਂ ਸਮਾਧਿਯਤਿ, ਮੁਖવਣ੍ਣੋ વਿਪ੍ਪਸੀਦਤਿ, ਅਸਮ੍ਮੂਲ਼੍ਹੋ ਕਾਲਙ੍ਕਰੋਤਿ, ਉਤ੍ਤਰਿ ਅਪ੍ਪਟਿવਿਜ੍ਝਨ੍ਤੋ ਬ੍ਰਹ੍ਮਲੋਕੂਪਗੋ ਹੋਤਿ – ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਆਸੇવਿਤਾਯ ਭਾવਿਤਾਯ ਬਹੁਲੀਕਤਾਯ ਯਾਨੀਕਤਾਯ વਤ੍ਥੁਕਤਾਯ ਅਨੁਟ੍ਠਿਤਾਯ ਪਰਿਚਿਤਾਯ ਸੁਸਮਾਰਦ੍ਧਾਯ ਇਮੇ ਏਕਾਦਸਾਨਿਸਂਸਾ ਪਾਟਿਕਙ੍ਖਾਤਿ।
331. Ekāda puggalā anupasampannā na upasampādetabbā, upasampannā nāsetabbā. Ekādasa pādukā akappiyā. Ekādasa pattā akappiyā. Ekādasa cīvarāni akappiyāni. Ekādasa yāvatatiyakā. Bhikkhunīnaṃ ekādasa antarāyikā dhammā pucchitabbā. Ekādasa cīvarāni adhiṭṭhātabbāni. Ekādasa cīvarāni na vikappetabbāni. Ekādase aruṇuggamane nissaggiyaṃ hoti. Ekādasa gaṇṭhikā kappiyā. Ekādasa vidhā 3 kappiyā. Ekādasa pathavī akappiyā. Ekādasa pathavī kappiyā. Ekādasa nissayapaṭippassaddhiyo. Ekādasa puggalā avandiyā. Ekādasa paramāni. Ekādasa varāni yāciṃsu. Ekādasa sīmādosā. Akkosakaparibhāsake puggale ekādasādīnavā pāṭikaṅkhā. 4 Mettāya cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ekādasānisaṃsā pāṭikaṅkhā . Sukhaṃ supati, sukhaṃ paṭibujjhati, na pāpakaṃ supinaṃ passati, manussānaṃ piyo hoti, amanussānaṃ piyo hoti, devatā rakkhanti, nāssa aggi vā visaṃ vā satthaṃ vā kamati, tuvaṭṭaṃ cittaṃ samādhiyati, mukhavaṇṇo vippasīdati, asammūḷho kālaṅkaroti, uttari appaṭivijjhanto brahmalokūpago hoti – mettāya cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ime ekādasānisaṃsā pāṭikaṅkhāti.
ਏਕਾਦਸਕਂ ਨਿਟ੍ਠਿਤਂ।
Ekādasakaṃ niṭṭhitaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਨਾਸੇਤਬ੍ਬਾ ਪਾਦੁਕਾ ਚ, ਪਤ੍ਤਾ ਚ ਚੀવਰਾਨਿ ਚ।
Nāsetabbā pādukā ca, pattā ca cīvarāni ca;
ਤਤਿਯਾ ਪੁਚ੍ਛਿਤਬ੍ਬਾ ਚ, ਅਧਿਟ੍ਠਾਨવਿਕਪ੍ਪਨਾ॥
Tatiyā pucchitabbā ca, adhiṭṭhānavikappanā.
ਅਰੁਣਾ ਗਣ੍ਠਿਕਾ વਿਧਾ, ਅਕਪ੍ਪਿਯਾ ਚ ਕਪ੍ਪਿਯਂ।
Aruṇā gaṇṭhikā vidhā, akappiyā ca kappiyaṃ;
ਨਿਸ੍ਸਯਾવਨ੍ਦਿਯਾ ਚੇવ, ਪਰਮਾਨਿ વਰਾਨਿ ਚ।
Nissayāvandiyā ceva, paramāni varāni ca;
ਸੀਮਾਦੋਸਾ ਚ ਅਕ੍ਕੋਸਾ, ਮੇਤ੍ਤਾਯੇਕਾਦਸਾ ਕਤਾਤਿ॥
Sīmādosā ca akkosā, mettāyekādasā katāti.
ਏਕੁਤ੍ਤਰਿਕਨਯੋ।
Ekuttarikanayo.
ਤਸ੍ਸੁਦ੍ਦਾਨਂ –
Tassuddānaṃ –
ਏਕਕਾ ਚ ਦੁਕਾ ਚੇવ, ਤਿਕਾ ਚ ਚਤੁਪਞ੍ਚਕਾ।
Ekakā ca dukā ceva, tikā ca catupañcakā;
ਛਸਤ੍ਤਟ੍ਠਨવਕਾ ਚ, ਦਸ ਏਕਾਦਸਾਨਿ ਚ॥
Chasattaṭṭhanavakā ca, dasa ekādasāni ca.
ਹਿਤਾਯ ਸਬ੍ਬਸਤ੍ਤਾਨਂ, ਞਾਤਧਮ੍ਮੇਨ ਤਾਦਿਨਾ।
Hitāya sabbasattānaṃ, ñātadhammena tādinā;
ਏਕੁਤ੍ਤਰਿਕਾ વਿਮਲਾ, ਮਹਾવੀਰੇਨ ਦੇਸਿਤਾਤਿ॥
Ekuttarikā vimalā, mahāvīrena desitāti.
ਏਕੁਤ੍ਤਰਿਕਨਯੋ ਨਿਟ੍ਠਿਤੋ।
Ekuttarikanayo niṭṭhito.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਏਕਾਦਸਕવਾਰવਣ੍ਣਨਾ • Ekādasakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਏਕਾਦਸਕવਾਰવਣ੍ਣਨਾ • Ekādasakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਏਕਾਦਸਕવਾਰવਣ੍ਣਨਾ • Ekādasakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਏਕਾਦਸਕવਾਰવਣ੍ਣਨਾ • Ekuttarikanayo ekādasakavāravaṇṇanā
