| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
11. ஏகாத³ஸமனயோ ஸங்க³ஹிதேனஸம்பயுத்தவிப்பயுத்தபத³வண்ணனா
11. Ekādasamanayo saṅgahitenasampayuttavippayuttapadavaṇṇanā
409. இதா³னி ஸங்க³ஹிதேனஸம்பயுத்தவிப்பயுத்தபத³ங் பா⁴ஜேதுங் ஸமுத³யஸச்சேனாதிஆதி³ ஆரத்³த⁴ங். தத்த² யே ஸங்க³ஹிதேனஸங்க³ஹிதபத³னித்³தே³ஸே ஸமுத³யஸச்சாத³யோவ த⁴ம்மா உத்³த⁴டா, ஸப்³ப³புச்சா²ஸு தேயேவ உத்³த⁴டா. ஸதி³ஸவிஸ்ஸஜ்ஜனானங் பன ஏகதோ க³ஹிதத்தா பதா³னி அஞ்ஞாய படிபாடியா ஆக³தானி. தத்த² யே த⁴ம்மா புச்சா²ய உத்³த⁴டபதே³ன க²ந்தா⁴தி³ஸங்க³ஹேன ஸங்க³ஹிதா, தேஸங் யேஹி ஸம்பயோகோ³ வா விப்பயோகோ³ வா ஹோதி, தேஸங் வஸேன க²ந்தா⁴தி³விபா⁴கோ³ வேதி³தப்³போ³.
409. Idāni saṅgahitenasampayuttavippayuttapadaṃ bhājetuṃ samudayasaccenātiādi āraddhaṃ. Tattha ye saṅgahitenasaṅgahitapadaniddese samudayasaccādayova dhammā uddhaṭā, sabbapucchāsu teyeva uddhaṭā. Sadisavissajjanānaṃ pana ekato gahitattā padāni aññāya paṭipāṭiyā āgatāni. Tattha ye dhammā pucchāya uddhaṭapadena khandhādisaṅgahena saṅgahitā, tesaṃ yehi sampayogo vā vippayogo vā hoti, tesaṃ vasena khandhādivibhāgo veditabbo.
தத்ராயங் நயோ – ஸமுத³யஸச்சேன தாவ ஸங்கா²ரக்க²ந்த⁴பரியாபன்னா த⁴ம்மா க²ந்தா⁴தி³ஸங்க³ஹேன ஸங்க³ஹிதா. தே ச ஸேஸேஹி தீஹி க²ந்தே⁴ஹி, ஏகேன மனாயதனேன, ஸத்தஹி விஞ்ஞாணதா⁴தூஹி, ஸங்கா²ரக்க²ந்தே⁴ த⁴ம்மாயதனத⁴ம்மதா⁴தூஸு ச ட²பெத்வா தண்ஹங் ஸேஸேஹி ஸம்பயுத்தத்தா கேஹிசி ஸம்பயுத்தா நாம. ஏகேன பன ரூபக்க²ந்தே⁴ன, த³ஸஹி ரூபாயதனேஹி, ரூபதா⁴தூஹி ச விப்பயுத்தா, ஏகஸ்மிங் த⁴ம்மாயதனே த⁴ம்மதா⁴துயா ச, ரூபனிப்³பா³னேஹி விப்பயுத்தத்தா கேஹிசி விப்பயுத்தா நாம. இமினா உபாயேன ஸப்³ப³த்த² அத்தோ² வேதி³தப்³போ³தி.
Tatrāyaṃ nayo – samudayasaccena tāva saṅkhārakkhandhapariyāpannā dhammā khandhādisaṅgahena saṅgahitā. Te ca sesehi tīhi khandhehi, ekena manāyatanena, sattahi viññāṇadhātūhi, saṅkhārakkhandhe dhammāyatanadhammadhātūsu ca ṭhapetvā taṇhaṃ sesehi sampayuttattā kehici sampayuttā nāma. Ekena pana rūpakkhandhena, dasahi rūpāyatanehi, rūpadhātūhi ca vippayuttā, ekasmiṃ dhammāyatane dhammadhātuyā ca, rūpanibbānehi vippayuttattā kehici vippayuttā nāma. Iminā upāyena sabbattha attho veditabboti.
ஸங்க³ஹிதேனஸம்பயுத்தவிப்பயுத்தபத³வண்ணனா.
Saṅgahitenasampayuttavippayuttapadavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 11. ஸங்க³ஹிதேனஸம்பயுத்தவிப்பயுத்தபத³னித்³தே³ஸோ • 11. Saṅgahitenasampayuttavippayuttapadaniddeso
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 11. ஏகாத³ஸமனயோ ஸங்க³ஹிதேனஸம்பயுத்தவிப்பயுத்தபத³வண்ணனா • 11. Ekādasamanayo saṅgahitenasampayuttavippayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 11. ஏகாத³ஸமனயோ ஸங்க³ஹிதேனஸம்பயுத்தவிப்பயுத்தபத³வண்ணனா • 11. Ekādasamanayo saṅgahitenasampayuttavippayuttapadavaṇṇanā
