| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
11. ஏகாத³ஸமனயோ ஸங்க³ஹிதேனஸம்பயுத்தவிப்பயுத்தபத³வண்ணனா
11. Ekādasamanayo saṅgahitenasampayuttavippayuttapadavaṇṇanā
409. தேதி ஸங்கா²ரக்க²ந்த⁴த⁴ம்மா. ஸேஸேஹீதி அவஸிட்டே²ஹி வேத³னாஸஞ்ஞாவிஞ்ஞாணக்க²ந்தே⁴ஹி. ‘‘ஏதேன ஸஹ ஸம்ப³ந்தோ⁴’’தி இமினா பதா³னங் ஸம்ப³ந்த⁴த³ஸ்ஸனமுகே²ன ‘‘ஸமுத³யஸச்சேன யே த⁴ம்மா ஸம்பயுத்தா’’தி பாளியா அத்த²விவரணங் பாகடதரங் கத்வா கேஹிசீதிபத³ஸ்ஸத்த²ங் காதுங் ‘‘கேஹிசீதி ஏதஸ்ஸ பனா’’திஆதி³மாஹ. அத்த²ங் த³ஸ்ஸேதுங் ஆஹாதி ஸம்ப³ந்தோ⁴. விஸேஸெத்வாதி எத்த² தேஸங் த⁴ம்மானங் தண்ஹாவஜ்ஜானங் ஸங்கா²ரக்க²ந்த⁴த⁴ம்மாயதனத⁴ம்மதா⁴துபரியாபன்னதாகித்தனங் விஸேஸனங் த³ட்ட²ப்³ப³ங், யதோ தே ஸமுத³யஸச்சேன க²ந்தா⁴தி³ஸங்க³ஹேன ஸங்க³ஹிதாதி வுத்தா. ஸயங் அத்தனா ஸம்பயுத்தோ ந ஹோதீதி வுத்தங் ‘‘அத்தவஜ்ஜேஹீ’’தி. தேன வுத்தங் ‘‘சித்தங் ந வத்தப்³ப³ங் சித்தேன ஸம்பயுத்தந்திபி, சித்தேன விப்பயுத்தந்திபீ’’தி. ஸம்பயோகா³ரஹேஹீதி விஸேஸனங் ஸுகு²மரூபங் நிப்³பா³னந்தி த்³வே ஸந்தா⁴ய கதங், ந தண்ஹாதி³கே.
409. Teti saṅkhārakkhandhadhammā. Sesehīti avasiṭṭhehi vedanāsaññāviññāṇakkhandhehi. ‘‘Etena saha sambandho’’ti iminā padānaṃ sambandhadassanamukhena ‘‘samudayasaccena ye dhammā sampayuttā’’ti pāḷiyā atthavivaraṇaṃ pākaṭataraṃ katvā kehicītipadassatthaṃ kātuṃ ‘‘kehicīti etassa panā’’tiādimāha. Atthaṃ dassetuṃ āhāti sambandho. Visesetvāti ettha tesaṃ dhammānaṃ taṇhāvajjānaṃ saṅkhārakkhandhadhammāyatanadhammadhātupariyāpannatākittanaṃ visesanaṃ daṭṭhabbaṃ, yato te samudayasaccena khandhādisaṅgahena saṅgahitāti vuttā. Sayaṃ attanā sampayutto na hotīti vuttaṃ ‘‘attavajjehī’’ti. Tena vuttaṃ ‘‘cittaṃ na vattabbaṃ cittena sampayuttantipi, cittena vippayuttantipī’’ti. Sampayogārahehīti visesanaṃ sukhumarūpaṃ nibbānanti dve sandhāya kataṃ, na taṇhādike.
ஏகாத³ஸமனயஸங்க³ஹிதேனஸம்பயுத்தவிப்பயுத்தபத³வண்ணனா நிட்டி²தா.
Ekādasamanayasaṅgahitenasampayuttavippayuttapadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 11. ஸங்க³ஹிதேனஸம்பயுத்தவிப்பயுத்தபத³னித்³தே³ஸோ • 11. Saṅgahitenasampayuttavippayuttapadaniddeso
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 11. ஏகாத³ஸமனயோ ஸங்க³ஹிதேனஸம்பயுத்தவிப்பயுத்தபத³வண்ணனா • 11. Ekādasamanayo saṅgahitenasampayuttavippayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 11. ஏகாத³ஸமனயோ ஸங்க³ஹிதேனஸம்பயுத்தவிப்பயுத்தபத³வண்ணனா • 11. Ekādasamanayo saṅgahitenasampayuttavippayuttapadavaṇṇanā
