| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੧੧. ਏਕਾਦਸਮਨਯੋ ਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦવਣ੍ਣਨਾ
11. Ekādasamanayo saṅgahitenasampayuttavippayuttapadavaṇṇanā
੪੦੯. ਤੇਤਿ ਸਙ੍ਖਾਰਕ੍ਖਨ੍ਧਧਮ੍ਮਾ। ਸੇਸੇਹੀਤਿ ਅવਸਿਟ੍ਠੇਹਿ વੇਦਨਾਸਞ੍ਞਾવਿਞ੍ਞਾਣਕ੍ਖਨ੍ਧੇਹਿ। ‘‘ਏਤੇਨ ਸਹ ਸਮ੍ਬਨ੍ਧੋ’’ਤਿ ਇਮਿਨਾ ਪਦਾਨਂ ਸਮ੍ਬਨ੍ਧਦਸ੍ਸਨਮੁਖੇਨ ‘‘ਸਮੁਦਯਸਚ੍ਚੇਨ ਯੇ ਧਮ੍ਮਾ ਸਮ੍ਪਯੁਤ੍ਤਾ’’ਤਿ ਪਾਲ਼ਿਯਾ ਅਤ੍ਥવਿવਰਣਂ ਪਾਕਟਤਰਂ ਕਤ੍વਾ ਕੇਹਿਚੀਤਿਪਦਸ੍ਸਤ੍ਥਂ ਕਾਤੁਂ ‘‘ਕੇਹਿਚੀਤਿ ਏਤਸ੍ਸ ਪਨਾ’’ਤਿਆਦਿਮਾਹ। ਅਤ੍ਥਂ ਦਸ੍ਸੇਤੁਂ ਆਹਾਤਿ ਸਮ੍ਬਨ੍ਧੋ। વਿਸੇਸੇਤ੍વਾਤਿ ਏਤ੍ਥ ਤੇਸਂ ਧਮ੍ਮਾਨਂ ਤਣ੍ਹਾવਜ੍ਜਾਨਂ ਸਙ੍ਖਾਰਕ੍ਖਨ੍ਧਧਮ੍ਮਾਯਤਨਧਮ੍ਮਧਾਤੁਪਰਿਯਾਪਨ੍ਨਤਾਕਿਤ੍ਤਨਂ વਿਸੇਸਨਂ ਦਟ੍ਠਬ੍ਬਂ, ਯਤੋ ਤੇ ਸਮੁਦਯਸਚ੍ਚੇਨ ਖਨ੍ਧਾਦਿਸਙ੍ਗਹੇਨ ਸਙ੍ਗਹਿਤਾਤਿ વੁਤ੍ਤਾ। ਸਯਂ ਅਤ੍ਤਨਾ ਸਮ੍ਪਯੁਤ੍ਤੋ ਨ ਹੋਤੀਤਿ વੁਤ੍ਤਂ ‘‘ਅਤ੍ਤવਜ੍ਜੇਹੀ’’ਤਿ। ਤੇਨ વੁਤ੍ਤਂ ‘‘ਚਿਤ੍ਤਂ ਨ વਤ੍ਤਬ੍ਬਂ ਚਿਤ੍ਤੇਨ ਸਮ੍ਪਯੁਤ੍ਤਨ੍ਤਿਪਿ, ਚਿਤ੍ਤੇਨ વਿਪ੍ਪਯੁਤ੍ਤਨ੍ਤਿਪੀ’’ਤਿ। ਸਮ੍ਪਯੋਗਾਰਹੇਹੀਤਿ વਿਸੇਸਨਂ ਸੁਖੁਮਰੂਪਂ ਨਿਬ੍ਬਾਨਨ੍ਤਿ ਦ੍વੇ ਸਨ੍ਧਾਯ ਕਤਂ, ਨ ਤਣ੍ਹਾਦਿਕੇ।
409. Teti saṅkhārakkhandhadhammā. Sesehīti avasiṭṭhehi vedanāsaññāviññāṇakkhandhehi. ‘‘Etena saha sambandho’’ti iminā padānaṃ sambandhadassanamukhena ‘‘samudayasaccena ye dhammā sampayuttā’’ti pāḷiyā atthavivaraṇaṃ pākaṭataraṃ katvā kehicītipadassatthaṃ kātuṃ ‘‘kehicīti etassa panā’’tiādimāha. Atthaṃ dassetuṃ āhāti sambandho. Visesetvāti ettha tesaṃ dhammānaṃ taṇhāvajjānaṃ saṅkhārakkhandhadhammāyatanadhammadhātupariyāpannatākittanaṃ visesanaṃ daṭṭhabbaṃ, yato te samudayasaccena khandhādisaṅgahena saṅgahitāti vuttā. Sayaṃ attanā sampayutto na hotīti vuttaṃ ‘‘attavajjehī’’ti. Tena vuttaṃ ‘‘cittaṃ na vattabbaṃ cittena sampayuttantipi, cittena vippayuttantipī’’ti. Sampayogārahehīti visesanaṃ sukhumarūpaṃ nibbānanti dve sandhāya kataṃ, na taṇhādike.
ਏਕਾਦਸਮਨਯਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦવਣ੍ਣਨਾ ਨਿਟ੍ਠਿਤਾ।
Ekādasamanayasaṅgahitenasampayuttavippayuttapadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਾਤੁਕਥਾਪਾਲ਼ਿ • Dhātukathāpāḷi / ੧੧. ਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦਨਿਦ੍ਦੇਸੋ • 11. Saṅgahitenasampayuttavippayuttapadaniddeso
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੧. ਏਕਾਦਸਮਨਯੋ ਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦવਣ੍ਣਨਾ • 11. Ekādasamanayo saṅgahitenasampayuttavippayuttapadavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੧. ਏਕਾਦਸਮਨਯੋ ਸਙ੍ਗਹਿਤੇਨਸਮ੍ਪਯੁਤ੍ਤવਿਪ੍ਪਯੁਤ੍ਤਪਦવਣ੍ਣਨਾ • 11. Ekādasamanayo saṅgahitenasampayuttavippayuttapadavaṇṇanā
