| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
11. ஏகாத³ஸமனிஸ்ஸக்³கி³யபாசித்தியஸிக்கா²பத³வண்ணனா
11. Ekādasamanissaggiyapācittiyasikkhāpadavaṇṇanā
784. ‘‘து³தியவக்³க³ஸ்ஸ பட²மே’’தி அவத்வா ‘‘ஏகாத³ஸமே’’தி இத⁴ வுத்தங். கஸ்மா? பி⁴க்கு²னிவிப⁴ங்கே³ திங்ஸககண்ட³ங் பத்வா வக்³க³க்கமஸ்ஸ அவுத்தத்தா. யஸ்மா பவாரிதட்டா²னே விஞ்ஞத்தி நாம ந படிஸேதே⁴தப்³பா³, தஸ்மா ப⁴க³வா அஞ்ஞாதிகஅப்பவாரிதட்டா²னே த⁴ம்மனிமந்தனவஸேன வதெ³ய்ய ‘‘யேனத்தோ²’’தி வுத்தாய ‘‘சதுக்கங்ஸபரமங் விஞ்ஞாபேதப்³ப³’’ந்தி பரிச்சே²த³ங் த³ஸ்ஸேதீதி வேதி³தப்³ப³ங். அஞ்ஞதா² ‘‘நிதா³னேன ஸிக்கா²பத³ங் ந ஸமேதி, ஸிக்கா²பதே³ன ச அனாபத்திவாரோ’’தி ச ‘‘அகதவிஞ்ஞத்தியா சதுக்கங்ஸபரமங் விஞ்ஞாபேதப்³ப³’’ந்தி ச அனிட்ட²ங் ஆபஜ்ஜதி, தஸ்மா மாதிகாட்ட²கதா²யங் சேதாபேதப்³ப³ந்தி ட²பெத்வா ஸஹத⁴ம்மிகே ச ஞாதகபவாரிதே ச அஞ்ஞேன கிஸ்மிஞ்சிதே³வ கு³ணேன, பரிதுட்டே²ன ச வதெ³ய்ய ‘‘யேனத்தோ²’’தி வுத்தஸ்ஸ ‘‘விஞ்ஞாபேதப்³ப³’’ந்தி வுத்தனயேன அத்தோ² த³ட்ட²ப்³போ³. போராணக³ண்டி²பதே³ பன ‘‘இத³ங் பரிச்சி²ன்னபவாரணங் ஸந்தா⁴ய வுத்தங். அனாபத்தி ஞாதகானங் பவாரிதானந்தி பன ஸப்³ப³ப்பகாரேன பவத்தங் நிச்சபவாரணங் ஸந்தா⁴ய வுத்தங். நிச்சபவாரணா நாம யதா³ யேனத்தோ², ததா³ தங் வதெ³ய்யாதா²தி ஏவங் பவத்தா . ‘ஹந்த³ ஸீதபாவுரண’ந்தி தெ³ந்தானங் பன அதிரேகசதுக்கங்ஸம்பி க³ஹேதுங் வட்டதீ’’தி வுத்தங். அயமேவ நயோ த³ஸமேபீதி.
784. ‘‘Dutiyavaggassa paṭhame’’ti avatvā ‘‘ekādasame’’ti idha vuttaṃ. Kasmā? Bhikkhunivibhaṅge tiṃsakakaṇḍaṃ patvā vaggakkamassa avuttattā. Yasmā pavāritaṭṭhāne viññatti nāma na paṭisedhetabbā, tasmā bhagavā aññātikaappavāritaṭṭhāne dhammanimantanavasena vadeyya ‘‘yenattho’’ti vuttāya ‘‘catukkaṃsaparamaṃ viññāpetabba’’nti paricchedaṃ dassetīti veditabbaṃ. Aññathā ‘‘nidānena sikkhāpadaṃ na sameti, sikkhāpadena ca anāpattivāro’’ti ca ‘‘akataviññattiyā catukkaṃsaparamaṃ viññāpetabba’’nti ca aniṭṭhaṃ āpajjati, tasmā mātikāṭṭhakathāyaṃ cetāpetabbanti ṭhapetvā sahadhammike ca ñātakapavārite ca aññena kismiñcideva guṇena, parituṭṭhena ca vadeyya ‘‘yenattho’’ti vuttassa ‘‘viññāpetabba’’nti vuttanayena attho daṭṭhabbo. Porāṇagaṇṭhipade pana ‘‘idaṃ paricchinnapavāraṇaṃ sandhāya vuttaṃ. Anāpatti ñātakānaṃ pavāritānanti pana sabbappakārena pavattaṃ niccapavāraṇaṃ sandhāya vuttaṃ. Niccapavāraṇā nāma yadā yenattho, tadā taṃ vadeyyāthāti evaṃ pavattā . ‘Handa sītapāvuraṇa’nti dentānaṃ pana atirekacatukkaṃsampi gahetuṃ vaṭṭatī’’ti vuttaṃ. Ayameva nayo dasamepīti.
ஏகாத³ஸமனிஸ்ஸக்³கி³யபாசித்தியஸிக்கா²பத³வண்ணனா நிட்டி²தா.
Ekādasamanissaggiyapācittiyasikkhāpadavaṇṇanā niṭṭhitā.
பி⁴க்கு²னீவிப⁴ங்கே³ திங்ஸகவண்ணனா நிட்டி²தா.
Bhikkhunīvibhaṅge tiṃsakavaṇṇanā niṭṭhitā.
நிஸ்ஸக்³கி³யகண்ட³வண்ணனா நிட்டி²தா.
Nissaggiyakaṇḍavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 11. ஏகாத³ஸமஸிக்கா²பத³ங் • 11. Ekādasamasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / ஏகாத³ஸமனிஸ்ஸக்³கி³யபாசித்தியஸிக்கா²பத³வண்ணனா • Ekādasamanissaggiyapācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. நிஸ்ஸக்³கி³யகண்ட³ங் (பி⁴க்கு²னீவிப⁴ங்க³வண்ணனா) • 3. Nissaggiyakaṇḍaṃ (bhikkhunīvibhaṅgavaṇṇanā)
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. து³தியனிஸ்ஸக்³கி³யாதி³பாசித்தியஸிக்கா²பத³வண்ணனா • 2. Dutiyanissaggiyādipācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 11. ஏகாத³ஸமனிஸ்ஸக்³கி³யபாசித்தியஸிக்கா²பத³ங் • 11. Ekādasamanissaggiyapācittiyasikkhāpadaṃ
