| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
11. згаад̣̇асаманиссаг̇г̇ияабаажид̇д̇ияасигкаабад̣̇аван̣н̣анаа
11. Ekādasamanissaggiyapācittiyasikkhāpadavaṇṇanā
784. ‘‘д̣̇уд̇ияаваг̇г̇асса батамз’’д̇и авад̇ваа ‘‘згаад̣̇асамз’’д̇и ид̇ха вуд̇д̇ам̣. гасмаа? бхигкунивибхан̇г̇з д̇им̣сагаган̣д̣ам̣ бад̇ваа ваг̇г̇аггамасса авуд̇д̇ад̇д̇аа. яасмаа баваарид̇адтаанз вин̃н̃ад̇д̇и наама на бадисзд̇хзд̇аб̣б̣аа, д̇асмаа бхаг̇аваа ан̃н̃аад̇игааббаваарид̇адтаанз д̇хамманиманд̇анавасзна вад̣̇зяяа ‘‘язнад̇т̇о’’д̇и вуд̇д̇ааяа ‘‘жад̇уггам̣сабарамам̣ вин̃н̃аабзд̇аб̣б̣а’’нд̇и барижчзд̣̇ам̣ д̣̇ассзд̇ийд̇и взд̣̇ид̇аб̣б̣ам̣. ан̃н̃ат̇аа ‘‘нид̣̇аанзна сигкаабад̣̇ам̣ на самзд̇и, сигкаабад̣̇зна жа анаабад̇д̇ивааро’’д̇и жа ‘‘агад̇авин̃н̃ад̇д̇ияаа жад̇уггам̣сабарамам̣ вин̃н̃аабзд̇аб̣б̣а’’нд̇и жа анидтам̣ аабаж̇ж̇ад̇и, д̇асмаа маад̇игаадтагат̇ааяам̣ жзд̇аабзд̇аб̣б̣анд̇и табзд̇ваа сахад̇хаммигз жа н̃аад̇агабаваарид̇з жа ан̃н̃зна гисмин̃жид̣̇зва г̇ун̣зна, барид̇удтзна жа вад̣̇зяяа ‘‘язнад̇т̇о’’д̇и вуд̇д̇асса ‘‘вин̃н̃аабзд̇аб̣б̣а’’нд̇и вуд̇д̇анаязна ад̇т̇о д̣̇адтаб̣б̣о. бораан̣аг̇ан̣тибад̣̇з бана ‘‘ид̣̇ам̣ барижчиннабавааран̣ам̣ санд̇хааяа вуд̇д̇ам̣. анаабад̇д̇и н̃аад̇агаанам̣ баваарид̇аананд̇и бана саб̣б̣аббагаарзна бавад̇д̇ам̣ нижжабавааран̣ам̣ санд̇хааяа вуд̇д̇ам̣. нижжабавааран̣аа наама яад̣̇аа язнад̇т̇о, д̇ад̣̇аа д̇ам̣ вад̣̇зяяаат̇аад̇и звам̣ бавад̇д̇аа . ‘ханд̣̇а сийд̇абаавуран̣а’нд̇и д̣̇знд̇аанам̣ бана ад̇ирзгажад̇уггам̣самби г̇ахзд̇ум̣ ваддад̇ий’’д̇и вуд̇д̇ам̣. аяамзва наяо д̣̇асамзбийд̇и.
784. ‘‘Dutiyavaggassa paṭhame’’ti avatvā ‘‘ekādasame’’ti idha vuttaṃ. Kasmā? Bhikkhunivibhaṅge tiṃsakakaṇḍaṃ patvā vaggakkamassa avuttattā. Yasmā pavāritaṭṭhāne viññatti nāma na paṭisedhetabbā, tasmā bhagavā aññātikaappavāritaṭṭhāne dhammanimantanavasena vadeyya ‘‘yenattho’’ti vuttāya ‘‘catukkaṃsaparamaṃ viññāpetabba’’nti paricchedaṃ dassetīti veditabbaṃ. Aññathā ‘‘nidānena sikkhāpadaṃ na sameti, sikkhāpadena ca anāpattivāro’’ti ca ‘‘akataviññattiyā catukkaṃsaparamaṃ viññāpetabba’’nti ca aniṭṭhaṃ āpajjati, tasmā mātikāṭṭhakathāyaṃ cetāpetabbanti ṭhapetvā sahadhammike ca ñātakapavārite ca aññena kismiñcideva guṇena, parituṭṭhena ca vadeyya ‘‘yenattho’’ti vuttassa ‘‘viññāpetabba’’nti vuttanayena attho daṭṭhabbo. Porāṇagaṇṭhipade pana ‘‘idaṃ paricchinnapavāraṇaṃ sandhāya vuttaṃ. Anāpatti ñātakānaṃ pavāritānanti pana sabbappakārena pavattaṃ niccapavāraṇaṃ sandhāya vuttaṃ. Niccapavāraṇā nāma yadā yenattho, tadā taṃ vadeyyāthāti evaṃ pavattā . ‘Handa sītapāvuraṇa’nti dentānaṃ pana atirekacatukkaṃsampi gahetuṃ vaṭṭatī’’ti vuttaṃ. Ayameva nayo dasamepīti.
згаад̣̇асаманиссаг̇г̇ияабаажид̇д̇ияасигкаабад̣̇аван̣н̣анаа нидтид̇аа.
Ekādasamanissaggiyapācittiyasikkhāpadavaṇṇanā niṭṭhitā.
бхигкунийвибхан̇г̇з д̇им̣сагаван̣н̣анаа нидтид̇аа.
Bhikkhunīvibhaṅge tiṃsakavaṇṇanā niṭṭhitā.
ниссаг̇г̇ияаган̣д̣аван̣н̣анаа нидтид̇аа.
Nissaggiyakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 11. згаад̣̇асамасигкаабад̣̇ам̣ • 11. Ekādasamasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / згаад̣̇асаманиссаг̇г̇ияабаажид̇д̇ияасигкаабад̣̇аван̣н̣анаа • Ekādasamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 11. згаад̣̇асаманиссаг̇г̇ияабаажид̇д̇ияасигкаабад̣̇ам̣ • 11. Ekādasamanissaggiyapācittiyasikkhāpadaṃ
