| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๑๑. เอกาทสมนิสฺสคฺคิยปาจิตฺติยสิกฺขาปทวณฺณนา
11. Ekādasamanissaggiyapācittiyasikkhāpadavaṇṇanā
๗๘๔. ‘‘ทุติยวคฺคสฺส ปฐเม’’ติ อวตฺวา ‘‘เอกาทสเม’’ติ อิธ วุตฺตํฯ กสฺมา? ภิกฺขุนิวิภเงฺค ติํสกกณฺฑํ ปตฺวา วคฺคกฺกมสฺส อวุตฺตตฺตาฯ ยสฺมา ปวาริตฎฺฐาเน วิญฺญตฺติ นาม น ปฎิเสเธตพฺพา, ตสฺมา ภควา อญฺญาติกอปฺปวาริตฎฺฐาเน ธมฺมนิมนฺตนวเสน วเทยฺย ‘‘เยนโตฺถ’’ติ วุตฺตาย ‘‘จตุกฺกํสปรมํ วิญฺญาเปตพฺพ’’นฺติ ปริเจฺฉทํ ทเสฺสตีติ เวทิตพฺพํฯ อญฺญถา ‘‘นิทาเนน สิกฺขาปทํ น สเมติ, สิกฺขาปเทน จ อนาปตฺติวาโร’’ติ จ ‘‘อกตวิญฺญตฺติยา จตุกฺกํสปรมํ วิญฺญาเปตพฺพ’’นฺติ จ อนิฎฺฐํ อาปชฺชติ, ตสฺมา มาติกาฎฺฐกถายํ เจตาเปตพฺพนฺติ ฐเปตฺวา สหธมฺมิเก จ ญาตกปวาริเต จ อเญฺญน กิสฺมิญฺจิเทว คุเณน, ปริตุเฎฺฐน จ วเทยฺย ‘‘เยนโตฺถ’’ติ วุตฺตสฺส ‘‘วิญฺญาเปตพฺพ’’นฺติ วุตฺตนเยน อโตฺถ ทฎฺฐโพฺพฯ โปราณคณฺฐิปเท ปน ‘‘อิทํ ปริจฺฉินฺนปวารณํ สนฺธาย วุตฺตํฯ อนาปตฺติ ญาตกานํ ปวาริตานนฺติ ปน สพฺพปฺปกาเรน ปวตฺตํ นิจฺจปวารณํ สนฺธาย วุตฺตํฯ นิจฺจปวารณา นาม ยทา เยนโตฺถ, ตทา ตํ วเทยฺยาถาติ เอวํ ปวตฺตา ฯ ‘หนฺท สีตปาวุรณ’นฺติ เทนฺตานํ ปน อติเรกจตุกฺกํสมฺปิ คเหตุํ วฎฺฎตี’’ติ วุตฺตํฯ อยเมว นโย ทสเมปีติฯ
784. ‘‘Dutiyavaggassa paṭhame’’ti avatvā ‘‘ekādasame’’ti idha vuttaṃ. Kasmā? Bhikkhunivibhaṅge tiṃsakakaṇḍaṃ patvā vaggakkamassa avuttattā. Yasmā pavāritaṭṭhāne viññatti nāma na paṭisedhetabbā, tasmā bhagavā aññātikaappavāritaṭṭhāne dhammanimantanavasena vadeyya ‘‘yenattho’’ti vuttāya ‘‘catukkaṃsaparamaṃ viññāpetabba’’nti paricchedaṃ dassetīti veditabbaṃ. Aññathā ‘‘nidānena sikkhāpadaṃ na sameti, sikkhāpadena ca anāpattivāro’’ti ca ‘‘akataviññattiyā catukkaṃsaparamaṃ viññāpetabba’’nti ca aniṭṭhaṃ āpajjati, tasmā mātikāṭṭhakathāyaṃ cetāpetabbanti ṭhapetvā sahadhammike ca ñātakapavārite ca aññena kismiñcideva guṇena, parituṭṭhena ca vadeyya ‘‘yenattho’’ti vuttassa ‘‘viññāpetabba’’nti vuttanayena attho daṭṭhabbo. Porāṇagaṇṭhipade pana ‘‘idaṃ paricchinnapavāraṇaṃ sandhāya vuttaṃ. Anāpatti ñātakānaṃ pavāritānanti pana sabbappakārena pavattaṃ niccapavāraṇaṃ sandhāya vuttaṃ. Niccapavāraṇā nāma yadā yenattho, tadā taṃ vadeyyāthāti evaṃ pavattā . ‘Handa sītapāvuraṇa’nti dentānaṃ pana atirekacatukkaṃsampi gahetuṃ vaṭṭatī’’ti vuttaṃ. Ayameva nayo dasamepīti.
เอกาทสมนิสฺสคฺคิยปาจิตฺติยสิกฺขาปทวณฺณนา นิฎฺฐิตาฯ
Ekādasamanissaggiyapācittiyasikkhāpadavaṇṇanā niṭṭhitā.
ภิกฺขุนีวิภเงฺค ติํสกวณฺณนา นิฎฺฐิตาฯ
Bhikkhunīvibhaṅge tiṃsakavaṇṇanā niṭṭhitā.
นิสฺสคฺคิยกณฺฑวณฺณนา นิฎฺฐิตาฯ
Nissaggiyakaṇḍavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๑๑. เอกาทสมสิกฺขาปทํ • 11. Ekādasamasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / เอกาทสมนิสฺสคฺคิยปาจิตฺติยสิกฺขาปทวณฺณนา • Ekādasamanissaggiyapācittiyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๓. นิสฺสคฺคิยกณฺฑํ (ภิกฺขุนีวิภงฺควณฺณนา) • 3. Nissaggiyakaṇḍaṃ (bhikkhunīvibhaṅgavaṇṇanā)
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๒. ทุติยนิสฺสคฺคิยาทิปาจิตฺติยสิกฺขาปทวณฺณนา • 2. Dutiyanissaggiyādipācittiyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๑. เอกาทสมนิสฺสคฺคิยปาจิตฺติยสิกฺขาปทํ • 11. Ekādasamanissaggiyapācittiyasikkhāpadaṃ
