| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༡༡. ཨེཀཱདསམནིསྶགྒིཡཔཱཙིཏྟིཡསིཀྑཱཔདཝཎྞནཱ
11. Ekādasamanissaggiyapācittiyasikkhāpadavaṇṇanā
༧༨༤. ‘‘དུཏིཡཝགྒསྶ པཋམེ’’ཏི ཨཝཏྭཱ ‘‘ཨེཀཱདསམེ’’ཏི ཨིདྷ ཝུཏྟཾ། ཀསྨཱ? བྷིཀྑུནིཝིབྷངྒེ ཏིཾསཀཀཎྜཾ པཏྭཱ ཝགྒཀྐམསྶ ཨཝུཏྟཏྟཱ། ཡསྨཱ པཝཱརིཏཊྛཱནེ ཝིཉྙཏྟི ནཱམ ན པཊིསེདྷེཏབྦཱ, ཏསྨཱ བྷགཝཱ ཨཉྙཱཏིཀཨཔྤཝཱརིཏཊྛཱནེ དྷམྨནིམནྟནཝསེན ཝདེཡྻ ‘‘ཡེནཏྠོ’’ཏི ཝུཏྟཱཡ ‘‘ཙཏུཀྐཾསཔརམཾ ཝིཉྙཱཔེཏབྦ’’ནྟི པརིཙྪེདཾ དསྶེཏཱིཏི ཝེདིཏབྦཾ། ཨཉྙཐཱ ‘‘ནིདཱནེན སིཀྑཱཔདཾ ན སམེཏི, སིཀྑཱཔདེན ཙ ཨནཱཔཏྟིཝཱརོ’’ཏི ཙ ‘‘ཨཀཏཝིཉྙཏྟིཡཱ ཙཏུཀྐཾསཔརམཾ ཝིཉྙཱཔེཏབྦ’’ནྟི ཙ ཨནིཊྛཾ ཨཱཔཛྫཏི, ཏསྨཱ མཱཏིཀཱཊྛཀཐཱཡཾ ཙེཏཱཔེཏབྦནྟི ཋཔེཏྭཱ སཧདྷམྨིཀེ ཙ ཉཱཏཀཔཝཱརིཏེ ཙ ཨཉྙེན ཀིསྨིཉྩིདེཝ གུཎེན, པརིཏུཊྛེན ཙ ཝདེཡྻ ‘‘ཡེནཏྠོ’’ཏི ཝུཏྟསྶ ‘‘ཝིཉྙཱཔེཏབྦ’’ནྟི ཝུཏྟནཡེན ཨཏྠོ དཊྛབྦོ། པོརཱཎགཎྛིཔདེ པན ‘‘ཨིདཾ པརིཙྪིནྣཔཝཱརཎཾ སནྡྷཱཡ ཝུཏྟཾ། ཨནཱཔཏྟི ཉཱཏཀཱནཾ པཝཱརིཏཱནནྟི པན སབྦཔྤཀཱརེན པཝཏྟཾ ནིཙྩཔཝཱརཎཾ སནྡྷཱཡ ཝུཏྟཾ། ནིཙྩཔཝཱརཎཱ ནཱམ ཡདཱ ཡེནཏྠོ, ཏདཱ ཏཾ ཝདེཡྻཱཐཱཏི ཨེཝཾ པཝཏྟཱ ། ‘ཧནྡ སཱིཏཔཱཝུརཎ’ནྟི དེནྟཱནཾ པན ཨཏིརེཀཙཏུཀྐཾསམྤི གཧེཏུཾ ཝཊྚཏཱི’’ཏི ཝུཏྟཾ། ཨཡམེཝ ནཡོ དསམེཔཱིཏི།
784. ‘‘Dutiyavaggassa paṭhame’’ti avatvā ‘‘ekādasame’’ti idha vuttaṃ. Kasmā? Bhikkhunivibhaṅge tiṃsakakaṇḍaṃ patvā vaggakkamassa avuttattā. Yasmā pavāritaṭṭhāne viññatti nāma na paṭisedhetabbā, tasmā bhagavā aññātikaappavāritaṭṭhāne dhammanimantanavasena vadeyya ‘‘yenattho’’ti vuttāya ‘‘catukkaṃsaparamaṃ viññāpetabba’’nti paricchedaṃ dassetīti veditabbaṃ. Aññathā ‘‘nidānena sikkhāpadaṃ na sameti, sikkhāpadena ca anāpattivāro’’ti ca ‘‘akataviññattiyā catukkaṃsaparamaṃ viññāpetabba’’nti ca aniṭṭhaṃ āpajjati, tasmā mātikāṭṭhakathāyaṃ cetāpetabbanti ṭhapetvā sahadhammike ca ñātakapavārite ca aññena kismiñcideva guṇena, parituṭṭhena ca vadeyya ‘‘yenattho’’ti vuttassa ‘‘viññāpetabba’’nti vuttanayena attho daṭṭhabbo. Porāṇagaṇṭhipade pana ‘‘idaṃ paricchinnapavāraṇaṃ sandhāya vuttaṃ. Anāpatti ñātakānaṃ pavāritānanti pana sabbappakārena pavattaṃ niccapavāraṇaṃ sandhāya vuttaṃ. Niccapavāraṇā nāma yadā yenattho, tadā taṃ vadeyyāthāti evaṃ pavattā . ‘Handa sītapāvuraṇa’nti dentānaṃ pana atirekacatukkaṃsampi gahetuṃ vaṭṭatī’’ti vuttaṃ. Ayameva nayo dasamepīti.
ཨེཀཱདསམནིསྶགྒིཡཔཱཙིཏྟིཡསིཀྑཱཔདཝཎྞནཱ ནིཊྛིཏཱ།
Ekādasamanissaggiyapācittiyasikkhāpadavaṇṇanā niṭṭhitā.
བྷིཀྑུནཱིཝིབྷངྒེ ཏིཾསཀཝཎྞནཱ ནིཊྛིཏཱ།
Bhikkhunīvibhaṅge tiṃsakavaṇṇanā niṭṭhitā.
ནིསྶགྒིཡཀཎྜཝཎྞནཱ ནིཊྛིཏཱ།
Nissaggiyakaṇḍavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༡༡. ཨེཀཱདསམསིཀྑཱཔདཾ • 11. Ekādasamasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / ཨེཀཱདསམནིསྶགྒིཡཔཱཙིཏྟིཡསིཀྑཱཔདཝཎྞནཱ • Ekādasamanissaggiyapācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༣. ནིསྶགྒིཡཀཎྜཾ (བྷིཀྑུནཱིཝིབྷངྒཝཎྞནཱ) • 3. Nissaggiyakaṇḍaṃ (bhikkhunīvibhaṅgavaṇṇanā)
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. དུཏིཡནིསྶགྒིཡཱདིཔཱཙིཏྟིཡསིཀྑཱཔདཝཎྞནཱ • 2. Dutiyanissaggiyādipācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༡. ཨེཀཱདསམནིསྶགྒིཡཔཱཙིཏྟིཡསིཀྑཱཔདཾ • 11. Ekādasamanissaggiyapācittiyasikkhāpadaṃ
