| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੧੧. ਏਕਾਦਸਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ
11. Ekādasamanissaggiyapācittiyasikkhāpadavaṇṇanā
੭੮੪. ‘‘ਦੁਤਿਯવਗ੍ਗਸ੍ਸ ਪਠਮੇ’’ਤਿ ਅવਤ੍વਾ ‘‘ਏਕਾਦਸਮੇ’’ਤਿ ਇਧ વੁਤ੍ਤਂ। ਕਸ੍ਮਾ? ਭਿਕ੍ਖੁਨਿવਿਭਙ੍ਗੇ ਤਿਂਸਕਕਣ੍ਡਂ ਪਤ੍વਾ વਗ੍ਗਕ੍ਕਮਸ੍ਸ ਅવੁਤ੍ਤਤ੍ਤਾ। ਯਸ੍ਮਾ ਪવਾਰਿਤਟ੍ਠਾਨੇ વਿਞ੍ਞਤ੍ਤਿ ਨਾਮ ਨ ਪਟਿਸੇਧੇਤਬ੍ਬਾ, ਤਸ੍ਮਾ ਭਗવਾ ਅਞ੍ਞਾਤਿਕਅਪ੍ਪવਾਰਿਤਟ੍ਠਾਨੇ ਧਮ੍ਮਨਿਮਨ੍ਤਨવਸੇਨ વਦੇਯ੍ਯ ‘‘ਯੇਨਤ੍ਥੋ’’ਤਿ વੁਤ੍ਤਾਯ ‘‘ਚਤੁਕ੍ਕਂਸਪਰਮਂ વਿਞ੍ਞਾਪੇਤਬ੍ਬ’’ਨ੍ਤਿ ਪਰਿਚ੍ਛੇਦਂ ਦਸ੍ਸੇਤੀਤਿ વੇਦਿਤਬ੍ਬਂ। ਅਞ੍ਞਥਾ ‘‘ਨਿਦਾਨੇਨ ਸਿਕ੍ਖਾਪਦਂ ਨ ਸਮੇਤਿ, ਸਿਕ੍ਖਾਪਦੇਨ ਚ ਅਨਾਪਤ੍ਤਿવਾਰੋ’’ਤਿ ਚ ‘‘ਅਕਤવਿਞ੍ਞਤ੍ਤਿਯਾ ਚਤੁਕ੍ਕਂਸਪਰਮਂ વਿਞ੍ਞਾਪੇਤਬ੍ਬ’’ਨ੍ਤਿ ਚ ਅਨਿਟ੍ਠਂ ਆਪਜ੍ਜਤਿ, ਤਸ੍ਮਾ ਮਾਤਿਕਾਟ੍ਠਕਥਾਯਂ ਚੇਤਾਪੇਤਬ੍ਬਨ੍ਤਿ ਠਪੇਤ੍વਾ ਸਹਧਮ੍ਮਿਕੇ ਚ ਞਾਤਕਪવਾਰਿਤੇ ਚ ਅਞ੍ਞੇਨ ਕਿਸ੍ਮਿਞ੍ਚਿਦੇવ ਗੁਣੇਨ, ਪਰਿਤੁਟ੍ਠੇਨ ਚ વਦੇਯ੍ਯ ‘‘ਯੇਨਤ੍ਥੋ’’ਤਿ વੁਤ੍ਤਸ੍ਸ ‘‘વਿਞ੍ਞਾਪੇਤਬ੍ਬ’’ਨ੍ਤਿ વੁਤ੍ਤਨਯੇਨ ਅਤ੍ਥੋ ਦਟ੍ਠਬ੍ਬੋ। ਪੋਰਾਣਗਣ੍ਠਿਪਦੇ ਪਨ ‘‘ਇਦਂ ਪਰਿਚ੍ਛਿਨ੍ਨਪવਾਰਣਂ ਸਨ੍ਧਾਯ વੁਤ੍ਤਂ। ਅਨਾਪਤ੍ਤਿ ਞਾਤਕਾਨਂ ਪવਾਰਿਤਾਨਨ੍ਤਿ ਪਨ ਸਬ੍ਬਪ੍ਪਕਾਰੇਨ ਪવਤ੍ਤਂ ਨਿਚ੍ਚਪવਾਰਣਂ ਸਨ੍ਧਾਯ વੁਤ੍ਤਂ। ਨਿਚ੍ਚਪવਾਰਣਾ ਨਾਮ ਯਦਾ ਯੇਨਤ੍ਥੋ, ਤਦਾ ਤਂ વਦੇਯ੍ਯਾਥਾਤਿ ਏવਂ ਪવਤ੍ਤਾ । ‘ਹਨ੍ਦ ਸੀਤਪਾવੁਰਣ’ਨ੍ਤਿ ਦੇਨ੍ਤਾਨਂ ਪਨ ਅਤਿਰੇਕਚਤੁਕ੍ਕਂਸਮ੍ਪਿ ਗਹੇਤੁਂ વਟ੍ਟਤੀ’’ਤਿ વੁਤ੍ਤਂ। ਅਯਮੇવ ਨਯੋ ਦਸਮੇਪੀਤਿ।
784. ‘‘Dutiyavaggassa paṭhame’’ti avatvā ‘‘ekādasame’’ti idha vuttaṃ. Kasmā? Bhikkhunivibhaṅge tiṃsakakaṇḍaṃ patvā vaggakkamassa avuttattā. Yasmā pavāritaṭṭhāne viññatti nāma na paṭisedhetabbā, tasmā bhagavā aññātikaappavāritaṭṭhāne dhammanimantanavasena vadeyya ‘‘yenattho’’ti vuttāya ‘‘catukkaṃsaparamaṃ viññāpetabba’’nti paricchedaṃ dassetīti veditabbaṃ. Aññathā ‘‘nidānena sikkhāpadaṃ na sameti, sikkhāpadena ca anāpattivāro’’ti ca ‘‘akataviññattiyā catukkaṃsaparamaṃ viññāpetabba’’nti ca aniṭṭhaṃ āpajjati, tasmā mātikāṭṭhakathāyaṃ cetāpetabbanti ṭhapetvā sahadhammike ca ñātakapavārite ca aññena kismiñcideva guṇena, parituṭṭhena ca vadeyya ‘‘yenattho’’ti vuttassa ‘‘viññāpetabba’’nti vuttanayena attho daṭṭhabbo. Porāṇagaṇṭhipade pana ‘‘idaṃ paricchinnapavāraṇaṃ sandhāya vuttaṃ. Anāpatti ñātakānaṃ pavāritānanti pana sabbappakārena pavattaṃ niccapavāraṇaṃ sandhāya vuttaṃ. Niccapavāraṇā nāma yadā yenattho, tadā taṃ vadeyyāthāti evaṃ pavattā . ‘Handa sītapāvuraṇa’nti dentānaṃ pana atirekacatukkaṃsampi gahetuṃ vaṭṭatī’’ti vuttaṃ. Ayameva nayo dasamepīti.
ਏਕਾਦਸਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ekādasamanissaggiyapācittiyasikkhāpadavaṇṇanā niṭṭhitā.
ਭਿਕ੍ਖੁਨੀવਿਭਙ੍ਗੇ ਤਿਂਸਕવਣ੍ਣਨਾ ਨਿਟ੍ਠਿਤਾ।
Bhikkhunīvibhaṅge tiṃsakavaṇṇanā niṭṭhitā.
ਨਿਸ੍ਸਗ੍ਗਿਯਕਣ੍ਡવਣ੍ਣਨਾ ਨਿਟ੍ਠਿਤਾ।
Nissaggiyakaṇḍavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੧੧. ਏਕਾਦਸਮਸਿਕ੍ਖਾਪਦਂ • 11. Ekādasamasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ਏਕਾਦਸਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • Ekādasamanissaggiyapācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਨਿਸ੍ਸਗ੍ਗਿਯਕਣ੍ਡਂ (ਭਿਕ੍ਖੁਨੀવਿਭਙ੍ਗવਣ੍ਣਨਾ) • 3. Nissaggiyakaṇḍaṃ (bhikkhunīvibhaṅgavaṇṇanā)
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਦੁਤਿਯਨਿਸ੍ਸਗ੍ਗਿਯਾਦਿਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 2. Dutiyanissaggiyādipācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧. ਏਕਾਦਸਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦਂ • 11. Ekādasamanissaggiyapācittiyasikkhāpadaṃ
