| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
11. згаад̣̇асамасигкаабад̣̇ам̣
11. Ekādasamasikkhāpadaṃ
783. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний б̣ахуссуд̇аа ход̇и бхаан̣игаа висаарад̣̇аа баддаа д̇хаммим̣ гат̇ам̣ гаад̇ум̣. ат̇а ко рааж̇аа басзнад̣̇и госало сийд̇агаалз махаг̇гхам̣ гамб̣алам̣ баарубид̇ваа язна т̇уллананд̣̇аа бхигкуний д̇знубасан̇гами; убасан̇гамид̇ваа т̇уллананд̣̇ам̣ бхигкуним̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко рааж̇аанам̣ басзнад̣̇им̣ госалам̣ т̇уллананд̣̇аа бхигкуний д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко рааж̇аа басзнад̣̇и госало т̇уллананд̣̇ааяа бхигкунияаа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о т̇уллананд̣̇ам̣ бхигкуним̣ зд̇ад̣̇авожа – ‘‘вад̣̇зяяааси, аяяз, язна ад̇т̇о’’д̇и? ‘‘сажз мз д̇вам̣, махаарааж̇а, д̣̇аад̇угаамоси, имам̣ гамб̣алам̣ д̣̇зхий’’д̇и. ат̇а ко рааж̇аа басзнад̣̇и госало т̇уллананд̣̇ааяа бхигкунияаа гамб̣алам̣ д̣̇ад̇ваа удтааяаасанаа т̇уллананд̣̇ам̣ бхигкуним̣ абхиваад̣̇зд̇ваа бад̣̇агкин̣ам̣ гад̇ваа баггаами. мануссаа уж̇жхааяанд̇и кияяанд̇и вибаажзнд̇и – ‘‘махижчаа имаа бхигкунияо асанд̇удтаа. гат̇ан̃хи наама рааж̇аанам̣ гамб̣алам̣ вин̃н̃аабзссанд̇ий’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа рааж̇аанам̣ гамб̣алам̣ вин̃н̃аабзссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний рааж̇аанам̣ гамб̣алам̣ вин̃н̃аабзд̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний рааж̇аанам̣ гамб̣алам̣ вин̃н̃аабзссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
783. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṃ kathaṃ kātuṃ. Atha kho rājā pasenadi kosalo sītakāle mahagghaṃ kambalaṃ pārupitvā yena thullanandā bhikkhunī tenupasaṅkami; upasaṅkamitvā thullanandaṃ bhikkhuniṃ abhivādetvā ekamantaṃ nisīdi. Ekamantaṃ nisinnaṃ kho rājānaṃ pasenadiṃ kosalaṃ thullanandā bhikkhunī dhammiyā kathāya sandassesi samādapesi samuttejesi sampahaṃsesi. Atha kho rājā pasenadi kosalo thullanandāya bhikkhuniyā dhammiyā kathāya sandassito samādapito samuttejito sampahaṃsito thullanandaṃ bhikkhuniṃ etadavoca – ‘‘vadeyyāsi, ayye, yena attho’’ti? ‘‘Sace me tvaṃ, mahārāja, dātukāmosi, imaṃ kambalaṃ dehī’’ti. Atha kho rājā pasenadi kosalo thullanandāya bhikkhuniyā kambalaṃ datvā uṭṭhāyāsanā thullanandaṃ bhikkhuniṃ abhivādetvā padakkhiṇaṃ katvā pakkāmi. Manussā ujjhāyanti khiyyanti vipācenti – ‘‘mahicchā imā bhikkhuniyo asantuṭṭhā. Kathañhi nāma rājānaṃ kambalaṃ viññāpessantī’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā rājānaṃ kambalaṃ viññāpessatī’’ti…pe… saccaṃ kira, bhikkhave, thullanandā bhikkhunī rājānaṃ kambalaṃ viññāpetīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī rājānaṃ kambalaṃ viññāpessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
784. ‘‘г̇арубаавуран̣ам̣ 3 бана бхигкунияаа жзд̇аабзнд̇ияаа жад̇уггам̣сабарамам̣ жзд̇аабзд̇аб̣б̣ам̣. д̇ад̇о жз уд̇д̇ари жзд̇аабзяяа, ниссаг̇г̇ияам̣ баажид̇д̇ияа’’нд̇и.
784.‘‘Garupāvuraṇaṃ 4 pana bhikkhuniyā cetāpentiyā catukkaṃsaparamaṃ cetāpetabbaṃ. Tato ce uttari cetāpeyya, nissaggiyaṃ pācittiya’’nti.
785. г̇арубаавуран̣ам̣ наама яам̣ гин̃жи сийд̇агаалз баавуран̣ам̣.
785.Garupāvuraṇaṃ nāma yaṃ kiñci sītakāle pāvuraṇaṃ.
жзд̇аабзнд̇ияаад̇и вин̃н̃аабзнд̇ияаа.
Cetāpentiyāti viññāpentiyā.
жад̇уггам̣сабарамам̣ жзд̇аабзд̇аб̣б̣анд̇и сол̣асагахаабан̣аг̇гханагам̣ жзд̇аабзд̇аб̣б̣ам̣.
Catukkaṃsaparamaṃcetāpetabbanti soḷasakahāpaṇagghanakaṃ cetāpetabbaṃ.
д̇ад̇о жз уд̇д̇ари жзд̇аабзяяаад̇и д̇ад̇уд̇д̇ари вин̃н̃аабзд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа згабхигкунияаа ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ‘‘ид̣̇ам̣ мз, аяяз, г̇арубаавуран̣ам̣ ад̇ирзгажад̇уггам̣сабарамам̣ жзд̇аабид̇ам̣ ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… аяяааяа д̣̇аммийд̇и.
Tato ce uttari cetāpeyyāti tatuttari viññāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… ‘‘idaṃ me, ayye, garupāvuraṇaṃ atirekacatukkaṃsaparamaṃ cetāpitaṃ nissaggiyaṃ, imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… ayyāya dammīti.
786. ад̇ирзгажад̇уггам̣сз ад̇ирзгасан̃н̃аа жзд̇аабзд̇и, ниссаг̇г̇ияам̣ баажид̇д̇ияам̣. ад̇ирзгажад̇уггам̣сз взмад̇игаа жзд̇аабзд̇и, ниссаг̇г̇ияам̣ баажид̇д̇ияам̣ . ад̇ирзгажад̇уггам̣сз уунагасан̃н̃аа жзд̇аабзд̇и, ниссаг̇г̇ияам̣ баажид̇д̇ияам̣.
786. Atirekacatukkaṃse atirekasaññā cetāpeti, nissaggiyaṃ pācittiyaṃ. Atirekacatukkaṃse vematikā cetāpeti, nissaggiyaṃ pācittiyaṃ . Atirekacatukkaṃse ūnakasaññā cetāpeti, nissaggiyaṃ pācittiyaṃ.
уунагажад̇уггам̣сз ад̇ирзгасан̃н̃аа, аабад̇д̇и д̣̇уггадасса. уунагажад̇уггам̣сз взмад̇игаа, аабад̇д̇и д̣̇уггадасса. уунагажад̇уггам̣сз уунагасан̃н̃аа, анаабад̇д̇и.
Ūnakacatukkaṃse atirekasaññā, āpatti dukkaṭassa. Ūnakacatukkaṃse vematikā, āpatti dukkaṭassa. Ūnakacatukkaṃse ūnakasaññā, anāpatti.
787. анаабад̇д̇и жад̇уггам̣сабарамам̣ жзд̇аабзд̇и, уунагажад̇уггам̣сабарамам̣ жзд̇аабзд̇и, н̃аад̇агаанам̣, баваарид̇аанам̣, ан̃н̃ассад̇т̇ааяа, ад̇д̇ано д̇ханзна, махаг̇гхам̣ жзд̇аабзд̇угаамасса аббаг̇гхам̣ жзд̇аабзд̇и, уммад̇д̇игааяа, аад̣̇игаммигааяаад̇и.
787. Anāpatti catukkaṃsaparamaṃ cetāpeti, ūnakacatukkaṃsaparamaṃ cetāpeti, ñātakānaṃ, pavāritānaṃ, aññassatthāya, attano dhanena, mahagghaṃ cetāpetukāmassa appagghaṃ cetāpeti, ummattikāya, ādikammikāyāti.
згаад̣̇асамасигкаабад̣̇ам̣ нидтид̇ам̣.
Ekādasamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / згаад̣̇асаманиссаг̇г̇ияабаажид̇д̇ияасигкаабад̣̇аван̣н̣анаа • Ekādasamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 11. згаад̣̇асаманиссаг̇г̇ияабаажид̇д̇ияасигкаабад̣̇аван̣н̣анаа • 11. Ekādasamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 11. згаад̣̇асаманиссаг̇г̇ияабаажид̇д̇ияасигкаабад̣̇ам̣ • 11. Ekādasamanissaggiyapācittiyasikkhāpadaṃ
