| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
11. згаад̣̇асамасигкаабад̣̇ам̣
11. Ekādasamasikkhāpadaṃ
1166. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна т̇уллананд̣̇аа бхигкуний – ‘‘сигкамаанам̣ вудтаабзссаамий’’д̇и т̇зрз бхигкуу саннибаад̇зд̇ваа бахууд̇ам̣ каад̣̇анийяам̣ бхож̇анийяам̣ бассид̇ваа – ‘‘на д̇ааваахам̣, аяяаа, сигкамаанам̣ вудтаабзссаамий’’д̇и т̇зрз бхигкуу уяяож̇зд̇ваа д̣̇звад̣̇ад̇д̇ам̣ гогаалигам̣ гадамод̣̇агад̇иссагам̣ кан̣д̣ад̣̇звияаа буд̇д̇ам̣ самуд̣̇д̣̇ад̣̇ад̇д̇ам̣ саннибаад̇зд̇ваа сигкамаанам̣ вудтаабзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа баариваасигачанд̣̇ад̣̇аанзна сигкамаанам̣ вудтаабзссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний баариваасигачанд̣̇ад̣̇аанзна сигкамаанам̣ вудтаабзд̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний баариваасигачанд̣̇ад̣̇аанзна сигкамаанам̣ вудтаабзссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1166. Tena samayena buddho bhagavā rājagahe viharati veḷuvane kalandakanivāpe. Tena kho pana samayena thullanandā bhikkhunī – ‘‘sikkhamānaṃ vuṭṭhāpessāmī’’ti there bhikkhū sannipātetvā pahūtaṃ khādanīyaṃ bhojanīyaṃ passitvā – ‘‘na tāvāhaṃ, ayyā, sikkhamānaṃ vuṭṭhāpessāmī’’ti there bhikkhū uyyojetvā devadattaṃ kokālikaṃ kaṭamodakatissakaṃ khaṇḍadeviyā puttaṃ samuddadattaṃ sannipātetvā sikkhamānaṃ vuṭṭhāpesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā pārivāsikachandadānena sikkhamānaṃ vuṭṭhāpessatī’’ti…pe… saccaṃ kira, bhikkhave, thullanandā bhikkhunī pārivāsikachandadānena sikkhamānaṃ vuṭṭhāpetīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī pārivāsikachandadānena sikkhamānaṃ vuṭṭhāpessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1167. ‘‘яаа бана бхигкуний баариваасигачанд̣̇ад̣̇аанзна сигкамаанам̣ вудтаабзяяа, баажид̇д̇ияа’’нд̇и.
1167.‘‘Yā pana bhikkhunī pārivāsikachandadānena sikkhamānaṃ vuṭṭhāpeyya, pācittiya’’nti.
1168. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1168.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
баариваасигачанд̣̇ад̣̇аанзнаад̇и вудтид̇ааяа барисааяа. сигкамаанаа наама д̣̇вз вассаани часу д̇хаммзсу сигкид̇асигкаа. вудтаабзяяаад̇и убасамбаад̣̇зяяа.
Pārivāsikachandadānenāti vuṭṭhitāya parisāya. Sikkhamānā nāma dve vassāni chasu dhammesu sikkhitasikkhā. Vuṭṭhāpeyyāti upasampādeyya.
‘‘вудтаабзссаамий’’д̇и г̇ан̣ам̣ ваа аажариним̣ ваа бад̇д̇ам̣ ваа жийварам̣ ваа бариязсад̇и, сиймам̣ ваа самманнад̇и, аабад̇д̇и д̣̇уггадасса. н̃ад̇д̇ияаа д̣̇уггадам̣. д̣̇вийхи гаммаваажаахи д̣̇уггадаа. гаммаваажаабарияосаанз убаж̇жхааяааяа аабад̇д̇и баажид̇д̇ияасса . г̇ан̣асса жа аажаринияаа жа аабад̇д̇и д̣̇уггадасса.
‘‘Vuṭṭhāpessāmī’’ti gaṇaṃ vā ācariniṃ vā pattaṃ vā cīvaraṃ vā pariyesati, sīmaṃ vā sammannati, āpatti dukkaṭassa. Ñattiyā dukkaṭaṃ. Dvīhi kammavācāhi dukkaṭā. Kammavācāpariyosāne upajjhāyāya āpatti pācittiyassa . Gaṇassa ca ācariniyā ca āpatti dukkaṭassa.
1169. анаабад̇д̇и авудтид̇ааяа барисааяа вудтаабзд̇и, уммад̇д̇игааяа, аад̣̇игаммигааяаад̇и.
1169. Anāpatti avuṭṭhitāya parisāya vuṭṭhāpeti, ummattikāya, ādikammikāyāti.
згаад̣̇асамасигкаабад̣̇ам̣ нидтид̇ам̣.
Ekādasamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 11. згаад̣̇асамасигкаабад̣̇аван̣н̣анаа • 11. Ekādasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. гумаарибхууд̇аваг̇г̇аван̣н̣анаа • 8. Kumāribhūtavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияаад̣̇исигкаабад̣̇аван̣н̣анаа • 2. Dutiyādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 11. згаад̣̇асамасигкаабад̣̇ам̣ • 11. Ekādasamasikkhāpadaṃ
