| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
11. එකාදසමසික්‌ඛාපදං
11. Ekādasamasikkhāpadaṃ
1167. එකාදසමෙ තත්‌ථාති ‘‘පාරිවාසියඡන්‌දදානෙනා’’ති වචනෙ. අඤ්‌ඤත්‍රාති අඤ්‌ඤං ඨානං.
1167. Ekādasame tatthāti ‘‘pārivāsiyachandadānenā’’ti vacane. Aññatrāti aññaṃ ṭhānaṃ.
එකං අජ්‌ඣෙසන්‌තීති එකං භික්‌ඛුං ධම්‌මකථනත්‌ථාය නිය්‍යොජෙන්‌ති. අඤ්‌ඤං පනාති උපොසථිකතො අඤ්‌ඤං පන.
Ekaṃ ajjhesantīti ekaṃ bhikkhuṃ dhammakathanatthāya niyyojenti. Aññaṃ panāti uposathikato aññaṃ pana.
තත්‍රාති තෙසු භික්‌ඛූසු. සුභාසුභං නක්‌ඛත්‌තං පඨතීති නක්‌ඛත්‌තපාඨකො. දාරුණන්‌ති කක්‌ඛළං. තෙති භික්‌ඛූ. තස්‌සාති නක්‌ඛත්‌තපාඨකස්‌ස භික්‌ඛුස්‌ස. ‘‘නක්‌ඛත්‌තං පටිමානෙන්‌තං, අත්‌ථො බාලං උපච්‌චගා’’තිජාතකපාළි (ජා. 1.1.49). අයං පනෙත්‌ථ යොජනා – නක්‌ඛත්‌තං පටිමානෙන්‌තං බාලං අත්‌ථො හිතං උපච්‌චගා උපසමීපෙ අතික්‌කමිත්‌වා අගාති. එකාදසමං.
Tatrāti tesu bhikkhūsu. Subhāsubhaṃ nakkhattaṃ paṭhatīti nakkhattapāṭhako. Dāruṇanti kakkhaḷaṃ. Teti bhikkhū. Tassāti nakkhattapāṭhakassa bhikkhussa. ‘‘Nakkhattaṃ paṭimānentaṃ, attho bālaṃ upaccagā’’tijātakapāḷi (jā. 1.1.49). Ayaṃ panettha yojanā – nakkhattaṃ paṭimānentaṃ bālaṃ attho hitaṃ upaccagā upasamīpe atikkamitvā agāti. Ekādasamaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 11. එකාදසමසික්‌ඛාපදං • 11. Ekādasamasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 11. එකාදසමසික්‌ඛාපදවණ්‌ණනා • 11. Ekādasamasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 2. දුතියාදිසික්‌ඛාපදවණ්‌ණනා • 2. Dutiyādisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමාදිසික්‌ඛාපදවණ්‌ණනා • 1. Paṭhamādisikkhāpadavaṇṇanā
