| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ • Bhikkhunīvibhaṅga |
༡༡. ཨེཀཱདསམསིཀྑཱཔདཾ
11. Ekādasamasikkhāpadaṃ
༡༢༡༤. ཏེན སམཡེན བུདྡྷོ བྷགཝཱ སཱཝཏྠིཡཾ ཝིཧརཏི ཛེཏཝནེ ཨནཱཐཔིཎྜིཀསྶ ཨཱརཱམེ། ཏེན ཁོ པན སམཡེན བྷིཀྑུནིཡོ བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདནྟི། བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ བྷིཀྑུནིཡོ བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདིསྶནྟཱི’’ཏི…པེ॰… སཙྩཾ ཀིར, བྷིཀྑཝེ, བྷིཀྑུནིཡོ བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདནྟཱིཏི? ‘‘སཙྩཾ, བྷགཝཱ’’ཏི། ཝིགརཧི བུདྡྷོ བྷགཝཱ…པེ॰… ཀཐཉྷི ནཱམ, བྷིཀྑཝེ, བྷིཀྑུནིཡོ བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདིསྶནྟི! ནེཏཾ, བྷིཀྑཝེ, ཨཔྤསནྣཱནཾ ཝཱ པསཱདཱཡ…པེ॰… ཨེཝཉྩ པན, བྷིཀྑཝེ, བྷིཀྑུནིཡོ ཨིམཾ སིཀྑཱཔདཾ ཨུདྡིསནྟུ –
1214. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo bhikkhussa purato anāpucchā āsane nisīdanti. Bhikkhū ujjhāyanti khiyyanti vipācenti – ‘‘kathañhi nāma bhikkhuniyo bhikkhussa purato anāpucchā āsane nisīdissantī’’ti…pe… saccaṃ kira, bhikkhave, bhikkhuniyo bhikkhussa purato anāpucchā āsane nisīdantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo bhikkhussa purato anāpucchā āsane nisīdissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
༡༢༡༥. ‘‘ཡཱ པན བྷིཀྑུནཱི བྷིཀྑུསྶ པུརཏོ ཨནཱཔུཙྪཱ ཨཱསནེ ནིསཱིདེཡྻ, པཱཙིཏྟིཡ’’ནྟི།
1215.‘‘Yā pana bhikkhunī bhikkhussa purato anāpucchā āsane nisīdeyya, pācittiya’’nti.
༡༢༡༦. ཡཱ པནཱཏི ཡཱ ཡཱདིསཱ…པེ॰… བྷིཀྑུནཱིཏི…པེ॰… ཨཡཾ ཨིམསྨིཾ ཨཏྠེ ཨདྷིཔྤེཏཱ བྷིཀྑུནཱིཏི།
1216.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
བྷིཀྑུསྶ པུརཏོཏི ཨུཔསམྤནྣསྶ པུརཏོ། ཨནཱཔུཙྪཱཏི ཨནཔལོཀེཏྭཱ། ཨཱསནེ ནིསཱིདེཡྻཱཏི ཨནྟམསོ ཚམཱཡཔི ནིསཱིདཏི, ཨཱཔཏྟི པཱཙིཏྟིཡསྶ།
Bhikkhussapuratoti upasampannassa purato. Anāpucchāti anapaloketvā. Āsane nisīdeyyāti antamaso chamāyapi nisīdati, āpatti pācittiyassa.
༡༢༡༧. ཨནཱཔུཙྪིཏེ ཨནཱཔུཙྪིཏསཉྙཱ ཨཱསནེ ནིསཱིདཏི, ཨཱཔཏྟི པཱཙིཏྟིཡསྶ། ཨནཱཔུཙྪིཏེ ཝེམཏིཀཱ ཨཱསནེ ནིསཱིདཏི, ཨཱཔཏྟི པཱཙིཏྟིཡསྶ ། ཨནཱཔུཙྪིཏེ ཨཱཔུཙྪིཏསཉྙཱ ཨཱསནེ ནིསཱིདཏི, ཨཱཔཏྟི པཱཙིཏྟིཡསྶ།
1217. Anāpucchite anāpucchitasaññā āsane nisīdati, āpatti pācittiyassa. Anāpucchite vematikā āsane nisīdati, āpatti pācittiyassa . Anāpucchite āpucchitasaññā āsane nisīdati, āpatti pācittiyassa.
ཨཱཔུཙྪིཏེ ཨནཱཔུཙྪིཏསཉྙཱ, ཨཱཔཏྟི དུཀྐཊསྶ། ཨཱཔུཙྪིཏེ ཝེམཏིཀཱ, ཨཱཔཏྟི དུཀྐཊསྶ། ཨཱཔུཙྪིཏེ ཨཱཔུཙྪིཏསཉྙཱ, ཨནཱཔཏྟི།
Āpucchite anāpucchitasaññā, āpatti dukkaṭassa. Āpucchite vematikā, āpatti dukkaṭassa. Āpucchite āpucchitasaññā, anāpatti.
༡༢༡༨. ཨནཱཔཏྟི ཨཱཔུཙྪཱ ཨཱསནེ ནིསཱིདཏི, གིལཱནཱཡ, ཨཱཔདཱསུ, ཨུམྨཏྟིཀཱཡ, ཨཱདིཀམྨིཀཱཡཱཏི།
1218. Anāpatti āpucchā āsane nisīdati, gilānāya, āpadāsu, ummattikāya, ādikammikāyāti.
ཨེཀཱདསམསིཀྑཱཔདཾ ནིཊྛིཏཾ།
Ekādasamasikkhāpadaṃ niṭṭhitaṃ.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / ༡༡. ཨེཀཱདསམསིཀྑཱཔདཝཎྞནཱ • 11. Ekādasamasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༩. ཚཏྟུཔཱཧནཝགྒཝཎྞནཱ • 9. Chattupāhanavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༡༡. ཨེཀཱདསམཱདིསིཀྑཱཔདཝཎྞནཱ • 11. Ekādasamādisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༡. ཨེཀཱདསམསིཀྑཱཔདཾ • 11. Ekādasamasikkhāpadaṃ
