| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
11. згаад̣̇асамасигкаабад̣̇аван̣н̣анаа
11. Ekādasamasikkhāpadavaṇṇanā
1167-8. згаад̣̇асамз – баариваасигачанд̣̇ад̣̇аанзнаад̇и баариваасиязна чанд̣̇ад̣̇аанзна. д̇ад̇т̇а жад̇уб̣б̣ид̇хам̣ баариваасияам̣ – барисабаариваасияам̣ , рад̇д̇ибаариваасияам̣, чанд̣̇абаариваасияам̣, аж̇жхаасаяабаариваасияанд̇и. д̇ад̇т̇а барисабаариваасияам̣ наама бхигкуу гзнажид̣̇зва гаран̣ийязна саннибад̇ид̇аа хонд̇и, ат̇а мзгхо ваа удтаад̇и, уссааран̣аа ваа гарияад̇и, мануссаа ваа аж̇жход̇т̇аранд̇аа ааг̇ажчанд̇и, бхигкуу ‘‘аногаасаа маяам̣ ан̃н̃ад̇ра г̇ажчаамаа’’д̇и чанд̣̇ам̣ ависсаж̇ж̇зд̇ваава удтаханд̇и. ид̣̇ам̣ барисабаариваасияам̣. гин̃жааби барисабаариваасияам̣, чанд̣̇асса бана ависсадтад̇д̇аа гаммам̣ гаад̇ум̣ ваддад̇и.
1167-8. Ekādasame – pārivāsikachandadānenāti pārivāsiyena chandadānena. Tattha catubbidhaṃ pārivāsiyaṃ – parisapārivāsiyaṃ , rattipārivāsiyaṃ, chandapārivāsiyaṃ, ajjhāsayapārivāsiyanti. Tattha parisapārivāsiyaṃ nāma bhikkhū kenacideva karaṇīyena sannipatitā honti, atha megho vā uṭṭhāti, ussāraṇā vā kariyati, manussā vā ajjhottharantā āgacchanti, bhikkhū ‘‘anokāsā mayaṃ aññatra gacchāmā’’ti chandaṃ avissajjetvāva uṭṭhahanti. Idaṃ parisapārivāsiyaṃ. Kiñcāpi parisapārivāsiyaṃ, chandassa pana avissaṭṭhattā kammaṃ kātuṃ vaṭṭati.
буна бхигкуу ‘‘убосат̇аад̣̇ийни гариссаамаа’’д̇и рад̇д̇им̣ саннибад̇ид̇ваа ‘‘яаава саб̣б̣з саннибад̇анд̇и, д̇аава д̇хаммам̣ сун̣иссаамаа’’д̇и згам̣ аж̇жхзсанд̇и, д̇асмим̣ д̇хаммагат̇ам̣ гат̇знд̇зязва арун̣о уг̇г̇ажчад̇и. сажз ‘‘жаад̇уд̣̇д̣̇асигам̣ убосат̇ам̣ гариссаамаа’’д̇и нисиннаа ‘‘баннарасо’’д̇и гаад̇ум̣ ваддад̇и. сажз баннарасигам̣ гаад̇ум̣ нисиннаа баадибад̣̇з анубосат̇з убосат̇ам̣ гаад̇ум̣ на ваддад̇и, ан̃н̃ам̣ бана сан̇гхагижжам̣ гаад̇ум̣ ваддад̇и. ид̣̇ам̣ рад̇д̇ибаариваасияам̣ наама.
Puna bhikkhū ‘‘uposathādīni karissāmā’’ti rattiṃ sannipatitvā ‘‘yāva sabbe sannipatanti, tāva dhammaṃ suṇissāmā’’ti ekaṃ ajjhesanti, tasmiṃ dhammakathaṃ kathenteyeva aruṇo uggacchati. Sace ‘‘cātuddasikaṃ uposathaṃ karissāmā’’ti nisinnā ‘‘pannaraso’’ti kātuṃ vaṭṭati. Sace pannarasikaṃ kātuṃ nisinnā pāṭipade anuposathe uposathaṃ kātuṃ na vaṭṭati, aññaṃ pana saṅghakiccaṃ kātuṃ vaṭṭati. Idaṃ rattipārivāsiyaṃ nāma.
буна бхигкуу ‘‘гин̃жид̣̇зва аб̣бхаанаад̣̇исан̇гхагаммам̣ гариссаамаа’’д̇и нисиннаа хонд̇и, д̇ад̇рзго нагкад̇д̇абаатаго бхигку звам̣ вад̣̇ад̇и – ‘‘аж̇ж̇а нагкад̇д̇ам̣ д̣̇аарун̣ам̣, маа имам̣ гаммам̣ гарот̇аа’’д̇и. д̇з д̇асса важанзна чанд̣̇ам̣ виссаж̇ж̇зд̇ваа д̇ад̇т̇зва нисиннаа хонд̇и. ат̇ан̃н̃о ааг̇анд̇ваа ‘‘нагкад̇д̇ам̣ бадимаанзнд̇ам̣ ад̇т̇о б̣аалам̣ убажжаг̇аа’’д̇и (ж̇аа. 1.1.49) вад̇ваа ‘‘гим̣ нагкад̇д̇зна гарот̇аа’’д̇и вад̣̇ад̇и. ид̣̇ам̣ чанд̣̇абаариваасияан̃жзва аж̇жхаасаяабаариваасияан̃жа. зд̇асмим̣ баариваасияз буна чанд̣̇абаарисуд̣̇д̇хим̣ анаанзд̇ваа гаммам̣ гаад̇ум̣ на ваддад̇и.
Puna bhikkhū ‘‘kiñcideva abbhānādisaṅghakammaṃ karissāmā’’ti nisinnā honti, tatreko nakkhattapāṭhako bhikkhu evaṃ vadati – ‘‘ajja nakkhattaṃ dāruṇaṃ, mā imaṃ kammaṃ karothā’’ti. Te tassa vacanena chandaṃ vissajjetvā tattheva nisinnā honti. Athañño āgantvā ‘‘nakkhattaṃ paṭimānentaṃ attho bālaṃ upaccagā’’ti (jā. 1.1.49) vatvā ‘‘kiṃ nakkhattena karothā’’ti vadati. Idaṃ chandapārivāsiyañceva ajjhāsayapārivāsiyañca. Etasmiṃ pārivāsiye puna chandapārisuddhiṃ anānetvā kammaṃ kātuṃ na vaṭṭati.
вудтид̇ааяа барисааяаад̇и чанд̣̇ам̣ виссаж̇ж̇зд̇ваа гааязна ваа ваажааяа ваа чанд̣̇ависсаж̇ж̇анамад̇д̇знзва ваа удтид̇ааяа барисааяа.
Vuṭṭhitāya parisāyāti chandaṃ vissajjetvā kāyena vā vācāya vā chandavissajjanamatteneva vā uṭṭhitāya parisāya.
1169. анаабад̇д̇и авудтид̇ааяа барисааяаад̇и чанд̣̇ам̣ ависсаж̇ж̇зд̇ваа авудтид̇ааяа анаабад̇д̇и. сзсам̣ уд̇д̇аанамзва. д̇исамудтаанам̣ – гирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣ , гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
1169.Anāpatti avuṭṭhitāya parisāyāti chandaṃ avissajjetvā avuṭṭhitāya anāpatti. Sesaṃ uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, paṇṇattivajjaṃ , kāyakammaṃ, vacīkammaṃ, ticittaṃ, tivedananti.
згаад̣̇асамасигкаабад̣̇ам̣.
Ekādasamasikkhāpadaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 11. згаад̣̇асамасигкаабад̣̇ам̣ • 11. Ekādasamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияаад̣̇исигкаабад̣̇аван̣н̣анаа • 2. Dutiyādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 11. згаад̣̇асамасигкаабад̣̇ам̣ • 11. Ekādasamasikkhāpadaṃ
