| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
16. згад̇хаммабаал̣и
16. Ekadhammapāḷi
(16) 1. згад̇хаммабаал̣и-батамаваг̇г̇аван̣н̣анаа
(16) 1. Ekadhammapāḷi-paṭhamavaggavaṇṇanā
296. згад̇хаммабаал̣ияам̣ згад̇хаммод̇и згасабхааво. зганд̇аниб̣б̣ид̣̇ааяаад̇и зганд̇зна ваддз ниб̣б̣инд̣̇анад̇т̇ааяа угган̣танад̇т̇ааяа. вирааг̇ааяаад̇и ваддз вираж̇ж̇анад̇т̇ааяа, рааг̇аад̣̇ийнам̣ ваа гилзсаанам̣ вираж̇ж̇анааяа виг̇амааяа. нирод̇хааяаад̇и рааг̇аад̣̇ийнам̣ нирод̇хааяа аббавад̇д̇игаран̣ад̇т̇ааяа, ваддассзва ваа нируж̇жханад̇т̇ааяа. убасамааяаад̇и гилзсавуубасаманад̇т̇ааяа, абхин̃н̃ааяаад̇и анижжаад̣̇ивасзна лагкан̣ад̇д̇аяам̣ ааробзд̇ваа абхиж̇аананад̇т̇ааяа. самб̣од̇хааяаад̇и жад̇уннам̣ сажжаанам̣ б̣уж̇жханад̇т̇ааяа, ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇и (махаани. 191; жуул̣ани. каг̇г̇ависаан̣асуд̇д̇анид̣̇д̣̇зсо 121) звам̣ вуд̇д̇асса ваа жад̇умаг̇г̇ан̃аан̣асса бадивиж̇жханад̇т̇ааяа. ниб̣б̣аанааяаад̇и аббажжаяаниб̣б̣аанасса сажчигаран̣ад̇т̇ааяа.
296. Ekadhammapāḷiyaṃ ekadhammoti ekasabhāvo. Ekantanibbidāyāti ekantena vaṭṭe nibbindanatthāya ukkaṇṭhanatthāya. Virāgāyāti vaṭṭe virajjanatthāya, rāgādīnaṃ vā kilesānaṃ virajjanāya vigamāya. Nirodhāyāti rāgādīnaṃ nirodhāya appavattikaraṇatthāya, vaṭṭasseva vā nirujjhanatthāya. Upasamāyāti kilesavūpasamanatthāya, abhiññāyāti aniccādivasena lakkhaṇattayaṃ āropetvā abhijānanatthāya. Sambodhāyāti catunnaṃ saccānaṃ bujjhanatthāya, ‘‘bodhi vuccati catūsu maggesu ñāṇa’’nti (mahāni. 191; cūḷani. khaggavisāṇasuttaniddeso 121) evaṃ vuttassa vā catumaggañāṇassa paṭivijjhanatthāya. Nibbānāyāti appaccayanibbānassa sacchikaraṇatthāya.
ид̇и бхаг̇аваа имзхи сад̇д̇ахи бад̣̇зхи б̣уд̣̇д̇хаануссад̇игаммадтаанасса ван̣н̣ам̣ гат̇зси. гасмаа? махааж̇анасса уссаахаж̇ананад̇т̇ам̣ висаган̣дагаваан̣иж̇о вияа ад̇д̇ано бан̣ияасса. висаган̣дагаваан̣иж̇о наама г̇ул̣аваан̣иж̇о вужжад̇и. со гира г̇ул̣апаан̣ид̇акан̣д̣асаггараад̣̇ийни сагадзнаад̣̇ааяа бажжанд̇аг̇аамам̣ г̇анд̇ваа ‘‘висаган̣дагам̣ г̇ан̣хат̇а, висаган̣дагам̣ г̇ан̣хат̇аа’’д̇и уг̇гхосзси. д̇ам̣ суд̇ваа г̇аамигаа ‘‘висам̣ наама гагкал̣ам̣ гхорам̣. яо нам̣ каад̣̇ад̇и, со марад̇и. ган̣дагамби виж̇жхид̇ваа маарзд̇и, убхобзд̇з гагкал̣аа. го зд̇т̇а аанисам̣со’’д̇и г̇зхад̣̇ваараани т̇агзсум̣, д̣̇аарагз жа балаабзсум̣. д̇ам̣ д̣̇исваа ваан̣иж̇о ‘авохаарагусалаа имз г̇аамигаа, ханд̣̇а нз убааязна г̇аахаабзмий’’д̇и ‘‘ад̇имад̇хурам̣ г̇ан̣хат̇а, ад̇исаад̣̇ум̣ г̇ан̣хат̇а, г̇ул̣ам̣ паан̣ид̇ам̣ саггарам̣ самаг̇гхам̣ лаб̣бхад̇и, гуудамаасагагуудагахаабан̣аад̣̇ийхи вааби лаб̣бхад̇ий’’д̇и уг̇гхосзси. д̇ам̣ суд̇ваа г̇аамигаа д̇удтабахадтаа ваг̇г̇аваг̇г̇аа г̇анд̇ваа б̣ахумби муулам̣ д̣̇ад̇ваа аг̇г̇ахзсум̣.
Iti bhagavā imehi sattahi padehi buddhānussatikammaṭṭhānassa vaṇṇaṃ kathesi. Kasmā? Mahājanassa ussāhajananatthaṃ visakaṇṭakavāṇijo viya attano paṇiyassa. Visakaṇṭakavāṇijo nāma guḷavāṇijo vuccati. So kira guḷaphāṇitakhaṇḍasakkarādīni sakaṭenādāya paccantagāmaṃ gantvā ‘‘visakaṇṭakaṃ gaṇhatha, visakaṇṭakaṃ gaṇhathā’’ti ugghosesi. Taṃ sutvā gāmikā ‘‘visaṃ nāma kakkhaḷaṃ ghoraṃ. Yo naṃ khādati, so marati. Kaṇṭakampi vijjhitvā māreti, ubhopete kakkhaḷā. Ko ettha ānisaṃso’’ti gehadvārāni thakesuṃ, dārake ca palāpesuṃ. Taṃ disvā vāṇijo ‘avohārakusalā ime gāmikā, handa ne upāyena gāhāpemī’’ti ‘‘atimadhuraṃ gaṇhatha, atisāduṃ gaṇhatha, guḷaṃ phāṇitaṃ sakkaraṃ samagghaṃ labbhati, kūṭamāsakakūṭakahāpaṇādīhi vāpi labbhatī’’ti ugghosesi. Taṃ sutvā gāmikā tuṭṭhapahaṭṭhā vaggavaggā gantvā bahumpi mūlaṃ datvā aggahesuṃ.
д̇ад̇т̇а висаган̣дагаваан̣иж̇асса ‘‘висаган̣дагам̣ г̇ан̣хат̇аа’’д̇и уг̇гхосанам̣ вияа бхаг̇авад̇о б̣уд̣̇д̇хаануссад̇игаммадтаанагат̇анам̣, висаган̣дагз ван̣н̣ам̣ гат̇зд̇ваа д̇асса г̇ахан̣ад̇т̇ааяа махааж̇анасса уссаахагаран̣ам̣ вияа имзхи сад̇д̇ахи бад̣̇зхи б̣уд̣̇д̇хаануссад̇игаммадтаанасса ван̣н̣абхан̣анзна д̇асса махааж̇анасса уссаахагаран̣ам̣.
Tattha visakaṇṭakavāṇijassa ‘‘visakaṇṭakaṃ gaṇhathā’’ti ugghosanaṃ viya bhagavato buddhānussatikammaṭṭhānakathanaṃ, visakaṇṭake vaṇṇaṃ kathetvā tassa gahaṇatthāya mahājanassa ussāhakaraṇaṃ viya imehi sattahi padehi buddhānussatikammaṭṭhānassa vaṇṇabhaṇanena tassa mahājanassa ussāhakaraṇaṃ.
гад̇амо згад̇хаммод̇и гат̇зд̇угамяад̇аабужчаа. б̣уд̣̇д̇хаануссад̇ийд̇и б̣уд̣̇д̇хам̣ аараб̣бха уббаннаа ануссад̇и, б̣уд̣̇д̇хаг̇ун̣аарамман̣ааяа сад̇ияаа зд̇ам̣ ад̇хиважанам̣. д̇ам̣ банзд̇ам̣ б̣уд̣̇д̇хаануссад̇игаммадтаанам̣ д̣̇увид̇хам̣ ход̇и жид̇д̇асамбахам̣санад̇т̇ан̃жзва вибассанад̇т̇ан̃жа. гат̇ам̣? яад̣̇аа хи асубхаарамман̣зсу ан̃н̃ад̇арам̣ бхаавзнд̇асса бхигкуно жид̇д̇уббаад̣̇о убахан̃н̃ад̇и угган̣тад̇и нирассаад̣̇о ход̇и, вийт̇им̣ наббадибаж̇ж̇ад̇и, гуудаг̇он̣о вияа ид̇о жид̇о жа вид̇хаавад̇и. д̇асмим̣ кан̣з зса муулагаммадтаанам̣ бахааяа ‘‘ид̇иби со бхаг̇аваа’’д̇иаад̣̇инаа наязна д̇ат̇ааг̇ад̇асса логияалогуд̇д̇араг̇ун̣з ануссарад̇и. д̇ассзвам̣ б̣уд̣̇д̇хам̣ ануссаранд̇асса жид̇д̇уббаад̣̇о басийд̣̇ад̇и, винийваран̣о ход̇и . со д̇ам̣ жид̇д̇ам̣ звам̣ д̣̇амзд̇ваа буна муулагаммадтаанам̣язва манаси гарод̇и. гат̇ам̣? яат̇аа наама б̣алаваа бурисо гуудааг̇аараган̣н̣игад̇т̇ааяа махааругкам̣ чинд̣̇анд̇о саакаабалаасажчзд̣̇анамад̇д̇знзва парасуд̇хаарааяа вибаннааяа махааругкам̣ чинд̣̇ид̇ум̣ асаггонд̇оби д̇хуранигкзбам̣ агад̇ваава гаммаарасаалам̣ г̇анд̇ваа д̇икин̣ам̣ парасум̣ гаараабзд̇ваа буна д̇ам̣ чинд̣̇зяяа. звам̣самбад̣̇амид̣̇ам̣ д̣̇адтаб̣б̣ам̣. со звам̣ б̣уд̣̇д̇хаануссад̇ивасзна жид̇д̇ам̣ барид̣̇амзд̇ваа буна муулагаммадтаанам̣ манасигаронд̇о асубхаарамман̣ам̣ батамаж̇жхаанам̣ ниб̣б̣ад̇д̇зд̇ваа жхаанан̇г̇аани саммасид̇ваа арияабхуумим̣ оггамад̇и. звам̣ д̇аава жид̇д̇асамбахам̣санад̇т̇ам̣ ход̇и.
Katamo ekadhammoti kathetukamyatāpucchā. Buddhānussatīti buddhaṃ ārabbha uppannā anussati, buddhaguṇārammaṇāya satiyā etaṃ adhivacanaṃ. Taṃ panetaṃ buddhānussatikammaṭṭhānaṃ duvidhaṃ hoti cittasampahaṃsanatthañceva vipassanatthañca. Kathaṃ? Yadā hi asubhārammaṇesu aññataraṃ bhāventassa bhikkhuno cittuppādo upahaññati ukkaṇṭhati nirassādo hoti, vīthiṃ nappaṭipajjati, kūṭagoṇo viya ito cito ca vidhāvati. Tasmiṃ khaṇe esa mūlakammaṭṭhānaṃ pahāya ‘‘itipi so bhagavā’’tiādinā nayena tathāgatassa lokiyalokuttaraguṇe anussarati. Tassevaṃ buddhaṃ anussarantassa cittuppādo pasīdati, vinīvaraṇo hoti . So taṃ cittaṃ evaṃ dametvā puna mūlakammaṭṭhānaṃyeva manasi karoti. Kathaṃ? Yathā nāma balavā puriso kūṭāgārakaṇṇikatthāya mahārukkhaṃ chindanto sākhāpalāsacchedanamatteneva pharasudhārāya vipannāya mahārukkhaṃ chindituṃ asakkontopi dhuranikkhepaṃ akatvāva kammārasālaṃ gantvā tikhiṇaṃ pharasuṃ kārāpetvā puna taṃ chindeyya. Evaṃsampadamidaṃ daṭṭhabbaṃ. So evaṃ buddhānussativasena cittaṃ paridametvā puna mūlakammaṭṭhānaṃ manasikaronto asubhārammaṇaṃ paṭhamajjhānaṃ nibbattetvā jhānaṅgāni sammasitvā ariyabhūmiṃ okkamati. Evaṃ tāva cittasampahaṃsanatthaṃ hoti.
яад̣̇аа банзса б̣уд̣̇д̇хаануссад̇им̣ ануссарид̇ваа ‘‘го аяам̣ ид̇иби со бхаг̇аваад̇иаад̣̇инаа наязна ануссари, ид̇т̇и ну ко бурисо ну ко д̣̇звамануссамаараб̣рахмаанам̣ ан̃н̃ад̇аро ну ко’’д̇и бариг̇г̇ан̣ханд̇о ‘‘на ан̃н̃о гожи, сад̇исамбаяуд̇д̇ам̣ бана жид̇д̇амзва ануссарий’’д̇и д̣̇исваа ‘‘д̇ам̣ ко банзд̇ам̣ жид̇д̇ам̣ канд̇хад̇о вин̃н̃аан̣агканд̇хо ход̇и, д̇зна самбаяуд̇д̇аа взд̣̇анаа взд̣̇анаагканд̇хо, д̇зна самбаяуд̇д̇аа сан̃н̃аа сан̃н̃аагканд̇хо, сахаж̇аад̇аа пассаад̣̇аяо сан̇каарагканд̇ход̇и имз жад̇д̇ааро аруубагканд̇хаа хонд̇ий’’д̇и аруубан̃жа вавад̇т̇абзд̇ваа д̇асса ниссаяам̣ бариязсанд̇о хад̣̇аяавад̇т̇ум̣ д̣̇исваа д̇асса ниссаяаани жад̇д̇аари махаабхууд̇аани, д̇аани убаад̣̇ааяа бавад̇д̇аани сзсаубаад̣̇ааруубаани жа бариг̇г̇ахзд̇ваа ‘‘саб̣б̣амбзд̇ам̣ руубам̣ руубагканд̇хо’’д̇и вавад̇т̇абзд̇ваа ‘‘ид̣̇ан̃жа руубам̣ буриман̃жа арууба’’нд̇и сан̇кзбад̇о руубааруубам̣, бабхзд̣̇ад̇о бан̃жагканд̇хз буна ‘‘сан̇кзбад̇о бан̃жабзд̇з канд̇хаа д̣̇угкасажжа’’нд̇и д̣̇угкасажжам̣ вавад̇т̇абзд̇ваа ‘‘д̇асса бабхаавигаа д̇ан̣хаа самуд̣̇аяасажжам̣, д̇ассаа нирод̇хо нирод̇хасажжам̣, нирод̇хабаж̇аананаа бадибад̣̇аа маг̇г̇асажжа’’нд̇и звам̣ буб̣б̣абхааг̇з жад̇д̇аари жа сажжаани вавад̇т̇абзд̇ваа бадибаадияаа арияабхуумим̣ оггамад̇и. д̇ад̣̇аасса имам̣ гаммадтаанам̣ вибассанад̇т̇ам̣ наама ход̇и. аяам̣ код̇иаад̣̇и аббанаавааро вуд̇д̇анаязнзва взд̣̇ид̇аб̣б̣о.
Yadā panesa buddhānussatiṃ anussaritvā ‘‘ko ayaṃ itipi so bhagavātiādinā nayena anussari, itthi nu kho puriso nu kho devamanussamārabrahmānaṃ aññataro nu kho’’ti pariggaṇhanto ‘‘na añño koci, satisampayuttaṃ pana cittameva anussarī’’ti disvā ‘‘taṃ kho panetaṃ cittaṃ khandhato viññāṇakkhandho hoti, tena sampayuttā vedanā vedanākkhandho, tena sampayuttā saññā saññākkhandho, sahajātā phassādayo saṅkhārakkhandhoti ime cattāro arūpakkhandhā hontī’’ti arūpañca vavatthapetvā tassa nissayaṃ pariyesanto hadayavatthuṃ disvā tassa nissayāni cattāri mahābhūtāni, tāni upādāya pavattāni sesaupādārūpāni ca pariggahetvā ‘‘sabbampetaṃ rūpaṃ rūpakkhandho’’ti vavatthapetvā ‘‘idañca rūpaṃ purimañca arūpa’’nti saṅkhepato rūpārūpaṃ, pabhedato pañcakkhandhe puna ‘‘saṅkhepato pañcapete khandhā dukkhasacca’’nti dukkhasaccaṃ vavatthapetvā ‘‘tassa pabhāvikā taṇhā samudayasaccaṃ, tassā nirodho nirodhasaccaṃ, nirodhapajānanā paṭipadā maggasacca’’nti evaṃ pubbabhāge cattāri ca saccāni vavatthapetvā paṭipāṭiyā ariyabhūmiṃ okkamati. Tadāssa imaṃ kammaṭṭhānaṃ vipassanatthaṃ nāma hoti. Ayaṃ khotiādi appanāvāro vuttanayeneva veditabbo.
297. д̇хаммаануссад̇иаад̣̇ийсуби зсзва наяо. аяам̣ банзд̇т̇а важанад̇т̇о – д̇хаммам̣ аараб̣бха уббаннаа ануссад̇и д̇хаммаануссад̇и, сваагкаад̇ад̇аад̣̇ид̇хаммаг̇ун̣аарамман̣ааяа сад̇ияаа зд̇ам̣ ад̇хиважанам̣. сан̇гхам̣ аараб̣бха уббаннаа ануссад̇и сан̇гхаануссад̇и, суббадибаннад̇аад̣̇исан̇гхаг̇ун̣аарамман̣ааяа сад̇ияаа зд̇ам̣ ад̇хиважанам̣. сийлам̣ аараб̣бха уббаннаа ануссад̇и сийлаануссад̇и, акан̣д̣ад̇аад̣̇исийлаг̇ун̣аарамман̣ааяа сад̇ияаа зд̇ам̣ ад̇хиважанам̣. жааг̇ам̣ аараб̣бха уббаннаа ануссад̇и жааг̇аануссад̇и, муд̇д̇ажааг̇ад̇аад̣̇ижааг̇аг̇ун̣аарамман̣ааяа сад̇ияаа зд̇ам̣ ад̇хиважанам̣. д̣̇звад̇аа аараб̣бха уббаннаа ануссад̇и д̣̇звад̇аануссад̇и, д̣̇звад̇аа сагкидтаанз табзд̇ваа ад̇д̇ано сад̣̇д̇хаад̣̇иг̇ун̣аарамман̣ааяа сад̇ияаа зд̇ам̣ ад̇хиважанам̣. аанаабаанз аараб̣бха уббаннаа сад̇и аанаабаанассад̇и, ассаасабассаасанимид̇д̇аарамман̣ааяа сад̇ияаа зд̇ам̣ ад̇хиважанам̣. маран̣ам̣ аараб̣бха уббаннаа сад̇и маран̣ассад̇и, ж̇ийвид̇инд̣̇рияубажчзд̣̇аарамман̣ааяа сад̇ияаа зд̇ам̣ ад̇хиважанам̣. гзсаад̣̇ибхзд̣̇ам̣ руубагааяам̣ г̇ад̇аа, гааяз ваа г̇ад̇аад̇и гааяаг̇ад̇аа, гааяаг̇ад̇аа жа саа сад̇и жаад̇и гааяаг̇ад̇аасад̇ийд̇и вад̇д̇аб̣б̣з рассам̣ агад̇ваа гааяаг̇ад̇аасад̇ийд̇и вуд̇д̇аа. гзсаад̣̇игааяагодтаасанимид̇д̇аарамман̣ааяа сад̇ияаа зд̇ам̣ ад̇хиважанам̣. убасамам̣ аараб̣бха уббаннаа ануссад̇и убасамаануссад̇и, саб̣б̣ад̣̇угкуубасамаарамман̣ааяа сад̇ияаа зд̇ам̣ ад̇хиважанам̣. д̣̇увид̇хо ваа убасамо ажжанд̇уубасамо жа каяуубасамо жа. д̇ад̇т̇а ажжанд̇уубасамо наама ниб̣б̣аанам̣, каяуубасамо наама маг̇г̇о. звамзд̇ам̣ д̣̇увид̇хамби убасамам̣ ануссаранд̇асса уббаннаа сад̇и убасамаануссад̇ийд̇и аяамзд̇т̇а ад̇т̇о. ид̇и имзсу д̣̇асасу гаммадтаанзсу аанаабаанассад̇и маран̣ассад̇и гааяаг̇ад̇аасад̇ийд̇и имаани д̇ийн̣и вибассанад̇т̇аанзва хонд̇и, сзсаани сад̇д̇а жид̇д̇асамбахам̣санад̇т̇ааниби хонд̇ийд̇и.
297.Dhammānussatiādīsupi eseva nayo. Ayaṃ panettha vacanattho – dhammaṃ ārabbha uppannā anussati dhammānussati, svākkhātatādidhammaguṇārammaṇāya satiyā etaṃ adhivacanaṃ. Saṅghaṃ ārabbha uppannā anussati saṅghānussati, suppaṭipannatādisaṅghaguṇārammaṇāya satiyā etaṃ adhivacanaṃ. Sīlaṃ ārabbha uppannā anussati sīlānussati, akhaṇḍatādisīlaguṇārammaṇāya satiyā etaṃ adhivacanaṃ. Cāgaṃ ārabbha uppannā anussati cāgānussati, muttacāgatādicāgaguṇārammaṇāya satiyā etaṃ adhivacanaṃ. Devatā ārabbha uppannā anussati devatānussati, devatā sakkhiṭṭhāne ṭhapetvā attano saddhādiguṇārammaṇāya satiyā etaṃ adhivacanaṃ. Ānāpāne ārabbha uppannā sati ānāpānassati, assāsapassāsanimittārammaṇāya satiyā etaṃ adhivacanaṃ. Maraṇaṃ ārabbha uppannā sati maraṇassati, jīvitindriyupacchedārammaṇāya satiyā etaṃ adhivacanaṃ. Kesādibhedaṃ rūpakāyaṃ gatā, kāye vā gatāti kāyagatā, kāyagatā ca sā sati cāti kāyagatāsatīti vattabbe rassaṃ akatvā kāyagatāsatīti vuttā. Kesādikāyakoṭṭhāsanimittārammaṇāya satiyā etaṃ adhivacanaṃ. Upasamaṃ ārabbha uppannā anussati upasamānussati, sabbadukkhūpasamārammaṇāya satiyā etaṃ adhivacanaṃ. Duvidho vā upasamo accantūpasamo ca khayūpasamo ca. Tattha accantūpasamo nāma nibbānaṃ, khayūpasamo nāma maggo. Evametaṃ duvidhampi upasamaṃ anussarantassa uppannā sati upasamānussatīti ayamettha attho. Iti imesu dasasu kammaṭṭhānesu ānāpānassati maraṇassati kāyagatāsatīti imāni tīṇi vipassanatthāneva honti, sesāni satta cittasampahaṃsanatthānipi hontīti.
батамаваг̇г̇аван̣н̣анаа.
Paṭhamavaggavaṇṇanā.
16. згад̇хаммабаал̣и
16. Ekadhammapāḷi
(16) 2. згад̇хаммабаал̣и-д̣̇уд̇ияаваг̇г̇аван̣н̣анаа
(16) 2. Ekadhammapāḷi-dutiyavaggavaṇṇanā
298. д̣̇уд̇ияз мижчаад̣̇идтийд̇и д̣̇ваасадтивид̇хааяаби мижчаад̣̇идтияаа зд̇ам̣ ад̇хиважанам̣. мижчаад̣̇идтигассаад̇и д̇ааяа д̣̇идтияаа саманнааг̇ад̇асса.
298. Dutiye micchādiṭṭhīti dvāsaṭṭhividhāyapi micchādiṭṭhiyā etaṃ adhivacanaṃ. Micchādiṭṭhikassāti tāya diṭṭhiyā samannāgatassa.
299. саммаад̣̇идтийд̇и бан̃жавид̇хааяаби саммаад̣̇идтияаа зд̇ам̣ ад̇хиважанам̣. саммаад̣̇идтигассаад̇и д̇ааяа д̣̇идтияаа саманнааг̇ад̇асса.
299.Sammādiṭṭhīti pañcavidhāyapi sammādiṭṭhiyā etaṃ adhivacanaṃ. Sammādiṭṭhikassāti tāya diṭṭhiyā samannāgatassa.
302. аяонисо манасигаарод̇и анубааяаманасигааро.
302.Ayoniso manasikāroti anupāyamanasikāro.
303. яонисо манасигаарод̇и убааяаманасигааро. д̇ад̇т̇а аяонисо манасигарод̇о буб̣б̣з ануббаннаа мижчаад̣̇идти уббаж̇ж̇ад̇и, уббаннаа бана яаава нияаамоггаманаа бавад̣дхад̇и. нияаамз огганд̇з вад̣дхид̇аа наама ход̇и. яонисо манасигарод̇о буб̣б̣з ануббаннаа саммаад̣̇идти уббаж̇ж̇ад̇и, уббаннаа бана яаава арахад̇д̇амаг̇г̇аа бавад̣дхад̇и. арахад̇д̇апалз бад̇д̇з вад̣дхид̇аа наама ход̇и.
303.Yonisomanasikāroti upāyamanasikāro. Tattha ayoniso manasikaroto pubbe anuppannā micchādiṭṭhi uppajjati, uppannā pana yāva niyāmokkamanā pavaḍḍhati. Niyāme okkante vaḍḍhitā nāma hoti. Yoniso manasikaroto pubbe anuppannā sammādiṭṭhi uppajjati, uppannā pana yāva arahattamaggā pavaḍḍhati. Arahattaphale patte vaḍḍhitā nāma hoti.
304. мижчаад̣̇идтияаа, бхигкавз, саманнааг̇ад̇аа сад̇д̇аад̇и зд̇т̇а згажжаа мижчаад̣̇идти саг̇г̇ааваран̣аа жзва ход̇и маг̇г̇ааваран̣аа жа, згажжаа маг̇г̇ааваран̣аава, на саг̇г̇ааваран̣аа, згажжаа нзва саг̇г̇ааваран̣аа на маг̇г̇ааваран̣аа. д̇ад̇т̇а ахзд̇угад̣̇идти, агирияад̣̇идти, над̇т̇игад̣̇идтийд̇и аяам̣ д̇ивид̇хаа саг̇г̇ааваран̣аа жзва ход̇и маг̇г̇ааваран̣аа жа. д̣̇асавад̇т̇угаа анд̇аг̇г̇аахигаа мижчаад̣̇идти маг̇г̇ааваран̣аава ход̇и на саг̇г̇ааваран̣аа. вийсад̇ивад̇т̇угаа саггааяад̣̇идти нзва саг̇г̇ааваран̣аа на маг̇г̇ааваран̣аа. ид̣̇ам̣ бана вид̇хаанам̣ бадигкибид̇ваа имасмим̣ суд̇д̇з ‘‘мижчаад̣̇идтияаа, бхигкавз, саманнааг̇ад̇аа’’д̇и важанад̇о анд̇амасо вийсад̇ивад̇т̇угам̣ саггааяад̣̇идтим̣ убаад̣̇ааяа д̣̇идти наама саг̇г̇ам̣ убанзд̇ум̣ самад̇т̇аа наама над̇т̇и, зганд̇ам̣ нираяасмим̣язва нимуж̇ж̇аабзд̇ийд̇и вуд̇д̇ам̣. яат̇аа хи муг̇г̇амаасаббамаан̣ааби баасаан̣асагкараа уд̣̇агз багкид̇д̇аа уббилавамаанаа наама над̇т̇и, зганд̇ам̣ хздтаава бависад̇и, звамзвам̣ анд̇амасо саггааяад̣̇идтиби саг̇г̇ам̣ убанзд̇ум̣ самад̇т̇аа наама над̇т̇и, зганд̇ам̣ абааязсуязва нимуж̇ж̇аабзд̇ийд̇и.
304.Micchādiṭṭhiyā, bhikkhave, samannāgatā sattāti ettha ekaccā micchādiṭṭhi saggāvaraṇā ceva hoti maggāvaraṇā ca, ekaccā maggāvaraṇāva, na saggāvaraṇā, ekaccā neva saggāvaraṇā na maggāvaraṇā. Tattha ahetukadiṭṭhi, akiriyadiṭṭhi, natthikadiṭṭhīti ayaṃ tividhā saggāvaraṇā ceva hoti maggāvaraṇā ca. Dasavatthukā antaggāhikā micchādiṭṭhi maggāvaraṇāva hoti na saggāvaraṇā. Vīsativatthukā sakkāyadiṭṭhi neva saggāvaraṇā na maggāvaraṇā. Idaṃ pana vidhānaṃ paṭikkhipitvā imasmiṃ sutte ‘‘micchādiṭṭhiyā, bhikkhave, samannāgatā’’ti vacanato antamaso vīsativatthukaṃ sakkāyadiṭṭhiṃ upādāya diṭṭhi nāma saggaṃ upanetuṃ samatthā nāma natthi, ekantaṃ nirayasmiṃyeva nimujjāpetīti vuttaṃ. Yathā hi muggamāsappamāṇāpi pāsāṇasakkharā udake pakkhittā uppilavamānā nāma natthi, ekantaṃ heṭṭhāva pavisati, evamevaṃ antamaso sakkāyadiṭṭhipi saggaṃ upanetuṃ samatthā nāma natthi, ekantaṃ apāyesuyeva nimujjāpetīti.
305. саммаад̣̇идтияаа саманнааг̇ад̇аад̇и зд̇т̇а гаммассагад̇асаммаад̣̇идти, жхаанасаммаад̣̇идти, вибассанаасаммаад̣̇идти, маг̇г̇асаммаад̣̇идти, паласаммаад̣̇идтийд̇и бан̃жавид̇хаа саммаад̣̇идти. д̇ад̇т̇а гаммассагад̇асаммаад̣̇идти самбад̇д̇ибхавам̣ аагад̣дхад̇и, жхаанасаммаад̣̇идти руубааруубабхавз бадисанд̇хим̣ д̣̇зд̇и, маг̇г̇асаммаад̣̇идти ваддам̣ вид̣̇д̇хам̣сзд̇и, паласаммаад̣̇идти бхавам̣ бадиб̣аахад̇и. вибассанаасаммаад̣̇идти гим̣ гарод̇ийд̇и? сааби бадисанд̇хим̣ наагад̣дхад̇и. д̇ибидагажуул̣аабхаяад̇т̇зро банааха ‘‘сажз вибассанаасаммаад̣̇идти бхаавид̇аа д̣̇идтзва д̇хаммз арахад̇д̇ам̣ баабзд̇ум̣ саггод̇и, ижжзд̇ам̣ гусалам̣. сажз на саггод̇и, сад̇д̇а бхавз д̣̇зд̇и, аавусо’’д̇и. звамаяам̣ логияалогуд̇д̇араа саммаад̣̇идти гат̇ид̇аа. имасмим̣ банад̇т̇з логигаа бхаванибпаад̣̇игаава взд̣̇ид̇аб̣б̣аа.
305.Sammādiṭṭhiyā samannāgatāti ettha kammassakatasammādiṭṭhi, jhānasammādiṭṭhi, vipassanāsammādiṭṭhi, maggasammādiṭṭhi, phalasammādiṭṭhīti pañcavidhā sammādiṭṭhi. Tattha kammassakatasammādiṭṭhi sampattibhavaṃ ākaḍḍhati, jhānasammādiṭṭhi rūpārūpabhave paṭisandhiṃ deti, maggasammādiṭṭhi vaṭṭaṃ viddhaṃseti, phalasammādiṭṭhi bhavaṃ paṭibāhati. Vipassanāsammādiṭṭhi kiṃ karotīti? Sāpi paṭisandhiṃ nākaḍḍhati. Tipiṭakacūḷābhayatthero panāha ‘‘sace vipassanāsammādiṭṭhi bhāvitā diṭṭheva dhamme arahattaṃ pāpetuṃ sakkoti, iccetaṃ kusalaṃ. Sace na sakkoti, satta bhave deti, āvuso’’ti. Evamayaṃ lokiyalokuttarā sammādiṭṭhi kathitā. Imasmiṃ panatthe lokikā bhavanipphādikāva veditabbā.
306. яан̃жзва гааяагаммам̣ яат̇аад̣̇идти самад̇д̇ам̣ самаад̣̇иннанд̇и зд̇т̇а яат̇аад̣̇идтийд̇и яаа яаа д̣̇идти, д̇ассаа д̇ассаа ануруубам̣. самад̇д̇анд̇и барибун̣н̣ам̣. самаад̣̇иннанд̇и г̇ахид̇ам̣. д̇ад̣̇зд̇ам̣ яат̇аад̣̇идтияам̣ тид̇агааяагаммам̣, д̣̇идтисахаж̇аад̇ам̣ гааяагаммам̣, д̣̇идтаануломигам̣ гааяагамманд̇и д̇ивид̇хам̣ ход̇и. д̇ад̇т̇а ‘‘баан̣ам̣ ханад̇о ад̣̇иннам̣ аад̣̇ияад̇о мижчаажаарам̣ жарад̇о над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо’’д̇и яам̣ звам̣лад̣̇д̇хигасса сад̇о баан̣аад̇ибаад̇а-ад̣̇иннаад̣̇аана-мижчаажаарасан̇каад̇ам̣ гааяагаммам̣, ид̣̇ам̣ яат̇аад̣̇идтияам̣ тид̇агааяагаммам̣ наама. ‘‘баан̣ам̣ ханад̇о ад̣̇иннам̣ аад̣̇ияад̇о мижчаажаарам̣ жарад̇о над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо’’д̇и имааяа бана лад̣̇д̇хияаа иминаа д̣̇ассанзна сахаж̇аад̇ам̣ гааяагаммам̣ д̣̇идтисахаж̇аад̇ам̣ гааяагаммам̣ наама. д̇ад̣̇зва бана самад̇д̇ам̣ самаад̣̇иннам̣ г̇ахид̇ам̣ бараамадтам̣ д̣̇идтаануломигам̣ гааяагаммам̣ наама. важийгаммаад̣̇ийсуби зсзва наяо. яат̇аа банзд̇т̇а ‘‘баан̣ам̣ ханад̇о ад̣̇иннам̣ аад̣̇ияад̇о мижчаажаарам̣ жарад̇о над̇т̇и д̇ад̇онид̣̇аанам̣ бааба’’нд̇и яож̇анаа гад̇аа, звам̣ важийгаммаманогаммзсу ‘‘мусаа бхан̣ад̇о, бисун̣ам̣ гат̇знд̇асса, парусам̣ гат̇знд̇асса, сампам̣ балабанд̇асса, абхиж̇жхаалуно, б̣яаабаннажид̇д̇асса, мижчаад̣̇идтигасса жа сад̇о над̇т̇и д̇ад̇онид̣̇аанам̣ бааба’’нд̇и яож̇анаа гаад̇аб̣б̣аа.
306.Yañcevakāyakammaṃ yathādiṭṭhi samattaṃ samādinnanti ettha yathādiṭṭhīti yā yā diṭṭhi, tassā tassā anurūpaṃ. Samattanti paripuṇṇaṃ. Samādinnanti gahitaṃ. Tadetaṃ yathādiṭṭhiyaṃ ṭhitakāyakammaṃ, diṭṭhisahajātaṃ kāyakammaṃ, diṭṭhānulomikaṃ kāyakammanti tividhaṃ hoti. Tattha ‘‘pāṇaṃ hanato adinnaṃ ādiyato micchācāraṃ carato natthi tatonidānaṃ pāpaṃ, natthi pāpassa āgamo’’ti yaṃ evaṃladdhikassa sato pāṇātipāta-adinnādāna-micchācārasaṅkhātaṃ kāyakammaṃ, idaṃ yathādiṭṭhiyaṃ ṭhitakāyakammaṃ nāma. ‘‘Pāṇaṃ hanato adinnaṃ ādiyato micchācāraṃ carato natthi tatonidānaṃ pāpaṃ, natthi pāpassa āgamo’’ti imāya pana laddhiyā iminā dassanena sahajātaṃ kāyakammaṃ diṭṭhisahajātaṃ kāyakammaṃ nāma. Tadeva pana samattaṃ samādinnaṃ gahitaṃ parāmaṭṭhaṃ diṭṭhānulomikaṃ kāyakammaṃ nāma. Vacīkammādīsupi eseva nayo. Yathā panettha ‘‘pāṇaṃ hanato adinnaṃ ādiyato micchācāraṃ carato natthi tatonidānaṃ pāpa’’nti yojanā katā, evaṃ vacīkammamanokammesu ‘‘musā bhaṇato, pisuṇaṃ kathentassa, pharusaṃ kathentassa, samphaṃ palapantassa, abhijjhāluno, byāpannacittassa, micchādiṭṭhikassa ca sato natthi tatonidānaṃ pāpa’’nti yojanā kātabbā.
яаа жа жзд̇анаад̇иаад̣̇ийсу д̣̇идтисахаж̇аад̇аава жзд̇анаа жзд̇анаа наама, д̣̇идтисахаж̇аад̇аава бад̇т̇анаа бад̇т̇анаа наама, жзд̇анаабад̇т̇анаанам̣ васзна жид̇д̇адтабанаа бан̣ид̇хи наама, д̇зхи бана жзд̇анаад̣̇ийхи самбаяуд̇д̇аа пассаад̣̇аяо сан̇каараа наама. д̣̇идти хисса, бхигкавз, баабигаад̇и яасмаа д̇асса буг̇г̇аласса д̣̇идти баабигаа лаамигаа. нигкид̇д̇анд̇и робид̇ам̣. убаад̣̇ияад̇ийд̇и г̇ан̣хаад̇и. гадугад̇д̇ааяаад̇и ид̣̇ам̣ буримассзва взважанам̣.
Yā ca cetanātiādīsu diṭṭhisahajātāva cetanā cetanā nāma, diṭṭhisahajātāva patthanā patthanā nāma, cetanāpatthanānaṃ vasena cittaṭṭhapanā paṇidhi nāma, tehi pana cetanādīhi sampayuttā phassādayo saṅkhārā nāma. Diṭṭhi hissa, bhikkhave, pāpikāti yasmā tassa puggalassa diṭṭhi pāpikā lāmikā. Nikkhittanti ropitaṃ. Upādiyatīti gaṇhāti. Kaṭukattāyāti idaṃ purimasseva vevacanaṃ.
‘‘ван̣н̣аг̇анд̇харасуубзд̇о , амб̣ояам̣ ахуваа бурз;
‘‘Vaṇṇagandharasūpeto , amboyaṃ ahuvā pure;
д̇амзва бууж̇ам̣ лабхамаано, гзнамб̣о гадугабпало.
Tameva pūjaṃ labhamāno, kenambo kaṭukapphalo.
‘‘бужиманд̣̇абаривааро, амб̣о д̇з д̣̇ад̇хиваахана;
‘‘Pucimandaparivāro, ambo te dadhivāhana;
муулам̣ муулзна сам̣садтам̣, саакаа саакаа нисзварз;
Mūlaṃ mūlena saṃsaṭṭhaṃ, sākhā sākhā nisevare;
асаад̇асанниваасзна, д̇знамб̣о гадугабпало’’д̇и. (ж̇аа. 1.2.71-72) –
Asātasannivāsena, tenambo kaṭukapphalo’’ti. (jā. 1.2.71-72) –
ааг̇ад̇адтаанз вияа хи ид̇хааби гадуганд̇и д̇ид̇д̇агам̣ взд̣̇ид̇аб̣б̣ам̣. асаад̇ад̇д̇ааяаад̇и амад̇хурад̇д̇ааяа.
Āgataṭṭhāne viya hi idhāpi kaṭukanti tittakaṃ veditabbaṃ. Asātattāyāti amadhurattāya.
имасми бана б̣ийж̇уубамасуд̇д̇з ‘‘д̣̇идтийд̇и нияад̇амижчаад̣̇идти г̇ахид̇аа’’д̇и бораан̣агад̇т̇зраа аахам̣су. д̇ам̣ бана бадигкибид̇ваа ‘‘саб̣б̣ааниби д̣̇ваасадти д̣̇идтиг̇ад̇аани г̇ахид̇ааний’’д̇и вуд̇д̇ам̣. ананд̇арасуд̇д̇з ‘‘баан̣аад̇ибаад̇аа вираманд̇асса, ад̣̇иннаад̣̇аанаа вираманд̇асса, мижчаажаараа вираманд̇асса над̇т̇и д̇ад̇онид̣̇аанам̣ бун̃н̃а’’нд̇иаад̣̇инаа наязна яат̇аад̣̇идтияам̣ тид̇агааяагаммаад̣̇ийни яож̇зд̇ваа взд̣̇ид̇аб̣б̣аани. ид̇ха бана саммаад̣̇идтисахаж̇аад̇аа жид̇д̇адтабанаава бад̇т̇анаад̇и взд̣̇ид̇аб̣б̣аа. саммаад̣̇идти банзд̇т̇а логияалогуд̇д̇араа гат̇ид̇аа. сзсам̣ саб̣б̣ад̇т̇а уд̇д̇аанад̇т̇амзваад̇и.
Imasmi pana bījūpamasutte ‘‘diṭṭhīti niyatamicchādiṭṭhi gahitā’’ti porāṇakattherā āhaṃsu. Taṃ pana paṭikkhipitvā ‘‘sabbānipi dvāsaṭṭhi diṭṭhigatāni gahitānī’’ti vuttaṃ. Anantarasutte ‘‘pāṇātipātā viramantassa, adinnādānā viramantassa, micchācārā viramantassa natthi tatonidānaṃ puñña’’ntiādinā nayena yathādiṭṭhiyaṃ ṭhitakāyakammādīni yojetvā veditabbāni. Idha pana sammādiṭṭhisahajātā cittaṭṭhapanāva patthanāti veditabbā. Sammādiṭṭhi panettha lokiyalokuttarā kathitā. Sesaṃ sabbattha uttānatthamevāti.
д̣̇уд̇ияаваг̇г̇аван̣н̣анаа.
Dutiyavaggavaṇṇanā.
16. згад̇хаммабаал̣и
16. Ekadhammapāḷi
(16) 3. згад̇хаммабаал̣и-д̇ад̇ияаваг̇г̇аван̣н̣анаа
(16) 3. Ekadhammapāḷi-tatiyavaggavaṇṇanā
308. д̇ад̇ияасса батамз мижчаад̣̇идтигод̇и аяаат̇аавад̣̇идтиго. вибарийд̇ад̣̇ассанод̇и д̇ааязва мижчаад̣̇идтияаа вибарийд̇ад̣̇ассано. сад̣̇д̇хаммаа вудтаабзд̇ваад̇и д̣̇асагусалагаммабат̇ад̇хаммад̇о вудтаабзд̇ваа. асад̣̇д̇хаммз бад̇идтаабзд̇ийд̇и д̣̇асаагусалагаммабат̇асан̇каад̇з асад̣̇д̇хаммз бад̇идтаабзд̇и. згабуг̇г̇алод̇и жзд̇т̇а чахи сад̇т̇аарзхи сад̣̇д̇хим̣ д̣̇звад̣̇ад̇д̇о жа ан̃н̃з жа зваруубаа взд̣̇ид̇аб̣б̣аа.
308. Tatiyassa paṭhame micchādiṭṭhikoti ayāthāvadiṭṭhiko. Viparītadassanoti tāyeva micchādiṭṭhiyā viparītadassano. Saddhammā vuṭṭhāpetvāti dasakusalakammapathadhammato vuṭṭhāpetvā. Asaddhammepatiṭṭhāpetīti dasaakusalakammapathasaṅkhāte asaddhamme patiṭṭhāpeti. Ekapuggaloti cettha chahi satthārehi saddhiṃ devadatto ca aññe ca evarūpā veditabbā.
309. д̣̇уд̇ияз саммаад̣̇идтигод̇и яаат̇аавад̣̇идтиго. авибарийд̇ад̣̇ассанод̇и д̇ааязва саммаад̣̇идтияаа авибарийд̇ад̣̇ассано. асад̣̇д̇хаммаад̇и д̣̇асаагусалагаммабат̇ад̇о. сад̣̇д̇хаммзд̇и д̣̇асагусалагаммабат̇асан̇каад̇з сад̣̇д̇хаммз. згабуг̇г̇алод̇и жзд̇т̇а ануббаннз б̣уд̣̇д̇хз жаггавад̇д̇ий рааж̇аа саб̣б̣ан̃н̃уб̣од̇хисад̇д̇од̇и звамаад̣̇аяо лаб̣бханд̇и, уббаннз б̣уд̣̇д̇хз б̣уд̣̇д̇хо жзва б̣уд̣̇д̇хасаавагаа жа.
309. Dutiye sammādiṭṭhikoti yāthāvadiṭṭhiko. Aviparītadassanoti tāyeva sammādiṭṭhiyā aviparītadassano. Asaddhammāti dasaakusalakammapathato. Saddhammeti dasakusalakammapathasaṅkhāte saddhamme. Ekapuggaloti cettha anuppanne buddhe cakkavattī rājā sabbaññubodhisattoti evamādayo labbhanti, uppanne buddhe buddho ceva buddhasāvakā ca.
310. д̇ад̇ияз мижчаад̣̇идтибарамаанийд̇и мижчаад̣̇идти барамаа зд̇зсанд̇и мижчаад̣̇идтибарамаани. бан̃жа хи аананд̇арияагаммаани махаасааваж̇ж̇аани наама, д̇зхиби мижчаад̣̇идтиязва махаасааваж̇ж̇ад̇араад̇и ад̇хиббааяо. гасмаа? д̇зсан̃хи барижчзд̣̇о ад̇т̇и. жад̇д̇аари хи аананд̇арияагаммаани нираяз ниб̣б̣ад̇д̇аабзнд̇ийд̇и вуд̇д̇аани . сан̇гхабхзд̣̇агаммамби нираяз габбадтид̇игамзва ход̇и. звамзд̇зсам̣ барижчзд̣̇о ад̇т̇и, годи бан̃н̃ааяад̇и. нияад̇амижчаад̣̇идтияаа бана барижчзд̣̇о над̇т̇и. саа хи ваддасса муулам̣, д̇ааяа саманнааг̇ад̇асса бхавад̇о вудтаанам̣ над̇т̇и. яз д̇асса сод̇аб̣б̣ам̣ ман̃н̃анд̇и, д̇зби виббадибаад̣̇зд̇и. д̇ааяа жа саманнааг̇ад̇асса нзва саг̇г̇о ад̇т̇и на маг̇г̇о. габбавинаасз махааж̇анз б̣рахмалогз ниб̣б̣ад̇д̇зби нияад̇амижчаад̣̇идтиго д̇ад̇т̇а аниб̣б̣ад̇д̇ид̇ваа бидтижаггаваал̣з ниб̣б̣ад̇д̇ад̇и. гим̣ бана бидтижаггаваал̣ам̣ на жхааяад̇ийд̇и? жхааяад̇и, д̇асмим̣ жхааяамаанзби зса аагаасз згасмим̣ огаасз бажжад̇иязваад̇и вад̣̇анд̇и.
310. Tatiye micchādiṭṭhiparamānīti micchādiṭṭhi paramā etesanti micchādiṭṭhiparamāni. Pañca hi ānantariyakammāni mahāsāvajjāni nāma, tehipi micchādiṭṭhiyeva mahāsāvajjatarāti adhippāyo. Kasmā? Tesañhi paricchedo atthi. Cattāri hi ānantariyakammāni niraye nibbattāpentīti vuttāni . Saṅghabhedakammampi niraye kappaṭṭhitikameva hoti. Evametesaṃ paricchedo atthi, koṭi paññāyati. Niyatamicchādiṭṭhiyā pana paricchedo natthi. Sā hi vaṭṭassa mūlaṃ, tāya samannāgatassa bhavato vuṭṭhānaṃ natthi. Ye tassa sotabbaṃ maññanti, tepi vippaṭipādeti. Tāya ca samannāgatassa neva saggo atthi na maggo. Kappavināse mahājane brahmaloke nibbattepi niyatamicchādiṭṭhiko tattha anibbattitvā piṭṭhicakkavāḷe nibbattati. Kiṃ pana piṭṭhicakkavāḷaṃ na jhāyatīti? Jhāyati, tasmiṃ jhāyamānepi esa ākāse ekasmiṃ okāse paccatiyevāti vadanti.
311. жад̇уд̇т̇з магкалийд̇и ‘‘маа калий’’д̇и важанам̣ убаад̣̇ааяа звам̣лад̣̇д̇ханаамо д̇ид̇т̇агаро. над̣̇иймукзд̇и д̣̇виннам̣ над̣̇ийнам̣ самааг̇ад̇адтаанз. д̣̇зсанаамад̇д̇амзвзд̇ам̣, д̣̇виннам̣ ганд̣̇араанам̣, д̣̇виннам̣ уд̣̇агаанам̣, самуд̣̇д̣̇асса жа, лон̣ияаа жа, самуд̣̇д̣̇асса жа над̣̇ияаа жаад̇и зд̇зсамби яасса гассажи самааг̇ад̇адтаанам̣, ан̃н̃амби д̇ат̇ааруубам̣ уд̣̇агам̣. кибанд̇и гуминам̣. уд̣д̣зяяаад̇и од̣д̣зяяа. мануссаа хи нал̣зхи ваа ужчуухи ваа взл̣уухи ваа балаасанд̇исалаагааяа ваа згам̣ д̣̇вз д̇аяо ваа гумбхз г̇ан̣ханаббамаан̣агуминам̣ гад̇ваа мукаваддияаа яод̇д̇зна б̣анд̇хид̇ваа над̣̇иймукам̣ нзд̇ваа д̣̇вийсу бассзсу каан̣угз годдзд̇ваа яод̇д̇зхи д̇ад̇т̇а б̣анд̇ханд̇и, д̇ам̣ санд̇хааязд̇ам̣ вуд̇д̇ам̣. д̇асмин̃хи бавидтасса куд̣̇д̣̇агасса мажчассааби могко над̇т̇и. анаяааяаад̇и авад̣дхияаа. б̣яаасанааяаад̇и винаасааяа. магкали могхабурисод̇и аяам̣ магкали г̇осаало д̇ужчабурисо. мануссакиббам̣ ман̃н̃з логз уббаннод̇и махааж̇анасса саг̇г̇амогкаг̇аманамаг̇г̇з д̇ад̇т̇а г̇амананивааран̣ад̇т̇ам̣ мануссагуминам̣ вияа логз уббанно.
311. Catutthe makkhalīti ‘‘mā khalī’’ti vacanaṃ upādāya evaṃladdhanāmo titthakaro. Nadīmukheti dvinnaṃ nadīnaṃ samāgataṭṭhāne. Desanāmattamevetaṃ, dvinnaṃ kandarānaṃ, dvinnaṃ udakānaṃ, samuddassa ca, loṇiyā ca, samuddassa ca nadiyā cāti etesampi yassa kassaci samāgataṭṭhānaṃ, aññampi tathārūpaṃ udakaṃ. Khipanti kuminaṃ. Uḍḍeyyāti oḍḍeyya. Manussā hi naḷehi vā ucchūhi vā veḷūhi vā palāsantisalākāya vā ekaṃ dve tayo vā kumbhe gaṇhanappamāṇakuminaṃ katvā mukhavaṭṭiyā yottena bandhitvā nadīmukhaṃ netvā dvīsu passesu khāṇuke koṭṭetvā yottehi tattha bandhanti, taṃ sandhāyetaṃ vuttaṃ. Tasmiñhi paviṭṭhassa khuddakassa macchassāpi mokkho natthi. Anayāyāti avaḍḍhiyā. Byāsanāyāti vināsāya. Makkhali moghapurisoti ayaṃ makkhali gosālo tucchapuriso. Manussakhippaṃ maññe loke uppannoti mahājanassa saggamokkhagamanamagge tattha gamananivāraṇatthaṃ manussakuminaṃ viya loke uppanno.
312. бан̃жамаад̣̇ийсу д̣̇урагкаад̇з, бхигкавз, д̇хаммавинаязд̇и д̣̇урагкаад̇ад̇хаммавинаяо наама б̣аахирагасаасанам̣. д̇ад̇т̇а хи сад̇т̇ааби асаб̣б̣ан̃н̃уу ход̇и, д̇хаммоби д̣̇урагкаад̇о, г̇ан̣оби д̣̇уббадибанно. яо жа самаад̣̇абзд̇ийд̇и яо аажарияабуг̇г̇ало самаад̣̇абзд̇и. яан̃жа самаад̣̇абзд̇ийд̇и яам̣ анд̇зваасигам̣ самаад̣̇абзд̇и. яо жа самаад̣̇абид̇о д̇ат̇ад̇д̇ааяа бадибаж̇ж̇ад̇ийд̇и яо анд̇зваасиго аажариязна самаад̣̇абид̇о д̇асса важанам̣ гаронд̇о д̇ат̇аабхаавааяа бадибаж̇ж̇ад̇и. б̣ахум̣ абун̃н̃ам̣ басаванд̇ийд̇и самаад̣̇абаго хи баан̣аад̇ибаад̇аад̣̇ийсу ж̇ан̇гхасад̇ам̣ самаад̣̇абзнд̇о д̇зсам̣ саб̣б̣зсамби агусалзна самагамзва агусалам̣ баабун̣аад̇и. д̇знааха – ‘‘саб̣б̣з д̇з б̣ахум̣ абун̃н̃ам̣ басаванд̇ий’’д̇и.
312. Pañcamādīsu durakkhāte, bhikkhave, dhammavinayeti durakkhātadhammavinayo nāma bāhirakasāsanaṃ. Tattha hi satthāpi asabbaññū hoti, dhammopi durakkhāto, gaṇopi duppaṭipanno. Yo ca samādapetīti yo ācariyapuggalo samādapeti. Yañca samādapetīti yaṃ antevāsikaṃ samādapeti. Yo ca samādapito tathattāya paṭipajjatīti yo antevāsiko ācariyena samādapito tassa vacanaṃ karonto tathābhāvāya paṭipajjati. Bahuṃ apuññaṃ pasavantīti samādapako hi pāṇātipātādīsu jaṅghasataṃ samādapento tesaṃ sabbesampi akusalena samakameva akusalaṃ pāpuṇāti. Tenāha – ‘‘sabbe te bahuṃ apuññaṃ pasavantī’’ti.
313. сваагкаад̇зд̇и судту агкаад̇з суд̣̇зсид̇з. зваруубз хи д̇хаммавинаяз сад̇т̇аа жа саб̣б̣ан̃н̃уу ход̇и, д̇хаммо жа сваагкаад̇о, г̇ан̣о жа суббадибанно. саб̣б̣з д̇з б̣ахум̣ бун̃н̃ам̣ басаванд̇ийд̇и самаад̣̇абаго хи бхигкуу бин̣д̣ааяа бавидтз д̣̇исваа яааг̇убхад̇д̇аад̣̇ийни самаад̣̇абзнд̇о саб̣б̣зсамби д̣̇ааяагаанам̣ гусалзна самагам̣ гусалам̣ баабун̣аад̇и. д̇зна вуд̇д̇ам̣ – ‘‘б̣ахум̣ бун̃н̃ам̣ басаванд̇ий’’д̇и.
313.Svākkhāteti suṭṭhu akkhāte sudesite. Evarūpe hi dhammavinaye satthā ca sabbaññū hoti, dhammo ca svākkhāto, gaṇo ca suppaṭipanno. Sabbe te bahuṃ puññaṃ pasavantīti samādapako hi bhikkhū piṇḍāya paviṭṭhe disvā yāgubhattādīni samādapento sabbesampi dāyakānaṃ kusalena samakaṃ kusalaṃ pāpuṇāti. Tena vuttaṃ – ‘‘bahuṃ puññaṃ pasavantī’’ti.
314. д̣̇ааяагзна мад̇д̇аа ж̇аанид̇аб̣б̣аад̇и д̣̇ааяагабуг̇г̇алзна бамаан̣ам̣ ж̇аанид̇аб̣б̣ам̣, бамаан̣зна д̣̇аад̇аб̣б̣ам̣, буурзд̇ваа ад̇ирзгам̣ на д̣̇аад̇аб̣б̣ам̣. на д̣̇аад̇аб̣б̣анд̇и хи авад̇ваа бамаан̣авасзна т̇огам̣ д̣̇аад̇аб̣б̣анд̇и вуд̇д̇ам̣. гасмаа? буурзд̇ваа ад̇ирзгз д̣̇иннзби хи ад̇ирзгаа мануссасамбад̇д̇и ваа д̣̇иб̣б̣асамбад̇д̇и ваа ниб̣б̣аанасамбад̇д̇и ваа над̇т̇и. но бадиг̇г̇аахагзнаад̇и бадиг̇г̇аахагасса бана мад̇д̇ам̣ ж̇аанид̇ваа бадиг̇г̇ахан̣агижжам̣ наама над̇т̇и. гасмаа? д̇асса хи мад̇д̇ам̣ н̃ад̇ваа буурзд̇аб̣б̣аа мад̇д̇абадиг̇г̇ахан̣амуулигаа аббижчабадибад̣̇аа наама над̇т̇и. яад̇д̇агам̣ бана лабхад̇и, д̇ад̇д̇агам̣ г̇ахзд̇аб̣б̣ам̣. ад̇ирзгаг̇г̇ахан̣амуулам̣ хисса буд̇д̇ад̣̇аарабхаран̣ам̣ бхависсад̇и.
314.Dāyakena mattā jānitabbāti dāyakapuggalena pamāṇaṃ jānitabbaṃ, pamāṇena dātabbaṃ, pūretvā atirekaṃ na dātabbaṃ. Na dātabbanti hi avatvā pamāṇavasena thokaṃ dātabbanti vuttaṃ. Kasmā? Pūretvā atireke dinnepi hi atirekā manussasampatti vā dibbasampatti vā nibbānasampatti vā natthi. No paṭiggāhakenāti paṭiggāhakassa pana mattaṃ jānitvā paṭiggahaṇakiccaṃ nāma natthi. Kasmā? Tassa hi mattaṃ ñatvā pūretabbā mattapaṭiggahaṇamūlikā appicchapaṭipadā nāma natthi. Yattakaṃ pana labhati, tattakaṃ gahetabbaṃ. Atirekaggahaṇamūlaṃ hissa puttadārabharaṇaṃ bhavissati.
315. бадиг̇г̇аахагзна мад̇д̇аа ж̇аанид̇аб̣б̣аад̇и бадиг̇г̇аахагабуг̇г̇алзна бамаан̣ам̣ ж̇аанид̇аб̣б̣ам̣. гат̇ам̣? д̇зна хи д̣̇ааяагасса васо взд̣̇ид̇аб̣б̣о, д̣̇зяяад̇хаммасса васо взд̣̇ид̇аб̣б̣о, ад̇д̇ано т̇аамо взд̣̇ид̇аб̣б̣о. яад̣̇и хи д̣̇зяяад̇хаммо б̣аху ход̇и, д̣̇ааяаго аббам̣ д̣̇аад̇угаамо, д̣̇ааяагасса васзна аббам̣ г̇ан̣хид̇аб̣б̣ам̣. д̣̇зяяад̇хаммо аббо, д̣̇ааяаго б̣ахум̣ д̣̇аад̇угаамо, д̣̇зяяад̇хаммасса васзна аббам̣ г̇ан̣хид̇аб̣б̣ам̣. д̣̇зяяад̇хаммоби б̣аху, д̣̇ааяагоби б̣ахум̣ д̣̇аад̇угаамо, ад̇д̇ано т̇аамам̣ н̃ад̇ваа бамаан̣знзва г̇ан̣хид̇аб̣б̣ам̣. звам̣ мад̇д̇ам̣ н̃ад̇ваа бадиг̇г̇ан̣ханд̇о хи аббижчабадибад̣̇ам̣ буурзд̇и. ануббаннасса лаабхо уббаж̇ж̇ад̇и, уббанно лаабхо т̇ааварова ход̇и. аббасаннаа басийд̣̇анд̇и, басаннааби бхияяо басаад̣̇амаабаж̇ж̇анд̇и, махааж̇анасса жагкубхууд̇о ход̇и, саасанам̣ жирадтид̇игам̣ гарод̇и.
315.Paṭiggāhakena mattā jānitabbāti paṭiggāhakapuggalena pamāṇaṃ jānitabbaṃ. Kathaṃ? Tena hi dāyakassa vaso veditabbo, deyyadhammassa vaso veditabbo, attano thāmo veditabbo. Yadi hi deyyadhammo bahu hoti, dāyako appaṃ dātukāmo, dāyakassa vasena appaṃ gaṇhitabbaṃ. Deyyadhammo appo, dāyako bahuṃ dātukāmo, deyyadhammassa vasena appaṃ gaṇhitabbaṃ. Deyyadhammopi bahu, dāyakopi bahuṃ dātukāmo, attano thāmaṃ ñatvā pamāṇeneva gaṇhitabbaṃ. Evaṃ mattaṃ ñatvā paṭiggaṇhanto hi appicchapaṭipadaṃ pūreti. Anuppannassa lābho uppajjati, uppanno lābho thāvarova hoti. Appasannā pasīdanti, pasannāpi bhiyyo pasādamāpajjanti, mahājanassa cakkhubhūto hoti, sāsanaṃ ciraṭṭhitikaṃ karoti.
д̇ад̇римаани вад̇т̇ууни – рохан̣аж̇анабад̣̇з гира гудимб̣ияавихаарз зго д̣̇ахаро д̣̇уб̣бхигкасамаяз д̇асмим̣ г̇аамз згасса гаммагаарасса г̇зхз бхун̃ж̇анад̇т̇ааяа гадажчубхад̇д̇ам̣ г̇ахзд̇ваа г̇аманад̇т̇ааяа жа гадажчубхад̇д̇амзва лабхад̇и. со згад̣̇ивасам̣ д̇асмим̣ г̇зхз згам̣ ааг̇анд̇угам̣ д̣̇исваа згамзва гадажчубхад̇д̇ам̣ г̇ан̣хи. ат̇асса ‘‘гзна гааран̣знаа’’д̇и вуд̇д̇з д̇амад̇т̇ам̣ вад̇ваа со гулабуд̇д̇о басийд̣̇ид̇ваа ‘‘амхаагам̣ гулуубагабхад̣̇анд̇о зваруубо наамаа’’д̇и рааж̇ад̣̇ваарз мид̇д̇аамажжаанам̣ гат̇зси. д̇з саб̣б̣зби д̇асса аббижчаг̇ун̣з басаннаа згад̣̇ивасзнзва садти д̇хурабхад̇д̇аани табзсум̣. звам̣ аббижчо ануббанналаабхам̣ уббаад̣̇зд̇и.
Tatrimāni vatthūni – rohaṇajanapade kira kuṭimbiyavihāre eko daharo dubbhikkhasamaye tasmiṃ gāme ekassa kammakārassa gehe bhuñjanatthāya kaṭacchubhattaṃ gahetvā gamanatthāya ca kaṭacchubhattameva labhati. So ekadivasaṃ tasmiṃ gehe ekaṃ āgantukaṃ disvā ekameva kaṭacchubhattaṃ gaṇhi. Athassa ‘‘kena kāraṇenā’’ti vutte tamatthaṃ vatvā so kulaputto pasīditvā ‘‘amhākaṃ kulūpakabhadanto evarūpo nāmā’’ti rājadvāre mittāmaccānaṃ kathesi. Te sabbepi tassa appicchaguṇe pasannā ekadivaseneva saṭṭhi dhurabhattāni ṭhapesuṃ. Evaṃ appiccho anuppannalābhaṃ uppādeti.
сад̣̇д̇хаад̇иссамахаарааж̇ааби жуул̣убадтаагам̣ д̇иссаамажжам̣ виймам̣сид̇ваа д̇зна згам̣ д̇ид̇д̇ирам̣ бажаабзд̇ваа аахараабзси. ат̇а барибхог̇асамаяз ‘‘аг̇г̇ам̣ д̣̇ад̇ваа барибхун̃ж̇иссаамий’’д̇и адтагасаалабаривзн̣з махаат̇зрасса бхан̣д̣аг̇г̇аахасааман̣зрасса д̇ид̇д̇ирамам̣сам̣ д̣̇знд̇о д̇асмим̣ т̇огам̣язва бадиг̇г̇ан̣ханд̇з д̇асса аббижчаг̇ун̣з басийд̣̇ид̇ваа ‘‘басанносми, д̇аад̇а, адта д̇з д̇хурабхад̇д̇аани д̣̇змий’’д̇и ааха. махаарааж̇а, убаж̇жхааяасса д̣̇змийд̇и. абарааниби адта д̣̇змийд̇и. д̇аани амхаагам̣ аажарияасса д̣̇змийд̇и. абарааниби адта д̣̇аммийд̇и. д̇аани самаанубаж̇жхааяаанам̣ д̣̇аммийд̇и. абарааниби адта д̣̇аммийд̇и. д̇аани бхигкусан̇гхасса д̣̇аммийд̇и. абарааниби адта д̣̇аммийд̇и. сааман̣зро ад̇хиваасзси. звамасса уббанно лаабхо т̇ааваро ход̇и.
Saddhātissamahārājāpi cūḷupaṭṭhākaṃ tissāmaccaṃ vīmaṃsitvā tena ekaṃ tittiraṃ pacāpetvā āharāpesi. Atha paribhogasamaye ‘‘aggaṃ datvā paribhuñjissāmī’’ti aṭṭhakasālapariveṇe mahātherassa bhaṇḍaggāhasāmaṇerassa tittiramaṃsaṃ dento tasmiṃ thokaṃyeva paṭiggaṇhante tassa appicchaguṇe pasīditvā ‘‘pasannosmi, tāta, aṭṭha te dhurabhattāni demī’’ti āha. Mahārāja, upajjhāyassa demīti. Aparānipi aṭṭha demīti. Tāni amhākaṃ ācariyassa demīti. Aparānipi aṭṭha dammīti. Tāni samānupajjhāyānaṃ dammīti. Aparānipi aṭṭha dammīti. Tāni bhikkhusaṅghassa dammīti. Aparānipi aṭṭha dammīti. Sāmaṇero adhivāsesi. Evamassa uppanno lābho thāvaro hoti.
аббасаннаа басийд̣̇анд̇ийд̇и зд̇т̇аби – д̣̇ийгхаб̣раахман̣о гира б̣раахман̣з бхож̇знд̇о бан̃жа бан̃жа бхад̇д̇асарагаани д̣̇ад̇ваа санд̇аббзд̇ум̣ наасагки. ат̇згад̣̇ивасам̣ ‘‘саман̣аа гира наама аббижчаа’’д̇и гат̇ам̣ суд̇ваа виймам̣санад̇т̇ааяа бхад̇д̇ам̣ г̇аахаабзд̇ваа бхигкусан̇гхасса бхад̇д̇агижжагаран̣авзлааяа вихаарам̣ г̇анд̇ваа д̇им̣самад̇д̇з бхигкуу бхож̇анасаалааяам̣ бхун̃ж̇анд̇з д̣̇исваа згам̣ бхад̇д̇асарагам̣ г̇ахзд̇ваа сан̇гхад̇т̇зрасса санд̇игам̣ аг̇амааси. т̇зро ан̇г̇улим̣ жаалзд̇ваа т̇огамзва аг̇г̇ахзси. зд̇знзва нияаамзна згам̣ бхад̇д̇асарагам̣ саб̣б̣зсам̣ самбаабун̣и. д̇ад̇о б̣раахман̣о ‘‘сажжоязва зд̇зсам̣ саман̣аанам̣ г̇ун̣о’’д̇и аббижчад̇ааяа басанно сахассам̣ виссаж̇ж̇зд̇ваа д̇асмим̣язва вихаарз жзд̇ияам̣ гаарзси. звам̣ аббасаннаа басийд̣̇анд̇и.
Appasannā pasīdantīti etthapi – dīghabrāhmaṇo kira brāhmaṇe bhojento pañca pañca bhattasarakāni datvā santappetuṃ nāsakkhi. Athekadivasaṃ ‘‘samaṇā kira nāma appicchā’’ti kathaṃ sutvā vīmaṃsanatthāya bhattaṃ gāhāpetvā bhikkhusaṅghassa bhattakiccakaraṇavelāya vihāraṃ gantvā tiṃsamatte bhikkhū bhojanasālāyaṃ bhuñjante disvā ekaṃ bhattasarakaṃ gahetvā saṅghattherassa santikaṃ agamāsi. Thero aṅguliṃ cāletvā thokameva aggahesi. Eteneva niyāmena ekaṃ bhattasarakaṃ sabbesaṃ sampāpuṇi. Tato brāhmaṇo ‘‘saccoyeva etesaṃ samaṇānaṃ guṇo’’ti appicchatāya pasanno sahassaṃ vissajjetvā tasmiṃyeva vihāre cetiyaṃ kāresi. Evaṃ appasannā pasīdanti.
басаннаа бхияяо басийд̣̇анд̇ийд̇и зд̇т̇а вад̇т̇унаа гижжам̣ над̇т̇и. басаннаанан̃хи аббижчам̣ д̣̇исваа басаад̣̇о бхияяо вад̣дхад̇иязва.
Pasannābhiyyo pasīdantīti ettha vatthunā kiccaṃ natthi. Pasannānañhi appicchaṃ disvā pasādo bhiyyo vaḍḍhatiyeva.
маж̇жханд̇игад̇иссад̇т̇зрасад̣̇исз бана аббижчз д̣̇исваа махааж̇ано аббижчо бхавид̇ум̣ ман̃н̃ад̇ийд̇и аббижчо махааж̇анасса жагкубхууд̇о наама ход̇и.
Majjhantikatissattherasadise pana appicche disvā mahājano appiccho bhavituṃ maññatīti appiccho mahājanassa cakkhubhūto nāma hoti.
‘‘аббижчад̇аа, бхигкавз, сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇ад̇ий’’д̇и (а. ни. 1.116-129) важанад̇о бана аббижчо саасанам̣ жирадтид̇игам̣ гарод̇и наама.
‘‘Appicchatā, bhikkhave, saddhammassa ṭhitiyā asammosāya anantaradhānāya saṃvattatī’’ti (a. ni. 1.116-129) vacanato pana appiccho sāsanaṃ ciraṭṭhitikaṃ karoti nāma.
но д̣̇ааяагзнаад̇и сваагкаад̇з д̇хаммавинаяз бана д̣̇ааяагасса бамаан̣ам̣ н̃ад̇ваа д̣̇аад̇аб̣б̣агижжам̣ наама над̇т̇и. яад̇д̇аго д̣̇зяяад̇хаммо ад̇т̇и, д̇ад̇д̇агам̣ авад̇т̇арид̇ваа д̣̇аад̇ум̣ ваддад̇и. авад̇т̇арид̇ваа д̣̇иннагааран̣аа хи зса мануссасамбад̇д̇им̣, д̣̇иб̣б̣асамбад̇д̇им̣, ниб̣б̣аанасамбад̇д̇ин̃жа авад̇т̇арид̇ваа уд̇д̇аруд̇д̇ари бан̣ийд̇абан̣ийд̇амзва лабхад̇и.
No dāyakenāti svākkhāte dhammavinaye pana dāyakassa pamāṇaṃ ñatvā dātabbakiccaṃ nāma natthi. Yattako deyyadhammo atthi, tattakaṃ avattharitvā dātuṃ vaṭṭati. Avattharitvā dinnakāraṇā hi esa manussasampattiṃ, dibbasampattiṃ, nibbānasampattiñca avattharitvā uttaruttari paṇītapaṇītameva labhati.
316. яо аарад̣̇д̇хавийрияо, со д̣̇угкам̣ вихарад̇ийд̇и бан̃жаад̇абад̇аббанамаруббабаад̇абад̇анаад̣̇ижжаанубаривад̇д̇ана-уггудигаббад̇хаанаад̣̇ийни ануяун̃ж̇анд̇о д̣̇идтз жзва д̇хаммз д̣̇угкам̣ вихарад̇и , д̇ассзва б̣аахирасамаяз самаад̣̇иннасса д̇абажаран̣асса вибаагзна нираяз уббаж̇ж̇ид̇ваа самбарааязби д̣̇угкам̣ вихарад̇и.
316.Yo āraddhavīriyo, so dukkhaṃ viharatīti pañcātapatappanamaruppapātapatanādiccānuparivattana-ukkuṭikappadhānādīni anuyuñjanto diṭṭhe ceva dhamme dukkhaṃ viharati , tasseva bāhirasamaye samādinnassa tapacaraṇassa vipākena niraye uppajjitvā samparāyepi dukkhaṃ viharati.
317. яо гусийд̇о, со д̣̇угкам̣ вихарад̇ийд̇и аяамби д̣̇идтз д̇хаммз жзва самбарааяз жа д̣̇угкам̣ вихарад̇и. гат̇ам̣? яасса хи баб̣б̣аж̇ид̇агаалад̇о бадтааяа яонисо манасигааро над̇т̇и, б̣уд̣̇д̇хаважанам̣ на уг̇г̇ан̣хаад̇и, аажарияубаж̇жхааяавад̇д̇ам̣ на гарод̇и, жзд̇ияан̇г̇ан̣аб̣од̇хияан̇г̇ан̣авад̇д̇ам̣ на гарод̇и. ж̇анасса бана сад̣̇д̇хаад̣̇зяяам̣ абажжавзгкид̇абарибхог̇зна барибхун̃ж̇ид̇ваа д̣̇ивасам̣ сзяяасукам̣ бассасукам̣ ануяун̃ж̇ид̇ваа баб̣уд̣̇д̇хагаалз д̇аяо вид̇аггз вид̇аггзд̇и. со гад̇ибаахзнзва бхигкубхааваа жавад̇и? звам̣ д̣̇идтад̇хаммз жа д̣̇угкам̣ вихарад̇и. баб̣б̣аж̇ид̇ваа бана саман̣ад̇хаммасса саммаа агад̇ад̇д̇аа жа –
317.Yo kusīto, so dukkhaṃ viharatīti ayampi diṭṭhe dhamme ceva samparāye ca dukkhaṃ viharati. Kathaṃ? Yassa hi pabbajitakālato paṭṭhāya yoniso manasikāro natthi, buddhavacanaṃ na uggaṇhāti, ācariyupajjhāyavattaṃ na karoti, cetiyaṅgaṇabodhiyaṅgaṇavattaṃ na karoti. Janassa pana saddhādeyyaṃ apaccavekkhitaparibhogena paribhuñjitvā divasaṃ seyyasukhaṃ passasukhaṃ anuyuñjitvā pabuddhakāle tayo vitakke vitakketi. So katipāheneva bhikkhubhāvā cavati? Evaṃ diṭṭhadhamme ca dukkhaṃ viharati. Pabbajitvā pana samaṇadhammassa sammā akatattā ca –
‘‘гусо яат̇аа д̣̇уг̇г̇ахид̇о, хад̇т̇амзваануганд̇ад̇и;
‘‘Kuso yathā duggahito, hatthamevānukantati;
сааман̃н̃ам̣ д̣̇уббараамадтам̣, нираяааяубагад̣дхад̇ий’’д̇и. (д̇ха. ба. 311) –
Sāmaññaṃ dupparāmaṭṭhaṃ, nirayāyupakaḍḍhatī’’ti. (dha. pa. 311) –
абааяасмим̣язва бадисанд̇хим̣ г̇ан̣хад̇и. звам̣ самбарааязби д̣̇угкам̣ вихарад̇и.
Apāyasmiṃyeva paṭisandhiṃ gaṇhati. Evaṃ samparāyepi dukkhaṃ viharati.
318. яо гусийд̇о, со сукам̣ вихарад̇ийд̇и гаалзна гаалам̣ вуд̇д̇аббагаарз д̇абажаран̣з гин̃жи гин̃жи д̇абажаран̣ам̣ гад̇ваа гаалзна гаалам̣ од̣̇аад̇авад̇т̇авасано маалааг̇анд̇хавилзбанад̇харо мад̇хурабхож̇анам̣ бхун̃ж̇анд̇о муд̣̇угаасу сзяяаасу саяанд̇о д̣̇идтз д̇хаммз жзва сукам̣ вихарад̇и самбарааяз жа. со хи д̇асса д̇абажаран̣асса г̇аал̣хам̣ аг̇г̇ахид̇ад̇д̇аа наад̇иб̣ахум̣ нираяз д̣̇угкам̣ анубхавад̇и. д̇асмаа самбарааяз сукам̣ вихарад̇и наама.
318.Yokusīto, so sukhaṃ viharatīti kālena kālaṃ vuttappakāre tapacaraṇe kiñci kiñci tapacaraṇaṃ katvā kālena kālaṃ odātavatthavasano mālāgandhavilepanadharo madhurabhojanaṃ bhuñjanto mudukāsu seyyāsu sayanto diṭṭhe dhamme ceva sukhaṃ viharati samparāye ca. So hi tassa tapacaraṇassa gāḷhaṃ aggahitattā nātibahuṃ niraye dukkhaṃ anubhavati. Tasmā samparāye sukhaṃ viharati nāma.
319. яо аарад̣̇д̇хавийрияо, со сукам̣ вихарад̇ийд̇и аарад̣̇д̇хавийрияо хи баб̣б̣аж̇ид̇агаалад̇о бадтааяа вад̇д̇зсу барибуурагаарий ход̇и, б̣уд̣̇д̇хаважанам̣ уг̇г̇ан̣хаад̇и, яонисо манасигаарз гаммам̣ гарод̇и. ат̇асса вад̇д̇абууран̣ан̃жзва уг̇г̇ахид̇аб̣уд̣̇д̇хаважанан̃жа саман̣ад̇хаммагирияан̃жа ааваж̇ж̇знд̇асса жид̇д̇ам̣ басийд̣̇ад̇и. звам̣ д̣̇идтзва д̇хаммз сукам̣ вихарад̇и. д̣̇идтад̇хаммз бана арахад̇д̇ам̣ баабун̣ид̇ум̣ асаггонд̇о ниб̣б̣ад̇д̇абхавз киббаабхин̃н̃о ход̇ийд̇и самбарааязби сукам̣ вихарад̇и наама.
319.Yo āraddhavīriyo, so sukhaṃ viharatīti āraddhavīriyo hi pabbajitakālato paṭṭhāya vattesu paripūrakārī hoti, buddhavacanaṃ uggaṇhāti, yoniso manasikāre kammaṃ karoti. Athassa vattapūraṇañceva uggahitabuddhavacanañca samaṇadhammakiriyañca āvajjentassa cittaṃ pasīdati. Evaṃ diṭṭheva dhamme sukhaṃ viharati. Diṭṭhadhamme pana arahattaṃ pāpuṇituṃ asakkonto nibbattabhave khippābhiñño hotīti samparāyepi sukhaṃ viharati nāma.
320. сзяяат̇ааби , бхигкавз, аббамад̇д̇агоби г̇уут̇о д̣̇уг̇г̇анд̇хо ход̇ийд̇и ид̣̇ам̣ суд̇д̇ам̣ адтуббад̇д̇ияам̣ вуд̇д̇ам̣. гад̇араадтуббад̇д̇ияанд̇и? наваганибаад̇з (а. ни. 9.12) сад̇д̇уббаад̣̇асуд̇д̇а адтуббад̇д̇ияам̣. д̇ат̇ааг̇ад̇о хи д̇ам̣ ад̇т̇ам̣ гат̇знд̇о – ‘‘нава буг̇г̇алаа нираяад̇о муд̇д̇аа, д̇иражчаанаяонид̇о муд̇д̇аа, бзд̇д̇ивисаяад̇о муд̇д̇аа’’д̇и гат̇зси. ат̇асса зд̇ад̣̇ахоси – ‘‘сажз ко бана мз буд̇д̇аа имам̣ д̇хаммад̣̇зсанам̣ суд̇ваа кийн̣анираяамхаа кийн̣ад̇иражчаанаяонигаа кийн̣абзд̇д̇ивисаяаа кийн̣аабааяад̣̇уг̇г̇ад̇ивинибаад̇аад̇и ман̃н̃амаанаа убаримаг̇г̇апалад̇т̇ааяа вааяамид̇ум̣ на ман̃н̃зяяум̣, д̇зсам̣ сам̣взг̇ам̣ ж̇анзссаамий’’д̇и сам̣взг̇аж̇ананад̇т̇ам̣ ‘‘сзяяат̇ааби, бхигкавз’’д̇и имам̣ суд̇д̇амаарабхи. д̇ад̇т̇а аббамад̇д̇агод̇и т̇огамад̇д̇аго барид̇д̇аббамаан̣о, анд̇амасо гусаг̇г̇знаби г̇ахзд̇ваа убасин̇гхияамаано д̣̇уг̇г̇анд̇хова ход̇и. аббамад̇д̇агамби бхавам̣ на ван̣н̣змийд̇и аббамад̇д̇агамби гаалам̣ бхавз бадисанд̇хим̣ на ван̣н̣аяаами. ид̣̇аанисса убамам̣ д̣̇ассзнд̇о ааха – анд̇амасо ажчараасан̇гхаад̇амад̇д̇амбийд̇и. саб̣б̣анд̇имзна барижчзд̣̇зна д̣̇вз ан̇г̇улияо згад̇о гад̇ваа бахаран̣амад̇д̇амби гааланд̇и вуд̇д̇ам̣ ход̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
320.Seyyathāpi, bhikkhave, appamattakopi gūtho duggandho hotīti idaṃ suttaṃ aṭṭhuppattiyaṃ vuttaṃ. Kataraaṭṭhuppattiyanti? Navakanipāte (a. ni. 9.12) sattuppādasutta aṭṭhuppattiyaṃ. Tathāgato hi taṃ atthaṃ kathento – ‘‘nava puggalā nirayato muttā, tiracchānayonito muttā, pettivisayato muttā’’ti kathesi. Athassa etadahosi – ‘‘sace kho pana me puttā imaṃ dhammadesanaṃ sutvā khīṇanirayamhā khīṇatiracchānayonikā khīṇapettivisayā khīṇāpāyaduggativinipātāti maññamānā uparimaggaphalatthāya vāyamituṃ na maññeyyuṃ, tesaṃ saṃvegaṃ janessāmī’’ti saṃvegajananatthaṃ ‘‘seyyathāpi, bhikkhave’’ti imaṃ suttamārabhi. Tattha appamattakoti thokamattako parittappamāṇo, antamaso kusaggenapi gahetvā upasiṅghiyamāno duggandhova hoti. Appamattakampi bhavaṃ na vaṇṇemīti appamattakampi kālaṃ bhave paṭisandhiṃ na vaṇṇayāmi. Idānissa upamaṃ dassento āha – antamaso accharāsaṅghātamattampīti. Sabbantimena paricchedena dve aṅguliyo ekato katvā paharaṇamattampi kālanti vuttaṃ hoti. Sesaṃ sabbattha uttānatthamevāti.
д̇ад̇ияаваг̇г̇аван̣н̣анаа.
Tatiyavaggavaṇṇanā.
16. згад̇хаммабаал̣и
16. Ekadhammapāḷi
(16) 4. згад̇хаммабаал̣и-жад̇уд̇т̇аваг̇г̇аван̣н̣анаа
(16) 4. Ekadhammapāḷi-catutthavaggavaṇṇanā
322. жад̇уд̇т̇аваг̇г̇асса батамз ж̇амб̣уд̣̇ийбзд̇и ж̇амб̣уяаа бан̃н̃аад̇о баагадо д̣̇ийбод̇и ж̇амб̣уд̣̇ийбо. имасса гира д̣̇ийбасса сан̃н̃аан̣абхууд̇аа яож̇анасад̇уб̣б̣зд̇хаа бан̣н̣аасаяож̇анасаакаа бан̃жад̣̇асаяож̇анааваддагканд̇хаа химаванд̇абаб̣б̣ад̇з ж̇аад̇аа габбадтааяиний махааж̇амб̣уу наама ад̇т̇и, д̇ааяа аяам̣ д̣̇ийбо ж̇амб̣уд̣̇ийбод̇и вужжад̇и. яат̇аа жа имасмим̣ д̣̇ийбз ж̇амб̣уругко габбадтааяий, д̇ат̇аа абараг̇ояаанз гад̣̇амб̣аругко, уд̇д̇арагуруусу габбаругко, буб̣б̣авид̣̇зхз сирийсаругко, асураанам̣ жид̇д̇абаадалиругко, субан̣н̣аанам̣ симб̣алиругко , д̣̇зваанам̣ баарижчад̇д̇агод̇и имзби габбадтааяинова.
322. Catutthavaggassa paṭhame jambudīpeti jambuyā paññāto pākaṭo dīpoti jambudīpo. Imassa kira dīpassa saññāṇabhūtā yojanasatubbedhā paṇṇāsayojanasākhā pañcadasayojanāvaṭṭakkhandhā himavantapabbate jātā kappaṭṭhāyinī mahājambū nāma atthi, tāya ayaṃ dīpo jambudīpoti vuccati. Yathā ca imasmiṃ dīpe jamburukkho kappaṭṭhāyī, tathā aparagoyāne kadambarukkho, uttarakurūsu kapparukkho, pubbavidehe sirīsarukkho, asurānaṃ cittapāṭalirukkho, supaṇṇānaṃ simbalirukkho , devānaṃ pāricchattakoti imepi kappaṭṭhāyinova.
‘‘баадалий симб̣алий ж̇амб̣уу, д̣̇зваанам̣ баарижчад̇д̇аго;
‘‘Pāṭalī simbalī jambū, devānaṃ pāricchattako;
гад̣̇амб̣о габбаругко жа, сирийсо бхавад̇и сад̇д̇амо’’д̇и.
Kadambo kapparukkho ca, sirīso bhavati sattamo’’ti.
аараамарааман̣зяяаганд̇и бубпаараамапалаараамаанам̣ рааман̣зяяагам̣ взл̣увана-ж̇ийвагамб̣авана-ж̇зд̇аванабуб̣б̣аараамасад̣̇исам̣. д̇ам̣ имасмим̣ ж̇амб̣уд̣̇ийбз аббамад̇д̇агам̣ барид̇д̇агам̣, на б̣ахуганд̇и ад̇т̇о. сзсабад̣̇зсуби зсзва наяо. зд̇т̇а ванарааман̣зяяаганд̇и нааг̇аванасаалаванажамбагаванаад̣̇исад̣̇исам̣ ван̇габаб̣б̣ад̇ахимаванд̇абаб̣б̣ад̇абад̣̇зсаад̣̇ийсу аран̃н̃аванам̣ взд̣̇ид̇аб̣б̣ам̣. бхуумирааман̣зяяаганд̇и ж̇зд̇аванавихаарамаг̇ад̇хагкзд̇д̇аад̣̇исад̣̇исам̣ самам̣ бхуумидтаанам̣. богкаран̣ирааман̣зяяаганд̇и ж̇зд̇аванабогкаран̣иг̇аг̇г̇араабогкаран̣исад̣̇исаанам̣ ваддажад̇урассад̣̇ийгхаван̇гаад̣̇исан̣таанаанам̣ богкаран̣ийнам̣ саннивзсанадтаанам̣. уггуулавигууланд̇и уггуулан̃жа вигуулан̃жа. д̇ад̇т̇а уггуулам̣ уннад̇адтаанам̣, вигуулам̣ ниннадтаанам̣. над̣̇ийвид̣̇уг̇г̇анд̇и над̣̇ийнам̣ бхиннадтаанам̣ д̇ам̣ д̣̇уг̇г̇амад̇д̇аа над̣̇ийвид̣̇уг̇г̇анд̇и вужжад̇и. каан̣уган̣дагадтаананд̇и д̇ад̇т̇аж̇аад̇агаанан̃жзва аахарияамаанаанан̃жа каан̣уган̣дагаад̣̇ийнам̣ бад̇идтаанадтаанам̣. баб̣б̣ад̇ависаманд̇и г̇иривисамам̣. яз од̣̇агаад̇и яз жа уд̣̇агз ж̇ааяанд̇и, д̇зязва б̣ахуд̇араа. ид̇о гира суван̣н̣абхууми сад̇д̇амад̇д̇аани яож̇анасад̇аани ход̇и, згзна ваад̇зна г̇ажчанд̇ий нааваа сад̇д̇ахи ахорад̇д̇зхи г̇ажчад̇и. ат̇згасмим̣ самаяз звам̣ г̇ажчанд̇ий нааваа сад̇д̇аахамби нанд̣̇ияааваддамажчабидтзнзва г̇ад̇аа. звам̣ од̣̇агаанам̣ сад̇д̇аанам̣ б̣ахубхааво взд̣̇ид̇аб̣б̣о.
Ārāmarāmaṇeyyakanti pupphārāmaphalārāmānaṃ rāmaṇeyyakaṃ veḷuvana-jīvakambavana-jetavanapubbārāmasadisaṃ. Taṃ imasmiṃ jambudīpe appamattakaṃ parittakaṃ, na bahukanti attho. Sesapadesupi eseva nayo. Ettha vanarāmaṇeyyakanti nāgavanasālavanacampakavanādisadisaṃ vaṅkapabbatahimavantapabbatapadesādīsu araññavanaṃ veditabbaṃ. Bhūmirāmaṇeyyakanti jetavanavihāramagadhakkhettādisadisaṃ samaṃ bhūmiṭṭhānaṃ. Pokkharaṇirāmaṇeyyakanti jetavanapokkharaṇigaggarāpokkharaṇisadisānaṃ vaṭṭacaturassadīghavaṅkādisaṇṭhānānaṃ pokkharaṇīnaṃ sannivesanaṭṭhānaṃ. Ukkūlavikūlanti ukkūlañca vikūlañca. Tattha ukkūlaṃ unnataṭṭhānaṃ, vikūlaṃ ninnaṭṭhānaṃ. Nadīvidugganti nadīnaṃ bhinnaṭṭhānaṃ taṃ duggamattā nadīvidugganti vuccati. Khāṇukaṇṭakaṭṭhānanti tatthajātakānañceva āhariyamānānañca khāṇukaṇṭakādīnaṃ patiṭṭhānaṭṭhānaṃ. Pabbatavisamanti girivisamaṃ. Ye odakāti ye ca udake jāyanti, teyeva bahutarā. Ito kira suvaṇṇabhūmi sattamattāni yojanasatāni hoti, ekena vātena gacchantī nāvā sattahi ahorattehi gacchati. Athekasmiṃ samaye evaṃ gacchantī nāvā sattāhampi nandiyāvaṭṭamacchapiṭṭheneva gatā. Evaṃ odakānaṃ sattānaṃ bahubhāvo veditabbo.
абижа т̇аладтаанасса барид̇д̇абхаавзна уд̣̇агасса жа б̣ахубхаавзнааби аяамад̇т̇о взд̣̇ид̇аб̣б̣о. яат̇аа хи махаад̇ал̣аагз згова уббалаг̇ажчо асса, д̇асса жад̇д̇аари жа бан̣н̣аани, маж̇жхз жа згам̣ уббаламагулам̣ асса. звамзвам̣ жад̇д̇аари бан̣н̣аани вияа жад̇д̇ааро д̣̇ийбаа, маж̇жхз уббаламагулам̣ вияа синзрубаб̣б̣ад̇о, сзсам̣ уд̣̇агам̣ вияа уд̣̇агабаригкид̇д̇о огаасо. д̇асса маханд̇абхааво ид̣̇д̇химанд̇аанам̣ баагадо ход̇и. д̇зсан̃хи аагаасзна г̇ажчанд̇аанам̣ жад̇д̇ааро махаад̣̇ийбаа жад̇д̇аари бан̣н̣аани вияа убадтаханд̇и, синзрубаб̣б̣ад̇о маж̇жхз уббаламагулам̣ вияа, сзсам̣ уд̣̇агам̣ вияа уд̣̇агабаригкид̇д̇о огаасо. звам̣ маханд̇з уд̣̇агз ж̇аад̇ад̇д̇аа од̣̇агаава б̣ахуд̇араа взд̣̇ид̇аб̣б̣аа.
Apica thalaṭṭhānassa parittabhāvena udakassa ca bahubhāvenāpi ayamattho veditabbo. Yathā hi mahātaḷāke ekova uppalagaccho assa, tassa cattāri ca paṇṇāni, majjhe ca ekaṃ uppalamakulaṃ assa. Evamevaṃ cattāri paṇṇāni viya cattāro dīpā, majjhe uppalamakulaṃ viya sinerupabbato, sesaṃ udakaṃ viya udakaparikkhitto okāso. Tassa mahantabhāvo iddhimantānaṃ pākaṭo hoti. Tesañhi ākāsena gacchantānaṃ cattāro mahādīpā cattāri paṇṇāni viya upaṭṭhahanti, sinerupabbato majjhe uppalamakulaṃ viya, sesaṃ udakaṃ viya udakaparikkhitto okāso. Evaṃ mahante udake jātattā odakāva bahutarā veditabbā.
323. д̣̇уд̇ияаад̣̇ийсу ан̃н̃ад̇ра мануссзхийд̇и ид̇ха жад̇д̇ааро абааяаа ан̃н̃ад̇ра мануссзхийд̇и ад̇хиббзд̇аа.
323. Dutiyādīsu aññatra manussehīti idha cattāro apāyā aññatra manussehīti adhippetā.
маж̇жхимзсу ж̇анабад̣̇зсууд̇и ‘‘бурад̇т̇имааяа д̣̇исааяа г̇аж̇ан̇г̇алам̣ наама ниг̇амо, д̇асса барзна махаасаалаа, д̇ад̇о бараа бажжанд̇имаа ж̇анабад̣̇аа, орад̇о маж̇жхз. бурад̇т̇имад̣̇агкин̣ааяа д̣̇исааяа саллавад̇ий наама над̣̇ий, д̇ад̇о бараа бажжанд̇имаа ж̇анабад̣̇аа, орад̇о маж̇жхз. д̣̇агкин̣ааяа д̣̇исааяа сзд̇аган̣н̣игам̣ наама ниг̇амо, д̇ад̇о бараа бажжанд̇имаа ж̇анабад̣̇аа, орад̇о маж̇жхз. бажчимааяа д̣̇исааяа т̇уун̣ам̣ наама б̣раахман̣аг̇аамо, д̇ад̇о бараа бажжанд̇имаа ж̇анабад̣̇аа, орад̇о маж̇жхз. уд̇д̇арааяа д̣̇исааяа усийрад̣̇д̇хаж̇о наама баб̣б̣ад̇о, д̇ад̇о бараа бажжанд̇имаа ж̇анабад̣̇аа, орад̇о маж̇жхз’’д̇и (махаава. 259) звам̣ барижчиннз ж̇анабад̣̇зд̇и ад̇т̇о. аяан̃хи ж̇анабад̣̇о муд̣̇ин̇г̇асан̣таано уж̇угзна гад̇т̇ажи асийд̇ияож̇ано ход̇и, гад̇т̇ажи яож̇анасад̇иго, гад̇т̇ажи д̣̇вияож̇анасад̇иго, маж̇жхзна бана д̇ияож̇анасад̇иго, барияанд̇абаригкзбзна навамад̇д̇аяож̇анасад̇иго ход̇и. зд̇д̇агз таанз б̣уд̣̇д̇хабажжзгаб̣уд̣̇д̇хаа махаасаавагаа б̣уд̣̇д̇хубадтаагаа б̣уд̣̇д̇хасаавагаа б̣уд̣̇д̇хамаад̇аа б̣уд̣̇д̇хабид̇аа жаггавад̇д̇ий рааж̇аад̇и имз сад̇д̇аа ниб̣б̣ад̇д̇анд̇и. абижа убаад̣̇ааяубаад̣̇ааяааби маж̇жхимабад̣̇зсо лаб̣бхад̇и. сагалоби хи ж̇амб̣уд̣̇ийбо маж̇жхимабад̣̇зсо наама, сзсад̣̇ийбаа бажжанд̇имаа ж̇анабад̣̇аа. д̇амб̣абан̣н̣ид̣̇ийбз анураад̇хабурам̣ маж̇жхимабад̣̇зсо наама, сзсо бажжанд̇од̇и звам̣ наяо взд̣̇ид̇аб̣б̣о.
Majjhimesu janapadesūti ‘‘puratthimāya disāya gajaṅgalaṃ nāma nigamo, tassa parena mahāsālā, tato parā paccantimā janapadā, orato majjhe. Puratthimadakkhiṇāya disāya sallavatī nāma nadī, tato parā paccantimā janapadā, orato majjhe. Dakkhiṇāya disāya setakaṇṇikaṃ nāma nigamo, tato parā paccantimā janapadā, orato majjhe. Pacchimāya disāya thūṇaṃ nāma brāhmaṇagāmo, tato parā paccantimā janapadā, orato majjhe. Uttarāya disāya usīraddhajo nāma pabbato, tato parā paccantimā janapadā, orato majjhe’’ti (mahāva. 259) evaṃ paricchinne janapadeti attho. Ayañhi janapado mudiṅgasaṇṭhāno ujukena katthaci asītiyojano hoti, katthaci yojanasatiko, katthaci dviyojanasatiko, majjhena pana tiyojanasatiko, pariyantaparikkhepena navamattayojanasatiko hoti. Ettake ṭhāne buddhapaccekabuddhā mahāsāvakā buddhupaṭṭhākā buddhasāvakā buddhamātā buddhapitā cakkavattī rājāti ime sattā nibbattanti. Apica upādāyupādāyāpi majjhimapadeso labbhati. Sakalopi hi jambudīpo majjhimapadeso nāma, sesadīpā paccantimā janapadā. Tambapaṇṇidīpe anurādhapuraṃ majjhimapadeso nāma, seso paccantoti evaṃ nayo veditabbo.
324. бан̃н̃аванд̇о аж̇ал̣аа анзл̣амууг̇аад̇и зд̇т̇а гаммассагад̇абан̃н̃аа, жхаанабан̃н̃аа вибассанаабан̃н̃аа, маг̇г̇абан̃н̃аа, палабан̃н̃аад̇и зд̇аахи саманнааг̇ад̇аа бан̃н̃аванд̇о наама, амуул̣хаа аж̇ал̣аа наама. язсам̣ зл̣аа мукад̇о на г̇алад̇и, д̇з анзл̣амууг̇аа наама, анзл̣амукаа нид̣̇д̣̇осамукаад̇и ад̇т̇о. бадиб̣алаад̇и самад̇т̇аа, гааяаб̣алзна жзва н̃аан̣аб̣алзна жа саманнааг̇ад̇аа. ад̇т̇аман̃н̃аад̇унд̇и ад̇т̇аанад̇т̇ам̣ гааран̣аагааран̣ам̣ ж̇аанид̇ум̣. д̣̇уббан̃н̃аад̇и аббан̃н̃аа ниббан̃н̃аа. ж̇ал̣аад̇и манд̣̇аа момуухаа.
324.Paññavantoajaḷā aneḷamūgāti ettha kammassakatapaññā, jhānapaññā vipassanāpaññā, maggapaññā, phalapaññāti etāhi samannāgatā paññavanto nāma, amūḷhā ajaḷā nāma. Yesaṃ eḷā mukhato na galati, te aneḷamūgā nāma, aneḷamukhā niddosamukhāti attho. Paṭibalāti samatthā, kāyabalena ceva ñāṇabalena ca samannāgatā. Atthamaññātunti atthānatthaṃ kāraṇākāraṇaṃ jānituṃ. Duppaññāti appaññā nippaññā. Jaḷāti mandā momūhā.
325. ариязна бан̃н̃аажагкунаад̇и сахавибассанзна маг̇г̇зна. авиж̇ж̇ааг̇ад̇аад̇и авиж̇ж̇анд̇хагаарзна саманнааг̇ад̇аа.
325.Ariyena paññācakkhunāti sahavipassanena maggena. Avijjāgatāti avijjandhakārena samannāgatā.
326. яз лабханд̇и д̇ат̇ааг̇ад̇ам̣ д̣̇ассанааяаад̇и яз д̇ат̇ааг̇ад̇асса г̇ун̣з ж̇аанид̇ваа д̇ат̇ааг̇ад̇ам̣ жагкувин̃н̃аан̣зна бассид̇ум̣ лабханд̇и.
326.Ye labhanti tathāgataṃ dassanāyāti ye tathāgatassa guṇe jānitvā tathāgataṃ cakkhuviññāṇena passituṃ labhanti.
327. д̇ат̇ааг̇ад̇аббавзд̣̇ид̇анд̇и д̇ат̇ааг̇ад̇зна бавзд̣̇ид̇ам̣ багаасзд̇ваа гат̇ид̇ам̣. саванааяаад̇и сод̇авин̃н̃аан̣зна сод̇ум̣.
327.Tathāgatappaveditanti tathāgatena paveditaṃ pakāsetvā kathitaṃ. Savanāyāti sotaviññāṇena sotuṃ.
328. д̇хаарзнд̇ийд̇и на баммуссанд̇и.
328.Dhārentīti na pammussanti.
329. д̇хаад̇аанам̣ д̇хаммаанам̣ ад̇т̇ам̣ убабаригканд̇ийд̇и баг̇ун̣ааяа баал̣ияаа ад̇т̇аанад̇т̇ам̣ убабаригканд̇и.
329.Dhātānaṃ dhammānaṃ atthaṃ upaparikkhantīti paguṇāya pāḷiyā atthānatthaṃ upaparikkhanti.
330. ад̇т̇аман̃н̃ааяа д̇хаммаман̃н̃ааяаад̇и адтагат̇ан̃жа баал̣ин̃жа ж̇аанид̇ваа. д̇хаммаануд̇хаммам̣ бадибаж̇ж̇анд̇ийд̇и ануломабадибад̣̇ам̣ буурзнд̇и.
330.Atthamaññāya dhammamaññāyāti aṭṭhakathañca pāḷiñca jānitvā. Dhammānudhammaṃ paṭipajjantīti anulomapaṭipadaṃ pūrenti.
331. сам̣взж̇анийязсу таанзсууд̇и сам̣взг̇аж̇анагзсу гааран̣зсу. сам̣виж̇ж̇анд̇ийд̇и сам̣взг̇ам̣ аабаж̇ж̇анд̇и.
331.Saṃvejanīyesu ṭhānesūti saṃvegajanakesu kāraṇesu. Saṃvijjantīti saṃvegaṃ āpajjanti.
332. яонисо бад̣̇аханд̇ийд̇и убааязна бад̇хаанавийрияам̣ гаронд̇и.
332.Yoniso padahantīti upāyena padhānavīriyaṃ karonti.
333. вавассаг̇г̇аарамман̣анд̇и вавассаг̇г̇о вужжад̇и ниб̣б̣аанам̣, д̇ам̣ аарамман̣ам̣ гарид̇ваад̇и ад̇т̇о. лабханд̇и самаад̇хинд̇и маг̇г̇асамаад̇хин̃жа паласамаад̇хин̃жа баабун̣анд̇и.
333.Vavassaggārammaṇanti vavassaggo vuccati nibbānaṃ, taṃ ārammaṇaṃ karitvāti attho. Labhanti samādhinti maggasamādhiñca phalasamādhiñca pāpuṇanti.
334. аннаг̇г̇арасаг̇г̇аананд̇и уд̇д̇аманнаанан̃жа уд̇д̇амарасаанан̃жа. ун̃чзна габаалаабхад̇зна яаабзнд̇ийд̇и ун̃чаажаарзна ванамуулапалаапалзна ваа габаалзна аабхад̇абхад̇д̇зна ваа яаабзнд̇и. зд̇т̇а жа яо гассажид̣̇зва каад̣̇анийяасса бхож̇анийяасса ад̇т̇ааяа жид̇д̇з уббаннз д̇ам̣кан̣ам̣язва на д̇ам̣ лабхад̇и, аяам̣ аннаг̇г̇арасаг̇г̇аанам̣ на лаабхий наама. яассаби д̇ам̣кан̣ам̣язва лабхид̇ваа ологзнд̇асса ван̣н̣аг̇анд̇харасаа аманаабаа хонд̇и, аяамби аннаг̇г̇арасаг̇г̇аанам̣ на лаабхий наама. яасса бана ван̣н̣аг̇анд̇харасаа бадилабханд̇и, манаабаа хонд̇и, аяам̣ аннаг̇г̇арасаг̇г̇аанам̣ лаабхий наама. со уд̇д̇амагодияаа жаггавад̇д̇ий рааж̇аа, хздтимагодияаа д̇хаммаасого взд̣̇ид̇аб̣б̣о. сан̇кзбад̇о хи яасса бхад̇д̇асса згабаад̇и сад̇асахассам̣ аг̇гхад̇и, ид̣̇ам̣ аннаг̇г̇арасаг̇г̇ам̣ наама. яам̣ бана бхигкусан̇гхам̣ бин̣д̣ааяа жаранд̇ам̣ д̣̇исваа мануссаа уд̇д̇амабан̣ийд̇ам̣ бхад̇д̇ам̣ д̣̇знд̇и, ид̣̇ам̣ гим̣ наамаад̇и? ид̣̇ам̣ ун̃чзна габаалаабхад̇зна яаабзнд̇з убаад̣̇ааяа аннаг̇г̇арасаг̇г̇ам̣ наама вужжад̇ийд̇и.
334.Annaggarasaggānanti uttamannānañca uttamarasānañca. Uñchena kapālābhatena yāpentīti uñchācārena vanamūlaphalāphalena vā kapālena ābhatabhattena vā yāpenti. Ettha ca yo kassacideva khādanīyassa bhojanīyassa atthāya citte uppanne taṃkhaṇaṃyeva na taṃ labhati, ayaṃ annaggarasaggānaṃ na lābhī nāma. Yassapi taṃkhaṇaṃyeva labhitvā olokentassa vaṇṇagandharasā amanāpā honti, ayampi annaggarasaggānaṃ na lābhī nāma. Yassa pana vaṇṇagandharasā paṭilabhanti, manāpā honti, ayaṃ annaggarasaggānaṃ lābhī nāma. So uttamakoṭiyā cakkavattī rājā, heṭṭhimakoṭiyā dhammāsoko veditabbo. Saṅkhepato hi yassa bhattassa ekapāti satasahassaṃ agghati, idaṃ annaggarasaggaṃ nāma. Yaṃ pana bhikkhusaṅghaṃ piṇḍāya carantaṃ disvā manussā uttamapaṇītaṃ bhattaṃ denti, idaṃ kiṃ nāmāti? Idaṃ uñchena kapālābhatena yāpente upādāya annaggarasaggaṃ nāma vuccatīti.
335. ад̇т̇арасассаад̇иаад̣̇ийсу ад̇т̇арасо наама жад̇д̇аари сааман̃н̃апалаани, д̇хаммарасо наама жад̇д̇ааро маг̇г̇аа, вимуд̇д̇ирасо наама амад̇аниб̣б̣аанам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
335.Attharasassātiādīsu attharaso nāma cattāri sāmaññaphalāni, dhammaraso nāma cattāro maggā, vimuttiraso nāma amatanibbānaṃ. Sesaṃ sabbattha uttānatthamevāti.
жад̇уд̇т̇аваг̇г̇аван̣н̣анаа.
Catutthavaggavaṇṇanā.
ж̇амб̣уд̣̇ийбабзяяаало нидтид̇о.
Jambudīpapeyyālo niṭṭhito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 16. згад̇хаммабаал̣и • 16. Ekadhammapāḷi
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 16. згад̇хаммабаал̣и • 16. Ekadhammapāḷi
