| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
16. згад̇хаммабаал̣и
16. Ekadhammapāḷi
(16) 1. згад̇хаммабаал̣и-батамаваг̇г̇аван̣н̣анаа
(16) 1. Ekadhammapāḷi-paṭhamavaggavaṇṇanā
296. згад̇хаммабаал̣иван̣н̣анааяам̣ ид̇ха д̇хамма-сад̣̇д̣̇о сабхаавад̇т̇о ‘‘гусалаа д̇хаммаа’’д̇иаад̣̇ийсу вияаад̇и ааха – ‘‘згасабхааво’’д̇и. зганд̇знаад̇и згам̣сзна, авассанд̇и ад̇т̇о. ваддзд̇и сам̣саараваддз. ниб̣б̣инд̣̇анад̇т̇ааяаад̇и анабхираманад̇т̇ааяа. вираж̇ж̇анад̇т̇ааяаад̇и араж̇ж̇анад̇т̇ааяа. вираж̇ж̇анааяаад̇и балуж̇ж̇анааяа. д̇знзвааха – ‘‘виг̇амааяаа’’д̇и. рааг̇аад̣̇ийнам̣ нирод̇хааяаад̇и маг̇г̇ан̃аан̣зна рааг̇аад̣̇ийнам̣ нирод̇ханад̇т̇ааяа. маг̇г̇ан̃аан̣зна нирод̇ханам̣ наама ажжанд̇ам̣ аббавад̇д̇игаран̣анд̇и ааха – ‘‘аббавад̇д̇игаран̣ад̇т̇ааяаа’’д̇и. яат̇аа каад̣̇анийяасса мукз гад̇ваа каад̣̇анам̣ наама яаавад̣̇зва аж̇жхохаран̣ад̇т̇ам̣, звам̣ рааг̇аад̣̇ийнам̣ нирод̇ханам̣ вадданирод̇ханад̇т̇амзваад̇и вуд̇д̇ам̣ – ‘‘ваддассзва ваа нируж̇жханад̇т̇ааяаа’’д̇и. яасмаа гилзсзсу кийн̣зсу ид̇арам̣ ваддад̣̇ваяамби кийн̣амзва ход̇и, д̇асмаа мууламзва г̇ан̣ханд̇о ‘‘убасамааяаад̇и гилзсавуубасаманад̇т̇ааяаа’’д̇и ааха. сан̇кад̇ад̇хаммаанам̣ абхиж̇аананам̣ наама д̇ад̇т̇а лагкан̣ад̇д̇аяааробанамукзнзваад̇и ааха – ‘‘анижжаад̣̇и…бз… абхиж̇аананад̇т̇ааяаа’’д̇и. самб̣уж̇жхид̇аб̣б̣аани наама жад̇д̇аари арияасажжаани д̇аб̣б̣инимуд̇д̇асса н̃зяяасса абхаавад̇о. ‘‘жад̇уннам̣ сажжаанам̣ б̣уж̇жханад̇т̇ааяаа’’д̇и вад̇ваа д̇аяид̣̇ам̣ б̣уж̇жханам̣ яасса н̃аан̣асса васзна иж̇жхад̇и, д̇асса н̃аан̣асса васзна д̣̇ассзд̇ум̣ – ‘‘б̣од̇хи вужжад̇ий’’д̇иаад̣̇и вуд̇д̇ам̣. аббажжаяаниб̣б̣аанассаад̇и амад̇ад̇хаад̇уяаа.
296. Ekadhammapāḷivaṇṇanāyaṃ idha dhamma-saddo sabhāvattho ‘‘kusalā dhammā’’tiādīsu viyāti āha – ‘‘ekasabhāvo’’ti. Ekantenāti ekaṃsena, avassanti attho. Vaṭṭeti saṃsāravaṭṭe. Nibbindanatthāyāti anabhiramanatthāya. Virajjanatthāyāti arajjanatthāya. Virajjanāyāti palujjanāya. Tenevāha – ‘‘vigamāyā’’ti. Rāgādīnaṃ nirodhāyāti maggañāṇena rāgādīnaṃ nirodhanatthāya. Maggañāṇena nirodhanaṃ nāma accantaṃ appavattikaraṇanti āha – ‘‘appavattikaraṇatthāyā’’ti. Yathā khādanīyassa mukhe katvā khādanaṃ nāma yāvadeva ajjhoharaṇatthaṃ, evaṃ rāgādīnaṃ nirodhanaṃ vaṭṭanirodhanatthamevāti vuttaṃ – ‘‘vaṭṭasseva vā nirujjhanatthāyā’’ti. Yasmā kilesesu khīṇesu itaraṃ vaṭṭadvayampi khīṇameva hoti, tasmā mūlameva gaṇhanto ‘‘upasamāyāti kilesavūpasamanatthāyā’’ti āha. Saṅkhatadhammānaṃ abhijānanaṃ nāma tattha lakkhaṇattayāropanamukhenevāti āha – ‘‘aniccādi…pe… abhijānanatthāyā’’ti. Sambujjhitabbāni nāma cattāri ariyasaccāni tabbinimuttassa ñeyyassa abhāvato. ‘‘Catunnaṃ saccānaṃ bujjhanatthāyā’’ti vatvā tayidaṃ bujjhanaṃ yassa ñāṇassa vasena ijjhati, tassa ñāṇassa vasena dassetuṃ – ‘‘bodhi vuccatī’’tiādi vuttaṃ. Appaccayanibbānassāti amatadhātuyā.
уссаахаж̇ананад̇т̇анд̇и гаммадтаанз абхиружиуббаад̣̇анааяа. висаган̣дагод̇и г̇ул̣асса ваан̣иж̇асаман̃н̃аа. ‘‘гисмин̃жи д̣̇зсз д̣̇зсабхаасаа’’д̇и гзжи. ужчурасо самабаагабагго жун̣н̣аад̣̇ийхи миссзд̇ваа бин̣д̣ийгад̇о г̇ул̣о, абин̣д̣ийгад̇о паан̣ид̇ам̣. баагависзсзна кан̣д̣акан̣д̣асзд̣̇ид̇о кан̣д̣о, малаабхаавам̣ аабанно саггараа.
Ussāhajananatthanti kammaṭṭhāne abhiruciuppādanāya. Visakaṇṭakoti guḷassa vāṇijasamaññā. ‘‘Kismiñci dese desabhāsā’’ti keci. Ucchuraso samapākapakko cuṇṇādīhi missetvā piṇḍīkato guḷo, apiṇḍīkato phāṇitaṃ. Pākavisesena khaṇḍakhaṇḍasedito khaṇḍo, malābhāvaṃ āpanno sakkarā.
сарад̇ийд̇и сад̇и. ану ану сарад̇ийд̇и ануссад̇и, ану ануруубаа сад̇ийд̇иби ануссад̇и. д̣̇увид̇хам̣ ход̇ийд̇и баяож̇анавасзна д̣̇увид̇хам̣ ход̇и. жид̇д̇асамбахам̣санад̇т̇анд̇и басаад̣̇анийяавад̇т̇усмим̣ басаад̣̇уббаад̣̇анзна бхааванаажид̇д̇асса барид̇осанад̇т̇ам̣. вибассанад̇т̇анд̇и вибассанаасукад̇т̇ам̣. убажаарасамаад̇хинаа хи жид̇д̇з самаахид̇з вибассанаасукзна иж̇жхад̇и. жид̇д̇уббаад̣̇од̇и бхааванаавасзна бавад̇д̇о жид̇д̇уббаад̣̇о . убахан̃н̃ад̇и бад̇ихан̃н̃ад̇и бадигуулад̇д̇аа аарамман̣асса. д̇ад̇о зва угган̣тад̇и, гаммадтаанам̣ рин̃жад̇и, нирассаад̣̇о ход̇и бхааванассаад̣̇асса алаб̣бханад̇о. басийд̣̇ад̇и б̣уд̣̇д̇хаг̇ун̣аанам̣ басаад̣̇анийяад̇д̇аа. д̇ат̇аа жа ган̇каад̣̇ижзд̇окилаабхаавзна винийваран̣о ход̇и. д̣̇амзд̇ваад̇и нийваран̣анираагаран̣зна ниб̣б̣исзванам̣ гад̇ваа. звам̣ гаммадтаананд̇араануяун̃ж̇анзна жид̇д̇абарид̣̇аманасса убамам̣ д̣̇ассзнд̇о, ‘‘гат̇а’’нд̇иаад̣̇имааха.
Saratīti sati. Anu anu saratīti anussati, anu anurūpā satītipi anussati. Duvidhaṃ hotīti payojanavasena duvidhaṃ hoti. Cittasampahaṃsanatthanti pasādanīyavatthusmiṃ pasāduppādanena bhāvanācittassa paritosanatthaṃ. Vipassanatthanti vipassanāsukhatthaṃ. Upacārasamādhinā hi citte samāhite vipassanāsukhena ijjhati. Cittuppādoti bhāvanāvasena pavatto cittuppādo . Upahaññati patihaññati paṭikūlattā ārammaṇassa. Tato eva ukkaṇṭhati, kammaṭṭhānaṃ riñcati, nirassādo hoti bhāvanassādassa alabbhanato. Pasīdati buddhaguṇānaṃ pasādanīyattā. Tathā ca kaṅkhādicetokhilābhāvena vinīvaraṇo hoti. Dametvāti nīvaraṇanirākaraṇena nibbisevanaṃ katvā. Evaṃ kammaṭṭhānantarānuyuñjanena cittaparidamanassa upamaṃ dassento, ‘‘katha’’ntiādimāha.
го аяам̣…бз… ануссарийд̇и го аяам̣ мама аб̣бханд̇арз тад̇ваа ануссари. бариг̇г̇ан̣ханд̇од̇и б̣аахирагабаригаббид̇асса ануссарагасса саб̣б̣асо абхаавад̣̇ассанамзд̇ам̣. д̇знааха – ‘‘на ан̃н̃о гожий’’д̇и. д̣̇исваад̇и бариязсананаязна вуд̇д̇аббагаарам̣ жид̇д̇амзва ануссарийд̇и д̣̇исваа саб̣б̣амбзд̇анд̇и зд̇ам̣ хад̣̇аяавад̇т̇уаад̣̇иббабхзд̣̇ам̣ саб̣б̣амби. ид̣̇ан̃жа руубам̣ буриман̃жа аруубанд̇и ид̣̇ам̣ руббанасабхаавад̇д̇аа руубам̣, буримам̣ ад̇ам̣сабхаавад̇д̇аа аруубанд̇и сан̇кзбад̇о руубааруубам̣ вавад̇т̇абзд̇ваа. бан̃жагканд̇хз вавад̇т̇абзд̇ваад̇и яож̇анаа. самбхаавигаад̇и самудтаабигаа. д̇ассаад̇и самуд̣̇аяасажжасса. нирод̇ход̇и нирод̇ханимид̇д̇ам̣. аббанааваарод̇и яат̇аарад̣̇д̇хааяа д̣̇зсанааяа ниг̇аманавааро.
Ko ayaṃ…pe… anussarīti ko ayaṃ mama abbhantare ṭhatvā anussari. Pariggaṇhantoti bāhirakaparikappitassa anussarakassa sabbaso abhāvadassanametaṃ. Tenāha – ‘‘na añño kocī’’ti. Disvāti pariyesananayena vuttappakāraṃ cittameva anussarīti disvā sabbampetanti etaṃ hadayavatthuādippabhedaṃ sabbampi. Idañca rūpaṃ purimañca arūpanti idaṃ ruppanasabhāvattā rūpaṃ, purimaṃ ataṃsabhāvattā arūpanti saṅkhepato rūpārūpaṃ vavatthapetvā. Pañcakkhandhe vavatthapetvāti yojanā. Sambhāvikāti samuṭṭhāpikā. Tassāti samudayasaccassa. Nirodhoti nirodhanimittaṃ. Appanāvāroti yathāraddhāya desanāya nigamanavāro.
297. зсзва наяод̇и иминаа явааяам̣ ‘‘д̇ам̣ банзд̇а’’нд̇иаад̣̇инаа ад̇т̇анаяо б̣уд̣̇д̇хаануссад̇ияам̣ вибхаавид̇од̇и ад̇ид̣̇исад̇и, свааяам̣ ад̇ид̣̇зсо баяож̇анавасзна навасуби ануссад̇ийсу саад̇хааран̣авасзна вуд̇д̇оби аанаабаанассад̇иаад̣̇ийсу д̇ийсу вибассанад̇т̇аанзва хонд̇ийд̇и иминаа абаваад̣̇зна нивад̇д̇ид̇од̇и д̇аасам̣ згаббаяож̇анад̇аава д̣̇адтаб̣б̣аа. д̇хаммз ануссад̇и д̇хаммаануссад̇ийд̇и самаасабад̣̇авибхааг̇ад̣̇ассанамби важанад̇т̇ад̣̇ассанабагкигамзваад̇и ааха – ‘‘аяам̣ банзд̇т̇а важанад̇т̇о’’д̇и. д̇хаммам̣ аараб̣бхаад̇и хи д̇хаммасса ануссад̇ияаа висаяабхаавад̣̇ассанамзд̇ам̣. зса наяо сзсзсуби. сийлам̣ аараб̣бхаад̇и ад̇д̇ано баарисуд̣̇д̇хисийлам̣ аараб̣бха. жааг̇ам̣ аараб̣бхаад̇и ад̇д̇ано жааг̇аг̇ун̣ам̣ аараб̣бха. д̣̇звад̇аа аараб̣бхаад̇и зд̇т̇а д̣̇звад̇ааг̇ун̣асад̣̇исад̇ааяа ад̇д̇ано сад̣̇д̇хаасийласуд̇ажааг̇абан̃н̃аасу д̣̇звад̇аасаман̃н̃аа. бхавад̇и хи д̇ам̣сад̣̇исзби д̇аб̣б̣охааро яат̇аа ‘‘д̇аани осад̇хаани, зса б̣рахмад̣̇ад̇д̇о’’д̇и жа. д̇знааха – ‘‘д̣̇звад̇аа сагкидтаанз табзд̇ваа’’д̇иаад̣̇и. д̇ад̇т̇а д̣̇звад̇аа сагкидтаанз табзд̇ваад̇и ‘‘яат̇ааруубааяа сад̣̇д̇хааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа, маяхамби д̇ат̇ааруубаа сад̣̇д̇хаа сам̣виж̇ж̇ад̇и. яат̇ааруубзна сийлзна, яат̇ааруубзна суд̇зна, яат̇ааруубзна жааг̇зна, яат̇ааруубааяа бан̃н̃ааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа, маяхамби д̇ат̇ааруубаа бан̃н̃аа сам̣виж̇ж̇ад̇ий’’д̇и звам̣ д̣̇звад̇аа сагкидтаанз табзд̇ваа. ассаасабассаасанимид̇д̇ам̣ наама д̇ад̇т̇а лад̣̇д̇хаб̣б̣аббадибхааг̇анимид̇д̇ам̣. г̇ад̇аад̇и аарамман̣агаран̣авасзна убаг̇ад̇аа бавад̇д̇аа.
297.Eseva nayoti iminā yvāyaṃ ‘‘taṃ paneta’’ntiādinā atthanayo buddhānussatiyaṃ vibhāvitoti atidisati, svāyaṃ atideso payojanavasena navasupi anussatīsu sādhāraṇavasena vuttopi ānāpānassatiādīsu tīsu vipassanatthāneva hontīti iminā apavādena nivattitoti tāsaṃ ekappayojanatāva daṭṭhabbā. Dhamme anussati dhammānussatīti samāsapadavibhāgadassanampi vacanatthadassanapakkhikamevāti āha – ‘‘ayaṃ panettha vacanattho’’ti. Dhammaṃ ārabbhāti hi dhammassa anussatiyā visayabhāvadassanametaṃ. Esa nayo sesesupi. Sīlaṃ ārabbhāti attano pārisuddhisīlaṃ ārabbha. Cāgaṃ ārabbhāti attano cāgaguṇaṃ ārabbha. Devatā ārabbhāti ettha devatāguṇasadisatāya attano saddhāsīlasutacāgapaññāsu devatāsamaññā. Bhavati hi taṃsadisepi tabbohāro yathā ‘‘tāni osadhāni, esa brahmadatto’’ti ca. Tenāha – ‘‘devatā sakkhiṭṭhāne ṭhapetvā’’tiādi. Tattha devatā sakkhiṭṭhāne ṭhapetvāti ‘‘yathārūpāya saddhāya samannāgatā tā devatā ito cutā tattha upapannā, mayhampi tathārūpā saddhā saṃvijjati. Yathārūpena sīlena, yathārūpena sutena, yathārūpena cāgena, yathārūpāya paññāya samannāgatā tā devatā ito cutā tattha upapannā, mayhampi tathārūpā paññā saṃvijjatī’’ti evaṃ devatā sakkhiṭṭhāne ṭhapetvā. Assāsapassāsanimittaṃ nāma tattha laddhabbappaṭibhāganimittaṃ. Gatāti ārammaṇakaraṇavasena upagatā pavattā.
убасаммад̇и зд̇т̇а д̣̇угканд̇и убасамо, ниб̣б̣аанам̣. ажжанд̇амзва зд̇т̇а убасаммад̇и ваддад̇д̇аяанд̇и ажжанд̇уубасамо, ниб̣б̣аанамзва. кин̣од̇и кзбзд̇и гилзсзд̇и каяо, арияамаг̇г̇о. д̇з зва убасамзд̇ийд̇и убасамо, арияамаг̇г̇о зва. каяо жа со убасамо жаад̇и каяуубасамо. д̇ад̇ражааяам̣ убасамо д̇хаммо зваад̇и д̇хаммаануссад̇ияаа убасамаануссад̇и згасан̇г̇аход̇и? сажжам̣ згасан̇г̇ахо д̇хаммабхаавасааман̃н̃з ад̇хиббзд̇з, сан̇кад̇ад̇хаммад̇о бана асан̇кад̇ад̇хаммо саад̇исаяо ул̣аарад̇амабан̣ийд̇ад̇амабхаавад̇од̇и д̣̇ийбзд̇ум̣ висум̣ нийхарид̇ваа вуд̇д̇ам̣. имамзва хи висзсам̣ санд̇хааяа бхаг̇аваа – ‘‘д̇хаммаануссад̇ий’’д̇и вад̇вааби убасамаануссад̇им̣ авожа ануссаранд̇асса сависзсам̣ санд̇абан̣ийд̇абхаавзна убадтаанад̇о. зван̃жа гад̇ваа ид̇ха каяуубасамаг̇г̇ахан̣амби самад̇т̇ид̇анд̇и д̣̇адтаб̣б̣ам̣. яат̇зва хи самаанзби логуд̇д̇арад̇хаммабхаавз ‘‘яаавад̇аа, бхигкавз, д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ аг̇г̇амагкааяад̇ий’’д̇иаад̣̇иважанад̇о (ид̇иву. 90) маг̇г̇апалад̇хаммзхи ниб̣б̣аанад̇хаммо саад̇исаяо, звам̣ палад̇хаммад̇о маг̇г̇ад̇хаммо гилзсаббахаанзна ажчарияад̇хаммабхаавад̇о, д̇асмаа ажжанд̇уубасамзна сад̣̇д̇хим̣ каяуубасамоби г̇ахид̇од̇и д̣̇адтаб̣б̣ам̣. вибассанад̇т̇аанзва хонд̇ийд̇и гасмаа вуд̇д̇анд̇и? ‘‘зганд̇аниб̣б̣ид̣̇ааяаад̇иаад̣̇иважанад̇о’’д̇и гзжи, д̇ам̣ агааран̣ам̣ б̣уд̣̇д̇хаануссад̇иаад̣̇ийсуби д̇ат̇аа д̣̇зсанааяа ааг̇ад̇ад̇д̇аа. яат̇аа бана б̣уд̣̇д̇хаануссад̇иаад̣̇ийни гаммадтаанаани вибассанад̇т̇аани хонд̇и, нимид̇д̇асамбахам̣санад̇т̇ааниби хонд̇и, на звамзд̇аани, зд̇аани бана вибассанад̇т̇аанзваад̇и д̇ат̇аа вуд̇д̇ам̣.
Upasammati ettha dukkhanti upasamo, nibbānaṃ. Accantameva ettha upasammati vaṭṭattayanti accantūpasamo, nibbānameva. Khiṇoti khepeti kileseti khayo, ariyamaggo. Te eva upasametīti upasamo, ariyamaggo eva. Khayo ca so upasamo cāti khayūpasamo. Tatracāyaṃ upasamo dhammo evāti dhammānussatiyā upasamānussati ekasaṅgahoti? Saccaṃ ekasaṅgaho dhammabhāvasāmaññe adhippete, saṅkhatadhammato pana asaṅkhatadhammo sātisayo uḷāratamapaṇītatamabhāvatoti dīpetuṃ visuṃ nīharitvā vuttaṃ. Imameva hi visesaṃ sandhāya bhagavā – ‘‘dhammānussatī’’ti vatvāpi upasamānussatiṃ avoca anussarantassa savisesaṃ santapaṇītabhāvena upaṭṭhānato. Evañca katvā idha khayūpasamaggahaṇampi samatthitanti daṭṭhabbaṃ. Yatheva hi samānepi lokuttaradhammabhāve ‘‘yāvatā, bhikkhave, dhammā saṅkhatā vā asaṅkhatā vā, virāgo tesaṃ aggamakkhāyatī’’tiādivacanato (itivu. 90) maggaphaladhammehi nibbānadhammo sātisayo, evaṃ phaladhammato maggadhammo kilesappahānena acchariyadhammabhāvato, tasmā accantūpasamena saddhiṃ khayūpasamopi gahitoti daṭṭhabbaṃ. Vipassanatthāneva hontīti kasmā vuttanti? ‘‘Ekantanibbidāyātiādivacanato’’ti keci, taṃ akāraṇaṃ buddhānussatiādīsupi tathā desanāya āgatattā. Yathā pana buddhānussatiādīni kammaṭṭhānāni vipassanatthāni honti, nimittasampahaṃsanatthānipi honti, na evametāni, etāni pana vipassanatthānevāti tathā vuttaṃ.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
16. згад̇хаммабаал̣и
16. Ekadhammapāḷi
(16) 2. згад̇хаммабаал̣и-д̣̇уд̇ияаваг̇г̇аван̣н̣анаа
(16) 2. Ekadhammapāḷi-dutiyavaggavaṇṇanā
298. мижчаа бассад̇и д̇ааяа, саяам̣ ваа мижчаа бассад̇и, мижчаад̣̇ассанамзва ваа д̇анд̇и мижчаад̣̇идти, яам̣ гин̃жи вибарийд̇ад̣̇ассанам̣. д̇знааха – ‘‘д̣̇ваасадтивид̇хааяаа’’д̇иаад̣̇и . мижчаад̣̇идти зд̇ассаад̇и мижчаад̣̇идтиго. д̇асса мижчаад̣̇идтигасса.
298. Micchā passati tāya, sayaṃ vā micchā passati, micchādassanameva vā tanti micchādiṭṭhi, yaṃ kiñci viparītadassanaṃ. Tenāha – ‘‘dvāsaṭṭhividhāyā’’tiādi . Micchādiṭṭhi etassāti micchādiṭṭhiko. Tassa micchādiṭṭhikassa.
299. саммаа бассад̇и д̇ааяа, саяам̣ ваа саммаа бассад̇и, саммаад̣̇ассанамад̇д̇амзва ваа д̇анд̇и саммаад̣̇идти. бан̃жавид̇хааяаад̇и гаммассагад̇аажхаанавибассанаамаг̇г̇апалавасзна бан̃жавид̇хааяа. д̇ад̇т̇а жхаанажид̇д̇уббаад̣̇абарияаабаннам̣ н̃аан̣ам̣ жхаанасаммаад̣̇идти, вибассанаан̃аан̣ам̣ вибассанаасаммаад̣̇идти.
299. Sammā passati tāya, sayaṃ vā sammā passati, sammādassanamattameva vā tanti sammādiṭṭhi. Pañcavidhāyāti kammassakatājhānavipassanāmaggaphalavasena pañcavidhāya. Tattha jhānacittuppādapariyāpannaṃ ñāṇaṃ jhānasammādiṭṭhi, vipassanāñāṇaṃ vipassanāsammādiṭṭhi.
302. бан̃жасу канд̇хзсу ‘‘нижжа’’нд̇иаад̣̇инаа бавад̇д̇о анубааяаманасигааро.
302. Pañcasu khandhesu ‘‘nicca’’ntiādinā pavatto anupāyamanasikāro.
303. ‘‘анижжа’’нд̇иаад̣̇инаа бавад̇д̇о убааяаманасигааро. яаава нияаамоггаманаад̇и яаава мижчад̇д̇анияаамоггаманаа. мижчад̇д̇анияаамоггамананаяо бана сааман̃н̃апаласуд̇д̇аван̣н̣анааяам̣ д̇аддийгааяа жа вуд̇д̇анаязнзва взд̣̇ид̇аб̣б̣о.
303. ‘‘Anicca’’ntiādinā pavatto upāyamanasikāro. Yāva niyāmokkamanāti yāva micchattaniyāmokkamanā. Micchattaniyāmokkamananayo pana sāmaññaphalasuttavaṇṇanāyaṃ taṭṭīkāya ca vuttanayeneva veditabbo.
304. аяам̣ д̇ивид̇хаа саг̇г̇ааваран̣аа жзва ход̇ийд̇и гаммабат̇аббад̇д̇ияаа махаасааваж̇ж̇абхаавад̇о вуд̇д̇ам̣. саг̇г̇ааваран̣ааяа хонд̇ияаа маг̇г̇авиб̣анд̇хагабхаавз вад̇д̇аб̣б̣амзва над̇т̇ийд̇и вуд̇д̇ам̣ – ‘‘маг̇г̇ааваран̣аа жаа’’д̇и. ‘‘сассад̇о лого’’д̇иаад̣̇игаа д̣̇асавад̇т̇угаа анд̇аг̇г̇аахигаа мижчаад̣̇идти. маг̇г̇ааваран̣аава ход̇и вибарийд̇ад̣̇ассанабхаавад̇о, на саг̇г̇ааваран̣аа агаммабат̇абад̇д̇ид̇од̇и ад̇хиббааяо. ид̣̇ам̣ бана вид̇хаанам̣ бадигкибид̇ваад̇и вибарийд̇ад̣̇ассанан̃жа на маг̇г̇ааваран̣ан̃жаад̇и вируд̣̇д̇хамзд̇ам̣ уд̣̇д̇хаммабхаавад̇о. д̇ат̇аа хи сад̇и аббахийнааяа зва саггааяад̣̇идтияаа маг̇г̇аад̇хиг̇амзна бхавид̇аб̣б̣анд̇и ад̇хиббааязна яат̇аавуд̇д̇авид̇хаанам̣ бадигкибид̇ваа. ‘‘на саг̇г̇ааваран̣аа’’д̇и саг̇г̇уубабад̇д̇ияаа авиб̣анд̇хагад̇д̇ам̣ вад̣̇анд̇зхи д̣̇идтияаа саг̇г̇аавахад̇ааби наама анун̃н̃аад̇аа ход̇ийд̇и д̇ам̣ ваад̣̇ам̣ бадигкибанд̇зна ‘‘д̣̇идти наама саг̇г̇ам̣ убанзд̇ум̣ самад̇т̇аа наама над̇т̇ий’’д̇и вуд̇д̇ам̣. гасмаа? зганд̇аг̇аруд̇арасааваж̇ж̇абхаавад̇о. д̇знааха – ‘‘зганд̇ам̣ нираяасмим̣язва нимуж̇ж̇аабзд̇ий’’д̇иаад̣̇и.
304.Ayaṃ tividhā saggāvaraṇā ceva hotīti kammapathappattiyā mahāsāvajjabhāvato vuttaṃ. Saggāvaraṇāya hontiyā maggavibandhakabhāve vattabbameva natthīti vuttaṃ – ‘‘maggāvaraṇā cā’’ti. ‘‘Sassato loko’’tiādikā dasavatthukā antaggāhikā micchādiṭṭhi. Maggāvaraṇāva hoti viparītadassanabhāvato, na saggāvaraṇā akammapathapattitoti adhippāyo. Idaṃ pana vidhānaṃ paṭikkhipitvāti viparītadassanañca na maggāvaraṇañcāti viruddhametaṃ uddhammabhāvato. Tathā hi sati appahīnāya eva sakkāyadiṭṭhiyā maggādhigamena bhavitabbanti adhippāyena yathāvuttavidhānaṃ paṭikkhipitvā. ‘‘Na saggāvaraṇā’’ti saggūpapattiyā avibandhakattaṃ vadantehi diṭṭhiyā saggāvahatāpi nāma anuññātā hotīti taṃ vādaṃ paṭikkhipantena ‘‘diṭṭhi nāma saggaṃ upanetuṃ samatthā nāma natthī’’ti vuttaṃ. Kasmā? Ekantagarutarasāvajjabhāvato. Tenāha – ‘‘ekantaṃ nirayasmiṃyeva nimujjāpetī’’tiādi.
305. ваддам̣ вид̣̇д̇хам̣сзд̇ийд̇и маг̇г̇асаммаад̣̇идти гилзсаваддам̣ гаммаваддан̃жа вид̣̇д̇хам̣сзд̇и. вибаагаваддам̣ гаа ну вид̣̇д̇хам̣сзд̇и наама. звам̣ бана ад̇д̇ано гааран̣зна вид̣̇д̇хасд̇абхавам̣ паласаммаад̣̇идти бадиб̣аахад̇ийд̇и вуд̇д̇ам̣ авасарад̣̇аанад̇о. ижжзд̇ам̣ гусаланд̇и арахад̇д̇ам̣ баабзд̇ум̣ сажз саггод̇и, звамзд̇ам̣ вибассанааяа бадисанд̇хианаагад̣дханам̣ гусалам̣ анаваж̇ж̇ам̣. сад̇д̇а бхавз д̣̇зд̇ийд̇и сод̇аабад̇д̇имаг̇г̇асса бажжаяабхууд̇аа вибассанаасаммаад̣̇идти д̇асса буг̇г̇аласса сад̇д̇а бхавз д̣̇зд̇и. звамаяанд̇и бан̃жавид̇хамби саммаад̣̇идтим̣ санд̇хааяа вуд̇д̇ам̣. д̇знааха – ‘‘логияалогуд̇д̇араа саммаад̣̇идти гат̇ид̇аа’’д̇и. имасмим̣ банад̇т̇зд̇и ‘‘наахам̣, бхигкавз, ан̃н̃ам̣ згад̇хаммамби саманубассаамий’’д̇иаад̣̇инаа вуд̇д̇з г̇ад̇имаг̇г̇асан̇каад̇з ад̇т̇з. ‘‘суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и вуд̇д̇ад̇д̇аа ‘‘логигаа бхаванибпаад̣̇игаава взд̣̇ид̇аб̣б̣аа’’д̇и вуд̇д̇ам̣.
305.Vaṭṭaṃviddhaṃsetīti maggasammādiṭṭhi kilesavaṭṭaṃ kammavaṭṭañca viddhaṃseti. Vipākavaṭṭaṃ kā nu viddhaṃseti nāma. Evaṃ pana attano kāraṇena viddhastabhavaṃ phalasammādiṭṭhi paṭibāhatīti vuttaṃ avasaradānato. Iccetaṃ kusalanti arahattaṃ pāpetuṃ sace sakkoti, evametaṃ vipassanāya paṭisandhianākaḍḍhanaṃ kusalaṃ anavajjaṃ. Satta bhave detīti sotāpattimaggassa paccayabhūtā vipassanāsammādiṭṭhi tassa puggalassa satta bhave deti. Evamayanti pañcavidhampi sammādiṭṭhiṃ sandhāya vuttaṃ. Tenāha – ‘‘lokiyalokuttarā sammādiṭṭhi kathitā’’ti. Imasmiṃ panattheti ‘‘nāhaṃ, bhikkhave, aññaṃ ekadhammampi samanupassāmī’’tiādinā vutte gatimaggasaṅkhāte atthe. ‘‘Sugatiṃ saggaṃ lokaṃ upapajjantī’’ti vuttattā ‘‘lokikā bhavanipphādikāva veditabbā’’ti vuttaṃ.
306. яат̇аад̣̇идтийд̇и ад̇т̇аб̣яаабанижчааяам̣ яат̇аа-сад̣̇д̣̇о, д̇зна уд̇д̇арабад̣̇ад̇т̇аббад̇хаано самаасод̇и ааха – ‘‘яаа яаа д̣̇идтий’’д̇и. д̇ассаа д̇ассаа ануруубанд̇и д̇ам̣д̇ам̣д̣̇идтиануруубанд̇и ад̇т̇о. самад̇д̇анд̇и анавасзсам̣. д̇знааха – ‘‘барибун̣н̣а’’нд̇и. самаад̣̇иннанд̇и аад̣̇имаж̇жхабарияосаанзсу самам̣ згасад̣̇исам̣ гад̇ваа аад̣̇иннам̣ г̇ахид̇ам̣ аниссадтам̣. д̇ад̣̇зд̇анд̇и яад̣̇зд̇ам̣ ‘‘яан̃жзва гааяагамма’’нд̇иаад̣̇инаа вуд̇д̇ам̣, д̇ад̣̇зд̇ам̣ гааяагаммам̣. яат̇аад̣̇идтияам̣ тид̇агааяагамманд̇и яаа бана д̣̇идти ‘‘над̇т̇и д̇ад̇онид̣̇аанам̣ бааба’’нд̇иаад̣̇инаа бавад̇д̇аа, д̇ассам̣ д̣̇идтияам̣ тид̇агасса тид̇амад̇д̇асса аниссадтасса д̇ам̣д̣̇идтигасса гааяагаммам̣. д̣̇идтисахаж̇аад̇ам̣ гааяагамманд̇и д̇асса яат̇аад̣̇идтигасса барзсам̣ хад̇т̇амуд̣̇д̣̇аад̣̇инаа вин̃н̃аабанагаалз д̇ааяа д̣̇идтияаа сахаж̇аад̇ам̣ гааяагаммам̣. на жзд̇т̇а важийгаммаасан̇гаа уббаад̣̇зд̇аб̣б̣аа баан̣агхаад̇аад̣̇ийнам̣язва ад̇хиббзд̇ад̇д̇аа. д̣̇идтаануломигам̣ гааяагамманд̇и яат̇аа барзсам̣ баагадам̣ ход̇и, звам̣ д̣̇идтияаа ануломигам̣ гад̇ваа бавад̇д̇ид̇ам̣ гааяагаммам̣. д̇знааха – ‘‘самаад̣̇иннам̣ г̇ахид̇ам̣ бараамадта’’нд̇и. д̇ад̇т̇аад̇иаад̣̇и сувин̃н̃зяяамзва. зсзва наяод̇и иминаа яат̇аавуд̇д̇ааяа д̣̇идтияаа тид̇аважийгаммам̣, д̣̇идтисахаж̇аад̇ам̣ важийгаммам̣, д̣̇идтаануломигам̣ важийгамманд̇и д̇ивид̇хам̣ ход̇ийд̇и звамаад̣̇и ад̇ид̣̇исад̇и. мижчаад̣̇идтигассаад̇и гаммабат̇аббад̇д̇ааяа мижчаад̣̇идтияаа мижчаад̣̇идтигасса. ‘‘яааяа гааяажи мижчаад̣̇идтияаа мижчаад̣̇идтигасса сад̇о’’д̇и абарз.
306.Yathādiṭṭhīti atthabyāpanicchāyaṃ yathā-saddo, tena uttarapadatthappadhāno samāsoti āha – ‘‘yā yā diṭṭhī’’ti. Tassā tassā anurūpanti taṃtaṃdiṭṭhianurūpanti attho. Samattanti anavasesaṃ. Tenāha – ‘‘paripuṇṇa’’nti. Samādinnanti ādimajjhapariyosānesu samaṃ ekasadisaṃ katvā ādinnaṃ gahitaṃ anissaṭṭhaṃ. Tadetanti yadetaṃ ‘‘yañceva kāyakamma’’ntiādinā vuttaṃ, tadetaṃ kāyakammaṃ. Yathādiṭṭhiyaṃ ṭhitakāyakammanti yā pana diṭṭhi ‘‘natthi tatonidānaṃ pāpa’’ntiādinā pavattā, tassaṃ diṭṭhiyaṃ ṭhitakassa ṭhitamattassa anissaṭṭhassa taṃdiṭṭhikassa kāyakammaṃ. Diṭṭhisahajātaṃ kāyakammanti tassa yathādiṭṭhikassa paresaṃ hatthamuddādinā viññāpanakāle tāya diṭṭhiyā sahajātaṃ kāyakammaṃ. Na cettha vacīkammāsaṅkā uppādetabbā pāṇaghātādīnaṃyeva adhippetattā. Diṭṭhānulomikaṃ kāyakammanti yathā paresaṃ pākaṭaṃ hoti, evaṃ diṭṭhiyā anulomikaṃ katvā pavattitaṃ kāyakammaṃ. Tenāha – ‘‘samādinnaṃ gahitaṃ parāmaṭṭha’’nti. Tatthātiādi suviññeyyameva. Eseva nayoti iminā yathāvuttāya diṭṭhiyā ṭhitavacīkammaṃ, diṭṭhisahajātaṃ vacīkammaṃ, diṭṭhānulomikaṃ vacīkammanti tividhaṃ hotīti evamādi atidisati. Micchādiṭṭhikassāti kammapathappattāya micchādiṭṭhiyā micchādiṭṭhikassa. ‘‘Yāya kāyaci micchādiṭṭhiyā micchādiṭṭhikassa sato’’ti apare.
д̣̇идтисахаж̇аад̇аад̇и яат̇аавуд̇д̇ааяа д̣̇идтияаа сахаж̇аад̇аа жзд̇анаа. зса наяо сзсабад̣̇зсуби. бад̇т̇анаад̇и ‘‘ид̣̇ам̣ наама гарзяяа’’нд̇и д̇ан̣хаабад̇т̇анаа. жзд̇анаабад̇т̇анаанам̣ васзнаад̇и яат̇аавуд̇д̇ад̣̇идтиг̇ад̇аниссид̇ажзд̇асиганигааманаанам̣ васзна. жид̇д̇адтабанаад̇и жид̇д̇асса бан̣ид̣̇аханаа. пассаад̣̇аяод̇и жзд̇анаад̣̇идтид̇ан̣хаад̣̇ивинимуд̇д̇аа пассаад̣̇ид̇хаммаа. яасмаа д̣̇идти баабигаа, д̇асмаа д̇асса буг̇г̇аласса саб̣б̣з д̇з д̇хаммаа анидтааяа…бз… сам̣вад̇д̇анд̇ийд̇и яож̇анаа. буримассзваад̇и д̇ид̇д̇агабад̣̇ассзва . д̇ид̇д̇агам̣ гадуганд̇и жа убхаяам̣ ид̇ха анидтабарияааяам̣ д̣̇адтаб̣б̣ам̣ ‘‘бажчаа д̇з гадугам̣ бхависсад̇ий’’д̇иаад̣̇ийсу вияа.
Diṭṭhisahajātāti yathāvuttāya diṭṭhiyā sahajātā cetanā. Esa nayo sesapadesupi. Patthanāti ‘‘idaṃ nāma kareyya’’nti taṇhāpatthanā. Cetanāpatthanānaṃ vasenāti yathāvuttadiṭṭhigatanissitacetasikanikāmanānaṃ vasena. Cittaṭṭhapanāti cittassa paṇidahanā. Phassādayoti cetanādiṭṭhitaṇhādivinimuttā phassādidhammā. Yasmā diṭṭhi pāpikā, tasmā tassa puggalassa sabbe te dhammā aniṭṭhāya…pe… saṃvattantīti yojanā. Purimassevāti tittakapadasseva . Tittakaṃ kaṭukanti ca ubhayaṃ idha aniṭṭhapariyāyaṃ daṭṭhabbaṃ ‘‘pacchā te kaṭukaṃ bhavissatī’’tiādīsu viya.
амб̣ояанд̇и амб̣о аяам̣. д̇амзва бууж̇анд̇и д̇амзва буб̣б̣з лад̣̇д̇хабарисин̃жанад̣̇аанаад̣̇ибууж̇ам̣. нивзсарзд̇и бависим̣су. асаад̇асанниваасзнаад̇и амад̇хуранимб̣амууласам̣саг̇г̇зна.
Amboyanti ambo ayaṃ. Tameva pūjanti tameva pubbe laddhaparisiñcanadānādipūjaṃ. Nivesareti pavisiṃsu. Asātasannivāsenāti amadhuranimbamūlasaṃsaggena.
д̇ам̣ бана бадигкибид̇ваа…бз… вуд̇д̇анд̇и саб̣б̣ааби мижчаад̣̇идти зганд̇асааваж̇ж̇ад̇д̇аа анидтааяа д̣̇угкааяа сам̣вад̇д̇ад̇ийд̇и ад̇хиббааязна вуд̇д̇ам̣. ананд̇арасуд̇д̇зд̇и д̣̇асамасуд̇д̇з. яож̇зд̇ваа взд̣̇ид̇аб̣б̣аанийд̇и навамасуд̇д̇з вияа яож̇зд̇ваа взд̣̇ид̇аб̣б̣аани. жид̇д̇адтабанаава бад̇т̇анаад̇и зд̇т̇а бан̣ид̇хи жаад̇и вад̇д̇аб̣б̣ам̣.
Taṃ pana paṭikkhipitvā…pe… vuttanti sabbāpi micchādiṭṭhi ekantasāvajjattā aniṭṭhāya dukkhāya saṃvattatīti adhippāyena vuttaṃ. Anantarasutteti dasamasutte. Yojetvā veditabbānīti navamasutte viya yojetvā veditabbāni. Cittaṭṭhapanāva patthanāti ettha paṇidhi cāti vattabbaṃ.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
16. згад̇хаммабаал̣и
16. Ekadhammapāḷi
(16) 3. згад̇хаммабаал̣и-д̇ад̇ияаваг̇г̇аван̣н̣анаа
(16) 3. Ekadhammapāḷi-tatiyavaggavaṇṇanā
308. д̇ад̇ияасса батамз аяаат̇аавад̣̇идтигод̇и анижжаад̣̇ибхаавзсу д̇хаммзсу нижжаад̇иаад̣̇инаа уббаннад̣̇идтиго. д̇знааха – ‘‘д̇ааязва мижчаад̣̇идтияаа вибарийд̇ад̣̇ассано’’д̇и сад̣̇д̇хаммаад̇и зд̇т̇а санд̇о басад̇т̇о сунд̣̇аро д̇хаммо, яо мануссад̇хаммод̇иби вужжад̇и. д̇ад̇о хи мижчаад̣̇идтиго барам̣ вудтаабзяяа, на арияад̇хаммад̇о. д̇знааха – ‘‘д̣̇асагусалагаммабат̇ад̇хаммад̇о’’д̇и. зваруубаад̇и иминаа баат̇игабуд̇д̇аад̣̇игз сан̇г̇ан̣хаад̇и.
308. Tatiyassa paṭhame ayāthāvadiṭṭhikoti aniccādibhāvesu dhammesu niccātiādinā uppannadiṭṭhiko. Tenāha – ‘‘tāyeva micchādiṭṭhiyā viparītadassano’’ti saddhammāti ettha santo pasattho sundaro dhammo, yo manussadhammotipi vuccati. Tato hi micchādiṭṭhiko paraṃ vuṭṭhāpeyya, na ariyadhammato. Tenāha – ‘‘dasakusalakammapathadhammato’’ti. Evarūpāti iminā pāthikaputtādike saṅgaṇhāti.
309. саб̣б̣ан̃н̃уб̣од̇хисад̇д̇од̇и саб̣б̣ан̃н̃убхааг̇ий б̣од̇хисад̇д̇о. аад̣̇и-сад̣̇д̣̇зна буурид̇абаарамигаа бажжзгаб̣од̇хисад̇д̇аа згажжасаавагаб̣од̇хисад̇д̇аа жа сан̇г̇аяханд̇и.
309.Sabbaññubodhisattoti sabbaññubhāgī bodhisatto. Ādi-saddena pūritapāramikā paccekabodhisattā ekaccasāvakabodhisattā ca saṅgayhanti.
310. барамаад̇и махаасааваж̇ж̇абхаавзна барамаа, уггам̣саг̇ад̇аад̇и ад̇т̇о. д̇зсанд̇и аананд̇арияагаммаанам̣. барижчзд̣̇од̇и вибаагавасзна барияосаанам̣. ваддасса муулам̣, д̇ад̇о д̇ам̣саман̇г̇ийбуг̇г̇ало ваддасса каан̣ууд̇и вужжад̇и. д̇знааха – ‘‘д̇ааяаа’’д̇иаад̣̇и. д̇ан̃жз г̇аахам̣ на виссаж̇ж̇зд̇и, д̇асса бунаби д̇аб̣бхааваавахад̇д̇аа вуд̇д̇ам̣ – ‘‘бхавад̇о вудтаанам̣ над̇т̇ий’’д̇и, на бана саб̣б̣асо вудтаанасса абхаавад̇о. яаад̣̇исз хи бажжаяз бадижжа аяам̣ д̇ам̣ д̣̇ассанам̣ огганд̇о буна гад̣̇аажи д̇аббадибагкз бажжаяз бадижжа д̇ад̇о сийсугкибанамасса на ход̇ийд̇и на вад̇д̇аб̣б̣ам̣. агусалан̃хи наамзд̇ам̣ аб̣алам̣ д̣̇уб̣б̣алам̣, на гусалам̣ вияа махааб̣алам̣. ан̃н̃ат̇аа саммад̇д̇анияаамо вияа мижчад̇д̇анияаамоби ажжанд̇иго сияаа, на жа мижчад̇д̇анияаамо ажжанд̇иго. д̇знзва бабан̃жасууд̣̇анияам̣ (ма. ни. адта. 2.100) –
310.Paramāti mahāsāvajjabhāvena paramā, ukkaṃsagatāti attho. Tesanti ānantariyakammānaṃ. Paricchedoti vipākavasena pariyosānaṃ. Vaṭṭassa mūlaṃ, tato taṃsamaṅgīpuggalo vaṭṭassa khāṇūti vuccati. Tenāha – ‘‘tāyā’’tiādi. Tañce gāhaṃ na vissajjeti, tassa punapi tabbhāvāvahattā vuttaṃ – ‘‘bhavato vuṭṭhānaṃ natthī’’ti, na pana sabbaso vuṭṭhānassa abhāvato. Yādise hi paccaye paṭicca ayaṃ taṃ dassanaṃ okkanto puna kadāci tappaṭipakkhe paccaye paṭicca tato sīsukkhipanamassa na hotīti na vattabbaṃ. Akusalañhi nāmetaṃ abalaṃ dubbalaṃ, na kusalaṃ viya mahābalaṃ. Aññathā sammattaniyāmo viya micchattaniyāmopi accantiko siyā, na ca micchattaniyāmo accantiko. Teneva papañcasūdaniyaṃ (ma. ni. aṭṭha. 2.100) –
‘‘гим̣ банзса згасмим̣язва ад̇д̇абхаавз нияад̇о ход̇и, уд̣̇ааху ан̃н̃асмимбийд̇и? згасмим̣язва нияад̇о, аасзванавасзна бхаванд̇арзби д̇ам̣ д̣̇идтим̣ рожзд̇и зваа’’д̇и –
‘‘Kiṃ panesa ekasmiṃyeva attabhāve niyato hoti, udāhu aññasmimpīti? Ekasmiṃyeva niyato, āsevanavasena bhavantarepi taṃ diṭṭhiṃ roceti evā’’ti –
вуд̇д̇ам̣. д̇ад̇оязва жа суман̇г̇алавилаасинияамби (д̣̇ий. ни. адта. 1.170-172) вуд̇д̇ам̣ –
Vuttaṃ. Tatoyeva ca sumaṅgalavilāsiniyampi (dī. ni. aṭṭha. 1.170-172) vuttaṃ –
‘‘яз ваа бана д̇зсам̣ лад̣̇д̇хим̣ г̇ахзд̇ваа рад̇д̇идтаанз д̣̇иваадтаанз нисиннаа саж̇жхааяанд̇и виймам̣санд̇и, д̇зсам̣ ‘гарод̇о на гарийяад̇и баабам̣, над̇т̇и хзд̇у, над̇т̇и бажжаяо, мад̇о ужчиж̇ж̇ад̇ий’д̇и д̇асмим̣ аарамман̣з мижчаасад̇и санд̇идтад̇и, жид̇д̇ам̣ згаг̇г̇ам̣ ход̇и, ж̇аванаани ж̇аванд̇и. батамаж̇аванз сад̇згижчаа хонд̇и, д̇ат̇аа д̣̇уд̇ияаад̣̇ийсу. сад̇д̇амз б̣уд̣̇д̇хаанамби ад̇згижчаа анивад̇д̇ино аридтаган̣дагасад̣̇исаа, д̇ад̇т̇а гожи згам̣ д̣̇ассанам̣ оггамад̇и, гожи д̣̇вз, гожи д̇ийн̣иби, згасмим̣ огганд̇зби д̣̇вийсу д̇ийсу огганд̇зсуби нияад̇амижчаад̣̇идтигова ход̇и. бад̇д̇о саг̇г̇амаг̇г̇ааваран̣ан̃жзва могкамаг̇г̇ааваран̣ан̃жа, абхаб̣б̣о д̇ассад̇д̇абхаавасса ананд̇арам̣ саг̇г̇амби г̇анд̇ум̣, баг̇зва могкам̣, ваддакаан̣у наамзса сад̇д̇о бат̇авиг̇обаго, язбхуяязна зваруубасса бхавад̇о вудтаанам̣ над̇т̇ий’’д̇и.
‘‘Ye vā pana tesaṃ laddhiṃ gahetvā rattiṭṭhāne divāṭṭhāne nisinnā sajjhāyanti vīmaṃsanti, tesaṃ ‘karoto na karīyati pāpaṃ, natthi hetu, natthi paccayo, mato ucchijjatī’ti tasmiṃ ārammaṇe micchāsati santiṭṭhati, cittaṃ ekaggaṃ hoti, javanāni javanti. Paṭhamajavane satekicchā honti, tathā dutiyādīsu. Sattame buddhānampi atekicchā anivattino ariṭṭhakaṇṭakasadisā, tattha koci ekaṃ dassanaṃ okkamati, koci dve, koci tīṇipi, ekasmiṃ okkantepi dvīsu tīsu okkantesupi niyatamicchādiṭṭhikova hoti. Patto saggamaggāvaraṇañceva mokkhamaggāvaraṇañca, abhabbo tassattabhāvassa anantaraṃ saggampi gantuṃ, pageva mokkhaṃ, vaṭṭakhāṇu nāmesa satto pathavigopako, yebhuyyena evarūpassa bhavato vuṭṭhānaṃ natthī’’ti.
бидтижаггаваал̣зд̇и жхааяамаанажаггаваал̣асса барад̇о згасмим̣ огаасз. яам̣ жхааяамаанаанам̣ аж̇жхааяамаанаанан̃жа жаггаваал̣аанаманд̇арам̣, яад̇т̇а логанд̇ариганираяасаман̃н̃аа, д̇аад̣̇исз згасмим̣ огаасз. бажжад̇иязваад̇и жаггаваал̣з жхааяамаанз аж̇жхааяамаанзби ад̇д̇ано гаммаб̣алзна бажжад̇иязва.
Piṭṭhicakkavāḷeti jhāyamānacakkavāḷassa parato ekasmiṃ okāse. Yaṃ jhāyamānānaṃ ajjhāyamānānañca cakkavāḷānamantaraṃ, yattha lokantarikanirayasamaññā, tādise ekasmiṃ okāse. Paccatiyevāti cakkavāḷe jhāyamāne ajjhāyamānepi attano kammabalena paccatiyeva.
311. жад̇уд̇т̇з ‘‘маа калий’’д̇и важанам̣ убаад̣̇ааяа звам̣лад̣̇д̇ханаамод̇и д̇ам̣ гира сагад̣̇д̣̇амааяа бхуумияаа д̇злагхадам̣ г̇ахзд̇ваа г̇ажчанд̇ам̣, ‘‘д̇аад̇а, маа калий’’д̇и саамиго ааха. со бамаад̣̇зна калид̇ваа бад̇ид̇ваа саамигасса бхаязна балааяид̇ум̣ аарад̣̇д̇хо. саамиго убад̇хаавид̇ваа саадагаган̣н̣з аг̇г̇ахзси. со саадагам̣ чад̣д̣зд̇ваа ажзлаго худ̇ваа балаад̇о бан̣н̣зна ваа д̇ин̣зна ваа бадижчаад̣̇зд̇умби аж̇аананд̇о ж̇аад̇аруубзнзва згам̣ г̇аамам̣ баависи. мануссаа д̇ам̣ д̣̇исваа ‘‘аяам̣ саман̣о арахаа аббижчо, над̇т̇и иминаа сад̣̇исо’’д̇и буувабхад̇д̇аад̣̇ийни г̇ахзд̇ваа убасан̇гамид̇ваа ‘‘маяхам̣ саадагам̣ анивад̇т̇абхаавзна ид̣̇ам̣ уббанна’’нд̇и д̇ад̇о бадтааяа саадагам̣ лабхид̇вааби на ниваасзси, д̇ад̣̇зва жа баб̣б̣аж̇ж̇ам̣ аг̇г̇ахзси. д̇асса санд̇игз ан̃н̃зби ан̃н̃збийд̇и бан̃жасад̇аа мануссаа баб̣б̣аж̇им̣су. д̇ам̣ санд̇хааязд̇ам̣ вуд̇д̇ам̣ – ‘‘маа калийд̇и важанам̣ убаад̣̇ааяа звам̣лад̣̇д̇ханаамо д̇ид̇т̇агаро’’д̇и.
311. Catutthe ‘‘mā khalī’’ti vacanaṃ upādāya evaṃladdhanāmoti taṃ kira sakaddamāya bhūmiyā telaghaṭaṃ gahetvā gacchantaṃ, ‘‘tāta, mā khalī’’ti sāmiko āha. So pamādena khalitvā patitvā sāmikassa bhayena palāyituṃ āraddho. Sāmiko upadhāvitvā sāṭakakaṇṇe aggahesi. So sāṭakaṃ chaḍḍetvā acelako hutvā palāto paṇṇena vā tiṇena vā paṭicchādetumpi ajānanto jātarūpeneva ekaṃ gāmaṃ pāvisi. Manussā taṃ disvā ‘‘ayaṃ samaṇo arahā appiccho, natthi iminā sadiso’’ti pūvabhattādīni gahetvā upasaṅkamitvā ‘‘mayhaṃ sāṭakaṃ anivatthabhāvena idaṃ uppanna’’nti tato paṭṭhāya sāṭakaṃ labhitvāpi na nivāsesi, tadeva ca pabbajjaṃ aggahesi. Tassa santike aññepi aññepīti pañcasatā manussā pabbajiṃsu. Taṃ sandhāyetaṃ vuttaṃ – ‘‘mā khalīti vacanaṃ upādāya evaṃladdhanāmo titthakaro’’ti.
самааг̇ад̇адтаанзд̇и д̣̇виннам̣ над̣̇ийнам̣ уд̣̇агаббаваахасса саннибаад̇адтаанз. д̣̇виннам̣ уд̣̇агаананд̇и д̣̇виннам̣ уд̣̇агаббаваахаанам̣. яат̇аавуд̇д̇адтаанз мажчаг̇г̇ахан̣ад̇т̇ам̣ кибид̇аб̣б̣ад̇о киббам̣, гуминам̣, д̇ад̣̇зва ид̇ха киббанд̇и вуд̇д̇ам̣. д̇знааха – ‘‘гумина’’нд̇и. ужчуухийд̇и уд̣̇агаужчуухи. д̇ужчабурисо арияад̇хаммаабхаавад̇о. жхаанамад̇д̇амби хи д̇асса над̇т̇зва, гуд̇о арияамаг̇г̇о. мануссакиббам̣ ман̃н̃зд̇и мануссаа бад̇ид̇ваа б̣яасанаббад̇д̇иад̇т̇ам̣ оддид̇ам̣ гуминам̣ вияа. д̇знааха – ‘‘махааж̇анассаа’’д̇иаад̣̇и.
Samāgataṭṭhāneti dvinnaṃ nadīnaṃ udakappavāhassa sannipātaṭṭhāne. Dvinnaṃ udakānanti dvinnaṃ udakappavāhānaṃ. Yathāvuttaṭṭhāne macchaggahaṇatthaṃ khipitabbato khippaṃ, kuminaṃ, tadeva idha khippanti vuttaṃ. Tenāha – ‘‘kumina’’nti. Ucchūhīti udakaucchūhi. Tucchapuriso ariyadhammābhāvato. Jhānamattampi hi tassa nattheva, kuto ariyamaggo. Manussakhippaṃ maññeti manussā patitvā byasanappattiatthaṃ oṭṭitaṃ kuminaṃ viya. Tenāha – ‘‘mahājanassā’’tiādi.
312. бан̃жамаад̣̇ийсу б̣аахирагасаасананд̇и ависзсзна вуд̇д̇ам̣ – д̇асса саб̣б̣ассаби анияяаанигад̇д̇аа сад̇т̇убадин̃н̃ассаби асаб̣б̣ан̃н̃убхаавад̇о. д̇знааха – ‘‘д̇ад̇т̇а хий’’д̇иаад̣̇и. г̇ан̣од̇и саавагаг̇ан̣о. д̇ат̇аабхаавааяаад̇и аажариязна вуд̇д̇аагаарад̇ааяа саман̇г̇ибхаавад̇т̇ам̣. ж̇ан̇гхасад̇анд̇и б̣ахуу анзгз сад̇д̇з. самагамзва агусалам̣ баабун̣аад̇ийд̇и д̇зсам̣ саб̣б̣зсам̣ згаж̇жхам̣ самаад̣̇абанзби д̇зсам̣ агусалзна самагамзва агусалам̣ баабун̣аад̇и згаж̇жхам̣ б̣ахуунам̣ самаад̣̇абанзби д̇ат̇аа уссаханасса б̣алавабхаавад̇о. висум̣ висум̣ самаад̣̇абанз вад̇д̇аб̣б̣амзва над̇т̇и. яат̇аа хи д̇хаммажарияааяам̣ самагамзваад̇и вад̇д̇аб̣б̣аа галяаан̣амид̇д̇ад̇аа, звам̣ ад̇хаммажарияааяам̣ агаляаан̣амид̇д̇ад̇аад̇и.
312. Pañcamādīsu bāhirakasāsananti avisesena vuttaṃ – tassa sabbassapi aniyyānikattā satthupaṭiññassapi asabbaññubhāvato. Tenāha – ‘‘tattha hī’’tiādi. Gaṇoti sāvakagaṇo. Tathābhāvāyāti ācariyena vuttākāratāya samaṅgibhāvatthaṃ. Jaṅghasatanti bahū aneke satte. Samakameva akusalaṃ pāpuṇātīti tesaṃ sabbesaṃ ekajjhaṃ samādapanepi tesaṃ akusalena samakameva akusalaṃ pāpuṇāti ekajjhaṃ bahūnaṃ samādapanepi tathā ussahanassa balavabhāvato. Visuṃ visuṃ samādapane vattabbameva natthi. Yathā hi dhammacariyāyaṃ samakamevāti vattabbā kalyāṇamittatā, evaṃ adhammacariyāyaṃ akalyāṇamittatāti.
313. судту агкаад̇зд̇и зганд̇ад̇о нияяаанигабхаавзна агкаад̇з. сад̇т̇аа жа саб̣б̣ан̃н̃уу ход̇ийд̇и асаб̣б̣ан̃н̃уно нияяаанигабхаавзна гат̇зд̇ум̣ асаггун̣зяяад̇д̇аа. д̇хаммо жа сваагкаад̇о саммаасамб̣уд̣̇д̇хаббавзд̣̇ид̇ад̇д̇аа. г̇ан̣о жа суббадибанно сад̇т̇аараа сувинийд̇ад̇д̇аа. самаад̣̇абаго хийд̇иаад̣̇и суббадибад̇д̇ияаа нид̣̇ассанам̣ д̣̇адтаб̣б̣ам̣.
313.Suṭṭhu akkhāteti ekantato niyyānikabhāvena akkhāte. Satthā ca sabbaññū hotīti asabbaññuno niyyānikabhāvena kathetuṃ asakkuṇeyyattā. Dhammo ca svākkhāto sammāsambuddhappaveditattā. Gaṇo ca suppaṭipanno satthārā suvinītattā. Samādapako hītiādi suppaṭipattiyā nidassanaṃ daṭṭhabbaṃ.
314. бамаан̣ам̣ ж̇аанид̇аб̣б̣анд̇и ‘‘аяам̣ зд̇д̇агзна яаабзд̇и, имасса зд̇д̇агам̣ д̣̇аад̇ум̣ яуд̇д̇а’’нд̇и звам̣ бамаан̣ам̣ ж̇аанид̇аб̣б̣ам̣. ад̇ирзгз…бз… ниб̣б̣аанасамбад̇д̇и ваа над̇т̇и д̣̇урагкаад̇ад̇д̇аа д̇хаммасса. д̇ассаад̇и бадиг̇г̇аахагасса. аббижчабадибад̣̇аа наама над̇т̇и д̣̇урагкаад̇з д̇хаммавинаязд̇и ад̇хиббааяо.
314.Pamāṇaṃ jānitabbanti ‘‘ayaṃ ettakena yāpeti, imassa ettakaṃ dātuṃ yutta’’nti evaṃ pamāṇaṃ jānitabbaṃ. Atireke…pe… nibbānasampatti vā natthi durakkhātattā dhammassa. Tassāti paṭiggāhakassa. Appicchapaṭipadā nāma natthi durakkhāte dhammavinayeti adhippāyo.
315. д̣̇ааяагасса васо наама ул̣аарул̣аарад̇аабхзд̣̇о аж̇жхаасаяо. д̣̇зяяад̇хаммасса бана т̇огаб̣ахуд̇аава д̣̇зяяад̇хаммасса васо наама. ад̇д̇ано т̇аамод̇и яаабанаббамаан̣ам̣. яад̣̇и хийд̇иаад̣̇и ‘‘гат̇а’’нд̇иаад̣̇инаа сан̇кзбад̇о вуд̇д̇асса ад̇т̇асса виваран̣ам̣. ануббаннассаад̇и ануббанно асса буг̇г̇аласса. жагкубхууд̇о ход̇ийд̇и махааж̇анасса жагку вияа ход̇и. саасанам̣ жирадтид̇ид̇ам̣ гарод̇ийд̇и ануббанналаабхуббаад̣̇анзна махааж̇анасса басаад̣̇уббаад̣̇анзна жа жирадтид̇игам̣ гарод̇и.
315.Dāyakassavaso nāma uḷāruḷāratābhedo ajjhāsayo. Deyyadhammassa pana thokabahutāva deyyadhammassa vaso nāma. Attano thāmoti yāpanappamāṇaṃ. Yadi hītiādi ‘‘katha’’ntiādinā saṅkhepato vuttassa atthassa vivaraṇaṃ. Anuppannassāti anuppanno assa puggalassa. Cakkhubhūto hotīti mahājanassa cakkhu viya hoti. Sāsanaṃ ciraṭṭhititaṃ karotīti anuppannalābhuppādanena mahājanassa pasāduppādanena ca ciraṭṭhitikaṃ karoti.
гудумб̣арияавихаарзд̇и гудумб̣арияаг̇аамасанниссид̇авихаарз. бхун̃ж̇анад̇т̇ааяаад̇и д̇асмим̣язва г̇зхз нисийд̣̇ид̇ваа бхун̃ж̇анад̇т̇ааяа. г̇ахзд̇ваа г̇аманад̇т̇ааяаад̇и г̇зхад̇о б̣ахи г̇ахзд̇ваа г̇аманад̇т̇ааяа. д̇хурабхад̇д̇аанийд̇и нижжабхад̇д̇аани. жуул̣убадтааганд̇и взяяааважжагарам̣. виймам̣сид̇ваад̇и яат̇аа уд̣̇д̣̇исса гад̇ам̣ на ход̇и, звам̣ виймам̣сид̇ваа . махааж̇ано аббижчо бхавид̇ум̣ ман̃н̃ад̇ийд̇и махааж̇ано саяам̣ аббижчо бхавид̇ум̣ ман̃н̃ад̇и д̣̇идтаануг̇ад̇им̣ аабаж̇ж̇анзна. махааж̇анассаад̇и б̣ахуж̇анасса. авад̇т̇арид̇ваад̇и вид̇т̇ааригам̣ гад̇ваа.
Kuṭumbariyavihāreti kuṭumbariyagāmasannissitavihāre. Bhuñjanatthāyāti tasmiṃyeva gehe nisīditvā bhuñjanatthāya. Gahetvā gamanatthāyāti gehato bahi gahetvā gamanatthāya. Dhurabhattānīti niccabhattāni. Cūḷupaṭṭhākanti veyyāvaccakaraṃ. Vīmaṃsitvāti yathā uddissa kataṃ na hoti, evaṃ vīmaṃsitvā . Mahājano appiccho bhavituṃ maññatīti mahājano sayaṃ appiccho bhavituṃ maññati diṭṭhānugatiṃ āpajjanena. Mahājanassāti bahujanassa. Avattharitvāti vitthārikaṃ katvā.
316. бан̃жаад̇абад̇аббанам̣ жад̇уусу бассзсу аг̇г̇исанд̇аабасса убари суурияасанд̇аабасса жа д̇аббанам̣, д̇ан̃жа ко г̇имхагаалз. чиннаббабаад̇абаб̣б̣ад̇асикарад̇о бад̇анам̣ маруббабаад̇абад̇анам̣. буб̣б̣ан̣хаад̣̇ийсу аад̣̇ижжаабхимукаавадданам̣ аад̣̇ижжаанубаривад̇д̇анам̣.
316.Pañcātapatappanaṃ catūsu passesu aggisantāpassa upari sūriyasantāpassa ca tappanaṃ, tañca kho gimhakāle. Chinnappapātapabbatasikharato patanaṃ maruppapātapatanaṃ. Pubbaṇhādīsu ādiccābhimukhāvaṭṭanaṃ ādiccānuparivattanaṃ.
317. аяамбийд̇и сваагкаад̇з д̇хаммавинаяз гусийд̇оби. сааман̃н̃анд̇и д̇абажаран̣ам̣. д̣̇уббараамадтанд̇и мижчаажарид̇ам̣ сам̣гилидтам̣. нираяааяубагад̣дхад̇ийд̇и нираяад̣̇угкааяа нам̣ гад̣дхад̇и.
317.Ayampīti svākkhāte dhammavinaye kusītopi. Sāmaññanti tapacaraṇaṃ. Dupparāmaṭṭhanti micchācaritaṃ saṃkiliṭṭhaṃ. Nirayāyupakaḍḍhatīti nirayadukkhāya naṃ kaḍḍhati.
318. вуд̇д̇аббагаарзд̇и бан̃жаад̇абад̇аббанаад̣̇игз вуд̇д̇аббагаарз.
318.Vuttappakāreti pañcātapatappanādike vuttappakāre.
319. званд̇и вуд̇д̇аббагаарааяа жид̇д̇аббасаад̣̇авхаяасуббадибад̇д̇ияаа. д̇зна саман̣ад̇хаммагаран̣асукан̃жа сан̇г̇ан̣хаад̇и.
319.Evanti vuttappakārāya cittappasādavhayasuppaṭipattiyā. Tena samaṇadhammakaraṇasukhañca saṅgaṇhāti.
320. наваганибаад̇зд̇и имасмим̣язва ан̇г̇уд̇д̇аранигааяз вагкамаанам̣ наваганибаад̇ам̣ санд̇хааяааха. нава буг̇г̇алаад̇и сад̇д̇агкад̇д̇убарамаголам̣голаад̣̇аяо нава буг̇г̇алаа. саб̣б̣ад̇т̇аад̇и имасмим̣ суд̇д̇з вуд̇д̇аавасидтзсу саб̣б̣зсу суд̇д̇зсу.
320.Navakanipāteti imasmiṃyeva aṅguttaranikāye vakkhamānaṃ navakanipātaṃ sandhāyāha. Nava puggalāti sattakkhattuparamakolaṃkolādayo nava puggalā. Sabbatthāti imasmiṃ sutte vuttāvasiṭṭhesu sabbesu suttesu.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
16. згад̇хаммабаал̣и
16. Ekadhammapāḷi
(16) 4. згад̇хаммабаал̣и-жад̇уд̇т̇аваг̇г̇аван̣н̣анаа
(16) 4. Ekadhammapāḷi-catutthavaggavaṇṇanā
322. жад̇уд̇т̇асса батамз сан̃н̃аан̣абхууд̇аад̇и убалагкан̣абхууд̇аа. бан̃жад̣̇асаяож̇анааваддагканд̇хаад̇и бан̃жад̣̇асаяож̇анагканд̇хабаригкзбаа. яат̇аа жаад̇и жа-сад̣̇д̣̇зна гад̣̇амб̣аругкаад̣̇ийнам̣ габбадтааяибхаавам̣ вияа яож̇анасад̇уб̣б̣зд̇хаад̣̇ибхаавам̣ самужжинод̇и, на бана ж̇амб̣уяаа ж̇амб̣уд̣̇ийбасса вияа д̇зхи абараг̇ояаанаад̣̇ийнам̣ сан̃н̃аан̣абхаавам̣. рааман̣зяяаганд̇и раман̣ийяабхаавам̣. сзсабад̣̇зсууд̇и ванарааман̣зяяагаад̣̇ибад̣̇зсу. уг̇г̇ад̇ам̣ гуулам̣ уссид̇абхааво зд̇ассаад̇и уггуулам̣, виг̇ад̇ам̣ абаг̇ад̇ам̣ гуулам̣ зд̇ассаад̇и вигууланд̇и ааха – ‘‘уннад̇адтаанам̣ ниннадтаана’’нд̇и жа. нанд̣̇ияааваддамажчабидтзнзваад̇и гуж̇ж̇агагулисагамажчасан̇гхаад̇абидтзнзва.
322. Catutthassa paṭhame saññāṇabhūtāti upalakkhaṇabhūtā. Pañcadasayojanāvaṭṭakkhandhāti pañcadasayojanakkhandhaparikkhepā. Yathā cāti ca-saddena kadambarukkhādīnaṃ kappaṭṭhāyibhāvaṃ viya yojanasatubbedhādibhāvaṃ samuccinoti, na pana jambuyā jambudīpassa viya tehi aparagoyānādīnaṃ saññāṇabhāvaṃ. Rāmaṇeyyakanti ramaṇīyabhāvaṃ. Sesapadesūti vanarāmaṇeyyakādipadesu. Uggataṃ kūlaṃ ussitabhāvo etassāti ukkūlaṃ, vigataṃ apagataṃ kūlaṃ etassāti vikūlanti āha – ‘‘unnataṭṭhānaṃ ninnaṭṭhāna’’nti ca. Nandiyāvaṭṭamacchapiṭṭhenevāti kujjakakulisakamacchasaṅghātapiṭṭheneva.
323. д̣̇уд̇ияаад̣̇ийсу жад̇д̇ааро абааяаа ан̃н̃ад̇ра мануссзхийд̇и ад̇хиббзд̇аа, на д̣̇зваа ан̃н̃ад̇ра мануссзхийд̇и хийнааяа ж̇аад̇ияаа ад̇хиббзд̇ад̇д̇аа. убаад̣̇ааяубаад̣̇ааяааби маж̇жхимад̣̇зсо лаб̣бхад̇и, яад̇т̇а г̇ад̇и бхигкуунам̣ бхигкунийнам̣ убаасагаанам̣ убаасигаанам̣ ан̃н̃зсамби гаммаваад̣̇игирияаваад̣̇ивин̃н̃уж̇аад̇игаанам̣, яо бад̇ируубад̣̇зсод̇и вужжад̇и. д̇знааха – ‘‘сагалоби хий’’д̇иаад̣̇и.
323. Dutiyādīsu cattāro apāyā aññatra manussehīti adhippetā, na devā aññatra manussehīti hīnāya jātiyā adhippetattā. Upādāyupādāyāpi majjhimadeso labbhati, yattha gati bhikkhūnaṃ bhikkhunīnaṃ upāsakānaṃ upāsikānaṃ aññesampi kammavādikiriyavādiviññujātikānaṃ, yo patirūpadesoti vuccati. Tenāha – ‘‘sakalopi hī’’tiādi.
324. зл̣аад̇и д̣̇осо. д̇знааха – ‘‘нид̣̇д̣̇осамукаад̇и ад̇т̇о’’д̇и.
324.Eḷāti doso. Tenāha – ‘‘niddosamukhāti attho’’ti.
326. д̇ат̇ааг̇ад̇асса г̇ун̣з ж̇аанид̇ваа жагкунааби д̣̇ассанам̣ д̣̇ассанамзва, аж̇аанид̇ваа бана д̣̇ассанам̣ д̇иражчаанаг̇ад̇аанамби ход̇иязваад̇и ааха – ‘‘яз д̇ат̇ааг̇ад̇асса г̇ун̣з ж̇аанид̇ваа’’д̇иаад̣̇и.
326. Tathāgatassa guṇe jānitvā cakkhunāpi dassanaṃ dassanameva, ajānitvā pana dassanaṃ tiracchānagatānampi hotiyevāti āha – ‘‘ye tathāgatassa guṇe jānitvā’’tiādi.
327. багаасзд̇ваа гат̇ид̇анд̇и сажжаани багаасзд̇ваа гат̇ид̇ам̣.
327.Pakāsetvā kathitanti saccāni pakāsetvā kathitaṃ.
328. суд̇аанам̣ д̇хаммаанам̣ асаммосо д̇хааран̣анд̇и ааха – ‘‘д̇хаарзнд̇ийд̇и на баммуссанд̇ий’’д̇и.
328. Sutānaṃ dhammānaṃ asammoso dhāraṇanti āha – ‘‘dhārentīti na pammussantī’’ti.
329. ад̇т̇аанад̇т̇ам̣ убабаригканд̇ийд̇и ‘‘аяам̣ имиссаа баал̣ияаа ад̇т̇о, аяам̣ на ад̇т̇о’’д̇и ад̇т̇аанад̇т̇ам̣ убабаригканд̇и. анад̇т̇абарихаарзна хи ад̇т̇аг̇г̇ахан̣ам̣ яат̇аа ад̇хаммабариваж̇ж̇анзна д̇хаммаббадибад̇д̇и.
329.Atthānatthaṃ upaparikkhantīti ‘‘ayaṃ imissā pāḷiyā attho, ayaṃ na attho’’ti atthānatthaṃ upaparikkhanti. Anatthaparihārena hi atthaggahaṇaṃ yathā adhammaparivajjanena dhammappaṭipatti.
330. ануломабадибад̣̇анд̇и ниб̣б̣аанасса ануломигам̣ бадибад̣̇ам̣.
330.Anulomapaṭipadanti nibbānassa anulomikaṃ paṭipadaṃ.
331. сам̣взг̇аж̇анагзсу гааран̣зсууд̇и сам̣взг̇аж̇анагзсу ж̇аад̇иаад̣̇ийсу гааран̣зсу. сам̣взж̇анийязсу таанзсу саход̇д̇аббан̃аан̣ам̣ сам̣взг̇о.
331.Saṃvegajanakesukāraṇesūti saṃvegajanakesu jātiādīsu kāraṇesu. Saṃvejanīyesu ṭhānesu sahottappañāṇaṃ saṃvego.
332. убааязнаад̇и язна убааязна ваддуубажчзд̣̇о, д̇зна убааязна. бад̇хаанавийрияам̣ гаронд̇ийд̇и саммаббад̇хаанасан̇каад̇ам̣ вийрияам̣ гаронд̇и уббаад̣̇знд̇и.
332.Upāyenāti yena upāyena vaṭṭūpacchedo, tena upāyena. Padhānavīriyaṃ karontīti sammappadhānasaṅkhātaṃ vīriyaṃ karonti uppādenti.
333. вавассаж̇ийяанд̇и виссаж̇ж̇ийяанд̇и зд̇т̇а сан̇каараад̇и вавассаг̇г̇о, асан̇кад̇аа д̇хаад̇ууд̇и ааха – ‘‘вавассаг̇г̇о вужжад̇и ниб̣б̣аана’’нд̇и.
333. Vavassajīyanti vissajjīyanti ettha saṅkhārāti vavassaggo, asaṅkhatā dhātūti āha – ‘‘vavassaggo vuccati nibbāna’’nti.
334. уд̇д̇аманнаананд̇и уд̇д̇амаанам̣ бан̃жаннам̣ бхож̇анаанам̣. уд̇д̇амарасаананд̇и уд̇д̇амаанам̣ расаанам̣. ун̃чаажаарзнаад̇и ун̃чаажарияааяа гассажи абариг̇г̇ахабхууд̇асса гин̃жи аяаажид̇ваа г̇ахан̣ам̣ ун̃чаажааро. зд̇т̇а жаад̇иаад̣̇инаа аннаад̣̇ийнам̣ аг̇г̇абхааво наама манаабабарамо ижчид̇агкан̣алаабхо, на д̇зсам̣ лаабхид̇аамад̇д̇анд̇и д̣̇ассзд̇и. бадилабханд̇ийд̇и д̣̇знд̇и бан̣ийд̇абхаавзна. бхад̇д̇асса згабаад̇ийд̇и згабаад̇ибуурам̣ бхад̇д̇ам̣. ид̣̇ам̣ гим̣ наамаад̇и ‘‘ид̣̇ам̣ аннаг̇г̇арасаг̇г̇ам̣ наама ход̇и, на ход̇ий’’д̇и бужчад̇и. ун̃чзна габаалаабхад̇знаад̇и миссагабхад̇д̇зна. яаабзнд̇зд̇и яаабанасийсзна яаабанахзд̇ум̣ бхад̇д̇ам̣ вад̣̇ад̇и. убаад̣̇ааяа аг̇г̇арасам̣ наамаад̇и д̇ам̣ д̇ам̣ убаад̣̇ааяубаад̣̇ааяа аннаг̇г̇арасаг̇г̇ам̣ д̣̇адтаб̣б̣анд̇и д̣̇ассзд̇и. жаггавад̇д̇иаахаарад̇о хи жаад̇умахаарааж̇игаанам̣ аахааро аг̇г̇од̇и звам̣ яаава бараниммид̇авасавад̇д̇ид̣̇зваа нзд̇аб̣б̣ам̣.
334.Uttamannānanti uttamānaṃ pañcannaṃ bhojanānaṃ. Uttamarasānanti uttamānaṃ rasānaṃ. Uñchācārenāti uñchācariyāya kassaci apariggahabhūtassa kiñci ayācitvā gahaṇaṃ uñchācāro. Ettha cātiādinā annādīnaṃ aggabhāvo nāma manāpaparamo icchitakkhaṇalābho, na tesaṃ lābhitāmattanti dasseti. Paṭilabhantīti denti paṇītabhāvena. Bhattassa ekapātīti ekapātipūraṃ bhattaṃ. Idaṃ kiṃ nāmāti ‘‘idaṃ annaggarasaggaṃ nāma hoti, na hotī’’ti pucchati. Uñchena kapālābhatenāti missakabhattena. Yāpenteti yāpanasīsena yāpanahetuṃ bhattaṃ vadati. Upādāya aggarasaṃ nāmāti taṃ taṃ upādāyupādāya annaggarasaggaṃ daṭṭhabbanti dasseti. Cakkavattiāhārato hi cātumahārājikānaṃ āhāro aggoti evaṃ yāva paranimmitavasavattidevā netabbaṃ.
335. ад̇т̇арасо наама жад̇д̇аари сааман̃н̃апалаани ‘‘арияамаг̇г̇аанам̣ палабхууд̇о расо’’д̇и гад̇ваа. д̇хаммарасо наама жад̇д̇ааро маг̇г̇аа ‘‘сааман̃н̃апаласса хзд̇убхууд̇о расо’’д̇и гад̇ваа вимуд̇д̇ирасо наама амад̇ам̣ ниб̣б̣аанам̣ ‘‘саб̣б̣асан̇каарасамат̇о’’д̇и гад̇ваа.
335.Attharaso nāma cattāri sāmaññaphalāni ‘‘ariyamaggānaṃ phalabhūto raso’’ti katvā. Dhammaraso nāma cattāro maggā ‘‘sāmaññaphalassa hetubhūto raso’’ti katvā vimuttiraso nāma amataṃ nibbānaṃ ‘‘sabbasaṅkhārasamatho’’ti katvā.
жад̇уд̇т̇аваг̇г̇аван̣н̣анаа нидтид̇аа.
Catutthavaggavaṇṇanā niṭṭhitā.
ж̇амб̣уд̣̇ийбабзяяаало нидтид̇о.
Jambudīpapeyyālo niṭṭhito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 16. згад̇хаммабаал̣и • 16. Ekadhammapāḷi
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 16. згад̇хаммабаал̣и • 16. Ekadhammapāḷi
