| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. ஏகத⁴ம்மஸுத்தங்
9. Ekadhammasuttaṃ
210. ‘‘நாஹங் , பி⁴க்க²வே, அஞ்ஞங் ஏகத⁴ம்மம்பி ஸமனுபஸ்ஸாமி, யோ ஏவங் பா⁴விதோ ப³ஹுலீகதோ ஸங்யோஜனீயானங் த⁴ம்மானங் பஹானாய ஸங்வத்ததி, யத²யித³ங், பி⁴க்க²வே, ஸத்த பொ³ஜ்ஜ²ங்கா³. கதமே ஸத்த? ஸதிஸம்பொ³ஜ்ஜ²ங்கோ³…பே॰… உபெக்கா²ஸம்பொ³ஜ்ஜ²ங்கோ³. கத²ங் பா⁴விதா ச, பி⁴க்க²வே, ஸத்த பொ³ஜ்ஜ²ங்கா³ கத²ங் ப³ஹுலீகதா ஸங்யோஜனீயானங் த⁴ம்மானங் பஹானாய ஸங்வத்தந்தி?
210. ‘‘Nāhaṃ , bhikkhave, aññaṃ ekadhammampi samanupassāmi, yo evaṃ bhāvito bahulīkato saṃyojanīyānaṃ dhammānaṃ pahānāya saṃvattati, yathayidaṃ, bhikkhave, satta bojjhaṅgā. Katame satta? Satisambojjhaṅgo…pe… upekkhāsambojjhaṅgo. Kathaṃ bhāvitā ca, bhikkhave, satta bojjhaṅgā kathaṃ bahulīkatā saṃyojanīyānaṃ dhammānaṃ pahānāya saṃvattanti?
‘‘இத⁴, பி⁴க்க²வே, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங்…பே॰… உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங் பா⁴விதா கோ², பி⁴க்க²வே, ஸத்த பொ³ஜ்ஜ²ங்கா³ ஏவங் ப³ஹுலீகதா ஸங்யோஜனீயானங் த⁴ம்மானங் பஹானாய ஸங்வத்தந்தி.
‘‘Idha, bhikkhave, bhikkhu satisambojjhaṅgaṃ bhāveti vivekanissitaṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ bhāvitā kho, bhikkhave, satta bojjhaṅgā evaṃ bahulīkatā saṃyojanīyānaṃ dhammānaṃ pahānāya saṃvattanti.
‘‘கதமே ச, பி⁴க்க²வே, ஸங்யோஜனீயா த⁴ம்மா? சக்கு², பி⁴க்க²வே, ஸங்யோஜனீயோ த⁴ம்மோ. எத்தே²தே உப்பஜ்ஜந்தி ஸங்யோஜனவினிப³ந்தா⁴ அஜ்ஜோ²ஸானா…பே॰… ஜிவ்ஹா ஸங்யோஜனீயா த⁴ம்மா. எத்தே²தே உப்பஜ்ஜந்தி ஸங்யோஜனவினிப³ந்தா⁴ அஜ்ஜோ²ஸானா…பே॰… மனோ ஸங்யோஜனீயோ த⁴ம்மோ. எத்தே²தே உப்பஜ்ஜந்தி ஸங்யோஜனவினிப³ந்தா⁴ அஜ்ஜோ²ஸானா. இமே வுச்சந்தி, பி⁴க்க²வே, ஸங்யோஜனீயா த⁴ம்மா’’தி. நவமங்.
‘‘Katame ca, bhikkhave, saṃyojanīyā dhammā? Cakkhu, bhikkhave, saṃyojanīyo dhammo. Etthete uppajjanti saṃyojanavinibandhā ajjhosānā…pe… jivhā saṃyojanīyā dhammā. Etthete uppajjanti saṃyojanavinibandhā ajjhosānā…pe… mano saṃyojanīyo dhammo. Etthete uppajjanti saṃyojanavinibandhā ajjhosānā. Ime vuccanti, bhikkhave, saṃyojanīyā dhammā’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. ஏகத⁴ம்மஸுத்தவண்ணனா • 9. Ekadhammasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. ஏகத⁴ம்மஸுத்தவண்ணனா • 9. Ekadhammasuttavaṇṇanā
