| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೨೩. ತೇವೀಸತಿಮವಗ್ಗೋ
23. Tevīsatimavaggo
(೨೧೮) ೧. ಏಕಾಧಿಪ್ಪಾಯಕಥಾ
(218) 1. Ekādhippāyakathā
೯೦೮. ಏಕಾಧಿಪ್ಪಾಯೇನ ಮೇಥುನೋ ಧಮ್ಮೋ ಪಟಿಸೇವಿತಬ್ಬೋತಿ? ಆಮನ್ತಾ। ಏಕಾಧಿಪ್ಪಾಯೇನ ಅಸ್ಸಮಣೇನ ಹೋತಬ್ಬಂ, ಅಭಿಕ್ಖುನಾ ಹೋತಬ್ಬಂ, ಛಿನ್ನಮೂಲೇನ ಹೋತಬ್ಬಂ ಪಾರಾಜಿಕೇನ ಹೋತಬ್ಬನ್ತಿ? ನ ಹೇವಂ ವತ್ತಬ್ಬೇ…ಪೇ॰… ಏಕಾಧಿಪ್ಪಾಯೇನ ಮೇಥುನೋ ಧಮ್ಮೋ ಪಟಿಸೇವಿತಬ್ಬೋತಿ? ಆಮನ್ತಾ। ಏಕಾಧಿಪ್ಪಾಯೇನ ಪಾಣೋ ಹನ್ತಬ್ಬೋ, ಅದಿನ್ನಂ ಆದಿಯಿತಬ್ಬಂ, ಮುಸಾ ಭಣಿತಬ್ಬಾ, ಪಿಸುಣಂ ಭಣಿತಬ್ಬಂ, ಫರುಸಂ ಭಣಿತಬ್ಬಂ, ಸಮ್ಫಂ ಪಲಪಿತಬ್ಬಂ, ಸನ್ಧಿ ಛೇದಿತಬ್ಬೋ, ನಿಲ್ಲೋಪಂ ಹಾತಬ್ಬಂ, ಏಕಾಗಾರಿಕಂ ಕಾತಬ್ಬಂ, ಪರಿಪನ್ಥೇ ಠಾತಬ್ಬಂ, ಪರದಾರೋ ಗನ್ತಬ್ಬೋ, ಗಾಮಘಾತಕೋ ಕಾತಬ್ಬೋ, ನಿಗಮಘಾತಕೋ ಕಾತಬ್ಬೋತಿ? ನ ಹೇವಂ ವತ್ತಬ್ಬೇ…ಪೇ॰…।
908. Ekādhippāyena methuno dhammo paṭisevitabboti? Āmantā. Ekādhippāyena assamaṇena hotabbaṃ, abhikkhunā hotabbaṃ, chinnamūlena hotabbaṃ pārājikena hotabbanti? Na hevaṃ vattabbe…pe… ekādhippāyena methuno dhammo paṭisevitabboti? Āmantā. Ekādhippāyena pāṇo hantabbo, adinnaṃ ādiyitabbaṃ, musā bhaṇitabbā, pisuṇaṃ bhaṇitabbaṃ, pharusaṃ bhaṇitabbaṃ, samphaṃ palapitabbaṃ, sandhi cheditabbo, nillopaṃ hātabbaṃ, ekāgārikaṃ kātabbaṃ, paripanthe ṭhātabbaṃ, paradāro gantabbo, gāmaghātako kātabbo, nigamaghātako kātabboti? Na hevaṃ vattabbe…pe….
ಏಕಾಧಿಪ್ಪಾಯಕಥಾ ನಿಟ್ಠಿತಾ।
Ekādhippāyakathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧. ಏಕಾಧಿಪ್ಪಾಯಕಥಾವಣ್ಣನಾ • 1. Ekādhippāyakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧. ಏಕಾಧಿಪ್ಪಾಯಕಥಾವಣ್ಣನಾ • 1. Ekādhippāyakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧. ಏಕಾಧಿಪ್ಪಾಯಕಥಾವಣ್ಣನಾ • 1. Ekādhippāyakathāvaṇṇanā
