| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൨൩. തേവീസതിമവഗ്ഗോ
23. Tevīsatimavaggo
(൨൧൮) ൧. ഏകാധിപ്പായകഥാ
(218) 1. Ekādhippāyakathā
൯൦൮. ഏകാധിപ്പായേന മേഥുനോ ധമ്മോ പടിസേവിതബ്ബോതി? ആമന്താ. ഏകാധിപ്പായേന അസ്സമണേന ഹോതബ്ബം, അഭിക്ഖുനാ ഹോതബ്ബം, ഛിന്നമൂലേന ഹോതബ്ബം പാരാജികേന ഹോതബ്ബന്തി? ന ഹേവം വത്തബ്ബേ…പേ॰… ഏകാധിപ്പായേന മേഥുനോ ധമ്മോ പടിസേവിതബ്ബോതി? ആമന്താ. ഏകാധിപ്പായേന പാണോ ഹന്തബ്ബോ, അദിന്നം ആദിയിതബ്ബം, മുസാ ഭണിതബ്ബാ, പിസുണം ഭണിതബ്ബം, ഫരുസം ഭണിതബ്ബം, സമ്ഫം പലപിതബ്ബം, സന്ധി ഛേദിതബ്ബോ, നില്ലോപം ഹാതബ്ബം, ഏകാഗാരികം കാതബ്ബം, പരിപന്ഥേ ഠാതബ്ബം, പരദാരോ ഗന്തബ്ബോ, ഗാമഘാതകോ കാതബ്ബോ, നിഗമഘാതകോ കാതബ്ബോതി? ന ഹേവം വത്തബ്ബേ…പേ॰….
908. Ekādhippāyena methuno dhammo paṭisevitabboti? Āmantā. Ekādhippāyena assamaṇena hotabbaṃ, abhikkhunā hotabbaṃ, chinnamūlena hotabbaṃ pārājikena hotabbanti? Na hevaṃ vattabbe…pe… ekādhippāyena methuno dhammo paṭisevitabboti? Āmantā. Ekādhippāyena pāṇo hantabbo, adinnaṃ ādiyitabbaṃ, musā bhaṇitabbā, pisuṇaṃ bhaṇitabbaṃ, pharusaṃ bhaṇitabbaṃ, samphaṃ palapitabbaṃ, sandhi cheditabbo, nillopaṃ hātabbaṃ, ekāgārikaṃ kātabbaṃ, paripanthe ṭhātabbaṃ, paradāro gantabbo, gāmaghātako kātabbo, nigamaghātako kātabboti? Na hevaṃ vattabbe…pe….
ഏകാധിപ്പായകഥാ നിട്ഠിതാ.
Ekādhippāyakathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧. ഏകാധിപ്പായകഥാവണ്ണനാ • 1. Ekādhippāyakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧. ഏകാധിപ്പായകഥാവണ്ണനാ • 1. Ekādhippāyakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧. ഏകാധിപ്പായകഥാവണ്ണനാ • 1. Ekādhippāyakathāvaṇṇanā
