| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
২৩. তেৰীসতিমৰগ্গো
23. Tevīsatimavaggo
১. একাধিপ্পাযকথাৰণ্ণনা
1. Ekādhippāyakathāvaṇṇanā
৯০৮. এক-সদ্দো অঞ্ঞত্থোপি হোতি ‘‘ইত্থেকে অভিৰদন্তী’’তিআদীসু ৰিয, অঞ্ঞত্তঞ্চেত্থ রাগাধিপ্পাযতো ৰেদিতব্বং, পুথুজ্জনস্স পন সছন্দরাগপরিভোগভাৰতো আহ ‘‘রাগাধিপ্পাযতো অঞ্ঞাধিপ্পাযোৰাতি ৰুত্তং হোতী’’তি। কো পন সো অঞ্ঞাধিপ্পাযোতি? করুণাধিপ্পাযো। তেন ৰুত্তং ‘‘করুণাধিপ্পাযেন একাধিপ্পাযো’’তি। অযঞ্চ নযো ইত্থিযা জীৰিতরক্খণত্থং কারুঞ্ঞেন মনোরথং পূরেন্তস্স বোধিসত্তস্স সংৰরৰিনাসো ন হোতীতি এৰংৰাদিনং পরৰাদিং সন্ধায ৰুত্তো, পণিধানাধিপ্পাযৰাদিনং পন সন্ধায ‘‘একো অধিপ্পাযোতি এত্থা’’তিআদি ৰুত্তং। পুত্তমুখদস্সনাধিপ্পাযোপি এত্থেৰ সঙ্গহং গতোতি দট্ঠব্বং। একতোভাৰেতি সহভাৰে।
908. Eka-saddo aññatthopi hoti ‘‘ittheke abhivadantī’’tiādīsu viya, aññattañcettha rāgādhippāyato veditabbaṃ, puthujjanassa pana sachandarāgaparibhogabhāvato āha ‘‘rāgādhippāyato aññādhippāyovāti vuttaṃ hotī’’ti. Ko pana so aññādhippāyoti? Karuṇādhippāyo. Tena vuttaṃ ‘‘karuṇādhippāyena ekādhippāyo’’ti. Ayañca nayo itthiyā jīvitarakkhaṇatthaṃ kāruññena manorathaṃ pūrentassa bodhisattassa saṃvaravināso na hotīti evaṃvādinaṃ paravādiṃ sandhāya vutto, paṇidhānādhippāyavādinaṃ pana sandhāya ‘‘eko adhippāyoti etthā’’tiādi vuttaṃ. Puttamukhadassanādhippāyopi ettheva saṅgahaṃ gatoti daṭṭhabbaṃ. Ekatobhāveti sahabhāve.
একাধিপ্পাযকথাৰণ্ণনা নিট্ঠিতা।
Ekādhippāyakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২১৮) ১. একাধিপ্পাযকথা • (218) 1. Ekādhippāyakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১. একাধিপ্পাযকথাৰণ্ণনা • 1. Ekādhippāyakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১. একাধিপ্পাযকথাৰণ্ণনা • 1. Ekādhippāyakathāvaṇṇanā
