| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. එකධීතුසුත්‌තං
4. Ekadhītusuttaṃ
173. සාවත්‌ථියං විහරති…පෙ.… ‘‘දාරුණො, භික්‌ඛවෙ, ලාභසක්‌කාරසිලොකො…පෙ.… සද්‌ධා භික්‌ඛවෙ උපාසිකා එකං ධීතරං පියං මනාපං එවං සම්‌මා ආයාචමානා ආයාචෙය්‍ය – ‘තාදිසා, අය්‍යෙ, භවාහි යාදිසා ඛුජ්‌ජුත්‌තරා ච උපාසිකා වෙළුකණ්‌ඩකියා 1 ච නන්‌දමාතා’ති. එසා, භික්‌ඛවෙ, තුලා එතං පමාණං මම සාවිකානං උපාසිකානං, යදිදං ඛුජ්‌ජුත්‌තරා ච උපාසිකා වෙළුකණ්‌ඩකියා ච නන්‌දමාතා. සචෙ ඛො ත්‌වං, අය්‍යෙ, අගාරස්‌මා අනගාරියං පබ්‌බජසි; තාදිසා, අය්‍යෙ, භවාහි යාදිසා ඛෙමා ච භික්‌ඛුනී උප්‌පලවණ්‌ණා චාති. එසා, භික්‌ඛවෙ, තුලා එතං පමාණං මම සාවිකානං භික්‌ඛුනීනං, යදිදං ඛෙමා ච භික්‌ඛුනී උප්‌පලවණ්‌ණා ච. මා ච ඛො ත්‌වං, අය්‍යෙ, සෙඛං අප්‌පත්‌තමානසං ලාභසක්‌කාරසිලොකො අනුපාපුණාතූති. තං චෙ, භික්‌ඛවෙ, භික්‌ඛුනිං සෙඛං අප්‌පත්‌තමානසං ලාභසක්‌කාරසිලොකො අනුපාපුණාති, සො තස්‌සා හොති අන්‌තරායාය. එවං දාරුණො ඛො, භික්‌ඛවෙ, ලාභසක්‌කාරසිලොකො…පෙ.… එවඤ්‌හි වො, භික්‌ඛවෙ, සික්‌ඛිතබ්‌බ’’න්‌ති. චතුත්‌ථං.
173. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… saddhā bhikkhave upāsikā ekaṃ dhītaraṃ piyaṃ manāpaṃ evaṃ sammā āyācamānā āyāceyya – ‘tādisā, ayye, bhavāhi yādisā khujjuttarā ca upāsikā veḷukaṇḍakiyā 2 ca nandamātā’ti. Esā, bhikkhave, tulā etaṃ pamāṇaṃ mama sāvikānaṃ upāsikānaṃ, yadidaṃ khujjuttarā ca upāsikā veḷukaṇḍakiyā ca nandamātā. Sace kho tvaṃ, ayye, agārasmā anagāriyaṃ pabbajasi; tādisā, ayye, bhavāhi yādisā khemā ca bhikkhunī uppalavaṇṇā cāti. Esā, bhikkhave, tulā etaṃ pamāṇaṃ mama sāvikānaṃ bhikkhunīnaṃ, yadidaṃ khemā ca bhikkhunī uppalavaṇṇā ca. Mā ca kho tvaṃ, ayye, sekhaṃ appattamānasaṃ lābhasakkārasiloko anupāpuṇātūti. Taṃ ce, bhikkhave, bhikkhuniṃ sekhaṃ appattamānasaṃ lābhasakkārasiloko anupāpuṇāti, so tassā hoti antarāyāya. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3-6. එකපුත්‌තකසුත්‌තාදිවණ්‌ණනා • 3-6. Ekaputtakasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3-6. එකපුත්‌තකසුත්‌තාදිවණ්‌ණනා • 3-6. Ekaputtakasuttādivaṇṇanā
