| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. एकदीपियत्थेरअपदानं
7. Ekadīpiyattheraapadānaṃ
३०.
30.
‘‘पदुमुत्तरस्स मुनिनो, सळले बोधिमुत्तमे।
‘‘Padumuttarassa munino, saḷale bodhimuttame;
पसन्नचित्तो सुमनो, एकदीपं अदासहं॥
Pasannacitto sumano, ekadīpaṃ adāsahaṃ.
३१.
31.
‘‘भवे निब्बत्तमानम्हि, निब्बत्ते पुञ्ञसञ्चये।
‘‘Bhave nibbattamānamhi, nibbatte puññasañcaye;
दुग्गतिं नाभिजानामि, दीपदानस्सिदं फलं॥
Duggatiṃ nābhijānāmi, dīpadānassidaṃ phalaṃ.
३२.
32.
‘‘सोळसे कप्पसहस्से, इतो ते चतुरो जना।
‘‘Soḷase kappasahasse, ito te caturo janā;
चन्दाभा नाम नामेन, चक्कवत्ती महब्बला॥
Candābhā nāma nāmena, cakkavattī mahabbalā.
३३.
33.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा एकदीपियो थेरो इमा गाथायो अभासित्थाति।
Itthaṃ sudaṃ āyasmā ekadīpiyo thero imā gāthāyo abhāsitthāti.
एकदीपियत्थेरस्सापदानं सत्तमं।
Ekadīpiyattherassāpadānaṃ sattamaṃ.
नवमं भाणवारं।
Navamaṃ bhāṇavāraṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ७. एकदीपियत्थेरअपदानवण्णना • 7. Ekadīpiyattheraapadānavaṇṇanā
