| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
7. ஏகதீ³பியத்தே²ரஅபதா³னவண்ணனா
7. Ekadīpiyattheraapadānavaṇṇanā
பது³முத்தரஸ்ஸ முனினோதிஆதி³கங் ஆயஸ்மதோ ஏகதீ³பியத்தே²ரஸ்ஸ அபதா³னங். அயம்பாயஸ்மா புரிமஜினஸெட்டே²ஸு கதகுஸலஸம்பா⁴ரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ பது³முத்தரஸ்ஸ ப⁴க³வதோ காலே க³ஹபதிகுலே நிப்³ப³த்தோ வுத்³தி⁴ப்பத்தோ ஸத்³தோ⁴ பஸன்னோ ப⁴க³வதோ ஸலலமஹாபோ³தி⁴ம்ஹி ஏகபதீ³பங் பூஜேஸி, தா²வரங் கத்வா நிச்சமேகபதீ³பபூஜனத்தா²ய தேலவட்டங் பட்ட²பேஸி. ஸோ தேன புஞ்ஞேன தே³வமனுஸ்ஸேஸு ஸங்ஸரந்தோ ஸப்³ப³த்த² ஜலமானோ பஸன்னசக்கு²கோ உப⁴யஸுக²மனுப⁴வித்வா இமஸ்மிங் பு³த்³து⁴ப்பாதே³ ஸாவத்தி²யங் விப⁴வஸம்பன்னே ஏகஸ்மிங் குலே நிப்³ப³த்தோ விஞ்ஞுதங் பத்தோ ரதனத்தயே பஸன்னோ பப்³ப³ஜித்வா நசிரஸ்ஸேவ அரஹத்தங் பத்தோ தீ³பபூஜாய லத்³த⁴விஸேஸாதி⁴க³மத்தா ஏகதீ³பியத்தே²ரோதி பாகடோ.
Padumuttarassa muninotiādikaṃ āyasmato ekadīpiyattherassa apadānaṃ. Ayampāyasmā purimajinaseṭṭhesu katakusalasambhāro tattha tattha bhave vivaṭṭūpanissayāni puññāni upacinanto padumuttarassa bhagavato kāle gahapatikule nibbatto vuddhippatto saddho pasanno bhagavato salalamahābodhimhi ekapadīpaṃ pūjesi, thāvaraṃ katvā niccamekapadīpapūjanatthāya telavaṭṭaṃ paṭṭhapesi. So tena puññena devamanussesu saṃsaranto sabbattha jalamāno pasannacakkhuko ubhayasukhamanubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto viññutaṃ patto ratanattaye pasanno pabbajitvā nacirasseva arahattaṃ patto dīpapūjāya laddhavisesādhigamattā ekadīpiyattheroti pākaṭo.
30. ஸோ அபரபா⁴கே³ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ பது³முத்தரஸ்ஸ முனினோதிஆதி³மாஹ. தங் ஸப்³ப³ங் உத்தானத்த²மேவாதி.
30. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarassa muninotiādimāha. Taṃ sabbaṃ uttānatthamevāti.
ஏகதீ³பியத்தே²ரஅபதா³னவண்ணனா ஸமத்தா.
Ekadīpiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 7. ஏகதீ³பியத்தே²ரஅபதா³னங் • 7. Ekadīpiyattheraapadānaṃ
