| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. згад̣̇ийбияад̇т̇зраабад̣̇аанаван̣н̣анаа
7. Ekadīpiyattheraapadānavaṇṇanā
бад̣̇умуд̇д̇арасса мунинод̇иаад̣̇игам̣ ааяасмад̇о згад̣̇ийбияад̇т̇зрасса абад̣̇аанам̣. аяамбааяасмаа буримаж̇инасздтзсу гад̇агусаласамбхааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз г̇ахабад̇игулз ниб̣б̣ад̇д̇о вуд̣̇д̇хиббад̇д̇о сад̣̇д̇хо басанно бхаг̇авад̇о салаламахааб̣од̇химхи згабад̣̇ийбам̣ бууж̇зси, т̇ааварам̣ гад̇ваа нижжамзгабад̣̇ийбабууж̇анад̇т̇ааяа д̇злаваддам̣ бадтабзси. со д̇зна бун̃н̃зна д̣̇звамануссзсу сам̣саранд̇о саб̣б̣ад̇т̇а ж̇аламаано басаннажагкуго убхаяасукаманубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ вибхавасамбаннз згасмим̣ гулз ниб̣б̣ад̇д̇о вин̃н̃уд̇ам̣ бад̇д̇о рад̇анад̇д̇аяз басанно баб̣б̣аж̇ид̇ваа нажирассзва арахад̇д̇ам̣ бад̇д̇о д̣̇ийбабууж̇ааяа лад̣̇д̇хависзсаад̇хиг̇амад̇д̇аа згад̣̇ийбияад̇т̇зрод̇и баагадо.
Padumuttarassa muninotiādikaṃ āyasmato ekadīpiyattherassa apadānaṃ. Ayampāyasmā purimajinaseṭṭhesu katakusalasambhāro tattha tattha bhave vivaṭṭūpanissayāni puññāni upacinanto padumuttarassa bhagavato kāle gahapatikule nibbatto vuddhippatto saddho pasanno bhagavato salalamahābodhimhi ekapadīpaṃ pūjesi, thāvaraṃ katvā niccamekapadīpapūjanatthāya telavaṭṭaṃ paṭṭhapesi. So tena puññena devamanussesu saṃsaranto sabbattha jalamāno pasannacakkhuko ubhayasukhamanubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto viññutaṃ patto ratanattaye pasanno pabbajitvā nacirasseva arahattaṃ patto dīpapūjāya laddhavisesādhigamattā ekadīpiyattheroti pākaṭo.
30. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇арасса мунинод̇иаад̣̇имааха. д̇ам̣ саб̣б̣ам̣ уд̇д̇аанад̇т̇амзваад̇и.
30. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarassa muninotiādimāha. Taṃ sabbaṃ uttānatthamevāti.
згад̣̇ийбияад̇т̇зраабад̣̇аанаван̣н̣анаа самад̇д̇аа.
Ekadīpiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. згад̣̇ийбияад̇т̇зраабад̣̇аанам̣ • 7. Ekadīpiyattheraapadānaṃ
