| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
7. එකදීපියත්‌ථෙරඅපදානවණ්‌ණනා
7. Ekadīpiyattheraapadānavaṇṇanā
පදුමුත්‌තරස්‌ස මුනිනොතිආදිකං ආයස්‌මතො එකදීපියත්‌ථෙරස්‌ස අපදානං. අයම්‌පායස්‌මා පුරිමජිනසෙට්‌ඨෙසු කතකුසලසම්‌භාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො පදුමුත්‌තරස්‌ස භගවතො කාලෙ ගහපතිකුලෙ නිබ්‌බත්‌තො වුද්‌ධිප්‌පත්‌තො සද්‌ධො පසන්‌නො භගවතො සලලමහාබොධිම්‌හි එකපදීපං පූජෙසි, ථාවරං කත්‌වා නිච්‌චමෙකපදීපපූජනත්‌ථාය තෙලවට්‌ටං පට්‌ඨපෙසි. සො තෙන පුඤ්‌ඤෙන දෙවමනුස්‌සෙසු සංසරන්‌තො සබ්‌බත්‌ථ ජලමානො පසන්‌නචක්‌ඛුකො උභයසුඛමනුභවිත්‌වා ඉමස්‌මිං බුද්‌ධුප්‌පාදෙ සාවත්‌ථියං විභවසම්‌පන්‌නෙ එකස්‌මිං කුලෙ නිබ්‌බත්‌තො විඤ්‌ඤුතං පත්‌තො රතනත්‌තයෙ පසන්‌නො පබ්‌බජිත්‌වා නචිරස්‌සෙව අරහත්‌තං පත්‌තො දීපපූජාය ලද්‌ධවිසෙසාධිගමත්‌තා එකදීපියත්‌ථෙරොති පාකටො.
Padumuttarassa muninotiādikaṃ āyasmato ekadīpiyattherassa apadānaṃ. Ayampāyasmā purimajinaseṭṭhesu katakusalasambhāro tattha tattha bhave vivaṭṭūpanissayāni puññāni upacinanto padumuttarassa bhagavato kāle gahapatikule nibbatto vuddhippatto saddho pasanno bhagavato salalamahābodhimhi ekapadīpaṃ pūjesi, thāvaraṃ katvā niccamekapadīpapūjanatthāya telavaṭṭaṃ paṭṭhapesi. So tena puññena devamanussesu saṃsaranto sabbattha jalamāno pasannacakkhuko ubhayasukhamanubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto viññutaṃ patto ratanattaye pasanno pabbajitvā nacirasseva arahattaṃ patto dīpapūjāya laddhavisesādhigamattā ekadīpiyattheroti pākaṭo.
30. සො අපරභාගෙ අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො පදුමුත්‌තරස්‌ස මුනිනොතිආදිමාහ. තං සබ්‌බං උත්‌තානත්‌ථමෙවාති.
30. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarassa muninotiādimāha. Taṃ sabbaṃ uttānatthamevāti.
එකදීපියත්‌ථෙරඅපදානවණ්‌ණනා සමත්‌තා.
Ekadīpiyattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 7. එකදීපියත්‌ථෙරඅපදානං • 7. Ekadīpiyattheraapadānaṃ
