| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. ஏகது³ஸ்ஸதா³யகத்தே²ரஅபதா³னங்
2. Ekadussadāyakattheraapadānaṃ
15.
15.
‘‘நக³ரே ஹங்ஸவதியா, அஹோஸிங் திணஹாரகோ;
‘‘Nagare haṃsavatiyā, ahosiṃ tiṇahārako;
திணஹாரேன ஜீவாமி, தேன போஸேமி தா³ரகே.
Tiṇahārena jīvāmi, tena posemi dārake.
16.
16.
‘‘பது³முத்தரோ நாம ஜினோ, ஸப்³ப³த⁴ம்மான பாரகூ³;
‘‘Padumuttaro nāma jino, sabbadhammāna pāragū;
தமந்த⁴காரங் நாஸெத்வா, உப்பஜ்ஜி லோகனாயகோ.
Tamandhakāraṃ nāsetvā, uppajji lokanāyako.
17.
17.
‘‘ஸகே க⁴ரே நிஸீதி³த்வா, ஏவங் சிந்தேஸி தாவதே³;
‘‘Sake ghare nisīditvā, evaṃ cintesi tāvade;
‘பு³த்³தோ⁴ லோகே ஸமுப்பன்னோ, தெ³ய்யத⁴ம்மோ ந விஜ்ஜதி.
‘Buddho loke samuppanno, deyyadhammo na vijjati.
18.
18.
‘‘‘இத³ங் மே ஸாடகங் ஏகங், நத்தி² மே கோசி தா³யகோ;
‘‘‘Idaṃ me sāṭakaṃ ekaṃ, natthi me koci dāyako;
து³க்கோ² நிரயஸம்ப²ஸ்ஸோ, ரோபயிஸ்ஸாமி த³க்கி²ணங்’.
Dukkho nirayasamphasso, ropayissāmi dakkhiṇaṃ’.
19.
19.
‘‘ஏவாஹங் சிந்தயித்வான, ஸகங் சித்தங் பஸாத³யிங்;
‘‘Evāhaṃ cintayitvāna, sakaṃ cittaṃ pasādayiṃ;
ஏகங் து³ஸ்ஸங் க³ஹெத்வான, பு³த்³த⁴ஸெட்ட²ஸ்ஸதா³ஸஹங்.
Ekaṃ dussaṃ gahetvāna, buddhaseṭṭhassadāsahaṃ.
20.
20.
‘‘ஏகங் து³ஸ்ஸங் த³தி³த்வான, உக்குட்டி²ங் ஸம்பவத்தயிங்;
‘‘Ekaṃ dussaṃ daditvāna, ukkuṭṭhiṃ sampavattayiṃ;
‘யதி³ பு³த்³தோ⁴ துவங் வீர, தாரேஹி மங் மஹாமுனி’.
‘Yadi buddho tuvaṃ vīra, tārehi maṃ mahāmuni’.
21.
21.
‘‘பது³முத்தரோ லோகவிதூ³, ஆஹுதீனங் படிக்³க³ஹோ;
‘‘Padumuttaro lokavidū, āhutīnaṃ paṭiggaho;
மம தா³னங் பகித்தெந்தோ, அகா மே அனுமோத³னங்.
Mama dānaṃ pakittento, akā me anumodanaṃ.
22.
22.
‘‘‘இமினா ஏகது³ஸ்ஸேன, சேதனாபணிதீ⁴ஹி ச;
‘‘‘Iminā ekadussena, cetanāpaṇidhīhi ca;
கப்பஸதஸஹஸ்ஸானி, வினிபாதங் ந க³ச்ச²ஸி.
Kappasatasahassāni, vinipātaṃ na gacchasi.
23.
23.
‘‘‘ச²த்திங்ஸக்க²த்துங் தே³விந்தோ³, தே³வரஜ்ஜங் கரிஸ்ஸஸி;
‘‘‘Chattiṃsakkhattuṃ devindo, devarajjaṃ karissasi;
தெத்திங்ஸக்க²த்துங் ராஜா ச, சக்கவத்தீ 1 ப⁴விஸ்ஸஸி.
Tettiṃsakkhattuṃ rājā ca, cakkavattī 2 bhavissasi.
24.
24.
தே³வலோகே மனுஸ்ஸே வா, ஸங்ஸரந்தோ துவங் ப⁴வே.
Devaloke manusse vā, saṃsaranto tuvaṃ bhave.
25.
25.
அக்கோ²ப⁴ங் அமிதங் து³ஸ்ஸங், லபி⁴ஸ்ஸஸி யதி³ச்ச²கங்’.
Akkhobhaṃ amitaṃ dussaṃ, labhissasi yadicchakaṃ’.
26.
26.
‘‘இத³ங் வத்வான ஸம்பு³த்³தோ⁴, ஜலஜுத்தமனாமகோ;
‘‘Idaṃ vatvāna sambuddho, jalajuttamanāmako;
27.
27.
‘‘யங் யங் யோனுபபஜ்ஜாமி, தே³வத்தங் அத² மானுஸங்;
‘‘Yaṃ yaṃ yonupapajjāmi, devattaṃ atha mānusaṃ;
போ⁴கே³ மே ஊனதா நத்தி², ஏகது³ஸ்ஸஸ்ஸித³ங் ப²லங்.
Bhoge me ūnatā natthi, ekadussassidaṃ phalaṃ.
28.
28.
‘‘பது³த்³தா⁴ரே பது³த்³தா⁴ரே, து³ஸ்ஸங் நிப்³ப³த்ததே மமங்;
‘‘Paduddhāre paduddhāre, dussaṃ nibbattate mamaṃ;
ஹெட்டா² து³ஸ்ஸம்ஹி திட்டா²மி, உபரிச்ச²த³னங் மம.
Heṭṭhā dussamhi tiṭṭhāmi, uparicchadanaṃ mama.
29.
29.
‘‘சக்கவாளங் உபாதா³ய, ஸகானநங் ஸபப்³ப³தங்;
‘‘Cakkavāḷaṃ upādāya, sakānanaṃ sapabbataṃ;
இச்ச²மானோ சஹங் அஜ்ஜ, து³ஸ்ஸேஹச்சா²த³யெய்ய தங்.
Icchamāno cahaṃ ajja, dussehacchādayeyya taṃ.
30.
30.
‘‘தேனேவ ஏகது³ஸ்ஸேன, ஸங்ஸரந்தோ ப⁴வாப⁴வே;
‘‘Teneva ekadussena, saṃsaranto bhavābhave;
ஸுவண்ணவண்ணோ ஹுத்வான, ஸங்ஸராமி ப⁴வாப⁴வே.
Suvaṇṇavaṇṇo hutvāna, saṃsarāmi bhavābhave.
31.
31.
‘‘விபாகங் விஏகது³ஸ்ஸஸ்ஸ, நாஜ்ஜ²க³ங் கத்த²சிக்க²யங்;
‘‘Vipākaṃ viekadussassa, nājjhagaṃ katthacikkhayaṃ;
அயங் மே அந்திமா ஜாதி, விபச்சதி இதா⁴பி மே.
Ayaṃ me antimā jāti, vipaccati idhāpi me.
32.
32.
‘‘ஸதஸஹஸ்ஸிதோ கப்பே, யங் து³ஸ்ஸமத³தி³ங் ததா³;
‘‘Satasahassito kappe, yaṃ dussamadadiṃ tadā;
து³க்³க³திங் நாபி⁴ஜானாமி, ஏகது³ஸ்ஸஸ்ஸித³ங் ப²லங்.
Duggatiṃ nābhijānāmi, ekadussassidaṃ phalaṃ.
33.
33.
‘‘கிலேஸா ஜா²பிதா மய்ஹங்…பே॰… விஹராமி அனாஸவோ.
‘‘Kilesā jhāpitā mayhaṃ…pe… viharāmi anāsavo.
34.
34.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
35.
35.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஏகது³ஸ்ஸதா³யகோ தே²ரோ இமா கா³தா²யோ அபா⁴ஸித்தா²தி;
Itthaṃ sudaṃ āyasmā ekadussadāyako thero imā gāthāyo abhāsitthāti;
ஏகது³ஸ்ஸதா³யகத்தே²ரஸ்ஸாபதா³னங் து³தியங்.
Ekadussadāyakattherassāpadānaṃ dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-60. ஸகிங்ஸம்மஜ்ஜகத்தே²ரஅபதா³னாதி³வண்ணனா • 1-60. Sakiṃsammajjakattheraapadānādivaṇṇanā
