| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. згаг̇ааманд̇араг̇аманасигкаабад̣̇аван̣н̣анаа
3. Ekagāmantaragamanasikkhāpadavaṇṇanā
ан̃н̃о г̇аамо г̇ааманд̇арам̣. над̣̇ибааранд̇и над̣̇ияаа бааримад̇ийрам̣. ‘‘г̇ааманд̇арам̣ г̇ажчзяяаа’’д̇и (баажи. 687, 691) вуд̇д̇ад̇д̇аа ан̃н̃асмим̣ г̇аамзязва аабад̇д̇и, на сагаг̇аамзд̇и ааха ‘‘сагаг̇аамад̇о д̇ааваа’’д̇иаад̣̇и. баригкзбз ваа убажаарз ваа ад̇игганд̇зд̇и баригкид̇д̇асса г̇аамасса баригкзбз ваа абаригкид̇д̇асса г̇аамасса баригкзбаарахадтаанз ваа ад̇игганд̇з. д̣̇уд̇иязна ад̇игганд̇амад̇д̇зд̇и д̣̇уд̇иязна баад̣̇зна ид̇арасса г̇аамасса баригкзбз ваа убажаарз ваа ад̇игганд̇амад̇д̇з. язсу бана бод̇т̇агзсу ‘‘згзна баад̣̇зна ид̇арасса г̇аамасса баригкзбз ваа ад̇игганд̇з, убажаарз ваа огганд̇з т̇уллажжаяам̣, д̣̇уд̇иязна ад̇игганд̇амад̇д̇з, огганд̇амад̇д̇з ваа сан̇гхаад̣̇исзсо’’д̇и баато д̣̇иссад̇и, д̇ад̇т̇а ‘‘огганд̇з, огганд̇амад̇д̇з ваа’’д̇и зд̇аани д̣̇вз бад̣̇аани баал̣ияаа вируж̇жханд̇и. ‘‘абаригкид̇д̇асса г̇аамасса убажаарам̣ ад̇иггаамзнд̇ияаа’’д̇и (баажи. 692) хи баал̣и. д̇ат̇аа саманд̇абаасаад̣̇игааяаби вируж̇жханд̇и. д̇ад̇т̇а хи –
Añño gāmo gāmantaraṃ. Nadipāranti nadiyā pārimatīraṃ. ‘‘Gāmantaraṃ gaccheyyā’’ti (pāci. 687, 691) vuttattā aññasmiṃ gāmeyeva āpatti, na sakagāmeti āha ‘‘sakagāmato tāvā’’tiādi. Parikkhepe vā upacāre vā atikkanteti parikkhittassa gāmassa parikkhepe vā aparikkhittassa gāmassa parikkhepārahaṭṭhāne vā atikkante. Dutiyena atikkantamatteti dutiyena pādena itarassa gāmassa parikkhepe vā upacāre vā atikkantamatte. Yesu pana potthakesu ‘‘ekena pādena itarassa gāmassa parikkhepe vā atikkante, upacāre vā okkante thullaccayaṃ, dutiyena atikkantamatte, okkantamatte vā saṅghādiseso’’ti pāṭho dissati, tattha ‘‘okkante, okkantamatte vā’’ti etāni dve padāni pāḷiyā virujjhanti. ‘‘Aparikkhittassa gāmassa upacāraṃ atikkāmentiyā’’ti (pāci. 692) hi pāḷi. Tathā samantapāsādikāyapi virujjhanti. Tattha hi –
‘‘баригкзбаарахадтаанам̣ згзна баад̣̇зна ад̇иггамад̇и, т̇уллажжаяам̣. д̣̇уд̇иязна ад̇игганд̇амад̇д̇з сан̇гхаад̣̇исзсо. абижзд̇т̇а сагаг̇аамад̇о…бз… згзна баад̣̇зна ид̇арасса г̇аамасса баригкзбз ваа убажаарзваа ад̇игганд̇амад̇д̇з т̇уллажжаяам̣, д̣̇уд̇иязна ад̇игганд̇амад̇д̇з сан̇гхаад̣̇исзсо’’д̇и –
‘‘Parikkhepārahaṭṭhānaṃ ekena pādena atikkamati, thullaccayaṃ. Dutiyena atikkantamatte saṅghādiseso. Apicettha sakagāmato…pe… ekena pādena itarassa gāmassa parikkhepe vā upacārevā atikkantamatte thullaccayaṃ, dutiyena atikkantamatte saṅghādiseso’’ti –
вуд̇д̇ам̣. ‘‘батамам̣ баад̣̇ам̣ ад̇иггаамзнд̇ияаа’’д̇иаад̣̇иважанад̇о (баажи. 692) бад̣̇асаа г̇аманамзва ид̇хаад̇хиббзд̇анд̇и ааха ‘‘бад̣̇асаа бависанд̇ияаа аабад̇д̇ий’’д̇и. иминаа сажзби хад̇т̇ибидтиаад̣̇ийхи ваа ид̣̇д̇хияаа ваа бависад̇и, ваддад̇иязваад̇и д̣̇ассзд̇и. аяамзд̇т̇а сан̇кзбо, вид̇т̇ааро бана саманд̇абаасаад̣̇игааяа (баажи. адта. 692) вуд̇д̇од̇и ад̇хиббааяо.
Vuttaṃ. ‘‘Paṭhamaṃ pādaṃ atikkāmentiyā’’tiādivacanato (pāci. 692) padasā gamanameva idhādhippetanti āha ‘‘padasā pavisantiyā āpattī’’ti. Iminā sacepi hatthipiṭṭhiādīhi vā iddhiyā vā pavisati, vaṭṭatiyevāti dasseti. Ayamettha saṅkhepo, vitthāro pana samantapāsādikāya (pāci. aṭṭha. 692) vuttoti adhippāyo.
над̣̇ибаараг̇аманз вуд̇д̇алагкан̣ааяа над̣̇ияаад̇и ‘‘над̣̇ий наама д̇иман̣д̣алам̣ бадижчаад̣̇зд̇ваа яад̇т̇а гад̇т̇ажи уд̇д̇аранд̇ияаа анд̇араваасаго д̇змияад̇ий’’д̇и (баажи. 692) над̣̇ибаараг̇аманавибхан̇г̇з вуд̇д̇алагкан̣ааяа над̣̇ияаа. над̣̇ибаараг̇аманавибхан̇г̇о хи ид̇ха над̣̇ибаараг̇аманасад̣̇д̣̇зна вуд̇д̇о. буна оримад̇ийрамзва бажжуд̇д̇аранд̇ияаа ваад̇и барад̇ийрам̣ г̇анд̇угаамад̇ааяа од̇ин̣н̣ад̇д̇аа вуд̇д̇ам̣. ид̇ариссаа бана аяам̣ багганд̇адтаанз тид̇аа ход̇и, д̇асмаа барад̇ийрам̣ г̇ажчанд̇ияаа анаабад̇д̇и. сажз саж̇жхааяам̣ ваа бад̇хаанам̣ ваа ан̃н̃ам̣ ваа гин̃жи гаммам̣ гурумаанаа ‘‘бурз арун̣зязва д̣̇уд̇ияигааяа санд̇игам̣ г̇амиссаамий’’д̇и (баажи. адта. 692) аабхог̇ам̣ гарод̇и, аж̇аананд̇ияаа зва д̇ассаа арун̣о уг̇г̇ажчад̇и , анаабад̇д̇ийд̇и ааха ‘‘бурз арун̣зязваа’’д̇иаад̣̇и. ат̇а бана ‘‘яаава арун̣уг̇г̇аманаа ид̇хзва бхависсаамий’’д̇и ваа анаабхог̇зна ваа вихаарасса згад̣̇зсз ажчад̇и, д̣̇уд̇ияигааяа хад̇т̇абаасам̣ на од̇арад̇и, арун̣уг̇г̇аманз сан̇гхаад̣̇исзсо. хад̇т̇абаасоязва хи ид̇ха бамаан̣ам̣. хад̇т̇абаасаад̇иггамз згаг̇аб̣бхоби на рагкад̇и. д̇знааха ‘‘згаг̇аб̣бхз…бз… аабад̇д̇ий’’д̇и.
Nadipāragamane vuttalakkhaṇāya nadiyāti ‘‘nadī nāma timaṇḍalaṃ paṭicchādetvā yattha katthaci uttarantiyā antaravāsako temiyatī’’ti (pāci. 692) nadipāragamanavibhaṅge vuttalakkhaṇāya nadiyā. Nadipāragamanavibhaṅgo hi idha nadipāragamanasaddena vutto. Puna orimatīrameva paccuttarantiyā vāti paratīraṃ gantukāmatāya otiṇṇattā vuttaṃ. Itarissā pana ayaṃ pakkantaṭṭhāne ṭhitā hoti, tasmā paratīraṃ gacchantiyā anāpatti. Sace sajjhāyaṃ vā padhānaṃ vā aññaṃ vā kiñci kammaṃ kurumānā ‘‘pure aruṇeyeva dutiyikāya santikaṃ gamissāmī’’ti (pāci. aṭṭha. 692) ābhogaṃ karoti, ajānantiyā eva tassā aruṇo uggacchati , anāpattīti āha ‘‘pure aruṇeyevā’’tiādi. Atha pana ‘‘yāva aruṇuggamanā idheva bhavissāmī’’ti vā anābhogena vā vihārassa ekadese acchati, dutiyikāya hatthapāsaṃ na otarati, aruṇuggamane saṅghādiseso. Hatthapāsoyeva hi idha pamāṇaṃ. Hatthapāsātikkame ekagabbhopi na rakkhati. Tenāha ‘‘ekagabbhe…pe… āpattī’’ti.
д̣̇ассануубажаарам̣ ваа савануубажаарам̣ ваад̇и зд̇т̇а д̣̇ассануубажааро наама яад̇т̇а тид̇ам̣ д̣̇уд̇ияигаа бассад̇и. савануубажааро наама яад̇т̇а тид̇аа маг̇г̇амуул̣хасад̣̇д̣̇зна вияа, д̇хаммассаванаарожанасад̣̇д̣̇зна вияа жа ‘‘аяяз’’д̇и сад̣̇д̣̇ааяанд̇ияаа сад̣̇д̣̇ам̣ сун̣аад̇и. д̇асмаад̇и яасмаа охийяанам̣ наама д̣̇ассануубажаарасавануубажаараанаман̃н̃ад̇арасса виж̇аханам̣, д̇асмаа. анд̇ог̇аамз бана охийяанам̣ ваддад̇ийд̇и ааха ‘‘инд̣̇акийлаад̇иггамад̇о бадтааяаа’’д̇и аад̣̇и. д̇ад̇т̇а инд̣̇акийлаад̇иггамад̇од̇и уммаараад̇иггамад̇о. б̣ахиг̇аамзд̇и г̇аамасса б̣ахибад̣̇зсз. маг̇г̇амуул̣хаа ужжаасад̣̇д̣̇ам̣ гаронд̇ийд̇и ааха ‘‘маг̇г̇амуул̣хасад̣̇д̣̇зна вияаа’’д̇и. маг̇г̇амуул̣хам̣ авхааяанд̇асса сад̣̇д̣̇зна вияаад̇иби вад̣̇анд̇и. сад̣̇д̣̇ааяанд̇ияаад̇и сад̣̇д̣̇ам̣ гаронд̇ияаа. ‘‘сад̣̇д̣̇ассаванаад̇иггамз аабад̇д̇иязваа’’д̇и иминаа д̣̇ассануубажааро зваруубз савануубажаарз виж̇ахид̇з на рагкад̇и, ж̇ахид̇амад̇д̇зва аабад̇д̇и сан̇гхаад̣̇исзсассаад̇и д̣̇ассзд̇и.
Dassanūpacāraṃ vā savanūpacāraṃ vāti ettha dassanūpacāro nāma yattha ṭhitaṃ dutiyikā passati. Savanūpacāro nāma yattha ṭhitā maggamūḷhasaddena viya, dhammassavanārocanasaddena viya ca ‘‘ayye’’ti saddāyantiyā saddaṃ suṇāti. Tasmāti yasmā ohīyanaṃ nāma dassanūpacārasavanūpacārānamaññatarassa vijahanaṃ, tasmā. Antogāme pana ohīyanaṃ vaṭṭatīti āha ‘‘indakhīlātikkamato paṭṭhāyā’’ti ādi. Tattha indakhīlātikkamatoti ummārātikkamato. Bahigāmeti gāmassa bahipadese. Maggamūḷhā uccāsaddaṃ karontīti āha ‘‘maggamūḷhasaddena viyā’’ti. Maggamūḷhaṃ avhāyantassa saddena viyātipi vadanti. Saddāyantiyāti saddaṃ karontiyā. ‘‘Saddassavanātikkame āpattiyevā’’ti iminā dassanūpacāro evarūpe savanūpacāre vijahite na rakkhati, jahitamatteva āpatti saṅghādisesassāti dasseti.
маг̇г̇ам̣ г̇ажчанд̇ийд̇и згамаг̇г̇ам̣ г̇ажчанд̇и. сажз буримааяо ан̃н̃зна маг̇г̇зна г̇ажчанд̇и, багганд̇аа наама хонд̇и, анаабад̇д̇иязва. д̣̇виннам̣ г̇ажчанд̇ийнам̣ згаа ануб̣анд̇хид̇ум̣ асаггонд̇ий ‘‘г̇ажчад̇у аяа’’нд̇и охийяад̇и, ид̇арааби ‘‘охийяад̇у аяа’’нд̇и г̇ажчад̇и, д̣̇виннамби аабад̇д̇и. сажз бана г̇ажчанд̇ийсу буримааби ан̃н̃ам̣ маг̇г̇ам̣ г̇ан̣хаад̇и, бажчимааби ан̃н̃ам̣, згаа згиссаа багганд̇адтаанз д̇идтад̇и, д̣̇виннамби анаабад̇д̇и.
Maggaṃ gacchantīti ekamaggaṃ gacchanti. Sace purimāyo aññena maggena gacchanti, pakkantā nāma honti, anāpattiyeva. Dvinnaṃ gacchantīnaṃ ekā anubandhituṃ asakkontī ‘‘gacchatu aya’’nti ohīyati, itarāpi ‘‘ohīyatu aya’’nti gacchati, dvinnampi āpatti. Sace pana gacchantīsu purimāpi aññaṃ maggaṃ gaṇhāti, pacchimāpi aññaṃ, ekā ekissā pakkantaṭṭhāne tiṭṭhati, dvinnampi anāpatti.
‘‘сан̇гхаад̣̇исзсаа жад̇уро’’д̇и (бари. адта. 479) аяам̣ бан̃хо арун̣уг̇г̇аманз г̇ааманд̇арабарияаабаннам̣ над̣̇ибаарам̣ огганд̇абхигкуним̣ санд̇хааяа вуд̇д̇о. саа хи сагаг̇аамад̇о бажжуусасамаяз нигкамид̇ваа арун̣уг̇г̇аманагаалз вуд̇д̇аббагаарам̣ над̣̇ибаарам̣ огганд̇амад̇д̇аава рад̇д̇ивиббаваасаг̇ааманд̇аранад̣̇ибаараг̇аманаг̇ан̣амхааохийяаналагкан̣з згаббахаарзнзва жад̇уро сан̇гхаад̣̇исзсз аабаж̇ж̇ад̇и.
‘‘Saṅghādisesā caturo’’ti (pari. aṭṭha. 479) ayaṃ pañho aruṇuggamane gāmantarapariyāpannaṃ nadipāraṃ okkantabhikkhuniṃ sandhāya vutto. Sā hi sakagāmato paccūsasamaye nikkhamitvā aruṇuggamanakāle vuttappakāraṃ nadipāraṃ okkantamattāva rattivippavāsagāmantaranadipāragamanagaṇamhāohīyanalakkhaṇe ekappahāreneva caturo saṅghādisese āpajjati.
багкасан̇ганд̇ааяа ваад̇и д̇ид̇т̇ааяад̇анам̣ сан̇ганд̇ааяа. ананд̇арааязнаад̇и хад̇т̇иможанаад̣̇ианд̇арааяам̣ винаа.
Pakkhasaṅkantāya vāti titthāyatanaṃ saṅkantāya. Anantarāyenāti hatthimocanādiantarāyaṃ vinā.
згаг̇ааманд̇араг̇аманасигкаабад̣̇аван̣н̣анаа нидтид̇аа.
Ekagāmantaragamanasikkhāpadavaṇṇanā niṭṭhitā.
