| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਪੁਰਾਣ-ਟੀਕਾ • Kaṅkhāvitaraṇī-purāṇa-ṭīkā |
੩. ਏਕਗਾਮਨ੍ਤਰਗਮਨਸਿਕ੍ਖਾਪਦવਣ੍ਣਨਾ
3. Ekagāmantaragamanasikkhāpadavaṇṇanā
‘‘ਆਭੋਗਂ વਿਨਾ’’ਤਿ વੁਤ੍ਤਤ੍ਤਾ ਆਭੋਗੇ ਸਤਿ ਅਨਾਪਤ੍ਤਿ, ਇਮਸ੍ਮਿਂ ਪਨ ਸਿਕ੍ਖਾਪਦੇ ਸਮਨ੍ਤਪਾਸਾਦਿਕਾਯਂ ਉਪਚਾਰਾਤਿਕ੍ਕਮੇ ਆਪਤ੍ਤਿ વੁਤ੍ਤਾ, ਇਧ ਓਕ੍ਕਮੇ। ਦ੍વੀਸੁਪਿ વੁਤ੍ਤਂ ਅਤ੍ਥਤੋ ਏਕਮੇવ ਗਾਮਨ੍ਤਰਗਮਨਸਙ੍ਘਾਦਿਸੇਸਂ ਉਪਚਾਰਸ੍ਸ ਸਨ੍ਧਾਯ વੁਤ੍ਤਤ੍ਤਾ। ਗਣਮ੍ਹਾ ਓਹੀਯਨਸ੍ਸ વਿਰੋਧੋ। ‘‘ਅਰਞ੍ਞੇ’’ਤਿ ਇਦਂ ਅਤ੍ਥવਸੇਨ વੁਤ੍ਤਂ, ਗਾਮਨ੍ਤਰੇਪਿ ਹੋਤਿ ਏવ।
‘‘Ābhogaṃ vinā’’ti vuttattā ābhoge sati anāpatti, imasmiṃ pana sikkhāpade samantapāsādikāyaṃ upacārātikkame āpatti vuttā, idha okkame. Dvīsupi vuttaṃ atthato ekameva gāmantaragamanasaṅghādisesaṃ upacārassa sandhāya vuttattā. Gaṇamhā ohīyanassa virodho. ‘‘Araññe’’ti idaṃ atthavasena vuttaṃ, gāmantarepi hoti eva.
ਸਿਕ੍ਖਾਪਦਾ ਬੁਦ੍ਧવਰੇਨ વਣ੍ਣਿਤਾਤਿ ਗਾਥਾਯ વਸੇਨ, ਅਟ੍ਠਕਥਾਯਮ੍ਪਿ ਗਾਮਨ੍ਤਰਪਰਿਯਾਪਨ੍ਨਂ ਨਦਿਪਾਰਨ੍ਤਿ વੁਤ੍ਤਂ।
Sikkhāpadābuddhavarena vaṇṇitāti gāthāya vasena, aṭṭhakathāyampi gāmantarapariyāpannaṃ nadipāranti vuttaṃ.
ਏਕਗਾਮਨ੍ਤਰਗਮਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ekagāmantaragamanasikkhāpadavaṇṇanā niṭṭhitā.
‘‘ਛਾਦਨਪਚ੍ਚਯਾ ਪਨ ਦੁਕ੍ਕਟਂ ਆਪਜ੍ਜਤੀ’’ਤਿ ਇਦਂ –
‘‘Chādanapaccayāpana dukkaṭaṃ āpajjatī’’ti idaṃ –
‘‘ਆਪਜ੍ਜਤਿ ਗਰੁਕਂ ਸਾવਸੇਸਂ।
‘‘Āpajjati garukaṃ sāvasesaṃ;
ਛਾਦੇਤਿ ਅਨਾਦਰਿਯਂ ਪਟਿਚ੍ਚ।
Chādeti anādariyaṃ paṭicca;
ਨ ਭਿਕ੍ਖੁਨੀ ਨੋ ਚ ਫੁਸੇਯ੍ਯ વਜ੍ਜਂ।
Na bhikkhunī no ca phuseyya vajjaṃ;
ਪਞ੍ਹਾਮੇਸਾ ਕੁਸਲੇਹਿ ਚਿਨ੍ਤਿਤਾ’’ਤਿ॥ (ਪਰਿ॰ ੪੮੧) –
Pañhāmesā kusalehi cintitā’’ti. (pari. 481) –
ਇਮਾਯ વਿਰੁਜ੍ਝਤਿ। ਤਸ੍ਮਾ ਪਮਾਦਲੇਖਾ વਿਯ ਦਿਸ੍ਸਤੀਤਿ ਗવੇਸਿਤਬ੍ਬੋ ਏਤ੍ਥ ਅਤ੍ਥੋ। ਭਿਕ੍ਖੂਨਂ ਮਾਨਤ੍ਤਕਥਾਯਂ ‘‘ਪਰਿਕ੍ਖਿਤ੍ਤਸ੍ਸ વਿਹਾਰਸ੍ਸ ਪਰਿਕ੍ਖੇਪਤੋ, ਅਪਰਿਕ੍ਖਿਤ੍ਤਸ੍ਸ ਪਰਿਕ੍ਖੇਪਾਰਹਟ੍ਠਾਨਤੋ ਦ੍વੇ ਲੇਡ੍ਡੁਪਾਤੇ ਅਤਿਕ੍ਕਮਿਤ੍વਾ’’ਤਿ (ਕਙ੍ਖਾ॰ ਅਟ੍ਠ॰ ਨਿਗਮਨવਣ੍ਣਨਾ) વੁਤ੍ਤਂ, ਇਧ ਪਨ ‘‘ਗਾਮੂਪਚਾਰਤੋ ਚ ਭਿਕ੍ਖੂਨਂ વਿਹਾਰੂਪਚਾਰਤੋ ਚ ਦ੍વੇ ਲੇਡ੍ਡੁਪਾਤੇ’’ਤਿਆਦਿ વੁਤ੍ਤਂ। ਤਤ੍ਰ ਭਿਕ੍ਖੂਨਂ વੁਤ੍ਤਪ੍ਪਕਾਰਪ੍ਪਦੇਸਂ ਅਤਿਕ੍ਕਮਿਤ੍વਾ ਗਾਮੇਪਿ ਤਂ ਕਮ੍ਮਂ ਕਾਤੁਂ વਟ੍ਟਤਿ, ਭਿਕ੍ਖੁਨੀਨਂ ਪਨ ਗਾਮੇ ਨ વਟ੍ਟਤਿ। ਤਸ੍ਮਾ ਏવਂ વੁਤ੍ਤਨ੍ਤਿ ਏਕੇ। ਅਪਰੇ ਪਨ ਭਿਕ੍ਖੂਨਮ੍ਪਿ ਗਾਮੇ ਨ વਟ੍ਟਤਿ। ਭਿਕ੍ਖੁવਿਹਾਰੋ ਨਾਮ ਪੁਬ੍ਬੇ ਏવ ਗਾਮੂਪਚਾਰਂ ਅਤਿਕ੍ਕਮਿਤ੍વਾ ਠਿਤੋ, ਤਸ੍ਮਾ ਗਾਮਂ ਅવਤ੍વਾ વਿਹਾਰੂਪਚਾਰਮੇવ ਹੇਟ੍ਠਾ વੁਤ੍ਤਂ। ਭਿਕ੍ਖੁਨੀਨਂ વਿਹਾਰੋ ਗਾਮੇ ਏવ વਟ੍ਟਤਿ, ਨ ਬਹਿ, ਤਸ੍ਮਾ ਗਾਮੂਪਚਾਰਞ੍ਚ વਿਹਾਰੂਪਚਾਰਞ੍ਚ ਉਭਯਮੇવੇਤ੍ਥ ਦਸ੍ਸਿਤਂ। ਤਸ੍ਮਾ ਉਭਯਤ੍ਥਾਪਿ ਅਤ੍ਥਤੋ ਨਾਨਾਤ੍ਤਂ ਨਤ੍ਥੀਤਿ વਦਨ੍ਤਿ। ਯਂ ਯੁਜ੍ਜਤਿ, ਤਂ ਗਹੇਤਬ੍ਬਂ।
Imāya virujjhati. Tasmā pamādalekhā viya dissatīti gavesitabbo ettha attho. Bhikkhūnaṃ mānattakathāyaṃ ‘‘parikkhittassa vihārassa parikkhepato, aparikkhittassa parikkhepārahaṭṭhānato dve leḍḍupāte atikkamitvā’’ti (kaṅkhā. aṭṭha. nigamanavaṇṇanā) vuttaṃ, idha pana ‘‘gāmūpacārato ca bhikkhūnaṃ vihārūpacārato ca dve leḍḍupāte’’tiādi vuttaṃ. Tatra bhikkhūnaṃ vuttappakārappadesaṃ atikkamitvā gāmepi taṃ kammaṃ kātuṃ vaṭṭati, bhikkhunīnaṃ pana gāme na vaṭṭati. Tasmā evaṃ vuttanti eke. Apare pana bhikkhūnampi gāme na vaṭṭati. Bhikkhuvihāro nāma pubbe eva gāmūpacāraṃ atikkamitvā ṭhito, tasmā gāmaṃ avatvā vihārūpacārameva heṭṭhā vuttaṃ. Bhikkhunīnaṃ vihāro gāme eva vaṭṭati, na bahi, tasmā gāmūpacārañca vihārūpacārañca ubhayamevettha dassitaṃ. Tasmā ubhayatthāpi atthato nānāttaṃ natthīti vadanti. Yaṃ yujjati, taṃ gahetabbaṃ.
ਸਙ੍ਘਾਦਿਸੇਸવਣ੍ਣਨਾ ਨਿਟ੍ਠਿਤਾ।
Saṅghādisesavaṇṇanā niṭṭhitā.
