| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
руубавибхад̇д̇и
Rūpavibhatti
згаганид̣̇д̣̇зсаван̣н̣анаа
Ekakaniddesavaṇṇanā
594. авиж̇ж̇амаанавибхааг̇асса вибхааг̇аабхаавад̣̇ассанамзва нид̣̇д̣̇зсо нижчаяагаран̣ад̇о, д̇асмаа ‘‘саб̣б̣ам̣ руубам̣ на хзд̇умзваа’’д̇иаад̣̇инаа вибхааг̇аабхааваавад̇хааран̣зна зва-сад̣̇д̣̇зна нид̣̇д̣̇зсам̣ гарод̇и. хзд̇ухзд̇ууд̇и муулахзд̇у, хзд̇убажжаяахзд̇ууд̇и ваа аяамад̇т̇о. махаабхууд̇аа хзд̇ууд̇и аяамзвад̇т̇о махаабхууд̇аа бажжаяод̇и зд̇знаби вуд̇д̇од̇и. хзд̇убажжаяасад̣̇д̣̇аанам̣ самаанад̇т̇ад̇д̇аа бажжаяо зва хзд̇у бажжаяахзд̇у. яо жа руубагканд̇хасса хзд̇у, со зва д̇асса бан̃н̃аабанааяа хзд̇ууд̇и вуд̇д̇о д̇ад̣̇абхаавз абхаавад̇о. ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо вибааганд̇и зд̇т̇а виж̇ж̇амаанзсуби ан̃н̃зсу бажжаязсу идтаанидтавибааганияаамагад̇д̇аа уд̇д̇амам̣ бад̇хаанам̣ гусалаагусалам̣ г̇ад̇иубад̇хигааалабаяог̇асамбад̇д̇ивибад̇д̇идтаананибпаад̣̇ид̇ам̣ идтаанидтаарамман̣ан̃жа гаммамива бад̇хаанад̇д̇аа ‘‘хзд̇уу’’д̇и вуд̇д̇анд̇и иминаа ад̇хиббааязна гаммаарамман̣аани ‘‘уд̇д̇амахзд̇уу’’д̇и вуд̇д̇аани. вагкад̇и жа ‘‘г̇ад̇иубад̇хигаалабаяог̇аа вибаагасса таанам̣, гаммам̣ хзд̇уу’’д̇и. ид̇ха бана гаммамива уд̇д̇амад̇д̇аа аарамман̣амби хзд̇уважанам̣ арахад̇ийд̇и ‘‘уд̇д̇амахзд̇уу’’д̇и вуд̇д̇ам̣. сан̇каараананд̇и бун̃н̃аабхисан̇каараад̣̇ийнам̣ авиж̇ж̇аа саад̇хааран̣абажжаяад̇д̇аа ‘‘хзд̇уу’’д̇и вуд̇д̇аа. парад̇ийд̇и г̇ажчад̇и баабун̣аад̇и. бадигкзбанид̣̇д̣̇зсод̇и ид̣̇ам̣ маад̇игааяа ааг̇ад̇абадигкзбавасзна вуд̇д̇ам̣. ид̇ха бана маад̇игааяа на хзд̇убад̣̇аад̣̇исан̇г̇ахид̇ад̇аа жа руубасса вуд̇д̇аа д̇ам̣д̇ам̣сабхаавад̇д̇аа, авад̇хаарид̇ад̇аа жа анан̃н̃асабхаавад̇о.
594. Avijjamānavibhāgassa vibhāgābhāvadassanameva niddeso nicchayakaraṇato, tasmā ‘‘sabbaṃ rūpaṃ na hetumevā’’tiādinā vibhāgābhāvāvadhāraṇena eva-saddena niddesaṃ karoti. Hetuhetūti mūlahetu, hetupaccayahetūti vā ayamattho. Mahābhūtā hetūti ayamevattho mahābhūtā paccayoti etenapi vuttoti. Hetupaccayasaddānaṃ samānatthattā paccayo eva hetu paccayahetu. Yo ca rūpakkhandhassa hetu, so eva tassa paññāpanāya hetūti vutto tadabhāve abhāvato. Atītānāgatapaccuppannānaṃ kammasamādānānaṃ ṭhānaso hetuso vipākanti ettha vijjamānesupi aññesu paccayesu iṭṭhāniṭṭhavipākaniyāmakattā uttamaṃ padhānaṃ kusalākusalaṃ gatiupadhikaālapayogasampattivipattiṭṭhānanipphāditaṃ iṭṭhāniṭṭhārammaṇañca kammamiva padhānattā ‘‘hetū’’ti vuttanti iminā adhippāyena kammārammaṇāni ‘‘uttamahetū’’ti vuttāni. Vakkhati ca ‘‘gatiupadhikālapayogā vipākassa ṭhānaṃ, kammaṃ hetū’’ti. Idha pana kammamiva uttamattā ārammaṇampi hetuvacanaṃ arahatīti ‘‘uttamahetū’’ti vuttaṃ. Saṅkhārānanti puññābhisaṅkhārādīnaṃ avijjā sādhāraṇapaccayattā ‘‘hetū’’ti vuttā. Pharatīti gacchati pāpuṇāti. Paṭikkhepaniddesoti idaṃ mātikāya āgatapaṭikkhepavasena vuttaṃ. Idha pana mātikāya na hetupadādisaṅgahitatā ca rūpassa vuttā taṃtaṃsabhāvattā, avadhāritatā ca anaññasabhāvato.
руубийд̣̇угз руубийбад̣̇амзва ид̇ха ‘‘рууба’’нд̇и вуд̇д̇ам̣. д̇зна руубийруубабад̣̇аанам̣ згад̇т̇ад̇аа сид̣̇д̇хаа ход̇и руббаналагкан̣аяуд̇д̇ассзва руубийруубабхаавад̇о. уббаннам̣ чахи вин̃н̃аан̣зхи вин̃н̃зяяанд̇и аруубад̇о вид̇хурам̣ руубасса сабхаавам̣ д̣̇ассзд̇и. на хи аруубам̣ уббаннам̣ чахи вин̃н̃аан̣зхи вин̃н̃зяяам̣ яат̇аа руубам̣, д̇зна руубам̣ уббаннам̣ чахи вин̃н̃аан̣зхи вин̃н̃зяяам̣, на аруубанд̇и аруубад̇о нивад̇д̇зд̇ваа руубз зва зд̇ам̣ сабхаавам̣ нияамзд̇и, на руубам̣ зд̇асмим̣ сабхаавз. ад̇т̇и хи руубам̣ ад̇ийд̇аанааг̇ад̇ам̣ яам̣ уббаннам̣ чахи вин̃н̃аан̣зхи вин̃н̃зяяасабхаавам̣ на ход̇ийд̇и. зд̇амзва жа нияамам̣ буна звасад̣̇д̣̇зна нияамзд̇и ‘‘яат̇аавуд̇д̇о нияамо руубз ад̇т̇и зва, аруубз вияа на над̇т̇ий’’д̇и. ат̇а ваа саб̣б̣ам̣ руубанд̇и бхууд̇убаад̣̇ааяаруубам̣ гаалабхзд̣̇ам̣ анаамасид̇ваа ‘‘саб̣б̣а’’нд̇и вуд̇д̇ам̣, д̇ам̣ саб̣б̣ам̣ аруубзхи самаанавин̃н̃зяяасабхаавам̣ ад̇ийд̇аанааг̇ад̇ам̣ нивад̇д̇зд̇ум̣ уббаннанд̇и зд̇зна висзсзд̇и, д̇ам̣ уббаннам̣ саб̣б̣ам̣ руубам̣ чахи вин̃н̃аан̣зхи вин̃н̃зяяамзваад̇и ад̇т̇о.
Rūpīduke rūpīpadameva idha ‘‘rūpa’’nti vuttaṃ. Tena rūpīrūpapadānaṃ ekatthatā siddhā hoti ruppanalakkhaṇayuttasseva rūpīrūpabhāvato. Uppannaṃ chahi viññāṇehi viññeyyanti arūpato vidhuraṃ rūpassa sabhāvaṃ dasseti. Na hi arūpaṃ uppannaṃ chahi viññāṇehi viññeyyaṃ yathā rūpaṃ, tena rūpaṃ uppannaṃ chahi viññāṇehi viññeyyaṃ, na arūpanti arūpato nivattetvā rūpe eva etaṃ sabhāvaṃ niyameti, na rūpaṃ etasmiṃ sabhāve. Atthi hi rūpaṃ atītānāgataṃ yaṃ uppannaṃ chahi viññāṇehi viññeyyasabhāvaṃ na hotīti. Etameva ca niyamaṃ puna evasaddena niyameti ‘‘yathāvutto niyamo rūpe atthi eva, arūpe viya na natthī’’ti. Atha vā sabbaṃ rūpanti bhūtupādāyarūpaṃ kālabhedaṃ anāmasitvā ‘‘sabba’’nti vuttaṃ, taṃ sabbaṃ arūpehi samānaviññeyyasabhāvaṃ atītānāgataṃ nivattetuṃ uppannanti etena viseseti, taṃ uppannaṃ sabbaṃ rūpaṃ chahi viññāṇehi viññeyyamevāti attho.
нану звам̣ руубааяад̇анассаби сод̇авин̃н̃аан̣аад̣̇ийхи вин̃н̃зяяад̇аа аабаж̇ж̇ад̇ийд̇и? наабаж̇ж̇ад̇и руубам̣ саб̣б̣ам̣ самбин̣д̣зд̇ваа зганд̇алагкан̣ад̣̇ассанавасзна згийбхаавзна г̇ахзд̇ваа аруубад̇о вид̇хурасса чахи вин̃н̃аан̣зхи вин̃н̃зяяасабхаавасса д̣̇ассанад̇о. бажжуббаннаруубамзва чахи вин̃н̃аан̣зхи вин̃н̃зяяанд̇и зд̇асмим̣ бана нияамз ‘‘саб̣б̣ам̣ рууба’’нд̇и зд̇т̇ааяам̣ вин̃н̃зяяабхааванияамо на вуд̇д̇о, ат̇а ко бажжуббаннанд̇и саб̣б̣аруубасса зганд̇алагкан̣анияамо д̣̇ассид̇о на сияаа. баал̣ияан̃жа вин̃н̃зяяамзваад̇и зва-гааро вуд̇д̇о, на уббаннамзваад̇и. д̇асмаа уббаннассзва мановин̃н̃зяяанияамаабад̇д̇и над̇т̇ийд̇и гим̣ сод̇абад̇ид̇ад̇д̇зна, д̇асмаа вуд̇д̇анаязнад̇т̇о яож̇зд̇аб̣б̣о.
Nanu evaṃ rūpāyatanassapi sotaviññāṇādīhi viññeyyatā āpajjatīti? Nāpajjati rūpaṃ sabbaṃ sampiṇḍetvā ekantalakkhaṇadassanavasena ekībhāvena gahetvā arūpato vidhurassa chahi viññāṇehi viññeyyasabhāvassa dassanato. Paccuppannarūpameva chahi viññāṇehi viññeyyanti etasmiṃ pana niyame ‘‘sabbaṃ rūpa’’nti etthāyaṃ viññeyyabhāvaniyamo na vutto, atha kho paccuppannanti sabbarūpassa ekantalakkhaṇaniyamo dassito na siyā. Pāḷiyañca viññeyyamevāti eva-kāro vutto, na uppannamevāti. Tasmā uppannasseva manoviññeyyaniyamāpatti natthīti kiṃ sotapatitattena, tasmā vuttanayenattho yojetabbo.
гат̇ам̣вид̇ханд̇и г̇ун̣зхи гат̇ам̣ сан̣тид̇ам̣. н̃аан̣амзва н̃аан̣авад̇т̇у. самаанаж̇аад̇игаанам̣ сан̇г̇ахо, самаанаж̇аад̇ияаа ваа сан̇г̇ахо саж̇аад̇исан̇г̇ахо. сан̃ж̇ааяанд̇и зд̇т̇аад̇и сан̃ж̇аад̇и, сан̃ж̇аад̇ияаа сан̇г̇ахо сан̃ж̇аад̇исан̇г̇ахо, сан̃ж̇аад̇ид̣̇зсзна сан̇г̇аход̇и ад̇т̇о. ан̃н̃аман̃н̃обагааравасзна авиббаяог̇зна жа самаад̇хид̣̇зсз ж̇аад̇аа саммаасад̇иаад̣̇аяо самаад̇хигканд̇хз сан̇г̇ахид̇аа. яад̇т̇а жа сад̇иаад̣̇исахааяавад̇о самаад̇хисса ад̇д̇ано гижжагаран̣ам̣, со жид̇д̇уббаад̣̇о самаад̇хид̣̇зсо. саммаасан̇габбасса жа аббанаабхаавад̇о бадивзд̇хасад̣̇исам̣ гижжанд̇и самаанзна бадивзд̇хагижжзна д̣̇идтисан̇габбаа бан̃н̃агканд̇хз сан̇г̇ахид̇аа.
Kathaṃvidhanti guṇehi kathaṃ saṇṭhitaṃ. Ñāṇameva ñāṇavatthu. Samānajātikānaṃ saṅgaho, samānajātiyā vā saṅgaho sajātisaṅgaho. Sañjāyanti etthāti sañjāti, sañjātiyā saṅgaho sañjātisaṅgaho, sañjātidesena saṅgahoti attho. Aññamaññopakāravasena avippayogena ca samādhidese jātā sammāsatiādayo samādhikkhandhe saṅgahitā. Yattha ca satiādisahāyavato samādhissa attano kiccakaraṇaṃ, so cittuppādo samādhideso. Sammāsaṅkappassa ca appanābhāvato paṭivedhasadisaṃ kiccanti samānena paṭivedhakiccena diṭṭhisaṅkappā paññakkhandhe saṅgahitā.
руубавибхад̇д̇изгаганид̣̇д̣̇зсаван̣н̣анаа нидтид̇аа.
Rūpavibhattiekakaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / руубавибхад̇д̇изгаганид̣̇д̣̇зсаван̣н̣анаа • Rūpavibhattiekakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / згаганид̣̇д̣̇зсаван̣н̣анаа • Ekakaniddesavaṇṇanā
