| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
руубавибхад̇д̇и
Rūpavibhatti
згаганид̣̇д̣̇зсаван̣н̣анаа
Ekakaniddesavaṇṇanā
594. бат̇авийаад̣̇ийнам̣ д̇хаммаанам̣ руббанасабхааво вияа на хзд̇уаад̣̇ибхаавоби саад̇хааран̣од̇и на хзд̇уусу вибхаж̇ид̇аб̣б̣од̇и вуд̇д̇ам̣ ‘‘авиж̇ж̇амаанавибхааг̇ассаа’’д̇и. д̇асса бана вибхааг̇аабхаавад̣̇ассанасаруубад̣̇ассанамзва нид̣̇д̣̇зсо. зван̃жа гад̇ваа ниб̣б̣аанассаби вибхааг̇арахид̇ад̇д̇аа ‘‘асан̇кад̇аа д̇хаад̇уу’’д̇и зд̇д̇агамзва нид̣̇д̣̇зсавасзна вуд̇д̇ам̣.
594. Pathavīādīnaṃ dhammānaṃ ruppanasabhāvo viya na hetuādibhāvopi sādhāraṇoti na hetūsu vibhajitabboti vuttaṃ ‘‘avijjamānavibhāgassā’’ti. Tassa pana vibhāgābhāvadassanasarūpadassanameva niddeso. Evañca katvā nibbānassapi vibhāgarahitattā ‘‘asaṅkhatā dhātū’’ti ettakameva niddesavasena vuttaṃ.
яад̣̇иби хинод̇и зд̇зна бад̇идтаад̇и гусалаад̣̇иго д̇хаммод̇и алобхаад̣̇аяо гзвалам̣ хзд̇убад̣̇аважанийяаа, гааран̣абхаавасааман̃н̃ад̇о бана махаабхууд̇аад̣̇аяоби хзд̇у-сад̣̇д̣̇аабхид̇хзяяаад̇и мууладтаваажинаа д̣̇уд̇иязна хзд̇у-сад̣̇д̣̇зна висзсзд̇ваа ааха ‘‘хзд̇ухзд̇уу’’д̇и. суббад̇идтид̇абхаавасаад̇ханад̇о гусалаад̣̇ид̇хаммаанам̣ муулад̇т̇зна убагаарагад̇хаммаа ‘‘д̇аяо гусалахзд̇уу’’д̇иаад̣̇инаа (д̇ха. са. 1059-1060) бадтаанз жа д̇зязва ‘‘хзд̇убажжаяо’’д̇и вуд̇д̇аад̇и ааха ‘‘муулахзд̇у бажжаяахзд̇ууд̇и ваа аяамад̇т̇о’’д̇и. хинод̇и зд̇зна, зд̇асмаа ваа палам̣ бавад̇д̇ад̇ийд̇и хзд̇у, бадижжа зд̇асмаа зд̇и бавад̇д̇ад̇ийд̇и бажжаяод̇и звам̣ хзд̇убажжаяа-сад̣̇д̣̇аанам̣ анаанад̇т̇ад̇ам̣ санд̇хааяа хзд̇усад̣̇д̣̇абарияааяабхаавзна бажжаяа-сад̣̇д̣̇о вуд̇д̇од̇и ааха ‘‘хзд̇убажжаяасад̣̇д̣̇аанам̣ самаанад̇т̇ад̇д̇аа’’д̇и. бхууд̇ад̇д̇аяаниссид̇аани жа махаабхууд̇аани жад̇умахаабхууд̇аниссид̇ам̣ убаад̣̇ааруубанд̇и саб̣б̣амби руубам̣ саб̣б̣ад̣̇аа саб̣б̣ад̇т̇а саб̣б̣аагаарам̣ жад̇умахаабхууд̇ахзд̇угам̣ махаабхууд̇аани жа анаамадтабхзд̣̇аани сааман̃н̃ад̇о г̇ахид̇аанийд̇и вуд̇д̇ам̣ ‘‘руубагканд̇хасса хзд̇уу’’д̇и.
Yadipi hinoti etena patiṭṭhāti kusalādiko dhammoti alobhādayo kevalaṃ hetupadavacanīyā, kāraṇabhāvasāmaññato pana mahābhūtādayopi hetu-saddābhidheyyāti mūlaṭṭhavācinā dutiyena hetu-saddena visesetvā āha ‘‘hetuhetū’’ti. Suppatiṭṭhitabhāvasādhanato kusalādidhammānaṃ mūlatthena upakārakadhammā ‘‘tayo kusalahetū’’tiādinā (dha. sa. 1059-1060) paṭṭhāne ca teyeva ‘‘hetupaccayo’’ti vuttāti āha ‘‘mūlahetu paccayahetūti vā ayamattho’’ti. Hinoti etena, etasmā vā phalaṃ pavattatīti hetu, paṭicca etasmā eti pavattatīti paccayoti evaṃ hetupaccaya-saddānaṃ anānatthataṃ sandhāya hetusaddapariyāyabhāvena paccaya-saddo vuttoti āha ‘‘hetupaccayasaddānaṃ samānatthattā’’ti. Bhūtattayanissitāni ca mahābhūtāni catumahābhūtanissitaṃ upādārūpanti sabbampi rūpaṃ sabbadā sabbattha sabbākāraṃ catumahābhūtahetukaṃ mahābhūtāni ca anāmaṭṭhabhedāni sāmaññato gahitānīti vuttaṃ ‘‘rūpakkhandhassa hetū’’ti.
гаммасамаад̣̇аанаананд̇и самаад̣̇аанаанам̣ гаммаанам̣, самаад̣̇ияид̇ваа гад̇агаммаанам̣ ваа. ан̃н̃зсу бажжаязсу вибаагасса д̇ан̣хаавиж̇ж̇аад̣̇ийсу.
Kammasamādānānanti samādānānaṃ kammānaṃ, samādiyitvā katakammānaṃ vā. Aññesu paccayesu vipākassa taṇhāvijjādīsu.
‘‘адтаанамзд̇ам̣, бхигкавз, анавагаасо, яам̣ гааяад̣̇ужжарид̇асса идто ганд̇о манаабо вибааго ниб̣б̣ад̇д̇зяяа, нзд̇ам̣ таанам̣ виж̇ж̇ад̇и. таанан̃жа ко зд̇ам̣, бхигкавз, виж̇ж̇ад̇и, яам̣ гааяад̣̇ужжарид̇асса анидто аганд̇о аманаабо вибааго ниб̣б̣ад̇д̇зяяа. таанамзд̇ам̣ виж̇ж̇ад̇и. важий…бз… мано…бз… виж̇ж̇ад̇и…бз… адтаанамзд̇ам̣, бхигкавз, анавагаасо, яам̣ гааяасужарид̇асса анидто аганд̇о аманаабо вибааго ниб̣б̣ад̇д̇зяяаа’’д̇и (ма. ни. 3.131; вибха. 809),
‘‘Aṭṭhānametaṃ, bhikkhave, anavakāso, yaṃ kāyaduccaritassa iṭṭho kanto manāpo vipāko nibbatteyya, netaṃ ṭhānaṃ vijjati. Ṭhānañca kho etaṃ, bhikkhave, vijjati, yaṃ kāyaduccaritassa aniṭṭho akanto amanāpo vipāko nibbatteyya. Ṭhānametaṃ vijjati. Vacī…pe… mano…pe… vijjati…pe… aṭṭhānametaṃ, bhikkhave, anavakāso, yaṃ kāyasucaritassa aniṭṭho akanto amanāpo vipāko nibbatteyyā’’ti (ma. ni. 3.131; vibha. 809),
‘‘гаммам̣ сад̇д̇з вибхаж̇ад̇и, яад̣̇ид̣̇ам̣ хийнабан̣ийд̇ад̇ааяаа’’д̇и (ма. ни. 3.289) – звамаад̣̇иважанад̇о гаммам̣ вибаагасса идтаанидтад̇ам̣ нияамзд̇ийд̇и ааха ‘‘идтаанидтавибааганияаамагад̇д̇аа’’д̇и. г̇ад̇иубад̇хигаалабаяог̇асамбад̇д̇ивибад̇д̇ияоязва таанам̣ вибаагасса огаасабхаавад̇о. на хи д̇зхи винаа гожи вибааго ниб̣б̣ад̇д̇ад̇ийд̇и. яат̇аавуд̇д̇адтаанз сад̇и ад̇хиг̇анд̇аб̣б̣ам̣ идтаанидтаарамман̣ам̣ ‘‘г̇ад̇и…бз… нибпаад̣̇ид̇а’’нд̇и вуд̇д̇ам̣. вибаагасса аарамман̣зна винаа абхаавад̇о аарамман̣амби д̇асса бад̇хаанам̣ гааран̣ам̣. анан̃н̃асабхаавад̇од̇и хзд̇уаад̣̇исабхааваабхаавад̇о.
‘‘Kammaṃ satte vibhajati, yadidaṃ hīnapaṇītatāyā’’ti (ma. ni. 3.289) – evamādivacanato kammaṃ vipākassa iṭṭhāniṭṭhataṃ niyametīti āha ‘‘iṭṭhāniṭṭhavipākaniyāmakattā’’ti. Gatiupadhikālapayogasampattivipattiyoyeva ṭhānaṃ vipākassa okāsabhāvato. Na hi tehi vinā koci vipāko nibbattatīti. Yathāvuttaṭṭhāne sati adhigantabbaṃ iṭṭhāniṭṭhārammaṇaṃ ‘‘gati…pe… nipphādita’’nti vuttaṃ. Vipākassa ārammaṇena vinā abhāvato ārammaṇampi tassa padhānaṃ kāraṇaṃ. Anaññasabhāvatoti hetuādisabhāvābhāvato.
руббанам̣ руубам̣. д̇ам̣ асса ад̇т̇ийд̇и зд̇т̇а ‘‘ассаа’’д̇и вужжамаано бат̇авийаад̣̇иад̇т̇оязва руббад̇ийд̇иби вужжад̇ийд̇и ааха ‘‘руббаналагкан̣аяуд̇д̇ассзва руубийруубабхаавад̇о’’д̇и. зд̇ам̣ сабхааванд̇и зд̇ам̣ уббаннабхаавз сад̇и чахи вин̃н̃аан̣зхи вин̃н̃зяяасабхаавам̣ руубз нияамзд̇и руубассзва д̇ам̣сабхаавад̇д̇аа. на руубам̣ зд̇асминд̇и гаалабхзд̣̇авасзна ад̇ам̣сабхаавассаби руубасса ад̇т̇ид̇ааяа на руубам̣ д̇ад̇т̇а нияанд̇аб̣б̣анд̇и д̣̇ассзд̇и. ад̇т̇и хийд̇иаад̣̇инаа д̇ад̇т̇а руубассзва нияанд̇аб̣б̣ад̇аабхаавам̣язва виварад̇и. зд̇амзваад̇иаад̣̇инаа уд̣̇д̣̇зсзна нид̣̇д̣̇зсам̣ сам̣санд̣̇зд̇и. зд̇т̇а зд̇амзва руубз яат̇аавуд̇д̇асабхаавам̣ нияамзд̇аб̣б̣ам̣ нид̣̇д̣̇зсз зва-сад̣̇д̣̇зна нияамзд̇и авад̇хаарзд̇ийд̇и ад̇т̇о. яат̇аавуд̇д̇о нияамод̇и уббаннабхаавз сад̇и чахи вин̃н̃аан̣зхи вин̃н̃зяяабхааво нияанд̇аб̣б̣ад̇ааяа ‘‘нияамо’’д̇и вуд̇д̇о, со руубз ад̇т̇и зва руубассзва д̇ам̣сабхаавад̇д̇аа. висидтагааласса вуд̇д̇аббагаарам̣ авад̇хааран̣ам̣язва ваа яат̇аавуд̇д̇о нияамо, со руубз ад̇т̇иязва самбхавад̇иязва, на аруубз вияа на самбхавад̇ийд̇и ад̇т̇о д̣̇адтаб̣б̣о. гаалабхзд̣̇анд̇и гаалависзсам̣. анаамасид̇ваад̇и аг̇г̇ахзд̇ваа. д̇ам̣ саб̣б̣анд̇и анаамадтагаалабхзд̣̇ам̣ д̇ад̇оязва аруубзхи самаанавин̃н̃зяяасабхаавам̣ саб̣б̣ам̣ руубам̣. уббаннанд̇и зд̇зна гаалабхзд̣̇аамасанзна висзсзд̇и ‘‘уббаннам̣…бз… мзваа’’д̇и.
Ruppanaṃ rūpaṃ. Taṃ assa atthīti ettha ‘‘assā’’ti vuccamāno pathavīādiatthoyeva ruppatītipi vuccatīti āha ‘‘ruppanalakkhaṇayuttasseva rūpīrūpabhāvato’’ti. Etaṃ sabhāvanti etaṃ uppannabhāve sati chahi viññāṇehi viññeyyasabhāvaṃ rūpe niyameti rūpasseva taṃsabhāvattā. Na rūpaṃ etasminti kālabhedavasena ataṃsabhāvassapi rūpassa atthitāya na rūpaṃ tattha niyantabbanti dasseti. Atthi hītiādinā tattha rūpasseva niyantabbatābhāvaṃyeva vivarati. Etamevātiādinā uddesena niddesaṃ saṃsandeti. Ettha etameva rūpe yathāvuttasabhāvaṃ niyametabbaṃ niddese eva-saddena niyameti avadhāretīti attho. Yathāvutto niyamoti uppannabhāve sati chahi viññāṇehi viññeyyabhāvo niyantabbatāya ‘‘niyamo’’ti vutto, so rūpe atthi eva rūpasseva taṃsabhāvattā. Visiṭṭhakālassa vuttappakāraṃ avadhāraṇaṃyeva vā yathāvutto niyamo, so rūpe atthiyeva sambhavatiyeva, na arūpe viya na sambhavatīti attho daṭṭhabbo. Kālabhedanti kālavisesaṃ. Anāmasitvāti aggahetvā. Taṃ sabbanti anāmaṭṭhakālabhedaṃ tatoyeva arūpehi samānaviññeyyasabhāvaṃ sabbaṃ rūpaṃ. Uppannanti etena kālabhedāmasanena viseseti ‘‘uppannaṃ…pe… mevā’’ti.
вад̇д̇амаанагаалигам̣ саб̣б̣ам̣ руубам̣ д̣̇идтасуд̇амуд̇авин̃н̃аад̇асабхаавам̣, д̇ам̣ яат̇аасагам̣ чахи вин̃н̃аан̣зхи вин̃н̃зяяасабхаавамзва, на д̇зхи авин̃н̃зяяам̣. нааби уббаннамзва чахи вин̃н̃аан̣зхи вин̃н̃зяяасабхаавам̣ зганд̇алагкан̣анияамаабхааваабад̇д̇ид̇од̇и звам̣ авибарийд̇з ад̇т̇з вибхаавид̇зби жод̣̇аго ад̇хиббааяам̣ аж̇аананд̇о ‘‘нану зва’’нд̇иаад̣̇инаа саб̣б̣асса саб̣б̣аарамман̣ад̇аабад̇д̇им̣ жод̣̇зд̇и. ид̇аро ‘‘руубам̣ саб̣б̣ам̣ самбин̣д̣зд̇ваа’’д̇иаад̣̇инаа ад̇д̇ано ад̇хиббааяам̣ вибхаавзд̇и. зд̇т̇а згийбхаавзна г̇ахзд̇ваад̇и ид̣̇ам̣ ‘‘самбин̣д̣зд̇ваа’’д̇и зд̇асса ад̇т̇аважанам̣. зганд̇алагкан̣ам̣ чахи вин̃н̃аан̣зхи вин̃н̃зяяасабхаавоязва. ид̣̇ам̣ вуд̇д̇ам̣ ход̇и – гин̃жааби бан̃жаннам̣ вин̃н̃аан̣аанам̣ висаяанд̇арз аббавад̇д̇анад̇о на саб̣б̣асса саб̣б̣аарамман̣ад̇аа, саб̣б̣ассаби бана руубасса чавин̃н̃аан̣аарамман̣абхаавад̇о яат̇аасагам̣ чахи вин̃н̃аан̣зхи вин̃н̃зяяад̇ааяа чахи вин̃н̃аан̣зхи вин̃н̃зяяад̇аава ад̇т̇и, д̇ам̣ згад̇о сан̇г̇ахан̣авасзна г̇ахзд̇ваа ‘‘уббаннам̣ саб̣б̣ам̣ руубам̣ чахи вин̃н̃аан̣зхи вин̃н̃зяяа’’нд̇и вуд̇д̇ам̣ яат̇аа ‘‘абхин̃н̃ааббад̇д̇ам̣ бан̃жамаж̇жхаанам̣ чал̣аарамман̣ам̣ ход̇ий’’д̇и. яат̇аа хи д̣̇иб̣б̣ажагкуд̣̇иб̣б̣асод̇аад̣̇иабхин̃н̃ааббад̇д̇асса бан̃жамаж̇жхаанасса висум̣ асаб̣б̣аарамман̣ад̇д̇зби зганд̇алагкан̣авасзна згийбхаавзна г̇ахзд̇ваа аарамман̣авасзна батамаж̇жхаанаад̣̇ид̇о висзсам̣ д̣̇ассзд̇ум̣ ‘‘абхин̃н̃ааббад̇д̇ам̣ бан̃жамаж̇жхаанам̣ чал̣аарамман̣ам̣ ход̇ий’’д̇и вужжад̇и, звам̣ аруубад̇о руубасса висаяавасзна висзсам̣ д̣̇ассзд̇ум̣ ‘‘убба …бз… вин̃н̃зяяа’’нд̇и вуд̇д̇анд̇и. чахи вин̃н̃аан̣зхи вин̃н̃зяяабхааво руубз нияамзд̇аб̣б̣о, на бана руубам̣ д̇асмим̣ нияамзд̇аб̣б̣ам̣, анияад̇ад̣̇зсо жа зва-сад̣̇д̣̇од̇и адтагат̇ааяам̣ (д̇ха. са. адда. 594) ‘‘бажжуббаннаруубамзва жагкувин̃н̃аан̣аад̣̇ийхи чахи взд̣̇ид̇аб̣б̣а’’нд̇и вуд̇д̇ам̣. ‘‘бажжуббаннаруубамзваа’’д̇иаад̣̇инаа д̇ад̇т̇а д̣̇осамааха. д̇асмаад̇и яасмаа баал̣ияам̣ вин̃н̃зяяамзваад̇и зва-сад̣̇д̣̇о вуд̇д̇о, на жа д̇асса адтаанаяож̇анзна гаажи идтасид̣̇д̇хи, ат̇а ко анидтасид̣̇д̇хиязва саб̣б̣аруубасса зганд̇алагкан̣анияамаад̣̇ассанад̇о, д̇асмаа. яат̇ааруд̇авасзнзва нияамз г̇аяхамаанз убба…бз… бад̇д̇и над̇т̇и, д̇ад̇о жа сод̇абад̇ид̇ад̇ааяаби баяож̇анам̣ над̇т̇ийд̇и. вуд̇д̇анаязнаад̇и ‘‘аруубад̇о вид̇хура’’нд̇иаад̣̇инаа вуд̇д̇анаязна.
Vattamānakālikaṃ sabbaṃ rūpaṃ diṭṭhasutamutaviññātasabhāvaṃ, taṃ yathāsakaṃ chahi viññāṇehi viññeyyasabhāvameva, na tehi aviññeyyaṃ. Nāpi uppannameva chahi viññāṇehi viññeyyasabhāvaṃ ekantalakkhaṇaniyamābhāvāpattitoti evaṃ aviparīte atthe vibhāvitepi codako adhippāyaṃ ajānanto ‘‘nanu eva’’ntiādinā sabbassa sabbārammaṇatāpattiṃ codeti. Itaro ‘‘rūpaṃ sabbaṃ sampiṇḍetvā’’tiādinā attano adhippāyaṃ vibhāveti. Ettha ekībhāvena gahetvāti idaṃ ‘‘sampiṇḍetvā’’ti etassa atthavacanaṃ. Ekantalakkhaṇaṃ chahi viññāṇehi viññeyyasabhāvoyeva. Idaṃ vuttaṃ hoti – kiñcāpi pañcannaṃ viññāṇānaṃ visayantare appavattanato na sabbassa sabbārammaṇatā, sabbassapi pana rūpassa chaviññāṇārammaṇabhāvato yathāsakaṃ chahi viññāṇehi viññeyyatāya chahi viññāṇehi viññeyyatāva atthi, taṃ ekato saṅgahaṇavasena gahetvā ‘‘uppannaṃ sabbaṃ rūpaṃ chahi viññāṇehi viññeyya’’nti vuttaṃ yathā ‘‘abhiññāppattaṃ pañcamajjhānaṃ chaḷārammaṇaṃ hotī’’ti. Yathā hi dibbacakkhudibbasotādiabhiññāppattassa pañcamajjhānassa visuṃ asabbārammaṇattepi ekantalakkhaṇavasena ekībhāvena gahetvā ārammaṇavasena paṭhamajjhānādito visesaṃ dassetuṃ ‘‘abhiññāppattaṃ pañcamajjhānaṃ chaḷārammaṇaṃ hotī’’ti vuccati, evaṃ arūpato rūpassa visayavasena visesaṃ dassetuṃ ‘‘uppa…pe… viññeyya’’nti vuttanti. Chahi viññāṇehi viññeyyabhāvo rūpe niyametabbo, na pana rūpaṃ tasmiṃ niyametabbaṃ, aniyatadeso ca eva-saddoti aṭṭhakathāyaṃ (dha. sa. aṭṭa. 594) ‘‘paccuppannarūpameva cakkhuviññāṇādīhi chahi veditabba’’nti vuttaṃ. ‘‘Paccuppannarūpamevā’’tiādinā tattha dosamāha. Tasmāti yasmā pāḷiyaṃ viññeyyamevāti eva-saddo vutto, na ca tassa aṭṭhānayojanena kāci iṭṭhasiddhi, atha kho aniṭṭhasiddhiyeva sabbarūpassa ekantalakkhaṇaniyamādassanato, tasmā. Yathārutavaseneva niyame gayhamāne uppa…pe… patti natthi, tato ca sotapatitatāyapi payojanaṃ natthīti. Vuttanayenāti ‘‘arūpato vidhura’’ntiādinā vuttanayena.
н̃аан̣асса ваа уд̇д̇арасса буриман̃аан̣ам̣ вад̇т̇угааран̣анд̇и н̃аан̣авад̇т̇у. ‘‘саж̇аад̇ий’’д̇и зд̇т̇а са-гааро самаанасад̣̇д̣̇ад̇т̇од̇и д̣̇ассзд̇ум̣ ‘‘самаанаж̇аад̇игаана’’нд̇и вуд̇д̇ам̣. самаанаж̇аад̇ид̇аа жа саммааваажаад̣̇ийнам̣ сийланад̇т̇о зва. зд̇зна самаанасабхаавад̇аа саж̇аад̇исан̇г̇аход̇и взд̣̇ид̇аб̣б̣о. аарамман̣з жзд̇асо авигкзбаббавад̇д̇ияаа убадтаануссааханаани вияа д̇зсам̣ авигкзбоби ад̇исаязна убагаарагод̇и ‘‘ан̃н̃аман̃н̃обагааравасзнаа’’д̇и вуд̇д̇ам̣. д̇знзва виж̇ж̇амаанзсуби ан̃н̃зсу сахаж̇аад̇ад̇хаммзсу зд̇зсам̣язва самаад̇хигканд̇хасан̇г̇ахо д̣̇ассид̇о. яам̣ бана сажжавибхан̇г̇аван̣н̣анааяам̣ (вибха. адта. 189) висуд̣̇д̇химаг̇г̇аад̣̇ийсу (висуд̣̇д̇хи. 2.568) жа ‘‘вааяаамасад̇ияо гирияад̇о сан̇г̇ахид̇аа’’д̇и вуд̇д̇ам̣, д̇ам̣ асамаад̇хисабхаавад̇ам̣ д̇зсам̣ самаад̇хисса убагаарагад̇д̇ан̃жа санд̇хааяа вуд̇д̇ам̣. д̇знзва жа д̇ад̇т̇а ‘‘самаад̇хиязвзд̇т̇а саж̇аад̇ид̇о самаад̇хигканд̇хзна сан̇г̇ахид̇о’’д̇и (висуд̣̇д̇хи. 2.568; вибха. адта. 189) вуд̇д̇ам̣. ид̇ха бана саж̇аад̇исан̇г̇аход̇и самаад̇хид̇ад̣̇убагаарагад̇хаммаанам̣ уббад̇д̇ид̣̇зсавасзна сан̇г̇ахо вуд̇д̇од̇и. авираад̇хзд̇ваа висаяасабхаавааваг̇г̇ахан̣ам̣ бадивзд̇хо, аббанаа жа аарамман̣з д̣̇ал̣ханибаад̇о д̇ад̣̇аваг̇аахоязваад̇и ‘‘бадивзд̇хасад̣̇исам̣ гижжа’’нд̇и вуд̇д̇ам̣. ат̇а ваа аарамман̣абадивзд̇хасса д̇ад̣̇аахананабарияаахананамануг̇ун̣ад̇ааяа самаананд̇и бан̃н̃аавид̇аггаанам̣ гижжасаригкад̇аа вуд̇д̇аа.
Ñāṇassa vā uttarassa purimañāṇaṃ vatthukāraṇanti ñāṇavatthu. ‘‘Sajātī’’ti ettha sa-kāro samānasaddatthoti dassetuṃ ‘‘samānajātikāna’’nti vuttaṃ. Samānajātitā ca sammāvācādīnaṃ sīlanattho eva. Etena samānasabhāvatā sajātisaṅgahoti veditabbo. Ārammaṇe cetaso avikkhepappavattiyā upaṭṭhānussāhanāni viya tesaṃ avikkhepopi atisayena upakārakoti ‘‘aññamaññopakāravasenā’’ti vuttaṃ. Teneva vijjamānesupi aññesu sahajātadhammesu etesaṃyeva samādhikkhandhasaṅgaho dassito. Yaṃ pana saccavibhaṅgavaṇṇanāyaṃ (vibha. aṭṭha. 189) visuddhimaggādīsu (visuddhi. 2.568) ca ‘‘vāyāmasatiyo kiriyato saṅgahitā’’ti vuttaṃ, taṃ asamādhisabhāvataṃ tesaṃ samādhissa upakārakattañca sandhāya vuttaṃ. Teneva ca tattha ‘‘samādhiyevettha sajātito samādhikkhandhena saṅgahito’’ti (visuddhi. 2.568; vibha. aṭṭha. 189) vuttaṃ. Idha pana sajātisaṅgahoti samādhitadupakārakadhammānaṃ uppattidesavasena saṅgaho vuttoti. Avirādhetvā visayasabhāvāvaggahaṇaṃ paṭivedho, appanā ca ārammaṇe daḷhanipāto tadavagāhoyevāti ‘‘paṭivedhasadisaṃ kicca’’nti vuttaṃ. Atha vā ārammaṇapaṭivedhassa tadāhananapariyāhananamanuguṇatāya samānanti paññāvitakkānaṃ kiccasarikkhatā vuttā.
згаганид̣̇д̣̇зсаван̣н̣анаа нидтид̇аа.
Ekakaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / руубавибхад̇д̇изгаганид̣̇д̣̇зсаван̣н̣анаа • Rūpavibhattiekakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / згаганид̣̇д̣̇зсаван̣н̣анаа • Ekakaniddesavaṇṇanā
