| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. нид̣̇д̣̇зсаван̣н̣анаа
2. Niddesavaṇṇanā
1. згаганид̣̇д̣̇зсаван̣н̣анаа
1. Ekakaniddesavaṇṇanā
1. жхаанан̇г̇аанзва вимогкод̇и иминаа ад̇хиббааязнааха ‘‘вимогкасахаж̇аад̇зна наамагааязнаа’’д̇и. язна хи сад̣̇д̇хинд̇иаад̣̇инаа батамам̣ саман̇г̇ибхаавад̇т̇ам̣ виварад̇и. пассзнаби пудтааязва наамаад̇и зд̇зна ‘‘абижзсаа’’д̇иаад̣̇инаа вуд̇д̇ам̣ д̣̇уд̇ияам̣ сампассзна пусанад̇т̇ам̣, ид̇арзхи ид̇арз гааран̣ад̇т̇з. саман̇г̇ибхаавапусанагааран̣абхааваа хи пусанаад̇и вуд̇д̇аад̇и. бунаби батамад̇т̇амзва д̣̇уб̣б̣ин̃н̃зяяад̇д̇аа виваранд̇о ‘‘д̇ад̇раассаа’’д̇иаад̣̇имааха. табзд̇ваа д̇аани ан̇г̇аани сзсаа ад̇ирзгабан̣н̣аасад̇хаммаад̇и зд̇т̇а взд̣̇анаасоманассинд̣̇рияаани сан̇г̇ахид̇аанийд̇и ааха ‘‘жад̇д̇ааро канд̇хаа хонд̇ий’’д̇и. звам̣ сад̇и взд̣̇анаасоманассинд̣̇риязхи сукасса пусид̇аб̣б̣ад̇д̇аа д̇ин̣н̣ан̃жа д̇зсам̣ анан̃н̃ад̇д̇аа д̇знзва д̇асса пусанаа аабаж̇ж̇ад̇ийд̇и? наабаж̇ж̇ад̇и, взд̣̇аяид̇аад̇хибад̇ияадтзхи убаниж̇жхааяанабхаавабадилаабхасса вуд̇д̇ад̇д̇аа. ат̇а ваа табзд̇ваа д̇аани ан̇г̇аанийд̇и ан̇г̇аанам̣ б̣ахуд̇д̇аа б̣ахуважанам̣. д̇зсу бана бажжзгамби яож̇анаа гаад̇аб̣б̣аа ‘‘вид̇аггам̣ табзд̇ваа’’д̇иаад̣̇инаа. д̇ад̇т̇а ‘‘сукам̣ табзд̇ваа’’д̇и имиссаа яож̇анааяа сзсаа д̇аяо канд̇хаа хонд̇и, ид̇араасу жад̇д̇аарод̇и. саб̣б̣аяож̇анаасу жа д̇аяо анд̇о гад̇ваа ‘‘жад̇д̇ааро канд̇хаа хонд̇ий’’д̇и вуд̇д̇ам̣.
1. Jhānaṅgāneva vimokkhoti iminā adhippāyenāha ‘‘vimokkhasahajātena nāmakāyenā’’ti. Yena hi saddhintiādinā paṭhamaṃ samaṅgibhāvatthaṃ vivarati. Phassenapi phuṭṭhāyeva nāmāti etena ‘‘apicesā’’tiādinā vuttaṃ dutiyaṃ samphassena phusanatthaṃ, itarehi itare kāraṇatthe. Samaṅgibhāvaphusanakāraṇabhāvā hi phusanāti vuttāti. Punapi paṭhamatthameva dubbiññeyyattā vivaranto ‘‘tatrāssā’’tiādimāha. Ṭhapetvā tāni aṅgāni sesā atirekapaṇṇāsadhammāti ettha vedanāsomanassindriyāni saṅgahitānīti āha ‘‘cattāro khandhā hontī’’ti. Evaṃ sati vedanāsomanassindriyehi sukhassa phusitabbattā tiṇṇañca tesaṃ anaññattā teneva tassa phusanā āpajjatīti? Nāpajjati, vedayitādhipatiyaṭṭhehi upanijjhāyanabhāvapaṭilābhassa vuttattā. Atha vā ṭhapetvā tāni aṅgānīti aṅgānaṃ bahuttā bahuvacanaṃ. Tesu pana paccekampi yojanā kātabbā ‘‘vitakkaṃ ṭhapetvā’’tiādinā. Tattha ‘‘sukhaṃ ṭhapetvā’’ti imissā yojanāya sesā tayo khandhā honti, itarāsu cattāroti. Sabbayojanāsu ca tayo anto katvā ‘‘cattāro khandhā hontī’’ti vuttaṃ.
2. яо асамаяавимогкзна згажжзхи аасавзхи вимуд̇д̇о асамаяавимогкуубаниссаяалаабхзна жа саад̇исаязна самаяавимогкзна, со зва самаяавимуд̇д̇о. со хи д̇зна вимуд̇д̇о жхааналаабхий сзгко руубааруубабхавад̇о абунарааваддаго гаамарааг̇аад̣̇ийхи д̇ат̇аавимуд̇д̇ова ход̇ийд̇и самаяавимуд̇д̇абан̃н̃ад̇д̇им̣ лад̣̇д̇хум̣ арахад̇и. бут̇уж̇ж̇ано бана жхааналаабхий бунарааваддагад̇хаммо буна гаамарааг̇аад̣̇исамуд̣̇аажаарабхаавад̇о вимуд̇д̇о наама на ход̇ийд̇и самаяавимуд̇д̇абан̃н̃ад̇д̇им̣ наарахад̇и, д̇зна со ‘‘самаяавимуд̇д̇о’’д̇и на вуд̇д̇о. арахад̇о бана абаригкийн̣аа аасаваа над̇т̇и, яад̇о вимужжзяяа. д̣̇идтад̇хаммасукавихаарамад̇д̇аа хи д̇асса адта вимогкаад̇и. д̇асмаа д̇асса на адта вимогкаа самаяавимуд̇д̇абан̃н̃ад̇д̇ибхаавасса асамаяавимуд̇д̇абан̃н̃ад̇д̇ибхаавасса ваа гааран̣ам̣. д̇ад̣̇агааран̣абхаавамзва д̣̇ассзд̇ум̣ ‘‘на хзва ко…бз… вихарад̇ий’’д̇и вуд̇д̇ам̣, на сугкавибассагассзва асамаяавимуд̇д̇абхаавам̣ д̣̇ассзд̇унд̇и д̣̇адтаб̣б̣ам̣. саб̣б̣оби хи арахаа асамаяавимуд̇д̇од̇и. б̣аахираананд̇и логуд̇д̇арад̇о б̣ахибхууд̇аанам̣, логияаананд̇и ад̇т̇о.
2. Yo asamayavimokkhena ekaccehi āsavehi vimutto asamayavimokkhūpanissayalābhena ca sātisayena samayavimokkhena, so eva samayavimutto. So hi tena vimutto jhānalābhī sekkho rūpārūpabhavato apunarāvaṭṭako kāmarāgādīhi tathāvimuttova hotīti samayavimuttapaññattiṃ laddhuṃ arahati. Puthujjano pana jhānalābhī punarāvaṭṭakadhammo puna kāmarāgādisamudācārabhāvato vimutto nāma na hotīti samayavimuttapaññattiṃ nārahati, tena so ‘‘samayavimutto’’ti na vutto. Arahato pana aparikkhīṇā āsavā natthi, yato vimucceyya. Diṭṭhadhammasukhavihāramattā hi tassa aṭṭha vimokkhāti. Tasmā tassa na aṭṭha vimokkhā samayavimuttapaññattibhāvassa asamayavimuttapaññattibhāvassa vā kāraṇaṃ. Tadakāraṇabhāvameva dassetuṃ ‘‘na heva kho…pe… viharatī’’ti vuttaṃ, na sukkhavipassakasseva asamayavimuttabhāvaṃ dassetunti daṭṭhabbaṃ. Sabbopi hi arahā asamayavimuttoti. Bāhirānanti lokuttarato bahibhūtānaṃ, lokiyānanti attho.
3. аруубагканд̇ханиб̣б̣аанамад̇д̇аваажаго аруубасад̣̇д̣̇о на ход̇ийд̇и д̣̇ассанад̇т̇ам̣ ‘‘руубад̇о ан̃н̃а’’нд̇иаад̣̇и вуд̇д̇ам̣. жид̇д̇аман̃ж̇уусанд̇и самаад̇хим̣. абхин̃н̃аад̣̇ийнан̃хи д̇хаммаанам̣ баад̣̇агабхаавзна самаад̇хи ман̃ж̇уусаасад̣̇исо ход̇и. ад̣̇д̇хаанам̣ парид̇унд̇и д̣̇ийгхагаалам̣ б̣яаабзд̇ум̣, бавад̇д̇зд̇унд̇и ад̇т̇о. ‘‘саммаж̇ж̇ид̇аб̣б̣а’’нд̇и жинд̇зд̇ваа д̇ад̇т̇а аад̣̇арасса агад̇ад̇д̇аа вад̇д̇абхзд̣̇од̇и взд̣̇ид̇аб̣б̣о. звам̣ вад̇д̇абхзд̣̇амад̇д̇зна надтаа бана самаабад̇д̇и гаамажчанд̣̇аад̣̇ийхи надтаа вияа на гин̃жзна бажжаахарид̇аб̣б̣аа ход̇и манд̣̇абаарибант̇агад̇д̇аа, д̇асмаа вад̇д̇асамид̇агаран̣амад̇д̇знзва бажжаахарид̇аб̣б̣ад̇д̇аа ‘‘аббзнд̇ова нисийд̣̇ий’’д̇и ааха.
3. Arūpakkhandhanibbānamattavācako arūpasaddo na hotīti dassanatthaṃ ‘‘rūpato añña’’ntiādi vuttaṃ. Cittamañjūsanti samādhiṃ. Abhiññādīnañhi dhammānaṃ pādakabhāvena samādhi mañjūsāsadiso hoti. Addhānaṃ pharitunti dīghakālaṃ byāpetuṃ, pavattetunti attho. ‘‘Sammajjitabba’’nti cintetvā tattha ādarassa akatattā vattabhedoti veditabbo. Evaṃ vattabhedamattena naṭṭhā pana samāpatti kāmacchandādīhi naṭṭhā viya na kiñcena paccāharitabbā hoti mandapāripanthakattā, tasmā vattasamitakaraṇamatteneva paccāharitabbattā ‘‘appentova nisīdī’’ti āha.
4. ад̇д̇ано ануруубзна бамаад̣̇зна вийд̇инаамзнд̇аанамби самаабад̇д̇и на губбад̇ийд̇и барихийно наама на ход̇и, д̇асмим̣ д̇асмим̣ б̣яаасан̇г̇з бадисам̣хадамад̇д̇з самаабаж̇ж̇ид̇ум̣ самад̇т̇ад̇ааяаад̇и ад̇хиббааяо. ‘‘гисса бана, бханд̇з, кийн̣аасавасса бхигкуно лаабхасаггаарасилого анд̇арааяааяаад̇и? яаа хисса саа, аананд̣̇а, агуббаа жзд̇овимуд̇д̇и, наахам̣ д̇ассаа лаабхасаггаарасилогам̣ анд̇арааяааяа вад̣̇аами. яз жа квасса, аананд̣̇а, аббамад̇д̇асса аад̇аабино бахид̇ад̇д̇асса вихарад̇о д̣̇идтад̇хаммасукавихаараа ад̇хиг̇ад̇аа, д̇зсаахамасса лаабхасаггаарасилогам̣ анд̇арааяааяа вад̣̇аамий’’д̇и суд̇д̇з (сам̣. ни. 2.179) бана самаязна самаяам̣ аабаж̇ж̇анзна барихарид̇аб̣б̣аанам̣ самаабад̇д̇исукавихаараанам̣ д̇асмим̣ д̇асмим̣ б̣яаасан̇г̇агаалз анибпад̇д̇ид̇о лаабхасаггаарасилого анд̇арааяод̇и вуд̇д̇од̇и ад̇хиббааязнасса д̇зна авирод̇хо взд̣̇ид̇аб̣б̣о.
4. Attano anurūpena pamādena vītināmentānampi samāpatti na kuppatīti parihīno nāma na hoti, tasmiṃ tasmiṃ byāsaṅge paṭisaṃhaṭamatte samāpajjituṃ samatthatāyāti adhippāyo. ‘‘Kissa pana, bhante, khīṇāsavassa bhikkhuno lābhasakkārasiloko antarāyāyāti? Yā hissa sā, ānanda, akuppā cetovimutti, nāhaṃ tassā lābhasakkārasilokaṃ antarāyāya vadāmi. Ye ca khvassa, ānanda, appamattassa ātāpino pahitattassa viharato diṭṭhadhammasukhavihārā adhigatā, tesāhamassa lābhasakkārasilokaṃ antarāyāya vadāmī’’ti sutte (saṃ. ni. 2.179) pana samayena samayaṃ āpajjanena pariharitabbānaṃ samāpattisukhavihārānaṃ tasmiṃ tasmiṃ byāsaṅgakāle anipphattito lābhasakkārasiloko antarāyoti vuttoti adhippāyenassa tena avirodho veditabbo.
5. д̇хаммаанам̣…бз… бийд̇и зд̇т̇а ‘‘д̇хаммзхий’’д̇и вад̇д̇аб̣б̣ам̣. ид̇ха хи д̇аахи самаабад̇д̇ийхи барихааязяяаад̇и д̇хаммзхи буг̇г̇аласса барихаанамби абарихаанамби вуд̇д̇ам̣. д̇ад̇т̇а жа буг̇г̇аласса бамаад̣̇амааг̇амма д̇аа самаабад̇д̇ияо губбзяяунд̇и д̇хаммаанам̣ губбанам̣ агуббанан̃жа вуд̇д̇ам̣, буг̇г̇аласса бана барихаанад̇хаммаанамзва винаасод̇и важананаанад̇д̇амад̇д̇зна важанад̇т̇анаанад̇д̇амад̇д̇зна ваа барияааяанд̇арад̇аа вуд̇д̇аад̇и д̣̇адтаб̣б̣аа.
5. Dhammānaṃ…pe… pīti ettha ‘‘dhammehī’’ti vattabbaṃ. Idha hi tāhi samāpattīhi parihāyeyyāti dhammehi puggalassa parihānampi aparihānampi vuttaṃ. Tattha ca puggalassa pamādamāgamma tā samāpattiyo kuppeyyunti dhammānaṃ kuppanaṃ akuppanañca vuttaṃ, puggalassa pana parihānadhammānameva vināsoti vacananānattamattena vacanatthanānattamattena vā pariyāyantaratā vuttāti daṭṭhabbā.
7-8. жзд̇анаа самаабад̇д̇ижзд̇анаа д̇ад̣̇ааяууханаа жа. анурагкан̣аа самаабад̇д̇иубагаараанубагаарабариг̇г̇аахигаа бан̃н̃аасахид̇аа сад̇и. д̇аахи жзд̇ияамаанаанурагкияамаанасамаабад̇д̇ийнам̣ бхаб̣б̣аа жзд̇анаабхаб̣б̣аа анурагкан̣аабхаб̣б̣аа.
7-8. Cetanā samāpatticetanā tadāyūhanā ca. Anurakkhaṇā samāpattiupakārānupakārapariggāhikā paññāsahitā sati. Tāhi cetiyamānaanurakkhiyamānasamāpattīnaṃ bhabbā cetanābhabbā anurakkhaṇābhabbā.
10. бут̇уж̇ж̇анаг̇од̇д̇анд̇и бут̇уж̇ж̇анасигкам̣, бут̇уж̇ж̇анаг̇ад̇аа д̇иссо сигкаа ад̇игганд̇аад̇и ад̇т̇о. д̇аа хи сам̣яож̇анад̇д̇аяаанубажчзд̣̇зна ‘‘бут̇уж̇ж̇анасигкаа’’д̇и вужжанд̇ийд̇и.
10. Puthujjanagottanti puthujjanasikkhaṃ, puthujjanagatā tisso sikkhā atikkantāti attho. Tā hi saṃyojanattayānupacchedena ‘‘puthujjanasikkhā’’ti vuccantīti.
11. арахад̇д̇амаг̇г̇адто жа ваддабхаяад̇о бан̃н̃уб̣б̣зг̇зна уб̣б̣иж̇ж̇анд̇о уд̣̇д̇хамбхааг̇ияасам̣яож̇анзхи убарад̇од̇и бхаяуубарад̇о наамаад̇и ааха ‘‘сад̇д̇а сзгкаа бхаяуубарад̇аа’’д̇и.
11. Arahattamaggaṭṭho ca vaṭṭabhayato paññubbegena ubbijjanto uddhambhāgiyasaṃyojanehi uparatoti bhayūparato nāmāti āha ‘‘satta sekkhā bhayūparatā’’ti.
12. бхаван̇г̇абан̃н̃аавирахид̇аа ‘‘вибаагааваран̣зна саманнааг̇ад̇аа’’д̇и иминаа г̇ахид̇аад̇и д̇ихзд̇угабадисанд̇хигаа гзжи ‘‘д̣̇уббан̃н̃аа’’д̇и иминаа г̇аяханд̇ийд̇и д̣̇ассзнд̇о ааха ‘‘аббадилад̣̇д̇хамаг̇г̇апалуубаниссаяаа’’д̇и. бан̃н̃ааяа хи винаа на д̇ад̣̇убаниссаяо ад̇т̇ийд̇и.
12. Bhavaṅgapaññāvirahitā ‘‘vipākāvaraṇena samannāgatā’’ti iminā gahitāti tihetukapaṭisandhikā keci ‘‘duppaññā’’ti iminā gayhantīti dassento āha ‘‘appaṭiladdhamaggaphalūpanissayā’’ti. Paññāya hi vinā na tadupanissayo atthīti.
14. яад̇т̇а нияад̇аанияад̇авомиссаа бавад̇д̇и ад̇т̇и, д̇ад̇т̇зва нияад̇ад̇хаммаа хонд̇ийд̇и уд̇д̇арагуруусу д̇ад̣̇абхааваа нияад̇о наама над̇т̇ийд̇и д̣̇ассзнд̇о ‘‘яаа бана уд̇д̇арагуругаана’’нд̇иаад̣̇имааха.
14. Yattha niyatāniyatavomissā pavatti atthi, tattheva niyatadhammā hontīti uttarakurūsu tadabhāvā niyato nāma natthīti dassento ‘‘yā pana uttarakurukāna’’ntiādimāha.
16. д̇зрасасу сийсзсу балиб̣од̇хасийсаад̣̇ийни бавад̇д̇асийсан̃жа барияаад̣̇ияид̇аб̣б̣аани, ад̇химогкасийсаад̣̇ийни барияаад̣̇агаани, барияаад̣̇агапалам̣ г̇ожарасийсам̣. д̇ан̃хи висаяаж̇жхад̇д̇апалавимогкод̇и. барияаад̣̇агасса маг̇г̇асса паласса жа аарамман̣ам̣ сан̇каарасийсам̣ сан̇кааравивзгабхууд̇о нирод̇ход̇и барияаад̣̇ияид̇аб̣б̣аанам̣ барияаад̣̇агапалаарамман̣аанам̣ саха вияа сам̣сид̣̇д̇хид̣̇ассанзна самасийсибхаавам̣ д̣̇ассзд̇ум̣ бадисамбхид̣̇ааяам̣ (бади. ма. 1.87) д̇зраса сийсаани вуд̇д̇аани. ид̇ха бана ‘‘абуб̣б̣ам̣ ажаримам̣ аасавабарияаад̣̇аанан̃жа ход̇и ж̇ийвид̇абарияаад̣̇аанан̃жаа’’д̇и важанад̇о д̇зсу гилзсабавад̇д̇асийсаанамзва васзна яож̇анам̣ гаронд̇о ‘‘д̇ад̇т̇а гилзсасийса’’нд̇иаад̣̇имааха. д̇ад̇т̇а бавад̇д̇асийсамби ваддад̇о вудтаханд̇о маг̇г̇о жуд̇ид̇о уд̣̇д̇хам̣ аббавад̇д̇игаран̣авасзна яад̣̇иби барияаад̣̇ияад̇и , яаава бана жуд̇и, д̇аава бавад̇д̇исаб̣бхаавад̇о ‘‘бавад̇д̇асийсам̣ ж̇ийвид̇инд̣̇рияам̣ жуд̇ижид̇д̇ам̣ барияаад̣̇ияад̇ий’’д̇и ааха. гилзсабарияаад̣̇аанзна бана ад̇д̇ано ананд̇арам̣ вияа нибпаад̣̇зд̇аб̣б̣аа бажжавзгкан̣аваараа жа гилзсабарияаад̣̇аанассзва ваараад̇и вад̇д̇аб̣б̣ад̇ам̣ араханд̇и. ‘‘вимуд̇д̇асмим̣ вимуд̇д̇амид̇и н̃аан̣ам̣ ход̇ий’’д̇и (ма. ни. 1.78; сам̣. ни. 3.12, 14) важанад̇о хи бажжавзгкан̣абарисамаабанзна гилзсабарияаад̣̇аанам̣ самаабид̇ам̣ наама ход̇и. д̇ам̣ бана барисамаабанам̣ яад̣̇и жуд̇ижид̇д̇зна ход̇и, д̇знзва ж̇ийвид̇абарисамаабанан̃жа ход̇ийд̇и имааяа вааражуд̇исамад̇ааяа гилзсабарияаад̣̇аанаж̇ийвид̇абарияаад̣̇аанаанам̣ абуб̣б̣аажаримад̇аа ход̇ийд̇и ааха ‘‘ваарасамад̇ааяаа’’д̇и. бхаван̇г̇ам̣ од̇арид̇ваа бариниб̣б̣ааяад̇ийд̇и зд̇т̇а бариниб̣б̣аанажид̇д̇амзва бхаван̇г̇од̇аран̣абхаавзна вуд̇д̇анд̇и д̣̇адтаб̣б̣ам̣.
16. Terasasu sīsesu palibodhasīsādīni pavattasīsañca pariyādiyitabbāni, adhimokkhasīsādīni pariyādakāni, pariyādakaphalaṃ gocarasīsaṃ. Tañhi visayajjhattaphalavimokkhoti. Pariyādakassa maggassa phalassa ca ārammaṇaṃ saṅkhārasīsaṃ saṅkhāravivekabhūto nirodhoti pariyādiyitabbānaṃ pariyādakaphalārammaṇānaṃ saha viya saṃsiddhidassanena samasīsibhāvaṃ dassetuṃ paṭisambhidāyaṃ (paṭi. ma. 1.87) terasa sīsāni vuttāni. Idha pana ‘‘apubbaṃ acarimaṃ āsavapariyādānañca hoti jīvitapariyādānañcā’’ti vacanato tesu kilesapavattasīsānameva vasena yojanaṃ karonto ‘‘tattha kilesasīsa’’ntiādimāha. Tattha pavattasīsampi vaṭṭato vuṭṭhahanto maggo cutito uddhaṃ appavattikaraṇavasena yadipi pariyādiyati , yāva pana cuti, tāva pavattisabbhāvato ‘‘pavattasīsaṃ jīvitindriyaṃcuticittaṃ pariyādiyatī’’ti āha. Kilesapariyādānena pana attano anantaraṃ viya nipphādetabbā paccavekkhaṇavārā ca kilesapariyādānasseva vārāti vattabbataṃ arahanti. ‘‘Vimuttasmiṃ vimuttamiti ñāṇaṃ hotī’’ti (ma. ni. 1.78; saṃ. ni. 3.12, 14) vacanato hi paccavekkhaṇaparisamāpanena kilesapariyādānaṃ samāpitaṃ nāma hoti. Taṃ pana parisamāpanaṃ yadi cuticittena hoti, teneva jīvitaparisamāpanañca hotīti imāya vāracutisamatāya kilesapariyādānajīvitapariyādānānaṃ apubbācarimatā hotīti āha ‘‘vārasamatāyā’’ti. Bhavaṅgaṃ otaritvā parinibbāyatīti ettha parinibbānacittameva bhavaṅgotaraṇabhāvena vuttanti daṭṭhabbaṃ.
17. махаабаяог̇од̇и махаагирияо вибад̇д̇игаран̣амахаамзгхудтаанаагааравинаасо. д̇идтзяяаад̇и винаасо наббавад̇д̇зяяаад̇и ад̇т̇о.
17. Mahāpayogoti mahākiriyo vipattikaraṇamahāmeghuṭṭhānākāravināso. Tiṭṭheyyāti vināso nappavatteyyāti attho.
18. аран̣ийяад̇д̇аад̇и баяирубаасид̇аб̣б̣ад̇д̇аа.
18. Araṇīyattāti payirupāsitabbattā.
20. яааяа гад̇агижжад̇аа ход̇и, д̇ааяа аг̇г̇авиж̇ж̇ааяа ад̇хиг̇ад̇ааяа д̇звиж̇ж̇ад̇аабхааво ниббарияааяад̇аа, саа жа ааг̇аманавасзна сид̣̇д̇хаа саад̇исаяаа д̇звиж̇ж̇ад̇аад̇и ааха ‘‘ааг̇аманийяамзва д̇хура’’нд̇и.
20. Yāya katakiccatā hoti, tāya aggavijjāya adhigatāya tevijjatābhāvo nippariyāyatā, sā ca āgamanavasena siddhā sātisayā tevijjatāti āha ‘‘āgamanīyameva dhura’’nti.
22. д̇ад̇т̇а жаад̇и нимид̇д̇ад̇т̇з бхуммам̣, саб̣б̣ан̃н̃уд̇ан̃н̃аан̣аббад̇д̇ияаа аад̇хаарабхаавз ваа. д̇ад̇т̇зва хи саб̣б̣ан̃н̃уд̇ам̣ бад̇д̇о наама ход̇ийд̇и.
22. Tattha cāti nimittatthe bhummaṃ, sabbaññutaññāṇappattiyā ādhārabhāve vā. Tattheva hi sabbaññutaṃ patto nāma hotīti.
23. анануссуд̇зсу д̇хаммзсууд̇и жа анануссуд̇зсу сажжзсууд̇и ад̇т̇о.
23. Ananussutesu dhammesūti ca ananussutesu saccesūti attho.
24. ‘‘руубий руубаани бассад̇ий’’д̇иаад̣̇игз (ма. ни. 2.248; 3.312; бади. ма. 1.209; д̇ха. са. 248) нирод̇хасамаабад̇д̇ианд̇з адта вимогкз вад̇ваа ‘‘яад̇о ко, аананд̣̇а, бхигку имз адта вимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, аананд̣̇а, бхигку убхад̇обхааг̇авимуд̇д̇о’’д̇и яад̣̇иби махаанид̣̇аанасуд̇д̇з вуд̇д̇ам̣, д̇ам̣ бана убхад̇обхааг̇авимуд̇д̇асздтавасзна вуд̇д̇анд̇и ид̇ха гийдааг̇ирисуд̇д̇авасзна саб̣б̣аубхад̇обхааг̇авимуд̇д̇асан̇г̇ахад̇т̇ам̣ ‘‘адта самаабад̇д̇ияо сахаж̇аад̇анаамагааязна бадилабхид̇ваа вихарад̇ий’’д̇и ааха. гийдааг̇ирисуд̇д̇з хи ‘‘ид̇ха, бхигкавз, згажжо буг̇г̇ало яз д̇з санд̇аа вимогкаа ад̇иггамма руубз ааруббаа, д̇з гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, бхигкавз, буг̇г̇ало убхад̇обхааг̇авимуд̇д̇о’’д̇и (ма. ни. 2.182) аруубасамаабад̇д̇ивасзна жад̇д̇ааро убхад̇обхааг̇авимуд̇д̇аа вуд̇д̇аа, убхад̇обхааг̇авимуд̇д̇асздто жа вуд̇д̇алагкан̣обабад̇д̇ид̇од̇и. гааяасагкимхиби зсзва наяо.
24. ‘‘Rūpī rūpāni passatī’’tiādike (ma. ni. 2.248; 3.312; paṭi. ma. 1.209; dha. sa. 248) nirodhasamāpattiante aṭṭha vimokkhe vatvā ‘‘yato kho, ānanda, bhikkhu ime aṭṭha vimokkhe kāyena phusitvā viharati, paññāya cassa disvā āsavā parikkhīṇā honti. Ayaṃ vuccati, ānanda, bhikkhu ubhatobhāgavimutto’’ti yadipi mahānidānasutte vuttaṃ, taṃ pana ubhatobhāgavimuttaseṭṭhavasena vuttanti idha kīṭāgirisuttavasena sabbaubhatobhāgavimuttasaṅgahatthaṃ ‘‘aṭṭha samāpattiyo sahajātanāmakāyena paṭilabhitvā viharatī’’ti āha. Kīṭāgirisutte hi ‘‘idha, bhikkhave, ekacco puggalo ye te santā vimokkhā atikkamma rūpe āruppā, te kāyena phusitvā viharati, paññāya cassa disvā āsavā parikkhīṇā honti. Ayaṃ vuccati, bhikkhave, puggalo ubhatobhāgavimutto’’ti (ma. ni. 2.182) arūpasamāpattivasena cattāro ubhatobhāgavimuttā vuttā, ubhatobhāgavimuttaseṭṭho ca vuttalakkhaṇopapattitoti. Kāyasakkhimhipi eseva nayo.
бан̃н̃ааяа жасса д̣̇исваа аасаваа баригкийн̣аа хонд̇ийд̇и на аасаваа бан̃н̃ааяа бассанд̇и, д̣̇ассанагааран̣аа бана баригкийн̣аа д̣̇исваа баригкийн̣аад̇и вуд̇д̇аа. д̣̇ассанааяад̇д̇абаригкаяад̇д̇аа зва хи д̣̇ассанам̣ буримагирияаа ход̇ийд̇и. нааманиссид̇аго зсод̇и зсо убхад̇обхааг̇авимуд̇д̇о руубад̇о мужжид̇ваа наамам̣ ниссааяа тид̇о буна д̇ад̇о мужжанад̇о ‘‘нааманиссид̇аго’’д̇и вад̇ваа д̇асса жа саад̇хагам̣ суд̇д̇ам̣ вад̇ваа ‘‘гааяад̣̇ваяад̇о сувимуд̇д̇ад̇д̇аа убхад̇обхааг̇авимуд̇д̇о’’д̇и аахаад̇и ад̇т̇о. суд̇д̇з хи аагин̃жан̃н̃ааяад̇аналаабхино убасийваб̣раахман̣асса бхаг̇авад̇аа наамагааяаа вимуд̇д̇од̇и убхад̇обхааг̇авимуд̇д̇од̇и муни агкаад̇од̇и.
Paññāya cassa disvā āsavā parikkhīṇā hontīti na āsavā paññāya passanti, dassanakāraṇā pana parikkhīṇā disvā parikkhīṇāti vuttā. Dassanāyattaparikkhayattā eva hi dassanaṃ purimakiriyā hotīti. Nāmanissitako esoti eso ubhatobhāgavimutto rūpato muccitvā nāmaṃ nissāya ṭhito puna tato muccanato ‘‘nāmanissitako’’ti vatvā tassa ca sādhakaṃ suttaṃ vatvā ‘‘kāyadvayato suvimuttattā ubhatobhāgavimutto’’ti āhāti attho. Sutte hi ākiñcaññāyatanalābhino upasīvabrāhmaṇassa bhagavatā nāmakāyā vimuttoti ubhatobhāgavimuttoti muni akkhātoti.
батамад̇т̇зраваад̣̇з д̣̇вийхи бхааг̇зхи вимуд̇д̇о убхад̇обхааг̇авимуд̇д̇о, д̣̇уд̇ияад̇т̇зраваад̣̇з убхад̇о бхааг̇ад̇о вимуд̇д̇од̇и убхад̇обхааг̇авимуд̇д̇од̇и, д̇ад̇ияад̇т̇зраваад̣̇з д̣̇вийхи бхааг̇зхи д̣̇вз ваарз вимуд̇д̇од̇и аяамзд̇зсам̣ висзсо. д̇ад̇т̇а вимуд̇д̇од̇и гилзсзхи вимуд̇д̇о, гилзсавигкамбханасамужчзд̣̇анзхи ваа гааяад̣̇ваяад̇о вимуд̇д̇од̇и ад̇т̇о д̣̇адтаб̣б̣о. аруубааважарам̣ бана наамагааяад̇о жа вимуд̇д̇анд̇и нийваран̣асан̇каад̇анаамагааяад̇о вимуд̇д̇анд̇и вуд̇д̇ам̣ ход̇и. д̇ан̃хи нийваран̣ад̣̇уурийбхаавзна наамагааяад̇о руубад̇ан̣хаавигкамбханзна руубагааяад̇о жа вимуд̇д̇ад̇д̇аа згад̣̇зсзна убхад̇обхааг̇авимуд̇д̇ам̣ наама ход̇ийд̇и арахад̇д̇амаг̇г̇асса баад̣̇агабхууд̇ам̣ убхад̇обхааг̇авимуд̇д̇анаамалаабхасса гааран̣ам̣ бхавид̇ум̣ яуд̇д̇анд̇и ад̇хиббааяо.
Paṭhamattheravāde dvīhi bhāgehi vimutto ubhatobhāgavimutto, dutiyattheravāde ubhato bhāgato vimuttoti ubhatobhāgavimuttoti, tatiyattheravāde dvīhi bhāgehi dve vāre vimuttoti ayametesaṃ viseso. Tattha vimuttoti kilesehi vimutto, kilesavikkhambhanasamucchedanehi vā kāyadvayato vimuttoti attho daṭṭhabbo. Arūpāvacaraṃ pana nāmakāyato ca vimuttanti nīvaraṇasaṅkhātanāmakāyato vimuttanti vuttaṃ hoti. Tañhi nīvaraṇadūrībhāvena nāmakāyato rūpataṇhāvikkhambhanena rūpakāyato ca vimuttattā ekadesena ubhatobhāgavimuttaṃ nāma hotīti arahattamaggassa pādakabhūtaṃ ubhatobhāgavimuttanāmalābhassa kāraṇaṃ bhavituṃ yuttanti adhippāyo.
25. зд̇зсу хи згоби адтавимогкалаабхий на ход̇ийд̇и убхад̇обхааг̇авимуд̇д̇абхаавасса гааран̣абхууд̇ам̣ руубагааяад̇о вимуд̇д̇ам̣ згамби вимогкам̣ анад̇хиг̇ад̇од̇и ад̇хиббааяо. аруубааважарзсу хи згамби ад̇хиг̇ад̇о убхад̇обхааг̇авимуд̇д̇абхаавагааран̣абадилаабхад̇о адтавимогкзгад̣̇зсзна д̇зна д̇ам̣наамад̣̇аанз самад̇т̇зна ‘‘адтавимогкалаабхий’’д̇взва вужжад̇и. д̇знааха ‘‘аруубааважараж̇жхаанзсу банаа’’д̇иаад̣̇и.
25. Etesu hi ekopi aṭṭhavimokkhalābhī na hotīti ubhatobhāgavimuttabhāvassa kāraṇabhūtaṃ rūpakāyato vimuttaṃ ekampi vimokkhaṃ anadhigatoti adhippāyo. Arūpāvacaresu hi ekampi adhigato ubhatobhāgavimuttabhāvakāraṇapaṭilābhato aṭṭhavimokkhekadesena tena taṃnāmadāne samatthena ‘‘aṭṭhavimokkhalābhī’’tveva vuccati. Tenāha ‘‘arūpāvacarajjhānesu panā’’tiādi.
26. пудтанд̇ам̣ сажчигарод̇ийд̇и пудтаанам̣ анд̇о пудтанд̇о, пудтаанам̣ аруубааважараж̇жхаанаанам̣ ананд̇аро гаалод̇и ад̇хиббааяо. ажжанд̇асам̣яог̇з жзд̇т̇а убаяог̇аважанам̣ д̣̇адтаб̣б̣ам̣. пудтаананд̇арагааламзва сажчигарод̇и сажчигаад̇аб̣б̣обааязнаад̇и вуд̇д̇ам̣ ход̇и. ‘‘згаманд̇ам̣ нисийд̣̇ий’’д̇иаад̣̇ийсу (д̣̇ий. ни. 1.165) вияа бхааванабум̣сагам̣ ваа зд̇ам̣. яо хи аруубаж̇жхаанзна руубагааяад̇о наамагааязгад̣̇зсад̇о жа вигкамбханавимогкзна вимуд̇д̇о, д̇зна нирод̇хасан̇каад̇о вимогко ааложид̇о багаасид̇о вияа ход̇и, на бана гааязна сажчигад̇о. нирод̇хам̣ бана аарамман̣ам̣ гад̇ваа згажжзсу аасавзсу кзбид̇зсу д̇зна со сажчигад̇о ход̇и, д̇асмаа со сажчигаад̇аб̣б̣ам̣ нирод̇хам̣ яат̇ааааложид̇ам̣ наамагааязна сажчигарод̇ийд̇и гааяасагкийд̇и вужжад̇и, на д̇у вимуд̇д̇од̇и згажжаанам̣ аасаваанам̣ абаригкийн̣ад̇д̇аа.
26. Phuṭṭhantaṃ sacchikarotīti phuṭṭhānaṃ anto phuṭṭhanto, phuṭṭhānaṃ arūpāvacarajjhānānaṃ anantaro kāloti adhippāyo. Accantasaṃyoge cettha upayogavacanaṃ daṭṭhabbaṃ. Phuṭṭhānantarakālameva sacchikaroti sacchikātabbopāyenāti vuttaṃ hoti. ‘‘Ekamantaṃ nisīdī’’tiādīsu (dī. ni. 1.165) viya bhāvanapuṃsakaṃ vā etaṃ. Yo hi arūpajjhānena rūpakāyato nāmakāyekadesato ca vikkhambhanavimokkhena vimutto, tena nirodhasaṅkhāto vimokkho ālocito pakāsito viya hoti, na pana kāyena sacchikato. Nirodhaṃ pana ārammaṇaṃ katvā ekaccesu āsavesu khepitesu tena so sacchikato hoti, tasmā so sacchikātabbaṃ nirodhaṃ yathāālocitaṃ nāmakāyena sacchikarotīti kāyasakkhīti vuccati, na tu vimuttoti ekaccānaṃ āsavānaṃ aparikkhīṇattā.
27. д̣̇идтад̇д̇аа бад̇д̇од̇и зд̇зна жад̇усажжад̣̇ассанасан̇каад̇ааяа д̣̇идтияаа нирод̇хасса бад̇д̇ад̇ам̣ д̣̇ийбзд̇и. ‘‘д̣̇идтанд̇ам̣ бад̇д̇о’’д̇и ваа баато, д̣̇ассанасан̇каад̇асса сод̇аабад̇д̇имаг̇г̇ан̃аан̣асса ананд̇арам̣ бад̇д̇од̇и вуд̇д̇ам̣ ход̇и. батамапалад̇о бадтааяа хи яаава аг̇г̇амаг̇г̇аа д̣̇идтиббад̇д̇од̇и.
27. Diṭṭhattā pattoti etena catusaccadassanasaṅkhātāya diṭṭhiyā nirodhassa pattataṃ dīpeti. ‘‘Diṭṭhantaṃ patto’’ti vā pāṭho, dassanasaṅkhātassa sotāpattimaggañāṇassa anantaraṃ pattoti vuttaṃ hoti. Paṭhamaphalato paṭṭhāya hi yāva aggamaggā diṭṭhippattoti.
28. имам̣ бана наяам̣ ‘‘но’’д̇и бадигкибид̇ваад̇и зд̇т̇а д̣̇идтиббад̇д̇асад̣̇д̇хаавимуд̇д̇абхааваббад̇д̇аанам̣ бан̃н̃аанаанад̇д̇ам̣ вуд̇д̇ам̣, на бана язна висзсзна со висзсо бад̇д̇о, со вуд̇д̇од̇и имам̣ д̣̇осам̣ д̣̇исваа бадигкзбо гад̇од̇и д̣̇адтаб̣б̣о. ааг̇амадтагат̇аасууд̇и жа важанзна ааг̇аманийяанаанад̇д̇асаннидтаанамзва т̇ирам̣ гарод̇ийд̇и взд̣̇ид̇аб̣б̣ам̣. сад̣̇д̣̇аханд̇о вимуд̇д̇од̇и зд̇зна саб̣б̣ат̇аа авимуд̇д̇ассаби сад̣̇д̇хаамад̇д̇зна вимуд̇д̇абхаавам̣ д̣̇ассзд̇и. сад̣̇д̇хаавимуд̇д̇од̇и ваа сад̣̇д̇хааяа ад̇химуд̇д̇од̇и ад̇т̇о.
28. Imaṃ pana nayaṃ ‘‘no’’ti paṭikkhipitvāti ettha diṭṭhippattasaddhāvimuttabhāvappattānaṃ paññānānattaṃ vuttaṃ, na pana yena visesena so viseso patto, so vuttoti imaṃ dosaṃ disvā paṭikkhepo katoti daṭṭhabbo. Āgamaṭṭhakathāsūti ca vacanena āgamanīyanānattasanniṭṭhānameva thiraṃ karotīti veditabbaṃ. Saddahanto vimuttoti etena sabbathā avimuttassapi saddhāmattena vimuttabhāvaṃ dasseti. Saddhāvimuttoti vā saddhāya adhimuttoti attho.
29. бан̃н̃ам̣ ваахзд̇ийд̇и бан̃н̃ам̣ саад̇исаяам̣ бавад̇д̇зд̇ийд̇и ад̇т̇о. бан̃н̃аа имам̣ буг̇г̇алам̣ вахад̇ийд̇и ниб̣б̣аанаабхимукам̣ г̇амзд̇ийд̇и ад̇т̇о.
29. Paññaṃ vāhetīti paññaṃ sātisayaṃ pavattetīti attho. Paññā imaṃ puggalaṃ vahatīti nibbānābhimukhaṃ gametīti attho.
31. звам̣ маг̇г̇агкан̣збийд̇и аяам̣ аби-сад̣̇д̣̇о гасмаа вуд̇д̇о, нану ариязна адтан̇г̇игзна маг̇г̇зна саманнааг̇ад̇о маг̇г̇агкан̣з зва ход̇ийд̇и д̇ад̣̇аа зва сод̇аабанно наамаад̇и аабаннанд̇и? наабаннам̣ . маг̇г̇зна хи ад̇д̇анаа сад̣̇исасса адтан̇г̇игасса ваа сад̇д̇ан̇г̇игасса ваа паласса сод̇од̇и наамам̣ д̣̇иннанд̇и д̇знаби саманнааг̇ад̇асса сод̇аабаннабхаавад̇о, сод̇зна ваа маг̇г̇зна бавад̇д̇зд̇ум̣ абарихийнзна паладтоби саманнааг̇ад̇о зва наама, на жа д̇зна батамамаг̇г̇агкан̣з вияа сод̇о самаабаж̇ж̇ияамаано, д̇асмаа самаабаннасод̇ад̇д̇аа батамапалад̇о бадтааяа ‘‘сод̇аабанно’’д̇и вад̇д̇ум̣ яуд̇д̇о. вуд̇д̇ан̃хи ‘‘яз гзжи, бхигкавз, маяи авзжжаббасаннаа, саб̣б̣з д̇з сод̇аабаннаа. д̇зсам̣ сод̇аабаннаанам̣ бан̃жаннам̣ ид̇ха нидтаа, бан̃жаннам̣ ид̇ха вихааяа нидтаа’’д̇и (а. ни. 10.64). д̇ад̇т̇а д̣̇уд̇ияапаладтаад̣̇ийнам̣ висум̣ наамам̣ ад̇т̇ийд̇и батамапаладто зва ид̇арзхи висзсияамаано ‘‘сод̇аабанно’’д̇и вад̇д̇ум̣ яуд̇д̇од̇и со зва ид̇хаад̇хиббзд̇о. бадилад̣̇д̇хамаг̇г̇зна б̣уж̇жхад̇ийд̇и зд̇зна бадилад̣̇д̇хамаг̇г̇асса жад̇усажжабажжавзгкан̣аад̣̇ийнам̣ убаниссаяабхаавам̣ д̣̇ассзд̇и. самб̣од̇хи барам̣ аяанам̣ ниссаяо зд̇ассаад̇и хи самб̣од̇хибарааяан̣од̇и. д̣̇уд̇иязнад̇т̇зна самб̣од̇хи барам̣ аяанам̣ г̇ад̇и зд̇ассаад̇и самб̣од̇хибарааяан̣о.
31. Evaṃmaggakkhaṇepīti ayaṃ api-saddo kasmā vutto, nanu ariyena aṭṭhaṅgikena maggena samannāgato maggakkhaṇe eva hotīti tadā eva sotāpanno nāmāti āpannanti? Nāpannaṃ . Maggena hi attanā sadisassa aṭṭhaṅgikassa vā sattaṅgikassa vā phalassa sototi nāmaṃ dinnanti tenapi samannāgatassa sotāpannabhāvato, sotena vā maggena pavattetuṃ aparihīnena phalaṭṭhopi samannāgato eva nāma, na ca tena paṭhamamaggakkhaṇe viya soto samāpajjiyamāno, tasmā samāpannasotattā paṭhamaphalato paṭṭhāya ‘‘sotāpanno’’ti vattuṃ yutto. Vuttañhi ‘‘ye keci, bhikkhave, mayi aveccappasannā, sabbe te sotāpannā. Tesaṃ sotāpannānaṃ pañcannaṃ idha niṭṭhā, pañcannaṃ idha vihāya niṭṭhā’’ti (a. ni. 10.64). Tattha dutiyaphalaṭṭhādīnaṃ visuṃ nāmaṃ atthīti paṭhamaphalaṭṭho eva itarehi visesiyamāno ‘‘sotāpanno’’ti vattuṃ yuttoti so eva idhādhippeto. Paṭiladdhamaggena bujjhatīti etena paṭiladdhamaggassa catusaccapaccavekkhaṇādīnaṃ upanissayabhāvaṃ dasseti. Sambodhi paraṃ ayanaṃ nissayo etassāti hi sambodhiparāyaṇoti. Dutiyenatthena sambodhi paraṃ ayanaṃ gati etassāti sambodhiparāyaṇo.
32. гзвалзна гуласад̣̇д̣̇зна махаагуламзва вужжад̇ийд̇и ааха ‘‘махаабхог̇агулзсуязва ниб̣б̣ад̇д̇ад̇ийд̇и ад̇т̇о’’д̇и.
32. Kevalena kulasaddena mahākulameva vuccatīti āha ‘‘mahābhogakulesuyeva nibbattatīti attho’’ti.
33. канд̇хаб̣ийж̇ам̣ наама бадисанд̇хивин̃н̃аан̣ам̣. ихадтаганиж̇жхаанигавасзнзва имасмим̣ таанз гат̇ид̇аад̇и саж̇жхаанаго аж̇жхад̇д̇асам̣яож̇анасамужчзд̣̇з агад̇зби анааг̇аамисабхааг̇о анаавад̇д̇ид̇хаммо ид̇ха г̇ан̣ануубаг̇о на ход̇и, хздтаа убари жа сам̣саран̣аго гаамабхаваг̇ад̇о хийнаж̇жхаанаго ид̇ха г̇ан̣ануубаг̇од̇и ад̇хиббааяо.
33. Khandhabījaṃ nāma paṭisandhiviññāṇaṃ. Ihaṭṭhakanijjhānikavaseneva imasmiṃ ṭhāne kathitāti sajjhānako ajjhattasaṃyojanasamucchede akatepi anāgāmisabhāgo anāvattidhammo idha gaṇanūpago na hoti, heṭṭhā upari ca saṃsaraṇako kāmabhavagato hīnajjhānako idha gaṇanūpagoti adhippāyo.
34. яам̣ вад̇д̇аб̣б̣анд̇и ‘‘д̣̇вийхи гааран̣зхи д̇анубхааво взд̣̇ид̇аб̣б̣о’’д̇иаад̣̇и яам̣ вад̇д̇аб̣б̣ам̣ сияаад̇и ад̇т̇о.
34. Yaṃ vattabbanti ‘‘dvīhi kāraṇehi tanubhāvo veditabbo’’tiādi yaṃ vattabbaṃ siyāti attho.
36. убабаннам̣ ваа самананд̇араад̇и убабаннам̣ ваа зд̇зна буг̇г̇алзна ход̇и, ат̇а самананд̇араа арияамаг̇г̇ам̣ сан̃ж̇анзд̇и. аббад̇д̇ам̣ ваа взмаж̇жхам̣ ааяуббамаан̣анд̇и ааяуббамаан̣ам̣ д̇асса буг̇г̇аласса взмаж̇жхам̣ аббад̇д̇ам̣ ход̇и, зд̇т̇анд̇арз арияамаг̇г̇ам̣ сан̃ж̇анзд̇ийд̇и аяамзд̇т̇а баал̣иад̇т̇о. адтагат̇ааяам̣ бана ‘‘аббад̇ваа баб̣б̣ад̇ам̣ над̣̇ий’’д̇и вияа ааяуббамаан̣ам̣ взмаж̇жхам̣ аббад̇д̇ам̣ ваа худ̇ваад̇и барасад̣̇д̣̇аяог̇з барад̇о бхууд̇о худ̇ваа сад̣̇д̣̇о важанасзсабхууд̇о баяуд̇д̇од̇и взд̣̇ид̇аб̣б̣о.
36. Upapannaṃ vā samanantarāti upapannaṃ vā etena puggalena hoti, atha samanantarā ariyamaggaṃ sañjaneti. Appattaṃ vā vemajjhaṃ āyuppamāṇanti āyuppamāṇaṃ tassa puggalassa vemajjhaṃ appattaṃ hoti, etthantare ariyamaggaṃ sañjanetīti ayamettha pāḷiattho. Aṭṭhakathāyaṃ pana ‘‘appatvā pabbataṃ nadī’’ti viya āyuppamāṇaṃ vemajjhaṃ appattaṃ vā hutvāti parasaddayoge parato bhūto hutvā saddo vacanasesabhūto payuttoti veditabbo.
37. убахажжаад̇и зд̇асса убаг̇анд̇ваад̇и ад̇т̇о, д̇зна взмаж̇жхаад̇иггамо гаалагирияобаг̇аманан̃жа сан̇г̇ахид̇ам̣ ход̇и. д̇зна вуд̇д̇ам̣ ‘‘ад̇иггамид̇ваа взмаж̇жха’’нд̇иаад̣̇и.
37. Upahaccāti etassa upagantvāti attho, tena vemajjhātikkamo kālakiriyopagamanañca saṅgahitaṃ hoti. Tena vuttaṃ ‘‘atikkamitvā vemajjha’’ntiādi.
40. уд̣̇д̇хам̣ваахибхаавзнаад̇и уд̣̇д̇хам̣ вахад̇ийд̇и уд̣̇д̇хам̣ваахий, д̇ан̣хаасод̇ам̣ ваддасод̇ам̣ ваа, д̇асса бхааво, д̇зна уд̣̇д̇хам̣ваахибхаавзнаад̇и вуд̇д̇ам̣ ход̇и. авихзсу уд̣̇д̇хам̣сод̇о яад̣̇иби д̇ад̇т̇а бариниб̣б̣ааяий на ход̇и, яад̇т̇а ваа д̇ад̇т̇а ваа г̇анд̇ваа бариниб̣б̣ааяад̇у, бариниб̣б̣ааяино бана д̇асса асан̇каарабариниб̣б̣ааяид̇аа сасан̇каарабариниб̣б̣ааяид̇аа жа ад̇т̇ийд̇и д̇ад̇т̇а д̣̇аса анааг̇аамино вуд̇д̇аа, звам̣ ад̇аббаад̣̇ийсуби. анубахажжад̇алаад̇и аббад̇д̇ад̇алаа. асан̇каарасасан̇каарабариниб̣б̣ааяийнам̣ лахусаалахусаг̇ад̇игаа зва барид̇д̇авибулад̇ин̣агадтажхаабагабаббадигаасад̣̇исад̇аа взд̣̇ид̇аб̣б̣аа, на уббаж̇ж̇ид̇ваава ниб̣б̣ааяанагаад̣̇ийхи ад̇химад̇д̇ад̇аа вияа самуд̣̇д̣̇ам̣ бад̇ваа ниб̣б̣ааяанагад̇о анад̇химад̇д̇ад̇аа вияа жа анд̇араа убахажжабариниб̣б̣ааяийхи уд̣̇д̇хам̣сод̇ад̇о жа ад̇химад̇д̇аанад̇химад̇д̇ад̇аа. д̇з зва хи асан̇каарасасан̇каарабариниб̣б̣ааяинод̇и. д̇ад̇о маханд̇ад̇арзд̇и важанам̣ д̇ин̣агадтажхаабанасамад̇т̇абаббадигаад̣̇ассанад̇т̇ам̣, на ад̇химад̇д̇а наад̇химад̇д̇ад̣̇ассанад̇т̇анд̇и.
40. Uddhaṃvāhibhāvenāti uddhaṃ vahatīti uddhaṃvāhī, taṇhāsotaṃ vaṭṭasotaṃ vā, tassa bhāvo, tena uddhaṃvāhibhāvenāti vuttaṃ hoti. Avihesu uddhaṃsoto yadipi tattha parinibbāyī na hoti, yattha vā tattha vā gantvā parinibbāyatu, parinibbāyino pana tassa asaṅkhāraparinibbāyitā sasaṅkhāraparinibbāyitā ca atthīti tattha dasa anāgāmino vuttā, evaṃ atappādīsupi. Anupahaccatalāti appattatalā. Asaṅkhārasasaṅkhāraparinibbāyīnaṃ lahusālahusagatikā eva parittavipulatiṇakaṭṭhajhāpakapappaṭikāsadisatā veditabbā, na uppajjitvāva nibbāyanakādīhi adhimattatā viya samuddaṃ patvā nibbāyanakato anadhimattatā viya ca antarā upahaccaparinibbāyīhi uddhaṃsotato ca adhimattānadhimattatā. Te eva hi asaṅkhārasasaṅkhāraparinibbāyinoti. Tato mahantatareti vacanaṃ tiṇakaṭṭhajhāpanasamatthapappaṭikādassanatthaṃ, na adhimatta nādhimattadassanatthanti.
но жасса но жа мз сияаад̇и авиж̇ж̇аасан̇каараад̣̇игам̣ хзд̇убан̃жагам̣ но жа асса, вин̃н̃аан̣аад̣̇игам̣ ид̣̇ам̣ палабан̃жагам̣ вад̇д̇амаанам̣ но жа мз сияаад̇и ад̇т̇о. д̇зна ад̇ийд̇абхавасам̣сид̣̇д̇хид̇о д̣̇угкасамуд̣̇аяад̇о имасса д̣̇угкасса бавад̇д̇ид̣̇ассанад̇о бажжаяасамуд̣̇аяадтзна канд̇хаанам̣ уд̣̇аяад̣̇ассанабадибад̇д̇и вуд̇д̇аа ход̇и. на бхависсад̇и, на мз бхависсад̇ийд̇и яад̣̇и зд̇арахи хзд̇убан̃жагам̣ на бхависсад̇и, анааг̇ад̇з палабан̃жагам̣ на мз бхависсад̇ийд̇и ад̇т̇о. зд̇зна бажжаяанирод̇хадтзна ваяад̣̇ассанабадибад̇д̇и вуд̇д̇аа ход̇и, зд̇арахи анааг̇ад̇з жа ад̇д̇ад̇д̇анияанивааран̣авасзна сун̃н̃ад̇аабадибад̇д̇и ваа жад̇уухиби вуд̇д̇аа. яад̣̇ад̇т̇ийд̇и яам̣ ад̇т̇и. бхууд̇анд̇и сасабхаавам̣ ниб̣б̣ад̇д̇ам̣ ваа яат̇аад̣̇идтауд̣̇аяаб̣б̣аяам̣ яат̇аад̣̇идтасун̃н̃ад̇ам̣ ваа канд̇хабан̃жагам̣ баригаббид̇аид̇т̇ибурисасад̇д̇аад̣̇ибхааварахид̇ам̣ наамаруубамад̇д̇анд̇и ад̇т̇о. виваддаанубассанааяа виваддамаанасо д̇ам̣ бхууд̇ам̣ баж̇ахаамийд̇и убзгкам̣ бадилабхад̇и, сан̇каарубзгкаан̃аан̣зна убзгкаго ход̇ийд̇и вуд̇д̇ам̣ ход̇и.
No cassa no ca me siyāti avijjāsaṅkhārādikaṃ hetupañcakaṃ no ca assa, viññāṇādikaṃ idaṃ phalapañcakaṃ vattamānaṃ no ca me siyāti attho. Tena atītabhavasaṃsiddhito dukkhasamudayato imassa dukkhassa pavattidassanato paccayasamudayaṭṭhena khandhānaṃ udayadassanapaṭipatti vuttā hoti. Na bhavissati, na me bhavissatīti yadi etarahi hetupañcakaṃ na bhavissati, anāgate phalapañcakaṃ na me bhavissatīti attho. Etena paccayanirodhaṭṭhena vayadassanapaṭipatti vuttā hoti, etarahi anāgate ca attattaniyanivāraṇavasena suññatāpaṭipatti vā catūhipi vuttā. Yadatthīti yaṃ atthi. Bhūtanti sasabhāvaṃ nibbattaṃ vā yathādiṭṭhaudayabbayaṃ yathādiṭṭhasuññataṃ vā khandhapañcakaṃ parikappitaitthipurisasattādibhāvarahitaṃ nāmarūpamattanti attho. Vivaṭṭānupassanāya vivaṭṭamānaso taṃ bhūtaṃ pajahāmīti upekkhaṃ paṭilabhati, saṅkhārupekkhāñāṇena upekkhako hotīti vuttaṃ hoti.
бхавз на раж̇ж̇ад̇и, самбхавз на раж̇ж̇ад̇ийд̇и ависидтз висидтз жа бхавз на раж̇ж̇ад̇ийд̇и гзжи вад̣̇анд̇и. бажжуббанно бана бхаво бхаво, анааг̇ад̇о ж̇аад̇ияаа г̇ахан̣зна г̇ахид̇о самбхавод̇и взд̣̇ид̇аб̣б̣о. ат̇а ваа бхавод̇и бхууд̇амзва вужжад̇и, самбхаво д̇ад̣̇аахааро, д̇асмим̣ д̣̇ваяз на раж̇ж̇ад̇ийд̇и сзгкабадибад̇д̇им̣ д̣̇ассзд̇и . бхууд̇з хи сасамбхавз жа вирааг̇о сзгкабадибад̇д̇и. яат̇ааха ‘‘бхууд̇амид̣̇анд̇и, бханд̇з, яат̇аабхууд̇ам̣ саммаббан̃н̃ааяа бассад̇и, бхууд̇амид̣̇анд̇и яат̇аабхууд̇ам̣ саммаббан̃н̃ааяа д̣̇исваа бхууд̇асса ниб̣б̣ид̣̇ааяа вирааг̇ааяа нирод̇хааяа бадибанно ход̇и. д̇ад̣̇аахаарасамбхаванд̇и яат̇аабхууд̇ам̣…бз… д̣̇исваа д̇ад̣̇аахаарасамбхавасса ниб̣б̣ид̣̇ааяа…бз… бадибанно ход̇и. д̇ад̣̇аахааранирод̇хааяа яам̣ бхууд̇ам̣, д̇ам̣ нирод̇хад̇хамманд̇и яат̇аабхууд̇ам̣…бз… д̣̇исваа нирод̇хад̇хаммасса ниб̣б̣ид̣̇ааяа вирааг̇ааяа нирод̇хааяа бадибанно ход̇и. звам̣ ко, бханд̇з, сзгко ход̇ий’’д̇и (сам̣. ни. 2.31). ат̇уд̇д̇арийд̇и ат̇а звам̣ араж̇ж̇амаано уд̇д̇ари санд̇ам̣ бад̣̇ам̣ ниб̣б̣аанам̣ ануггамзна маг̇г̇абан̃н̃ааяа саммаа бассад̇и, д̇ан̃жа квасса бад̣̇ам̣ на саб̣б̣зна саб̣б̣ам̣ сажчигад̇ам̣ жад̇уд̇т̇амаг̇г̇знзва сажчигаад̇аб̣б̣асса д̇асса д̇зна асажчигад̇ад̇д̇аа.
Bhave na rajjati, sambhave na rajjatīti avisiṭṭhe visiṭṭhe ca bhave na rajjatīti keci vadanti. Paccuppanno pana bhavo bhavo, anāgato jātiyā gahaṇena gahito sambhavoti veditabbo. Atha vā bhavoti bhūtameva vuccati, sambhavo tadāhāro, tasmiṃ dvaye na rajjatīti sekkhapaṭipattiṃ dasseti . Bhūte hi sasambhave ca virāgo sekkhapaṭipatti. Yathāha ‘‘bhūtamidanti, bhante, yathābhūtaṃ sammappaññāya passati, bhūtamidanti yathābhūtaṃ sammappaññāya disvā bhūtassa nibbidāya virāgāya nirodhāya paṭipanno hoti. Tadāhārasambhavanti yathābhūtaṃ…pe… disvā tadāhārasambhavassa nibbidāya…pe… paṭipanno hoti. Tadāhāranirodhāya yaṃ bhūtaṃ, taṃ nirodhadhammanti yathābhūtaṃ…pe… disvā nirodhadhammassa nibbidāya virāgāya nirodhāya paṭipanno hoti. Evaṃ kho, bhante, sekkho hotī’’ti (saṃ. ni. 2.31). Athuttarīti atha evaṃ arajjamāno uttari santaṃ padaṃ nibbānaṃ anukkamena maggapaññāya sammā passati, tañca khvassa padaṃ na sabbena sabbaṃ sacchikataṃ catutthamaggeneva sacchikātabbassa tassa tena asacchikatattā.
згаганид̣̇д̣̇зсаван̣н̣анаа нидтид̇аа.
Ekakaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 1. згагабуг̇г̇алабан̃н̃ад̇д̇и • 1. Ekakapuggalapaññatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā
