| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
2. нид̣̇д̣̇зсаван̣н̣анаа
2. Niddesavaṇṇanā
1. згаганид̣̇д̣̇зсаван̣н̣анаа
1. Ekakaniddesavaṇṇanā
1. бажжанийгад̇хаммаанам̣ жхаабанадтзна жхаанам̣, д̇ад̇о судту вимужжанадтзна вимогкод̇и ниббарияааязна жхаанан̇г̇аанзва вимогкод̇и адтагат̇ааад̇хиббааяо. дийгаагаарзна бана ‘‘абхибхааяад̇анам̣ вияа сасамбаяуд̇д̇ам̣ жхаанам̣ вимогко’’д̇и ман̃н̃амаанзна ‘‘ад̇хиббааязнаахаа’’д̇и вуд̇д̇ам̣. жхаанад̇хаммаа хи самбаяуд̇д̇ад̇хаммзхи сад̣̇д̇хим̣язва бадибагкад̇о вимужжанд̇и, на винаа, д̇ат̇аа абхирад̇ивасзна аарамман̣з нираасан̇габбавад̇д̇ибийд̇и ад̇хиббааяо. яат̇аа ваа жхаанан̇г̇аанам̣ жхаанабажжаязна бажжаяабхаавад̇о сависзсо жхаанабарияааяо, звам̣ вимогкагижжаяог̇ад̇о д̇зсам̣ сависзсо вимогкабарияааяо, д̇ад̣̇убажаарзна самбаяуд̇д̇аанам̣ взд̣̇ид̇аб̣б̣о. батамам̣ саман̇г̇ибхаавад̇т̇анд̇и бадилаабхам̣ санд̇хааяааха. ‘‘пусид̇ваа вихарад̇ийд̇и бадилабхид̇ваа ирияад̇ий’’д̇и хи вуд̇д̇ам̣. адтагат̇ааяам̣ ‘‘язна хи сад̣̇д̇хим̣…бз… бадилад̣̇д̇хаа наама хонд̇ий’’д̇и д̇зхи саад̇хзд̇аб̣б̣асахаж̇аад̇аад̣̇ибажжаяалаабхоязвзд̇т̇а бадилаабхо д̣̇адтаб̣б̣о. яат̇аа пассо яад̇т̇а уббанно, д̇ам̣ аарамман̣ам̣ пусад̇ийд̇и вужжад̇и, звам̣ самбаяуд̇д̇ад̇хаммзби д̇ам̣сабхаавад̇д̇аад̇и ааха ‘‘сампассзна пусанад̇т̇а’’нд̇и. д̇асса ‘‘виварад̇ий’’д̇и иминаа самб̣анд̇хо. ид̇арзхийд̇и убажаарамбийд̇иаад̣̇инаа убажаарабуримаббанаабараббанаанам̣ бадилаабхагааран̣анд̇и важанзхи. ид̇арз гааран̣ад̇т̇зд̇и ‘‘убажаарзна…бз… пусад̇иязваа’’д̇и вуд̇д̇з гааран̣ад̇т̇ад̣̇ийбагз ад̇т̇з. пусад̇и палам̣ ад̇хиг̇ажчад̇и зд̇ааяаад̇и гааран̣абхаавасса пусанаабарияааяо взд̣̇ид̇аб̣б̣о.
1. Paccanīkadhammānaṃ jhāpanaṭṭhena jhānaṃ, tato suṭṭhu vimuccanaṭṭhena vimokkhoti nippariyāyena jhānaṅgāneva vimokkhoti aṭṭhakathāadhippāyo. Ṭīkākārena pana ‘‘abhibhāyatanaṃ viya sasampayuttaṃ jhānaṃ vimokkho’’ti maññamānena ‘‘adhippāyenāhā’’ti vuttaṃ. Jhānadhammā hi sampayuttadhammehi saddhiṃyeva paṭipakkhato vimuccanti, na vinā, tathā abhirativasena ārammaṇe nirāsaṅkappavattipīti adhippāyo. Yathā vā jhānaṅgānaṃ jhānapaccayena paccayabhāvato saviseso jhānapariyāyo, evaṃ vimokkhakiccayogato tesaṃ saviseso vimokkhapariyāyo, tadupacārena sampayuttānaṃ veditabbo. Paṭhamaṃ samaṅgibhāvatthanti paṭilābhaṃ sandhāyāha. ‘‘Phusitvā viharatīti paṭilabhitvā iriyatī’’ti hi vuttaṃ. Aṭṭhakathāyaṃ ‘‘yena hi saddhiṃ…pe… paṭiladdhā nāma hontī’’ti tehi sādhetabbasahajātādipaccayalābhoyevettha paṭilābho daṭṭhabbo. Yathā phasso yattha uppanno, taṃ ārammaṇaṃ phusatīti vuccati, evaṃ sampayuttadhammepi taṃsabhāvattāti āha ‘‘samphassena phusanattha’’nti. Tassa ‘‘vivaratī’’ti iminā sambandho. Itarehīti upacārampītiādinā upacārapurimappanāparappanānaṃ paṭilābhakāraṇanti vacanehi. Itare kāraṇattheti ‘‘upacārena…pe… phusatiyevā’’ti vutte kāraṇatthadīpake atthe. Phusati phalaṃ adhigacchati etāyāti kāraṇabhāvassa phusanāpariyāyo veditabbo.
батамад̇т̇амзваад̇и саман̇г̇ибхаавад̇т̇амзва. д̇аани ан̇г̇аанийд̇и иминаа жхаанагодтаасабхаавзна вуд̇д̇ад̇хаммааязва г̇ахид̇аа, на пассабан̃жамагаинд̣̇рияадтагаад̣̇ибхаавзнаад̇и вуд̇д̇ам̣ ‘‘сзсаа…бз… сан̇г̇ахид̇ааний’’д̇и. звам̣ сад̇ийд̇и сукасан̇каад̇ажхаанан̇г̇ад̇о взд̣̇анаасоманассинд̣̇рияаанам̣ сзсид̇аб̣б̣абхаавз сад̇и. зван̃хи нзсам̣ пассагад̇аа ид̇арасса пассид̇аб̣б̣ад̇аава сияаа. д̇знааха ‘‘сукасса пусид̇аб̣б̣ад̇д̇аа’’д̇и. взд̣̇аяид̇аад̇хибад̇зяяадтзхийд̇и аарамман̣аанубхаванасан̇каад̇зна взд̣̇аяид̇асабхаавзна, д̇ассзва саад̇ависзсасан̇каад̇зна самбаяуд̇д̇зхи анувад̇д̇анийяабхаавзна жа. убаниж̇жхааяанабхаавоби яат̇аавуд̇д̇авзд̣̇аяид̇аад̇хибад̇зяяадтависидто ол̣ааригасса аарамман̣асса ниж̇жхааяанабхааво. абхиннасабхаавоби хи д̇хаммо буримависидтабажжаяависзсасамбхавзна висзсзна бхиннаагааро худ̇ваа висидтапалабхаавам̣ аабаж̇ж̇ад̇и. яат̇згам̣язва гаммам̣ жагкаад̣̇иниб̣б̣ад̇д̇ихзд̇убхууд̇ам̣ гаммам̣. д̇зна вуд̇д̇ам̣ ‘‘взд̣̇аяид̇аа…бз… вуд̇д̇ад̇д̇аа’’д̇и. ан̇г̇аанийд̇и нааяам̣ д̇аббарабхаавзна б̣ахуважананид̣̇д̣̇зсо ананд̇абхаавад̇о, гзвалан̃жа ан̇г̇аанам̣ б̣ахуд̇д̇аа б̣ахуважанам̣, д̇зна гим̣ сид̣̇д̇хам̣? бажжзгамби яож̇анаа сид̣̇д̇хаа ход̇и. д̇зна вуд̇д̇ам̣ ‘‘бажжзгамби яож̇анаа гаад̇аб̣б̣аа’’д̇и. яад̣̇и ‘‘сукам̣ табзд̇ваа’’д̇и яож̇анааяам̣ сзсаа д̇аяо канд̇хаа хонд̇и, сзсаа д̇аяо, жад̇д̇ааро жа канд̇хаа хонд̇ийд̇и вад̇д̇аб̣б̣ам̣ сияаад̇и? на, жад̇уусу д̇ин̣н̣ам̣ анд̇ог̇ад̇хад̇д̇аа. д̇знааха ‘‘саб̣б̣аяож̇анаа…бз… вуд̇д̇а’’нд̇и.
Paṭhamatthamevāti samaṅgibhāvatthameva. Tāni aṅgānīti iminā jhānakoṭṭhāsabhāvena vuttadhammāyeva gahitā, na phassapañcamakaindriyaṭṭhakādibhāvenāti vuttaṃ ‘‘sesā…pe… saṅgahitānī’’ti. Evaṃ satīti sukhasaṅkhātajhānaṅgato vedanāsomanassindriyānaṃ sesitabbabhāve sati. Evañhi nesaṃ phassakatā itarassa phassitabbatāva siyā. Tenāha ‘‘sukhassa phusitabbattā’’ti. Vedayitādhipateyyaṭṭhehīti ārammaṇānubhavanasaṅkhātena vedayitasabhāvena, tasseva sātavisesasaṅkhātena sampayuttehi anuvattanīyabhāvena ca. Upanijjhāyanabhāvopi yathāvuttavedayitādhipateyyaṭṭhavisiṭṭho oḷārikassa ārammaṇassa nijjhāyanabhāvo. Abhinnasabhāvopi hi dhammo purimavisiṭṭhapaccayavisesasambhavena visesena bhinnākāro hutvā visiṭṭhaphalabhāvaṃ āpajjati. Yathekaṃyeva kammaṃ cakkhādinibbattihetubhūtaṃ kammaṃ. Tena vuttaṃ ‘‘vedayitā…pe… vuttattā’’ti. Aṅgānīti nāyaṃ tapparabhāvena bahuvacananiddeso anantabhāvato, kevalañca aṅgānaṃ bahuttā bahuvacanaṃ, tena kiṃ siddhaṃ? Paccekampi yojanā siddhā hoti. Tena vuttaṃ ‘‘paccekampi yojanā kātabbā’’ti. Yadi ‘‘sukhaṃ ṭhapetvā’’ti yojanāyaṃ sesā tayo khandhā honti, sesā tayo, cattāro ca khandhā hontīti vattabbaṃ siyāti? Na, catūsu tiṇṇaṃ antogadhattā. Tenāha ‘‘sabbayojanā…pe… vutta’’nti.
2. асамаяавимогкзнаад̇и хздтаамаг̇г̇авимогкзна. со хи логияавимогко вияа ад̇хиг̇амавал̣ан̃ж̇анад̇т̇ам̣ багаббзд̇аб̣б̣асамаяависзсаабхаавад̇о звам̣ вуд̇д̇о. аг̇г̇амаг̇г̇авимогко бана згажжаасававимуд̇д̇иважанад̇о ид̇ха наад̇хиббзд̇о. д̇знааха ‘‘згажжз аасаваа баригкийн̣аа хонд̇ий’’д̇и. згажжзхи аасавзхи вимуд̇д̇од̇и д̣̇идтаасаваад̣̇ийхи самужчзд̣̇авимуд̇д̇ияаа вимуд̇д̇о. асамаяа…бз… лаабхзнаад̇и яат̇аавуд̇д̇аасамаяавимогкасса убаниссаяабхууд̇асса ад̇хиг̇амзна. д̇ад̇о зва саад̇исаязна, згажжзхи гаамаасавзхи вимуд̇д̇о вигкамбханавасзнаад̇и ад̇т̇о. со зва згажжасамаяавимогкалаабхий яат̇аавуд̇д̇о самаяавимуд̇д̇о асамаяавимогкависзсасса васзна самаяавимогкабан̃н̃ад̇д̇ияаа ад̇хиббзд̇ад̇д̇аа. сод̇и асамаяавимогкуубаниссаяасамаяавимогкалаабхий. д̇зна саад̇исаязна самаяавимогкзна. д̇ат̇аавимуд̇д̇ова ход̇ийд̇и зд̇т̇а ид̇и-сад̣̇д̣̇о хзд̇уад̇т̇о. яасмаа д̇ат̇аавимуд̇д̇о ход̇и, д̇асмаа самаяавимуд̇д̇абан̃н̃ад̇д̇им̣ лад̣̇д̇хум̣ арахад̇ийд̇и барин̃н̃аад̇ад̇т̇ам̣ хзд̇унаа бад̇идтаабзд̇и. б̣яад̇ирзгамукзнаби д̇амад̇т̇ам̣ баагадад̇арам̣ гаад̇ум̣ ‘‘бут̇уж̇ж̇ано банаа’’д̇иаад̣̇и вуд̇д̇ам̣. д̇ад̇т̇а самуд̣̇аажаарабхаавад̇од̇и самуд̣̇аажаарасса самбхавад̇о. сод̇и жхааналаабхий бут̇уж̇ж̇ано.
2. Asamayavimokkhenāti heṭṭhāmaggavimokkhena. So hi lokiyavimokkho viya adhigamavaḷañjanatthaṃ pakappetabbasamayavisesābhāvato evaṃ vutto. Aggamaggavimokkho pana ekaccāsavavimuttivacanato idha nādhippeto. Tenāha ‘‘ekacce āsavā parikkhīṇā hontī’’ti. Ekaccehi āsavehi vimuttoti diṭṭhāsavādīhi samucchedavimuttiyā vimutto. Asamaya…pe… lābhenāti yathāvuttaasamayavimokkhassa upanissayabhūtassa adhigamena. Tato eva sātisayena, ekaccehi kāmāsavehi vimutto vikkhambhanavasenāti attho. So eva ekaccasamayavimokkhalābhī yathāvutto samayavimutto asamayavimokkhavisesassa vasena samayavimokkhapaññattiyā adhippetattā. Soti asamayavimokkhūpanissayasamayavimokkhalābhī. Tena sātisayena samayavimokkhena. Tathāvimuttova hotīti ettha iti-saddo hetuattho. Yasmā tathāvimutto hoti, tasmā samayavimuttapaññattiṃ laddhuṃ arahatīti pariññātatthaṃ hetunā patiṭṭhāpeti. Byatirekamukhenapi tamatthaṃ pākaṭataraṃ kātuṃ ‘‘puthujjano panā’’tiādi vuttaṃ. Tattha samudācārabhāvatoti samudācārassa sambhavato. Soti jhānalābhī puthujjano.
яад̣̇и бунараавад̇д̇агад̇хаммад̇ааяа бут̇уж̇ж̇ано самаяавимуд̇д̇од̇и на вуд̇д̇о, д̇ад̣̇абхаавад̇о гасмаа арахаа д̇ат̇аа на вуд̇д̇од̇и ааха ‘‘арахад̇о банаа’’д̇иаад̣̇и. д̇ад̣̇агааран̣абхааванд̇и д̇зсам̣ вимогкаанам̣, д̇асса ваа самаяавимуд̇д̇ибхаавасса агааран̣абхаавам̣. саб̣б̣од̇и сугкавибассагоби самат̇аяаанигоби адтавимогкалаабхийби . б̣ахиаб̣бханд̇арабхааваа абзгкаасид̣̇д̇хаа, вад̇д̇у ад̇хиббааяавасзна г̇ахзд̇аб̣б̣аруубаа жаад̇и ааха ‘‘б̣аахираананд̇и логуд̇д̇арад̇о б̣ахибхууд̇аана’’нд̇и.
Yadi punarāvattakadhammatāya puthujjano samayavimuttoti na vutto, tadabhāvato kasmā arahā tathā na vuttoti āha ‘‘arahato panā’’tiādi. Tadakāraṇabhāvanti tesaṃ vimokkhānaṃ, tassa vā samayavimuttibhāvassa akāraṇabhāvaṃ. Sabboti sukkhavipassakopi samathayānikopi aṭṭhavimokkhalābhīpi . Bahiabbhantarabhāvā apekkhāsiddhā, vattu adhippāyavasena gahetabbarūpā cāti āha ‘‘bāhirānanti lokuttarato bahibhūtāna’’nti.
3. руубад̇о ан̃н̃ам̣ на руубанд̇и д̇ад̇т̇а руубабадибхааг̇ам̣ гасин̣аруубаад̣̇и рууба-сад̣̇д̣̇зна г̇ахид̇анд̇и д̇ад̣̇ан̃н̃ам̣ батамад̇ад̇ияааруббависаяамад̇д̇ам̣ аруубагканд̇ханиб̣б̣аанавинимуд̇д̇ам̣ арууба-сад̣̇д̣̇зна г̇ахид̇ам̣ д̣̇адтаб̣б̣ам̣. бадибагкабхууд̇зхи гилзсажорзхи амуусид̇аб̣б̣ам̣ жхаанамзва жид̇д̇аман̃ж̇уусам̣. самаад̇хинд̇и ваа самаад̇хисийсзна жхаанамзва вуд̇д̇анд̇и взд̣̇ид̇аб̣б̣ам̣.
3. Rūpatoaññaṃ na rūpanti tattha rūpapaṭibhāgaṃ kasiṇarūpādi rūpa-saddena gahitanti tadaññaṃ paṭhamatatiyāruppavisayamattaṃ arūpakkhandhanibbānavinimuttaṃ arūpa-saddena gahitaṃ daṭṭhabbaṃ. Paṭipakkhabhūtehi kilesacorehi amūsitabbaṃ jhānameva cittamañjūsaṃ. Samādhinti vā samādhisīsena jhānameva vuttanti veditabbaṃ.
4. ад̇д̇ано ануруубзна бамаад̣̇знаад̇и зд̇т̇а анааг̇аамино ад̇хигусалзсу д̇хаммзсу асаггажжаасаад̇ажжагирияаад̣̇инаа. кийн̣аасавасса бана д̇аад̣̇исзна бамаад̣̇абад̇ируубагзна, д̇аад̣̇исааяа ваа асаггажжагирияааяа. саа жасса уссуггаабхаавад̇о взд̣̇ид̇аб̣б̣аа. бадиббассад̣̇д̇хасаб̣б̣уссуггаа хи д̇з уд̇д̇амабурисаа. самаязна самаяанд̇и самаяз самаяз. бхуммад̇т̇з хи зд̇ам̣ гаран̣аважанам̣ убаяог̇аважанан̃жа. анибпад̇д̇ид̇од̇и самаабаж̇ж̇ид̇ум̣ асаггун̣зяяад̇о. ассаад̇и ‘‘д̇зсан̃хий’’д̇иаад̣̇инаа вуд̇д̇асса имасса адтагат̇ааважанасса. д̇знаад̇и яат̇аабхад̇зна суд̇д̇зна.
4. Attano anurūpena pamādenāti ettha anāgāmino adhikusalesu dhammesu asakkaccaasātaccakiriyādinā. Khīṇāsavassa pana tādisena pamādapatirūpakena, tādisāya vā asakkaccakiriyāya. Sā cassa ussukkābhāvato veditabbā. Paṭippassaddhasabbussukkā hi te uttamapurisā. Samayena samayanti samaye samaye. Bhummatthe hi etaṃ karaṇavacanaṃ upayogavacanañca. Anipphattitoti samāpajjituṃ asakkuṇeyyato. Assāti ‘‘tesañhī’’tiādinā vuttassa imassa aṭṭhakathāvacanassa. Tenāti yathābhatena suttena.
5. язнаад̇хиббааязна ‘‘д̇хаммзхий’’д̇и вад̇д̇аб̣б̣анд̇и вуд̇д̇ам̣, д̇ам̣ виваранд̇о ‘‘ид̇хаа’’д̇иаад̣̇имааха. д̇ад̇т̇а ид̇хаад̇и ‘‘барихаанад̇хаммо абарихаанад̇хаммо’’д̇и зд̇асмим̣ бад̣̇ад̣̇ваяз. д̇ад̇т̇аад̇и ‘‘губбад̇хаммо агуббад̇хаммо’’д̇и бад̣̇ад̣̇ваяз. сад̇и важананаанад̇д̇з ад̇т̇зва важанад̇т̇анаанад̇д̇анд̇и ааха ‘‘важанад̇т̇анаанад̇д̇амад̇д̇зна ваа’’д̇и. важанад̇т̇аг̇г̇ахан̣амукзна г̇ахзд̇аб̣б̣асса бана вибхааванад̇т̇асса над̇т̇зд̇т̇а наанад̇д̇ам̣, яад̇о д̇зсам̣ барияааяанд̇арад̇аасид̣̇д̇хи.
5. Yenādhippāyena ‘‘dhammehī’’ti vattabbanti vuttaṃ, taṃ vivaranto ‘‘idhā’’tiādimāha. Tattha idhāti ‘‘parihānadhammo aparihānadhammo’’ti etasmiṃ padadvaye. Tatthāti ‘‘kuppadhammo akuppadhammo’’ti padadvaye. Sati vacananānatte attheva vacanatthanānattanti āha ‘‘vacanatthanānattamattena vā’’ti. Vacanatthaggahaṇamukhena gahetabbassa pana vibhāvanatthassa natthettha nānattaṃ, yato tesaṃ pariyāyantaratāsiddhi.
7-8. самаабад̇д̇ижзд̇анаад̇и яааяа жзд̇анааяа самаабад̇д̇им̣ ниб̣б̣ад̇д̇зд̇и самаабаж̇ж̇ад̇и жа. д̇знааха ‘‘д̇ад̣̇ааяууханаа’’д̇и. аарагкабажжубадтаанаа сад̇ийд̇и гад̇ваа ааха ‘‘анурагкан̣аа…бз… сад̇ий’’д̇и. д̇знааха ‘‘згаарагко сад̇аарагкзна жзд̇асаа вихарад̇ий’’д̇и. д̇ат̇аа хи саа ‘‘гусалаагусалаанам̣ д̇хаммаанам̣ г̇ад̇ияо саманнзсад̇ий’’д̇и вуд̇д̇аа.
7-8. Samāpatticetanāti yāya cetanāya samāpattiṃ nibbatteti samāpajjati ca. Tenāha ‘‘tadāyūhanā’’ti. Ārakkhapaccupaṭṭhānā satīti katvā āha ‘‘anurakkhaṇā…pe… satī’’ti. Tenāha ‘‘ekārakkho satārakkhena cetasā viharatī’’ti. Tathā hi sā ‘‘kusalākusalānaṃ dhammānaṃ gatiyo samannesatī’’ti vuttā.
11. аг̇г̇амаг̇г̇адтоби ид̇арамаг̇г̇адтаа вияа анубажчиннабхаяад̇д̇аа бхаяуубарад̇авохаарам̣ лабхад̇ийд̇и ааха ‘‘арахад̇д̇амаг̇г̇адто жа…бз… бхаяуубарад̇о’’д̇и.
11. Aggamaggaṭṭhopi itaramaggaṭṭhā viya anupacchinnabhayattā bhayūparatavohāraṃ labhatīti āha ‘‘arahattamaggaṭṭho ca…pe… bhayūparato’’ti.
12. гзжийд̇и д̇ихзд̇угабадисанд̇хигз манд̣̇аб̣уд̣̇д̇хигз санд̇хааяааха. д̇зна вуд̇д̇ам̣ ‘‘д̣̇уббан̃н̃аад̇и иминаа г̇аяханд̇ий’’д̇и. д̣̇уб̣б̣алаа бан̃н̃аа язсам̣ д̇з д̣̇уббан̃н̃аад̇и.
12. Kecīti tihetukapaṭisandhike mandabuddhike sandhāyāha. Tena vuttaṃ ‘‘duppaññāti iminā gayhantī’’ti. Dubbalā paññā yesaṃ te duppaññāti.
14. анияад̇ад̇хаммасаманнааг̇ад̇ассзва бажжаяависзсзна нияад̇ад̇хаммабадилаабход̇и ааха ‘‘яад̇т̇а…бз… хонд̇ий’’д̇и. д̇ад̣̇абхааваад̇и нияад̇аанияад̇авомиссааяа бавад̇д̇ияаа абхааваа.
14. Aniyatadhammasamannāgatasseva paccayavisesena niyatadhammapaṭilābhoti āha ‘‘yattha…pe… hontī’’ti. Tadabhāvāti niyatāniyatavomissāya pavattiyā abhāvā.
16. барияаад̣̇ияид̇аб̣б̣аанийд̇и барияаад̣̇агзна маг̇г̇зна кзбзд̇аб̣б̣аани. д̇ан̣хаад̣̇ийнам̣ балиб̣уд̇ханаад̣̇игирияааяа мад̇т̇агаббад̇д̇ияаа сийсабхааво взд̣̇ид̇аб̣б̣о, ниб̣б̣аанасса бана висан̇каарабхаавад̇о сан̇каарасийсад̇аа. д̇знааха ‘‘сан̇кааравивзгабхууд̇о нирод̇хо’’д̇и. гзжи бана ‘‘сан̇каарасийсам̣ нирод̇хасамаабад̇д̇ий’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣ бан̃н̃ад̇д̇имад̇д̇асса сийсабхааваанубабад̇д̇ид̇о д̇ад̣̇уд̣̇д̇хан̃жа сан̇каараббавад̇д̇исаб̣бхаавад̇о. саха вияаад̇и згаж̇жхам̣ вияа. зд̇зна сама-сад̣̇д̣̇асса ад̇т̇амааха. сахад̇т̇о хзса сама-сад̣̇д̣̇о. сам̣сид̣̇д̇хид̣̇ассанзнаад̇и сам̣сид̣̇д̇хияаа нидтаанасса убарамасса д̣̇ассанзна.
16. Pariyādiyitabbānīti pariyādakena maggena khepetabbāni. Taṇhādīnaṃ palibudhanādikiriyāya matthakappattiyā sīsabhāvo veditabbo, nibbānassa pana visaṅkhārabhāvato saṅkhārasīsatā. Tenāha ‘‘saṅkhāravivekabhūto nirodho’’ti. Keci pana ‘‘saṅkhārasīsaṃ nirodhasamāpattī’’ti vadanti, taṃ tesaṃ matimattaṃ paññattimattassa sīsabhāvānupapattito taduddhañca saṅkhārappavattisabbhāvato. Saha viyāti ekajjhaṃ viya. Etena sama-saddassa atthamāha. Sahattho hesa sama-saddo. Saṃsiddhidassanenāti saṃsiddhiyā niṭṭhānassa uparamassa dassanena.
ид̇хаад̇и имиссаа буг̇г̇алабан̃н̃ад̇д̇ибаал̣ияаа, имиссаа ваа д̇ад̣̇адтагат̇ааяа. гилзсабавад̇д̇асийсаананд̇и гилзсасийсабавад̇д̇асийсаанам̣. д̇зсу хи г̇ахид̇зсу ид̇арамби барияаад̣̇ияид̇аб̣б̣ам̣ гилзсабхаавзна барияаад̣̇ияид̇аб̣б̣ад̇аасааман̃н̃зна жа г̇ахид̇амзва ход̇ийд̇и гилзсаваддабарияаад̣̇аанзна маг̇г̇асса ид̇араваддаанамби барияаад̣̇ияанам̣. ваддубажчзд̣̇агзна маг̇г̇знзва хи ж̇ийвид̇инд̣̇рияамби анавасзсад̇о нируж̇жхад̇ийд̇и. гасмаа банзд̇т̇а бавад̇д̇асийсам̣ висум̣ г̇ахид̇анд̇и жод̣̇анам̣ санд̇хааяааха ‘‘бавад̇д̇асийсамбий’’д̇иаад̣̇и. од̇хисо жа анод̇хисо жа гилзсабарияаад̣̇аанз сад̇и сиж̇жхамаанаа бажжавзгкан̣аваараа д̇зна нибпаад̣̇зд̇аб̣б̣аад̇и вуд̇д̇аа. д̇знзвааха ‘‘гилзсабарияаад̣̇аанассзва ваараа’’д̇и. ид̣̇аани д̇амад̇т̇ам̣ ааг̇амзна саад̇хзнд̇о ‘‘вимуд̇д̇асми’’нд̇иаад̣̇имааха. жуд̇ижид̇д̇зна ход̇ийд̇и ид̣̇ам̣ яат̇аавуд̇д̇асса гилзсабарияаад̣̇аанасамаабанабхууд̇асса бажжавзгкан̣аваарасса жуд̇ижид̇д̇зна барижчиннад̇д̇аа вуд̇д̇ам̣, д̇асмаа жуд̇ижид̇д̇зна барижчзд̣̇агзна барижчиннам̣ ход̇ийд̇и ад̇т̇о.
Idhāti imissā puggalapaññattipāḷiyā, imissā vā tadaṭṭhakathāya. Kilesapavattasīsānanti kilesasīsapavattasīsānaṃ. Tesu hi gahitesu itarampi pariyādiyitabbaṃ kilesabhāvena pariyādiyitabbatāsāmaññena ca gahitameva hotīti kilesavaṭṭapariyādānena maggassa itaravaṭṭānampi pariyādiyanaṃ. Vaṭṭupacchedakena maggeneva hi jīvitindriyampi anavasesato nirujjhatīti. Kasmā panettha pavattasīsaṃ visuṃ gahitanti codanaṃ sandhāyāha ‘‘pavattasīsampī’’tiādi. Odhiso ca anodhiso ca kilesapariyādāne sati sijjhamānā paccavekkhaṇavārā tena nipphādetabbāti vuttā. Tenevāha ‘‘kilesapariyādānasseva vārā’’ti. Idāni tamatthaṃ āgamena sādhento ‘‘vimuttasmi’’ntiādimāha. Cuticittena hotīti idaṃ yathāvuttassa kilesapariyādānasamāpanabhūtassa paccavekkhaṇavārassa cuticittena paricchinnattā vuttaṃ, tasmā cuticittena paricchedakena paricchinnaṃ hotīti attho.
17. д̇идтзяяаад̇и на убаг̇ажчзяяа. таанан̃хи г̇ад̇инивад̇д̇и. д̇зна вуд̇д̇ам̣ ‘‘наббавад̇д̇зяяаа’’д̇и.
17. Tiṭṭheyyāti na upagaccheyya. Ṭhānañhi gatinivatti. Tena vuttaṃ ‘‘nappavatteyyā’’ti.
18. баяирубаасанааяа б̣ахуубагаарад̇д̇аа баяирубаасид̇аб̣б̣ад̇д̇аа.
18. Payirupāsanāya bahūpakārattā payirupāsitabbattā.
20. аг̇г̇авиж̇ж̇аа яасса анад̇хиг̇ад̇авиж̇ж̇аад̣̇ваяасса ход̇и, со жз бажчаа виж̇ж̇аад̣̇ваяам̣ ад̇хиг̇ажчад̇и, д̇асса батамам̣ ад̇хиг̇ад̇авиж̇ж̇аад̣̇ваяасса вияа ад̇звиж̇ж̇ад̇аабхааваа яад̣̇иби ниббарияааяад̇аа д̇звиж̇ж̇ад̇аа, батамам̣ ад̇хиг̇ад̇авиж̇ж̇аад̣̇ваяасса бана саа сависзсаад̇и д̣̇ассзнд̇о ‘‘яааяа гад̇агижжад̇аа’’д̇иаад̣̇имааха. д̇ад̇т̇а аг̇г̇авиж̇ж̇аад̇и аасавагкаяан̃аан̣ам̣, аг̇г̇амаг̇г̇ан̃аан̣амзва ваа взд̣̇ид̇аб̣б̣ам̣. саа жа д̇звиж̇ж̇ад̇аад̇и яож̇анаа.
20. Aggavijjā yassa anadhigatavijjādvayassa hoti, so ce pacchā vijjādvayaṃ adhigacchati, tassa paṭhamaṃ adhigatavijjādvayassa viya atevijjatābhāvā yadipi nippariyāyatā tevijjatā, paṭhamaṃ adhigatavijjādvayassa pana sā savisesāti dassento ‘‘yāya katakiccatā’’tiādimāha. Tattha aggavijjāti āsavakkhayañāṇaṃ, aggamaggañāṇameva vā veditabbaṃ. Sā ca tevijjatāti yojanā.
22. д̇ад̇т̇зваад̇и сажжаабхисамб̣од̇хз зва.
22. Tatthevāti saccābhisambodhe eva.
24. д̇анд̇и нирод̇хасамаабад̇д̇илаабхино убхад̇обхааг̇авимуд̇д̇ад̇ааважанам̣. вуд̇д̇алагкан̣уубабад̇д̇игод̇и д̣̇вийхи бхааг̇зхи д̣̇вз ваарз вимуд̇д̇од̇и звам̣ вуд̇д̇алагкан̣зна убабад̇д̇ид̇о яуд̇д̇ид̇о саманнааг̇ад̇о. зсзва наяод̇и яат̇аа жад̇уннам̣ аруубасамаабад̇д̇ийнам̣ згзгад̇о нирод̇хад̇о жа вудтааяа арахад̇д̇ам̣ бад̇д̇аанам̣ васзна бан̃жа убхад̇обхааг̇авимуд̇д̇аа вуд̇д̇аа, д̇ат̇аа сзгкабхаавам̣ бад̇д̇аанам̣ васзна бан̃жа гааяасагкино хонд̇ийд̇и гад̇ваа вуд̇д̇ам̣.
24. Tanti nirodhasamāpattilābhino ubhatobhāgavimuttatāvacanaṃ. Vuttalakkhaṇūpapattikoti dvīhi bhāgehi dve vāre vimuttoti evaṃ vuttalakkhaṇena upapattito yuttito samannāgato. Eseva nayoti yathā catunnaṃ arūpasamāpattīnaṃ ekekato nirodhato ca vuṭṭhāya arahattaṃ pattānaṃ vasena pañca ubhatobhāgavimuttā vuttā, tathā sekkhabhāvaṃ pattānaṃ vasena pañca kāyasakkhino hontīti katvā vuttaṃ.
д̣̇ассанагааран̣аад̇и иминаа ‘‘д̣̇исваа’’д̇и зд̇т̇а д̇ваа-сад̣̇д̣̇о хзд̇уад̇т̇од̇и д̣̇ассзд̇и яат̇аа ‘‘сийхам̣ д̣̇исваа бхаяам̣ ход̇ий’’д̇иаад̣̇ийсу. д̣̇ассанз сад̇и баригкаяо, наасад̇ийд̇и ааха ‘‘д̣̇ассанааяад̇д̇абаригкаяад̇д̇аа’’д̇и. буримагирияаад̇и аасаваанам̣ каяагирияааяа буримагирияаа. самаанагаалад̇д̇зби хи гааран̣агирияаа палагирияааяа буримасид̣̇д̇хаа вияа вохарийяад̇и. д̇ад̇о наамагааяад̇о мужжанад̇о. яад̇о хи язна мужжид̇аб̣б̣ам̣, д̇ам̣ ниссид̇о ход̇ийд̇и вуд̇д̇ам̣ ‘‘нааманиссид̇аго’’д̇и. д̇ассаад̇и гааяад̣̇ваяавимуд̇д̇ияаа убхад̇обхааг̇авимуд̇д̇абхаавасса. аруубалогз хи тид̇аараханд̇авасзнааяамад̇т̇о вуд̇д̇о. д̇знааха ‘‘суд̇д̇з хий’’д̇иаад̣̇и.
Dassanakāraṇāti iminā ‘‘disvā’’ti ettha tvā-saddo hetuatthoti dasseti yathā ‘‘sīhaṃ disvā bhayaṃ hotī’’tiādīsu. Dassane sati parikkhayo, nāsatīti āha ‘‘dassanāyattaparikkhayattā’’ti. Purimakiriyāti āsavānaṃ khayakiriyāya purimakiriyā. Samānakālattepi hi kāraṇakiriyā phalakiriyāya purimasiddhā viya voharīyati. Tato nāmakāyato muccanato. Yato hi yena muccitabbaṃ, taṃ nissito hotīti vuttaṃ ‘‘nāmanissitako’’ti. Tassāti kāyadvayavimuttiyā ubhatobhāgavimuttabhāvassa. Arūpaloke hi ṭhitārahantavasenāyamattho vutto. Tenāha ‘‘sutte hī’’tiādi.
д̣̇вийхи бхааг̇зхийд̇и вигкамбханасамужчзд̣̇абхааг̇зхи. д̣̇вз ваарзд̇и гилзсаанам̣ вигкамбханасамужчинд̣̇анавасзна д̣̇вигкад̇д̇ум̣. гилзсзхи вимуд̇д̇од̇и ид̣̇ам̣ батамад̇ад̇ияаваад̣̇аанам̣ васзна вуд̇д̇ам̣, ид̇арам̣ д̣̇уд̇ияаваад̣̇асса. аруубаж̇жхаанам̣ яад̣̇иби руубасан̃н̃аад̣̇ийхи вимуд̇д̇ам̣ д̇ам̣самад̇иггамаад̣̇инаа бад̇д̇аб̣б̣ад̇д̇аа, бавад̇д̇иниваарагзхи бана гаамажчанд̣̇аад̣̇ийхиязвасса вимуд̇д̇и саад̇исаяаад̇и д̣̇ассзнд̇о ‘‘нийваран̣асан̇каад̇анаамагааяад̇о вимуд̇д̇а’’нд̇и ааха. яан̃жааби аруубаж̇жхаанам̣ руубалогз вивзгадтад̇аавасзнаби руубагааяад̇о вимуд̇д̇ам̣, д̇ам̣ бана руубабадиб̣анд̇хачанд̣̇арааг̇авигкамбханзнзва ход̇ийд̇и вигкамбханамзва бад̇хаананд̇и вуд̇д̇ам̣ ‘‘руубад̇ан̣хаавигкамбханзна руубагааяад̇о жа вимуд̇д̇ад̇д̇аа’’д̇и. згад̣̇зсзна убхад̇обхааг̇авимуд̇д̇ам̣ наама ход̇и самужчзд̣̇авимуд̇д̇ияаа абхааваа.
Dvīhi bhāgehīti vikkhambhanasamucchedabhāgehi. Dve vāreti kilesānaṃ vikkhambhanasamucchindanavasena dvikkhattuṃ. Kilesehi vimuttoti idaṃ paṭhamatatiyavādānaṃ vasena vuttaṃ, itaraṃ dutiyavādassa. Arūpajjhānaṃ yadipi rūpasaññādīhi vimuttaṃ taṃsamatikkamādinā pattabbattā, pavattinivārakehi pana kāmacchandādīhiyevassa vimutti sātisayāti dassento ‘‘nīvaraṇasaṅkhātanāmakāyato vimutta’’nti āha. Yañcāpi arūpajjhānaṃ rūpaloke vivekaṭṭhatāvasenapi rūpakāyato vimuttaṃ, taṃ pana rūpapaṭibandhachandarāgavikkhambhaneneva hotīti vikkhambhanameva padhānanti vuttaṃ ‘‘rūpataṇhāvikkhambhanenarūpakāyato ca vimuttattā’’ti. Ekadesena ubhatobhāgavimuttaṃ nāma hoti samucchedavimuttiyā abhāvā.
25. ‘‘сад̇д̇исаяо’’д̇и вияа самуд̣̇ааяз бавад̇д̇о вохааро аваяавзби д̣̇иссад̇ийд̇и д̣̇ассзнд̇о ааха ‘‘адтавимогкзгад̣̇зсзна…бз… вужжад̇ий’’д̇и.
25. ‘‘Sattisayo’’ti viya samudāye pavatto vohāro avayavepi dissatīti dassento āha ‘‘aṭṭhavimokkhekadesena…pe… vuccatī’’ti.
26. пудтаананд̇и пассид̇аанам̣, ад̇хиг̇ад̇аананд̇и ад̇т̇о. анд̇од̇и анд̇асад̣̇исо пассанааяа барагаало. д̇ад̣̇ананд̇аро хи д̇аббарияосаано вияа ход̇ийд̇и. гаалависаяо жааяам̣ анд̇а-сад̣̇д̣̇о, на бана гаалад̇т̇о. д̇знааха ‘‘ад̇хиббааяо’’д̇и. наамагааязгад̣̇зсад̇од̇и нийваран̣асан̇каад̇анаамагааязгад̣̇зсад̇о. ааложид̇о багаасид̇о вияа ход̇и виб̣анд̇хавигкамбханзна ааложанз багаасанз самад̇т̇асса н̃аан̣ажагкуно ад̇хидтаанасамуббаад̣̇анад̇о. на д̇у вимуд̇д̇од̇и вимуд̇д̇од̇и на вужжад̇зва.
26. Phuṭṭhānanti phassitānaṃ, adhigatānanti attho. Antoti antasadiso phassanāya parakālo. Tadanantaro hi tappariyosāno viya hotīti. Kālavisayo cāyaṃ anta-saddo, na pana kālattho. Tenāha ‘‘adhippāyo’’ti. Nāmakāyekadesatoti nīvaraṇasaṅkhātanāmakāyekadesato. Ālocito pakāsito viya hoti vibandhavikkhambhanena ālocane pakāsane samatthassa ñāṇacakkhuno adhiṭṭhānasamuppādanato. Na tu vimuttoti vimuttoti na vuccateva.
28. имам̣ бана наяанд̇и ‘‘абижа д̇зса’’нд̇иаад̣̇инаа ааг̇ад̇авид̇хим̣. язна висзсзнаад̇и язна гааран̣ависзсзна. сод̇и д̣̇идтиббад̇д̇асад̣̇д̇хаавимуд̇д̇аанам̣ яат̇аавуд̇д̇о бан̃н̃ааяа висзсо. бадигкзбо гад̇о гааран̣асса авибхаавид̇ад̇д̇аа. убхад̇обхааг̇авимуд̇д̇о вияа, бан̃н̃аавимуд̇д̇о вияа ваа саб̣б̣ат̇аа авимуд̇д̇асса саавасзсавимуд̇д̇ияамби д̣̇идтиббад̇д̇асса вияа бан̃н̃ааяа саад̇исаяааяа абхаавад̇о сад̣̇д̇хаамад̇д̇зна вимуд̇д̇абхааво д̣̇адтаб̣б̣о. сад̣̇д̇хааяа ад̇химуд̇д̇од̇и ид̣̇ам̣ ааг̇аманавасзна сад̣̇д̇хааяа ад̇хигабхаавам̣ санд̇хааяа вуд̇д̇ам̣, маг̇г̇аад̇хиг̇амад̇о банасса бажжагкамзва н̃аан̣ад̣̇ассанам̣.
28. Imaṃ pana nayanti ‘‘apica tesa’’ntiādinā āgatavidhiṃ. Yena visesenāti yena kāraṇavisesena. Soti diṭṭhippattasaddhāvimuttānaṃ yathāvutto paññāya viseso. Paṭikkhepo kato kāraṇassa avibhāvitattā. Ubhatobhāgavimutto viya, paññāvimutto viya vā sabbathā avimuttassa sāvasesavimuttiyampi diṭṭhippattassa viya paññāya sātisayāya abhāvato saddhāmattena vimuttabhāvo daṭṭhabbo. Saddhāya adhimuttoti idaṃ āgamanavasena saddhāya adhikabhāvaṃ sandhāya vuttaṃ, maggādhigamato panassa paccakkhameva ñāṇadassanaṃ.
31. ‘‘сод̇од̇и арияамаг̇г̇асса наама’’нд̇и ниббарияааязна д̇ам̣саман̇г̇ий сод̇аабаннод̇и ад̇хиббааязна жод̣̇аго ‘‘аби-сад̣̇д̣̇о гасмаа вуд̇д̇о’’д̇и жод̣̇анам̣ удтаабзд̇ваа ‘‘нануу’’д̇иаад̣̇инаа ад̇д̇ано ад̇хиббааяам̣ виварад̇и. ид̇аро ‘‘наабанна’’нд̇иаад̣̇инаа барихарад̇и. саманнааг̇ад̇о зва наама логуд̇д̇арад̇хаммаанам̣ агуббасабхаавад̇д̇аа. ид̇арзхийд̇и д̣̇уд̇ияамаг̇г̇адтаад̣̇ийхи. со зваад̇и батамапаладто зва. ид̇хаад̇и имасмим̣ сад̇д̇агкад̇д̇убараманид̣̇д̣̇зсз. сод̇ам̣ ваа арияамаг̇г̇ам̣ аад̣̇ид̇о банно ад̇хиг̇ад̇од̇и сод̇аабаннод̇и вужжамаанз д̣̇уд̇ияамаг̇г̇адтаад̣̇ийнам̣ над̇т̇зва сод̇аабаннабхааваабад̇д̇и. суд̇д̇з бана сод̇ам̣ арияамаг̇г̇ам̣ аад̣̇ид̇о марияаад̣̇ам̣ амун̃жид̇ваава банно бадибаж̇ж̇ад̇ийд̇и гад̇ваа маг̇г̇асаман̇г̇ий ‘‘сод̇аабанно’’д̇и вуд̇д̇о. барияааязна ид̇ароби д̇асса абарихаанад̇хаммад̇д̇аа сод̇аабаннод̇и взд̣̇ид̇аб̣б̣ам̣. бахийнаавасидтагилзсабажжавзгкан̣ааяа самуд̣̇аяасажжам̣ вияа д̣̇угкасажжамби бажжавзгкид̇ам̣ ход̇и сажжад̣̇ваяабарияаабаннад̇д̇аа гилзсаананд̇и ааха ‘‘жад̇усажжабажжавзгкан̣аад̣̇ийна’’нд̇и. аад̣̇и-сад̣̇д̣̇зна палабажжавзгкан̣аубаримаг̇г̇апалад̇хаммз жа сан̇г̇ан̣хаад̇и.
31. ‘‘Sototi ariyamaggassa nāma’’nti nippariyāyena taṃsamaṅgī sotāpannoti adhippāyena codako ‘‘api-saddo kasmā vutto’’ti codanaṃ uṭṭhāpetvā ‘‘nanū’’tiādinā attano adhippāyaṃ vivarati. Itaro ‘‘nāpanna’’ntiādinā pariharati. Samannāgato eva nāma lokuttaradhammānaṃ akuppasabhāvattā. Itarehīti dutiyamaggaṭṭhādīhi. So evāti paṭhamaphalaṭṭho eva. Idhāti imasmiṃ sattakkhattuparamaniddese. Sotaṃ vā ariyamaggaṃ ādito panno adhigatoti sotāpannoti vuccamāne dutiyamaggaṭṭhādīnaṃ nattheva sotāpannabhāvāpatti. Sutte pana sotaṃ ariyamaggaṃ ādito mariyādaṃ amuñcitvāva panno paṭipajjatīti katvā maggasamaṅgī ‘‘sotāpanno’’ti vutto. Pariyāyena itaropi tassa aparihānadhammattā sotāpannoti veditabbaṃ. Pahīnāvasiṭṭhakilesapaccavekkhaṇāya samudayasaccaṃ viya dukkhasaccampi paccavekkhitaṃ hoti saccadvayapariyāpannattā kilesānanti āha ‘‘catusaccapaccavekkhaṇādīna’’nti. Ādi-saddena phalapaccavekkhaṇauparimaggaphaladhamme ca saṅgaṇhāti.
32. махаагуламзваад̇и ул̣аарагуламзва вужжад̇и ‘‘гулийно гулабуд̇д̇о’’д̇иаад̣̇ийсу вияа.
32. Mahākulamevāti uḷārakulameva vuccati ‘‘kulīno kulaputto’’tiādīsu viya.
33. саж̇жхаанаго абарихийнаж̇жхаано гаалагад̇о б̣рахмалогуубаг̇о худ̇ваа ваддаж̇жхаасаяо жз, убаруубари ниб̣б̣ад̇д̇ид̇ваа ниб̣б̣ааяад̇ийд̇и ааха ‘‘анааг̇аамисабхааг̇о’’д̇и. яад̇о со жхаанаанааг̇аамийд̇и вужжад̇и. д̇знааха ‘‘анаавад̇д̇ид̇хаммо’’д̇и.
33. Sajjhānako aparihīnajjhāno kālakato brahmalokūpago hutvā vaṭṭajjhāsayo ce, uparūpari nibbattitvā nibbāyatīti āha ‘‘anāgāmisabhāgo’’ti. Yato so jhānānāgāmīti vuccati. Tenāha ‘‘anāvattidhammo’’ti.
36. бараяог̇з д̇ваа-сад̣̇д̣̇о д̇ад̣̇анд̇о худ̇ваа ‘‘барасад̣̇д̣̇аяог̇з’’д̇и вуд̇д̇о, аббад̇ваад̇и вуд̇д̇ам̣ ход̇ийд̇и ‘‘аббад̇д̇ам̣ худ̇ваа’’д̇и иминаа вужжад̇и.
36. Parayoge tvā-saddo tadanto hutvā ‘‘parasaddayoge’’ti vutto, appatvāti vuttaṃ hotīti ‘‘appattaṃ hutvā’’ti iminā vuccati.
37. д̇знаад̇и ‘‘убахажжаа’’д̇и бад̣̇зна. нану жа взмаж̇жхаад̇иггамо ‘‘ад̇иггамид̇ваа взмаж̇жха’’нд̇и иминаа багаасид̇о ход̇ийд̇и ад̇хиббааяо.
37. Tenāti ‘‘upahaccā’’ti padena. Nanu ca vemajjhātikkamo ‘‘atikkamitvā vemajjha’’nti iminā pakāsito hotīti adhippāyo.
40. д̇ан̣хааваддасод̇аа д̇ан̣хааваддаб̣анд̇хаа. д̇ассаад̇и сод̇асса. самб̣анд̇хз жзд̇ам̣ саамиважанам̣. уд̣̇д̇хам̣сод̇асса убарибхавуубаг̇ад̇аа згам̣сигаад̇и ааха ‘‘яад̇т̇а ваа д̇ад̇т̇а ваа г̇анд̇ваа’’д̇и. д̇ассаад̇и уд̣̇д̇хам̣сод̇асса. д̇ад̇т̇аад̇и авихзсу. лахусаалахусаг̇ад̇игаад̇и лахугаалахугааяуг̇ад̇игаа, лахугаалахуган̃аан̣аг̇ад̇игаа ваа. уббаж̇ж̇ид̇ваава ниб̣б̣ааяанагаад̣̇ийхийд̇и аад̣̇и-сад̣̇д̣̇зна ‘‘аагаасам̣ лан̇гхид̇ваа ниб̣б̣ааяад̇ий’’д̇иаад̣̇инаа вуд̇д̇аа д̇иссо убамаа сан̇г̇ан̣хаад̇и. анд̇арааубахажжабариниб̣б̣ааяийхи ад̇химад̇д̇ад̇аа, уд̣̇д̇хам̣сод̇ад̇о анад̇химад̇д̇ад̇аа жа асан̇каарасасан̇каарабариниб̣б̣ааяийнам̣ на взд̣̇ид̇аб̣б̣аад̇и яож̇анаа. д̇з зваад̇и анд̇арааубахажжабариниб̣б̣ааяиуд̣̇д̇хам̣сод̇аа зва. яад̣̇и звам̣ асан̇каарасасан̇каарабариниб̣б̣ааяийнам̣ убамааважанзна д̇ад̇о маханд̇ад̇арзхи гасмаа вуд̇д̇анд̇и жод̣̇анам̣ санд̇хааяааха ‘‘д̇ад̇о маханд̇а…бз… д̣̇ассанад̇т̇а’’нд̇и.
40. Taṇhāvaṭṭasotā taṇhāvaṭṭabandhā. Tassāti sotassa. Sambandhe cetaṃ sāmivacanaṃ. Uddhaṃsotassa uparibhavūpagatā ekaṃsikāti āha ‘‘yattha vā tattha vā gantvā’’ti. Tassāti uddhaṃsotassa. Tatthāti avihesu. Lahusālahusagatikāti lahukālahukāyugatikā, lahukālahukañāṇagatikā vā. Uppajjitvāva nibbāyanakādīhīti ādi-saddena ‘‘ākāsaṃ laṅghitvā nibbāyatī’’tiādinā vuttā tisso upamā saṅgaṇhāti. Antarāupahaccaparinibbāyīhi adhimattatā, uddhaṃsotato anadhimattatā ca asaṅkhārasasaṅkhāraparinibbāyīnaṃ na veditabbāti yojanā. Te evāti antarāupahaccaparinibbāyiuddhaṃsotā eva. Yadi evaṃ asaṅkhārasasaṅkhāraparinibbāyīnaṃ upamāvacanena tato mahantatarehi kasmā vuttanti codanaṃ sandhāyāha ‘‘tato mahanta…pe… dassanattha’’nti.
д̇знаад̇и ‘‘но жасса, но жа мз сияаа’’д̇и важанзна. д̇знаад̇и ваа яат̇аавуд̇д̇зна д̇асса ад̇т̇аважанзна. имасса д̣̇угкассаад̇и имасса самбад̇и вад̇д̇амаанасса вин̃н̃аан̣аад̣̇ид̣̇угкасса. уд̣̇аяад̣̇ассанам̣ н̃аан̣ам̣. жад̇уухибийд̇и ‘‘но жассаа’’д̇и жад̇уухи бад̣̇зхи. яам̣ ад̇т̇ийд̇и яам̣ барамад̇т̇ад̇о виж̇ж̇ад̇и . д̇знааха ‘‘бхууд̇анд̇и сасабхаава’’нд̇и, бхууд̇анд̇и канд̇хабан̃жаганд̇и ад̇т̇о. яат̇ааха ‘‘бхууд̇амид̣̇анд̇и, бхигкавз, саманубассат̇аа’’д̇и. виваддамаанасо вивижжамаанахад̣̇аяо д̇ан̣хаад̣̇исод̇ад̇о нивад̇д̇аж̇жхаасаяо. убзгкаго ход̇ийд̇и жад̇д̇абхарияо вияа бурисо бхаяам̣ нанд̣̇ин̃жа бахааяа уд̣̇аасино ход̇и.
Tenāti ‘‘no cassa, no ca me siyā’’ti vacanena. Tenāti vā yathāvuttena tassa atthavacanena. Imassa dukkhassāti imassa sampati vattamānassa viññāṇādidukkhassa. Udayadassanaṃ ñāṇaṃ. Catūhipīti ‘‘no cassā’’ti catūhi padehi. Yaṃ atthīti yaṃ paramatthato vijjati . Tenāha ‘‘bhūtanti sasabhāva’’nti, bhūtanti khandhapañcakanti attho. Yathāha ‘‘bhūtamidanti, bhikkhave, samanupassathā’’ti. Vivaṭṭamānaso viviccamānahadayo taṇhādisotato nivattajjhāsayo. Upekkhako hotīti cattabhariyo viya puriso bhayaṃ nandiñca pahāya udāsino hoti.
ависидтзд̇и хийнз. висидтзд̇и уд̇д̇амз. ‘‘бхавз’’д̇и вад̇ваа ‘‘самбхавз’’д̇и вужжамаанам̣ авуд̇д̇аваажагам̣ ход̇ийд̇и д̣̇ассзнд̇о ‘‘бажжуббанно’’д̇иаад̣̇имааха. бхууд̇амзва вужжад̇ийд̇и яам̣ бхууд̇анд̇и вужжад̇и, д̇ад̣̇зва бхавод̇и жа вужжад̇и, бхавад̇и ахосийд̇и ваа. самбхавад̇и зд̇асмаад̇и самбхаво. д̇ад̣̇аахааро д̇асса бхавасса бажжаяо. ануггамзна маг̇г̇абан̃н̃ааяаад̇и вибассанаануггамзна лад̣̇д̇хааяа арияамаг̇г̇абан̃н̃ааяа. д̇знаад̇и сзгкзна.
Avisiṭṭheti hīne. Visiṭṭheti uttame. ‘‘Bhave’’ti vatvā ‘‘sambhave’’ti vuccamānaṃ avuttavācakaṃ hotīti dassento ‘‘paccuppanno’’tiādimāha. Bhūtameva vuccatīti yaṃ bhūtanti vuccati, tadeva bhavoti ca vuccati, bhavati ahosīti vā. Sambhavati etasmāti sambhavo. Tadāhāro tassa bhavassa paccayo. Anukkamena maggapaññāyāti vipassanānukkamena laddhāya ariyamaggapaññāya. Tenāti sekkhena.
згаганид̣̇д̣̇зсаван̣н̣анаа нидтид̇аа.
Ekakaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 1. згагабуг̇г̇алабан̃н̃ад̇д̇и • 1. Ekakapuggalapaññatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā
