| Library / Tipiṭaka / д̇ибидага • Tipiṭaka / буг̇г̇алабан̃н̃ад̇д̇ибаал̣и • Puggalapaññattipāḷi |
нид̣̇д̣̇зсо
Niddeso
1. згагабуг̇г̇алабан̃н̃ад̇д̇и
1. Ekakapuggalapaññatti
1. гад̇амо жа буг̇г̇ало самаяавимуд̇д̇о? ид̇хзгажжо буг̇г̇ало гаалзна гаалам̣ самаязна самаяам̣ адта вимогкз гааязна пусид̇ваа 1 вихарад̇и, бан̃н̃ааяа жасса д̣̇исваа згажжз аасаваа баригкийн̣аа хонд̇и – аяам̣ вужжад̇и буг̇г̇ало ‘‘самаяавимуд̇д̇о’’.
1. Katamo ca puggalo samayavimutto? Idhekacco puggalo kālena kālaṃ samayena samayaṃ aṭṭha vimokkhe kāyena phusitvā 2 viharati, paññāya cassa disvā ekacce āsavā parikkhīṇā honti – ayaṃ vuccati puggalo ‘‘samayavimutto’’.
2. гад̇амо жа буг̇г̇ало асамаяавимуд̇д̇о? ид̇хзгажжо буг̇г̇ало на хзва ко гаалзна гаалам̣ самаязна самаяам̣ адта вимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и – аяам̣ вужжад̇и буг̇г̇ало ‘‘асамаяавимуд̇д̇о’’. саб̣б̣зби арияабуг̇г̇алаа арияз вимогкз асамаяавимуд̇д̇аа.
2. Katamo ca puggalo asamayavimutto? Idhekacco puggalo na heva kho kālena kālaṃ samayena samayaṃ aṭṭha vimokkhe kāyena phusitvā viharati, paññāya cassa disvā āsavā parikkhīṇā honti – ayaṃ vuccati puggalo ‘‘asamayavimutto’’. Sabbepi ariyapuggalā ariye vimokkhe asamayavimuttā.
3. гад̇амо жа буг̇г̇ало губбад̇хаммо? ид̇хзгажжо буг̇г̇ало лаабхий ход̇и руубасахаг̇ад̇аанам̣ ваа аруубасахаг̇ад̇аанам̣ ваа самаабад̇д̇ийнам̣. со жа ко на нигаамалаабхий ход̇и на агижчалаабхий на агасиралаабхий; на яад̇т̇ижчагам̣ яад̣̇ижчагам̣ яаавад̇ижчагам̣ самаабаж̇ж̇ад̇иби вудтаад̇иби. таанам̣ ко банзд̇ам̣ виж̇ж̇ад̇и, яам̣ д̇асса буг̇г̇аласса бамаад̣̇амааг̇амма д̇аа самаабад̇д̇ияо губбзяяум̣ – аяам̣ вужжад̇и буг̇г̇ало ‘‘губбад̇хаммо’’.
3. Katamo ca puggalo kuppadhammo? Idhekacco puggalo lābhī hoti rūpasahagatānaṃ vā arūpasahagatānaṃ vā samāpattīnaṃ. So ca kho na nikāmalābhī hoti na akicchalābhī na akasiralābhī; na yatthicchakaṃ yadicchakaṃ yāvaticchakaṃ samāpajjatipi vuṭṭhātipi. Ṭhānaṃ kho panetaṃ vijjati, yaṃ tassa puggalassa pamādamāgamma tā samāpattiyo kuppeyyuṃ – ayaṃ vuccati puggalo ‘‘kuppadhammo’’.
4. гад̇амо жа буг̇г̇ало агуббад̇хаммо? ид̇хзгажжо буг̇г̇ало лаабхий ход̇и руубасахаг̇ад̇аанам̣ ваа аруубасахаг̇ад̇аанам̣ ваа самаабад̇д̇ийнам̣. со жа ко нигаамалаабхий ход̇и агижчалаабхий агасиралаабхий; яад̇т̇ижчагам̣ яад̣̇ижчагам̣ яаавад̇ижчагам̣ самаабаж̇ж̇ад̇иби вудтаад̇иби. адтаанамзд̇ам̣ анавагаасо яам̣ д̇асса буг̇г̇аласса бамаад̣̇амааг̇амма д̇аа самаабад̇д̇ияо губбзяяум̣ – аяам̣ вужжад̇и буг̇г̇ало ‘‘агуббад̇хаммо’’. саб̣б̣зби арияабуг̇г̇алаа арияз вимогкз агуббад̇хаммаа.
4. Katamo ca puggalo akuppadhammo? Idhekacco puggalo lābhī hoti rūpasahagatānaṃ vā arūpasahagatānaṃ vā samāpattīnaṃ. So ca kho nikāmalābhī hoti akicchalābhī akasiralābhī; yatthicchakaṃ yadicchakaṃ yāvaticchakaṃ samāpajjatipi vuṭṭhātipi. Aṭṭhānametaṃ anavakāso yaṃ tassa puggalassa pamādamāgamma tā samāpattiyo kuppeyyuṃ – ayaṃ vuccati puggalo ‘‘akuppadhammo’’. Sabbepi ariyapuggalā ariye vimokkhe akuppadhammā.
5. гад̇амо жа буг̇г̇ало барихаанад̇хаммо? ид̇хзгажжо буг̇г̇ало лаабхий ход̇и руубасахаг̇ад̇аанам̣ ваа аруубасахаг̇ад̇аанам̣ ваа самаабад̇д̇ийнам̣. со жа ко на нигаамалаабхий ход̇и на агижчалаабхий на агасиралаабхий; на яад̇т̇ижчагам̣ яад̣̇ижчагам̣ яаавад̇ижчагам̣ самаабаж̇ж̇ад̇иби вудтаад̇иби. таанам̣ ко банзд̇ам̣ виж̇ж̇ад̇и, яам̣ со буг̇г̇ало бамаад̣̇амааг̇амма д̇аахи самаабад̇д̇ийхи барихааязяяа – аяам̣ вужжад̇и буг̇г̇ало ‘‘барихаанад̇хаммо’’.
5. Katamo ca puggalo parihānadhammo? Idhekacco puggalo lābhī hoti rūpasahagatānaṃ vā arūpasahagatānaṃ vā samāpattīnaṃ. So ca kho na nikāmalābhī hoti na akicchalābhī na akasiralābhī; na yatthicchakaṃ yadicchakaṃ yāvaticchakaṃ samāpajjatipi vuṭṭhātipi. Ṭhānaṃ kho panetaṃ vijjati, yaṃ so puggalo pamādamāgamma tāhi samāpattīhi parihāyeyya – ayaṃ vuccati puggalo ‘‘parihānadhammo’’.
6. гад̇амо жа буг̇г̇ало абарихаанад̇хаммо? ид̇хзгажжо буг̇г̇ало лаабхий ход̇и руубасахаг̇ад̇аанам̣ ваа аруубасахаг̇ад̇аанам̣ ваа самаабад̇д̇ийнам̣. со жа ко нигаамалаабхий ход̇и агижчалаабхий агасиралаабхий; яад̇т̇ижчагам̣ яад̣̇ижчагам̣ яаавад̇ижчагам̣ самаабаж̇ж̇ад̇иби вудтаад̇иби. адтаанамзд̇ам̣ анавагаасо яам̣ со буг̇г̇ало бамаад̣̇амааг̇амма д̇аахи самаабад̇д̇ийхи барихааязяяа – аяам̣ вужжад̇и буг̇г̇ало ‘‘абарихаанад̇хаммо’’. саб̣б̣зби арияабуг̇г̇алаа арияз вимогкз абарихаанад̇хаммаа.
6. Katamo ca puggalo aparihānadhammo? Idhekacco puggalo lābhī hoti rūpasahagatānaṃ vā arūpasahagatānaṃ vā samāpattīnaṃ. So ca kho nikāmalābhī hoti akicchalābhī akasiralābhī; yatthicchakaṃ yadicchakaṃ yāvaticchakaṃ samāpajjatipi vuṭṭhātipi. Aṭṭhānametaṃ anavakāso yaṃ so puggalo pamādamāgamma tāhi samāpattīhi parihāyeyya – ayaṃ vuccati puggalo ‘‘aparihānadhammo’’. Sabbepi ariyapuggalā ariye vimokkhe aparihānadhammā.
7. гад̇амо жа буг̇г̇ало жзд̇анаабхаб̣б̣о? ид̇хзгажжо буг̇г̇ало лаабхий ход̇и руубасахаг̇ад̇аанам̣ ваа аруубасахаг̇ад̇аанам̣ ваа самаабад̇д̇ийнам̣. со жа ко на нигаамалаабхий ход̇и на агижчалаабхий на агасиралаабхий; на яад̇т̇ижчагам̣ яад̣̇ижчагам̣ яаавад̇ижчагам̣ самаабаж̇ж̇ад̇иби вудтаад̇иби. сажз анусан̃жзд̇зд̇и, на барихааяад̇и д̇аахи самаабад̇д̇ийхи. сажз на анусан̃жзд̇зд̇и, барихааяад̇и д̇аахи самаабад̇д̇ийхи – аяам̣ вужжад̇и буг̇г̇ало ‘‘жзд̇анаабхаб̣б̣о’’.
7. Katamo ca puggalo cetanābhabbo? Idhekacco puggalo lābhī hoti rūpasahagatānaṃ vā arūpasahagatānaṃ vā samāpattīnaṃ. So ca kho na nikāmalābhī hoti na akicchalābhī na akasiralābhī; na yatthicchakaṃ yadicchakaṃ yāvaticchakaṃ samāpajjatipi vuṭṭhātipi. Sace anusañceteti, na parihāyati tāhi samāpattīhi. Sace na anusañceteti, parihāyati tāhi samāpattīhi – ayaṃ vuccati puggalo ‘‘cetanābhabbo’’.
8. гад̇амо жа буг̇г̇ало анурагкан̣аабхаб̣б̣о? ид̇хзгажжо буг̇г̇ало лаабхий ход̇и руубасахаг̇ад̇аанам̣ ваа аруубасахаг̇ад̇аанам̣ ваа самаабад̇д̇ийнам̣. со жа ко на нигаамалаабхий ход̇и на агижчалаабхий на агасиралаабхий; на яад̇т̇ижчагам̣ яад̣̇ижчагам̣ яаавад̇ижчагам̣ самаабаж̇ж̇ад̇иби вудтаад̇иби. сажз анурагкад̇и, на барихааяад̇и д̇аахи самаабад̇д̇ийхи. сажз на анурагкад̇и, барихааяад̇и д̇аахи самаабад̇д̇ийхи – аяам̣ вужжад̇и буг̇г̇ало ‘‘анурагкан̣аабхаб̣б̣о’’.
8. Katamo ca puggalo anurakkhaṇābhabbo? Idhekacco puggalo lābhī hoti rūpasahagatānaṃ vā arūpasahagatānaṃ vā samāpattīnaṃ. So ca kho na nikāmalābhī hoti na akicchalābhī na akasiralābhī; na yatthicchakaṃ yadicchakaṃ yāvaticchakaṃ samāpajjatipi vuṭṭhātipi. Sace anurakkhati, na parihāyati tāhi samāpattīhi. Sace na anurakkhati, parihāyati tāhi samāpattīhi – ayaṃ vuccati puggalo ‘‘anurakkhaṇābhabbo’’.
9. гад̇амо жа буг̇г̇ало бут̇уж̇ж̇ано? яасса буг̇г̇аласса д̇ийн̣и сам̣яож̇анаани аббахийнаани; на жа д̇зсам̣ д̇хаммаанам̣ бахаанааяа бадибанно – аяам̣ вужжад̇и буг̇г̇ало ‘‘бут̇уж̇ж̇ано’’.
9. Katamo ca puggalo puthujjano? Yassa puggalassa tīṇi saṃyojanāni appahīnāni; na ca tesaṃ dhammānaṃ pahānāya paṭipanno – ayaṃ vuccati puggalo ‘‘puthujjano’’.
10. гад̇амо жа буг̇г̇ало г̇од̇рабхуу? язсам̣ д̇хаммаанам̣ самананд̇араа арияад̇хаммасса авагганд̇и ход̇и д̇зхи д̇хаммзхи саманнааг̇ад̇о – аяам̣ вужжад̇и буг̇г̇ало ‘‘г̇од̇рабхуу’’.
10. Katamo ca puggalo gotrabhū? Yesaṃ dhammānaṃ samanantarā ariyadhammassa avakkanti hoti tehi dhammehi samannāgato – ayaṃ vuccati puggalo ‘‘gotrabhū’’.
11. гад̇амо жа буг̇г̇ало бхаяуубарад̇о? сад̇д̇а сзгкаа бхаяуубарад̇аа, яз жа бут̇уж̇ж̇анаа сийлаванд̇о. арахаа абхаяуубарад̇о.
11. Katamo ca puggalo bhayūparato? Satta sekkhā bhayūparatā, ye ca puthujjanā sīlavanto. Arahā abhayūparato.
12. гад̇амо жа буг̇г̇ало абхаб̣б̣ааг̇амано? яз д̇з буг̇г̇алаа гаммааваран̣зна саманнааг̇ад̇аа, гилзсааваран̣зна саманнааг̇ад̇аа, вибаагааваран̣зна саманнааг̇ад̇аа, ассад̣̇д̇хаа ажчанд̣̇игаа д̣̇уббан̃н̃аа зл̣аа, абхаб̣б̣аа нияаамам̣ оггамид̇ум̣ гусалзсу д̇хаммзсу саммад̇д̇ам̣ – имз вужжанд̇и буг̇г̇алаа ‘‘абхаб̣б̣ааг̇аманаа’’.
12. Katamo ca puggalo abhabbāgamano? Ye te puggalā kammāvaraṇena samannāgatā, kilesāvaraṇena samannāgatā, vipākāvaraṇena samannāgatā, assaddhā acchandikā duppaññā eḷā, abhabbā niyāmaṃ okkamituṃ kusalesu dhammesu sammattaṃ – ime vuccanti puggalā ‘‘abhabbāgamanā’’.
13. гад̇амо жа буг̇г̇ало бхаб̣б̣ааг̇амано? яз д̇з буг̇г̇алаа на гаммааваран̣зна саманнааг̇ад̇аа, на гилзсааваран̣зна саманнааг̇ад̇аа, на вибаагааваран̣зна саманнааг̇ад̇аа, сад̣̇д̇хаа чанд̣̇игаа бан̃н̃аванд̇о 3 анзл̣аа, бхаб̣б̣аа нияаамам̣ оггамид̇ум̣ гусалзсу д̇хаммзсу саммад̇д̇ам̣ – имз вужжанд̇и буг̇г̇алаа ‘‘бхаб̣б̣ааг̇аманаа’’.
13. Katamo ca puggalo bhabbāgamano? Ye te puggalā na kammāvaraṇena samannāgatā, na kilesāvaraṇena samannāgatā, na vipākāvaraṇena samannāgatā, saddhā chandikā paññavanto 4 aneḷā, bhabbā niyāmaṃ okkamituṃ kusalesu dhammesu sammattaṃ – ime vuccanti puggalā ‘‘bhabbāgamanā’’.
14. гад̇амо жа буг̇г̇ало нияад̇о? бан̃жа буг̇г̇алаа аананд̇аригаа, яз жа мижчаад̣̇идтигаа нияад̇аа, адта жа арияабуг̇г̇алаа нияад̇аа. авасзсаа буг̇г̇алаа анияад̇аа.
14. Katamo ca puggalo niyato? Pañca puggalā ānantarikā, ye ca micchādiṭṭhikā niyatā, aṭṭha ca ariyapuggalā niyatā. Avasesā puggalā aniyatā.
15. гад̇амо жа буг̇г̇ало бадибаннаго? жад̇д̇ааро маг̇г̇асаман̇г̇ино буг̇г̇алаа бадибаннагаа, жад̇д̇ааро паласаман̇г̇ино буг̇г̇алаа палз тид̇аа.
15. Katamo ca puggalo paṭipannako? Cattāro maggasamaṅgino puggalā paṭipannakā, cattāro phalasamaṅgino puggalā phale ṭhitā.
16. гад̇амо жа буг̇г̇ало самасийсий? яасса буг̇г̇аласса абуб̣б̣ам̣ ажаримам̣ аасавабарияаад̣̇аанан̃жа ход̇и ж̇ийвид̇абарияаад̣̇аанан̃жа – аяам̣ вужжад̇и буг̇г̇ало ‘‘самасийсий’’.
16. Katamo ca puggalo samasīsī? Yassa puggalassa apubbaṃ acarimaṃ āsavapariyādānañca hoti jīvitapariyādānañca – ayaṃ vuccati puggalo ‘‘samasīsī’’.
17. гад̇амо жа буг̇г̇ало тид̇агаббий? аяан̃жа буг̇г̇ало сод̇аабад̇д̇ипаласажчигирияааяа бадибанно асса, габбасса жа уд̣д̣аяханавзлаа асса, нзва д̇аава габбо уд̣д̣аяхзяяа яаавааяам̣ буг̇г̇ало на сод̇аабад̇д̇ипалам̣ сажчигарод̇и. аяам̣ вужжад̇и буг̇г̇ало ‘‘тид̇агаббий’’. саб̣б̣зби маг̇г̇асаман̇г̇ино буг̇г̇алаа тид̇агаббино.
17. Katamo ca puggalo ṭhitakappī? Ayañca puggalo sotāpattiphalasacchikiriyāya paṭipanno assa, kappassa ca uḍḍayhanavelā assa, neva tāva kappo uḍḍayheyya yāvāyaṃ puggalo na sotāpattiphalaṃ sacchikaroti. Ayaṃ vuccati puggalo ‘‘ṭhitakappī’’. Sabbepi maggasamaṅgino puggalā ṭhitakappino.
18. гад̇амо жа буг̇г̇ало арияо? адта арияабуг̇г̇алаа арияаа. авасзсаа буг̇г̇алаа анарияаа.
18. Katamo ca puggalo ariyo? Aṭṭha ariyapuggalā ariyā. Avasesā puggalā anariyā.
19. гад̇амо жа буг̇г̇ало сзгко? жад̇д̇ааро маг̇г̇асаман̇г̇ино д̇аяо паласаман̇г̇ино буг̇г̇алаа ‘‘сзгкаа’’. арахаа асзгко. авасзсаа буг̇г̇алаа нзвасзгканаасзгкаа.
19. Katamo ca puggalo sekkho? Cattāro maggasamaṅgino tayo phalasamaṅgino puggalā ‘‘sekkhā’’. Arahā asekkho. Avasesā puggalā nevasekkhanāsekkhā.
20. гад̇амо жа буг̇г̇ало д̇звиж̇ж̇о? д̇ийхи виж̇ж̇аахи саманнааг̇ад̇о буг̇г̇ало ‘‘д̇звиж̇ж̇о’’.
20. Katamo ca puggalo tevijjo? Tīhi vijjāhi samannāgato puggalo ‘‘tevijjo’’.
21. гад̇амо жа буг̇г̇ало чал̣абхин̃н̃о? чахи абхин̃н̃аахи саманнааг̇ад̇о буг̇г̇ало ‘‘чал̣абхин̃н̃о’’.
21. Katamo ca puggalo chaḷabhiñño? Chahi abhiññāhi samannāgato puggalo ‘‘chaḷabhiñño’’.
22. гад̇амо жа буг̇г̇ало саммаасамб̣уд̣̇д̇хо? ид̇хзгажжо буг̇г̇ало буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхад̇и; д̇ад̇т̇а жа саб̣б̣ан̃н̃уд̇ам̣ баабун̣аад̇и, б̣алзсу жа васийбхаавам̣ – аяам̣ вужжад̇и буг̇г̇ало ‘‘саммаасамб̣уд̣̇д̇хо’’.
22. Katamo ca puggalo sammāsambuddho? Idhekacco puggalo pubbe ananussutesu dhammesu sāmaṃ saccāni abhisambujjhati; tattha ca sabbaññutaṃ pāpuṇāti, balesu ca vasībhāvaṃ – ayaṃ vuccati puggalo ‘‘sammāsambuddho’’.
23. гад̇амо жа буг̇г̇ало бажжзгасамб̣уд̣̇д̇хо? ид̇хзгажжо буг̇г̇ало буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхад̇и; на жа д̇ад̇т̇а саб̣б̣ан̃н̃уд̇ам̣ баабун̣аад̇и, на жа б̣алзсу васийбхаавам̣ – аяам̣ вужжад̇и буг̇г̇ало ‘‘бажжзгасамб̣уд̣̇д̇хо’’.
23. Katamo ca puggalo paccekasambuddho? Idhekacco puggalo pubbe ananussutesu dhammesu sāmaṃ saccāni abhisambujjhati; na ca tattha sabbaññutaṃ pāpuṇāti, na ca balesu vasībhāvaṃ – ayaṃ vuccati puggalo ‘‘paccekasambuddho’’.
24. гад̇амо жа буг̇г̇ало убхад̇обхааг̇авимуд̇д̇о? ид̇хзгажжо буг̇г̇ало адта вимогкз гааязна пусид̇ваа вихарад̇и; бан̃н̃ааяа жасса д̣̇исваа аасаваа баригкийн̣аа хонд̇и – аяам̣ вужжад̇и буг̇г̇ало ‘‘убхад̇обхааг̇авимуд̇д̇о’’.
24. Katamo ca puggalo ubhatobhāgavimutto? Idhekacco puggalo aṭṭha vimokkhe kāyena phusitvā viharati; paññāya cassa disvā āsavā parikkhīṇā honti – ayaṃ vuccati puggalo ‘‘ubhatobhāgavimutto’’.
25. гад̇амо жа буг̇г̇ало бан̃н̃аавимуд̇д̇о? ид̇хзгажжо буг̇г̇ало на хзва ко адта вимогкз гааязна пусид̇ваа вихарад̇и; бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и буг̇г̇ало ‘‘бан̃н̃аавимуд̇д̇о’’.
25. Katamo ca puggalo paññāvimutto? Idhekacco puggalo na heva kho aṭṭha vimokkhe kāyena phusitvā viharati; paññāya cassa disvā āsavā parikkhīṇā honti. Ayaṃ vuccati puggalo ‘‘paññāvimutto’’.
26. гад̇амо жа буг̇г̇ало гааяасагкий? ид̇хзгажжо буг̇г̇ало адта вимогкз гааязна пусид̇ваа вихарад̇и ; бан̃н̃ааяа жасса д̣̇исваа згажжз аасаваа баригкийн̣аа хонд̇и. аяам̣ вужжад̇и буг̇г̇ало ‘‘гааяасагкий’’.
26. Katamo ca puggalo kāyasakkhī? Idhekacco puggalo aṭṭha vimokkhe kāyena phusitvā viharati ; paññāya cassa disvā ekacce āsavā parikkhīṇā honti. Ayaṃ vuccati puggalo ‘‘kāyasakkhī’’.
27. гад̇амо жа буг̇г̇ало д̣̇идтиббад̇д̇о? ид̇хзгажжо буг̇г̇ало ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и, ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и. д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа вод̣̇идтаа хонд̇и вожарид̇аа. бан̃н̃ааяа жасса д̣̇исваа згажжз аасаваа баригкийн̣аа хонд̇и – аяам̣ вужжад̇и буг̇г̇ало ‘‘д̣̇идтиббад̇д̇о’’.
27. Katamo ca puggalo diṭṭhippatto? Idhekacco puggalo ‘‘idaṃ dukkha’’nti yathābhūtaṃ pajānāti, ‘‘ayaṃ dukkhasamudayo’’ti yathābhūtaṃ pajānāti, ‘‘ayaṃ dukkhanirodho’’ti yathābhūtaṃ pajānāti, ‘‘ayaṃ dukkhanirodhagāminī paṭipadā’’ti yathābhūtaṃ pajānāti. Tathāgatappaveditā cassa dhammā paññāya vodiṭṭhā honti vocaritā. Paññāya cassa disvā ekacce āsavā parikkhīṇā honti – ayaṃ vuccati puggalo ‘‘diṭṭhippatto’’.
28. гад̇амо жа буг̇г̇ало сад̣̇д̇хаавимуд̇д̇о? ид̇хзгажжо буг̇г̇ало ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и, ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и. д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа вод̣̇идтаа хонд̇и вожарид̇аа. бан̃н̃ааяа жасса д̣̇исваа згажжз аасаваа баригкийн̣аа хонд̇и, но жа ко яат̇аа д̣̇идтиббад̇д̇асса – аяам̣ вужжад̇и буг̇г̇ало ‘‘сад̣̇д̇хаавимуд̇д̇о’’.
28. Katamo ca puggalo saddhāvimutto? Idhekacco puggalo ‘‘idaṃ dukkha’’nti yathābhūtaṃ pajānāti, ‘‘ayaṃ dukkhasamudayo’’ti yathābhūtaṃ pajānāti, ‘‘ayaṃ dukkhanirodho’’ti yathābhūtaṃ pajānāti, ‘‘ayaṃ dukkhanirodhagāminī paṭipadā’’ti yathābhūtaṃ pajānāti. Tathāgatappaveditā cassa dhammā paññāya vodiṭṭhā honti vocaritā. Paññāya cassa disvā ekacce āsavā parikkhīṇā honti, no ca kho yathā diṭṭhippattassa – ayaṃ vuccati puggalo ‘‘saddhāvimutto’’.
29. гад̇амо жа буг̇г̇ало д̇хаммаанусаарий? яасса буг̇г̇аласса сод̇аабад̇д̇ипаласажчигирияааяа бадибаннасса бан̃н̃инд̣̇рияам̣ ад̇химад̇д̇ам̣ ход̇и, бан̃н̃ааваахим̣ бан̃н̃аабуб̣б̣ан̇г̇амам̣ арияамаг̇г̇ам̣ бхаавзд̇и – аяам̣ вужжад̇и буг̇г̇ало ‘‘д̇хаммаанусаарий’’. сод̇аабад̇д̇ипаласажчигирияааяа бадибанно буг̇г̇ало д̇хаммаанусаарий палз тид̇о д̣̇идтиббад̇д̇о.
29. Katamo ca puggalo dhammānusārī? Yassa puggalassa sotāpattiphalasacchikiriyāya paṭipannassa paññindriyaṃ adhimattaṃ hoti, paññāvāhiṃ paññāpubbaṅgamaṃ ariyamaggaṃ bhāveti – ayaṃ vuccati puggalo ‘‘dhammānusārī’’. Sotāpattiphalasacchikiriyāya paṭipanno puggalo dhammānusārī phale ṭhito diṭṭhippatto.
30. гад̇амо жа буг̇г̇ало сад̣̇д̇хаанусаарий? яасса буг̇г̇аласса сод̇аабад̇д̇ипаласажчигирияааяа бадибаннасса сад̣̇д̇хинд̣̇рияам̣ ад̇химад̇д̇ам̣ ход̇и, сад̣̇д̇хааваахим̣ сад̣̇д̇хаабуб̣б̣ан̇г̇амам̣ арияамаг̇г̇ам̣ бхаавзд̇и – аяам̣ вужжад̇и буг̇г̇ало ‘‘сад̣̇д̇хаанусаарий’’. сод̇аабад̇д̇ипаласажчигирияааяа бадибанно буг̇г̇ало сад̣̇д̇хаанусаарий палз тид̇о сад̣̇д̇хаавимуд̇д̇о.
30. Katamo ca puggalo saddhānusārī? Yassa puggalassa sotāpattiphalasacchikiriyāya paṭipannassa saddhindriyaṃ adhimattaṃ hoti, saddhāvāhiṃ saddhāpubbaṅgamaṃ ariyamaggaṃ bhāveti – ayaṃ vuccati puggalo ‘‘saddhānusārī’’. Sotāpattiphalasacchikiriyāya paṭipanno puggalo saddhānusārī phale ṭhito saddhāvimutto.
31. гад̇амо жа буг̇г̇ало сад̇д̇агкад̇д̇убарамо? ид̇хзгажжо буг̇г̇ало д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяано 5. со сад̇д̇агкад̇д̇ум̣ д̣̇звз жа маанусз жа санд̇хаавид̇ваа сам̣сарид̇ваа д̣̇угкассанд̇ам̣ гарод̇и – аяам̣ вужжад̇и буг̇г̇ало ‘‘сад̇д̇агкад̇д̇убарамо’’.
31. Katamo ca puggalo sattakkhattuparamo? Idhekacco puggalo tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyano 6. So sattakkhattuṃ deve ca mānuse ca sandhāvitvā saṃsaritvā dukkhassantaṃ karoti – ayaṃ vuccati puggalo ‘‘sattakkhattuparamo’’.
32. гад̇амо жа буг̇г̇ало голан̇голо? ид̇хзгажжо буг̇г̇ало д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяано. со д̣̇вз ваа д̇ийн̣и ваа гулаани санд̇хаавид̇ваа сам̣сарид̇ваа д̣̇угкассанд̇ам̣ гарод̇и – аяам̣ вужжад̇и буг̇г̇ало ‘‘голан̇голо’’.
32. Katamo ca puggalo kolaṅkolo? Idhekacco puggalo tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyano. So dve vā tīṇi vā kulāni sandhāvitvā saṃsaritvā dukkhassantaṃ karoti – ayaṃ vuccati puggalo ‘‘kolaṅkolo’’.
33. гад̇амо жа буг̇г̇ало згаб̣ийж̇ий? ид̇хзгажжо буг̇г̇ало д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяано. со згам̣язва маанусагам̣ бхавам̣ ниб̣б̣ад̇д̇зд̇ваа д̣̇угкассанд̇ам̣ гарод̇и – аяам̣ вужжад̇и буг̇г̇ало ‘‘згаб̣ийж̇ий’’.
33. Katamo ca puggalo ekabījī? Idhekacco puggalo tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyano. So ekaṃyeva mānusakaṃ bhavaṃ nibbattetvā dukkhassantaṃ karoti – ayaṃ vuccati puggalo ‘‘ekabījī’’.
34. гад̇амо жа буг̇г̇ало сагад̣̇ааг̇аамий? ид̇хзгажжо буг̇г̇ало д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и , сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарод̇и – аяам̣ вужжад̇и буг̇г̇ало ‘‘сагад̣̇ааг̇аамий’’.
34. Katamo ca puggalo sakadāgāmī? Idhekacco puggalo tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti , sakideva imaṃ lokaṃ āgantvā dukkhassantaṃ karoti – ayaṃ vuccati puggalo ‘‘sakadāgāmī’’.
35. гад̇амо жа буг̇г̇ало анааг̇аамий? ид̇хзгажжо буг̇г̇ало бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа – аяам̣ вужжад̇и буг̇г̇ало ‘‘анааг̇аамий’’.
35. Katamo ca puggalo anāgāmī? Idhekacco puggalo pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī anāvattidhammo tasmā lokā – ayaṃ vuccati puggalo ‘‘anāgāmī’’.
36. гад̇амо жа буг̇г̇ало анд̇араабариниб̣б̣ааяий? ид̇хзгажжо буг̇г̇ало бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. со убабаннам̣ ваа самананд̇араа аббад̇д̇ам̣ ваа взмаж̇жхам̣ ааяуббамаан̣ам̣ арияамаг̇г̇ам̣ сан̃ж̇анзд̇и убаридтимаанам̣ сам̣яож̇анаанам̣ бахаанааяа – аяам̣ вужжад̇и буг̇г̇ало ‘‘анд̇араабариниб̣б̣ааяий’’.
36. Katamo ca puggalo antarāparinibbāyī? Idhekacco puggalo pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī anāvattidhammo tasmā lokā. So upapannaṃ vā samanantarā appattaṃ vā vemajjhaṃ āyuppamāṇaṃ ariyamaggaṃ sañjaneti upariṭṭhimānaṃ saṃyojanānaṃ pahānāya – ayaṃ vuccati puggalo ‘‘antarāparinibbāyī’’.
37. гад̇амо жа буг̇г̇ало убахажжабариниб̣б̣ааяий? ид̇хзгажжо буг̇г̇ало бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. со ад̇иггамид̇ваа взмаж̇жхам̣ ааяуббамаан̣ам̣ убахажжа ваа гаалагирияам̣ 7 арияамаг̇г̇ам̣ сан̃ж̇анзд̇и убаридтимаанам̣ сам̣яож̇анаанам̣ бахаанааяа – аяам̣ вужжад̇и буг̇г̇ало ‘‘убахажжабариниб̣б̣ааяий’’.
37. Katamo ca puggalo upahaccaparinibbāyī? Idhekacco puggalo pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī anāvattidhammo tasmā lokā. So atikkamitvā vemajjhaṃ āyuppamāṇaṃ upahacca vā kālakiriyaṃ 8 ariyamaggaṃ sañjaneti upariṭṭhimānaṃ saṃyojanānaṃ pahānāya – ayaṃ vuccati puggalo ‘‘upahaccaparinibbāyī’’.
38. гад̇амо жа буг̇г̇ало асан̇каарабариниб̣б̣ааяий? ид̇хзгажжо буг̇г̇ало бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. со асан̇каарзна арияамаг̇г̇ам̣ сан̃ж̇анзд̇и убаридтимаанам̣ сам̣яож̇анаанам̣ бахаанааяа – аяам̣ вужжад̇и буг̇г̇ало ‘‘асан̇каарабариниб̣б̣ааяий’’.
38. Katamo ca puggalo asaṅkhāraparinibbāyī? Idhekacco puggalo pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī anāvattidhammo tasmā lokā. So asaṅkhārena ariyamaggaṃ sañjaneti upariṭṭhimānaṃ saṃyojanānaṃ pahānāya – ayaṃ vuccati puggalo ‘‘asaṅkhāraparinibbāyī’’.
39. гад̇амо жа буг̇г̇ало сасан̇каарабариниб̣б̣ааяий? ид̇хзгажжо буг̇г̇ало бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. со сасан̇каарзна арияамаг̇г̇ам̣ сан̃ж̇анзд̇и убаридтимаанам̣ сам̣яож̇анаанам̣ бахаанааяа – аяам̣ вужжад̇и буг̇г̇ало ‘‘сасан̇каарабариниб̣б̣ааяий’’.
39. Katamo ca puggalo sasaṅkhāraparinibbāyī? Idhekacco puggalo pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī anāvattidhammo tasmā lokā. So sasaṅkhārena ariyamaggaṃ sañjaneti upariṭṭhimānaṃ saṃyojanānaṃ pahānāya – ayaṃ vuccati puggalo ‘‘sasaṅkhāraparinibbāyī’’.
40. гад̇амо жа буг̇г̇ало уд̣̇д̇хам̣сод̇о аганидтаг̇аамий? ид̇хзгажжо буг̇г̇ало бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. со авихаа жуд̇о ад̇аббам̣ г̇ажчад̇и, ад̇аббаа жуд̇о суд̣̇ассам̣ г̇ажчад̇и, суд̣̇ассаа жуд̇о суд̣̇ассим̣ г̇ажчад̇и, суд̣̇ассияаа жуд̇о аганидтам̣ г̇ажчад̇и; аганидтз арияамаг̇г̇ам̣ сан̃ж̇анзд̇и убаридтимаанам̣ сам̣яож̇анаанам̣ бахаанааяа – аяам̣ вужжад̇и буг̇г̇ало ‘‘уд̣̇д̇хам̣сод̇о аганидтаг̇аамий’’.
40. Katamo ca puggalo uddhaṃsoto akaniṭṭhagāmī? Idhekacco puggalo pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī anāvattidhammo tasmā lokā. So avihā cuto atappaṃ gacchati, atappā cuto sudassaṃ gacchati, sudassā cuto sudassiṃ gacchati, sudassiyā cuto akaniṭṭhaṃ gacchati; akaniṭṭhe ariyamaggaṃ sañjaneti upariṭṭhimānaṃ saṃyojanānaṃ pahānāya – ayaṃ vuccati puggalo ‘‘uddhaṃsoto akaniṭṭhagāmī’’.
41. гад̇амо жа буг̇г̇ало сод̇аабанно сод̇аабад̇д̇ипаласажчигирияааяа бадибанно? д̇ин̣н̣ам̣ сам̣яож̇анаанам̣ бахаанааяа бадибанно буг̇г̇ало сод̇аабад̇д̇ипаласажчигирияааяа бадибанно. яасса буг̇г̇аласса д̇ийн̣и сам̣яож̇анаани бахийнаани – аяам̣ вужжад̇и буг̇г̇ало ‘‘сод̇аабанно’’.
41. Katamo ca puggalo sotāpanno sotāpattiphalasacchikiriyāya paṭipanno? Tiṇṇaṃ saṃyojanānaṃ pahānāya paṭipanno puggalo sotāpattiphalasacchikiriyāya paṭipanno. Yassa puggalassa tīṇi saṃyojanāni pahīnāni – ayaṃ vuccati puggalo ‘‘sotāpanno’’.
42. гаамарааг̇аб̣яаабаад̣̇аанам̣ д̇анубхаавааяа бадибанно буг̇г̇ало сагад̣̇ааг̇аамипаласажчигирияааяа бадибанно . яасса буг̇г̇аласса гаамарааг̇аб̣яаабаад̣̇аа д̇анубхууд̇аа – аяам̣ вужжад̇и буг̇г̇ало ‘‘сагад̣̇ааг̇аамий’’.
42. Kāmarāgabyāpādānaṃ tanubhāvāya paṭipanno puggalo sakadāgāmiphalasacchikiriyāya paṭipanno . Yassa puggalassa kāmarāgabyāpādā tanubhūtā – ayaṃ vuccati puggalo ‘‘sakadāgāmī’’.
43. гаамарааг̇аб̣яаабаад̣̇аанам̣ анавасзсаббахаанааяа бадибанно буг̇г̇ало анааг̇аамипаласажчигирияааяа бадибанно. яасса буг̇г̇аласса гаамарааг̇аб̣яаабаад̣̇аа анавасзсаа бахийнаа – аяам̣ вужжад̇и буг̇г̇ало ‘‘анааг̇аамий’’.
43. Kāmarāgabyāpādānaṃ anavasesappahānāya paṭipanno puggalo anāgāmiphalasacchikiriyāya paṭipanno. Yassa puggalassa kāmarāgabyāpādā anavasesā pahīnā – ayaṃ vuccati puggalo ‘‘anāgāmī’’.
44. руубарааг̇ааруубарааг̇амаанауд̣̇д̇хажжаавиж̇ж̇ааяа анавасзсаббахаанааяа бадибанно буг̇г̇ало арахад̇д̇апаласажчигирияааяа бадибанно. яасса буг̇г̇аласса руубарааг̇о аруубарааг̇о маано уд̣̇д̇хажжам̣ авиж̇ж̇аа анавасзсаа бахийнаа – аяам̣ вужжад̇и буг̇г̇ало ‘‘арахаа’’.
44. Rūparāgaarūparāgamānauddhaccaavijjāya anavasesappahānāya paṭipanno puggalo arahattaphalasacchikiriyāya paṭipanno. Yassa puggalassa rūparāgo arūparāgo māno uddhaccaṃ avijjā anavasesā pahīnā – ayaṃ vuccati puggalo ‘‘arahā’’.
згаганид̣̇д̣̇зсо.
Ekakaniddeso.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. згаганид̣̇д̣̇зсаван̣н̣анаа • 1. Ekakaniddesavaṇṇanā
