| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
ஏகுத்தரிகனயங்
Ekuttarikanayaṃ
ஏககவாரவண்ணனா
Ekakavāravaṇṇanā
321. ஏகுத்தரிகனயே பன அஜானந்தேன வீதிக்கந்தாதி பண்ணத்திங் வா வத்து²ங் வா அஜானந்தேன வீதிக்கந்தா பத²வீக²ணனஸஹஸெய்யாதி³கா, ஸாபி பச்சா² ஆபன்னபா⁴வங் ஞத்வா படிகம்மங் அகரொந்தஸ்ஸ அந்தராயிகாவ ஹோதி.
321. Ekuttarikanaye pana ajānantena vītikkantāti paṇṇattiṃ vā vatthuṃ vā ajānantena vītikkantā pathavīkhaṇanasahaseyyādikā, sāpi pacchā āpannabhāvaṃ ñatvā paṭikammaṃ akarontassa antarāyikāva hoti.
பாரிவாஸிகாதீ³ஹி பச்சா² ஆபன்னாதி வத்தபே⁴தே³ஸு து³க்கடானி ஸந்தா⁴ய வுத்தங். தஸ்மிங் க²ணே ஆபஜ்ஜிதப்³ப³அந்தராபத்தியோ ஸந்தா⁴யாதி கேசி வத³ந்தி, தஸ்ஸ புப்³பா³பத்தீனங்அந்தராபத்தி-பதே³னேவ வக்க²மானத்தா புரிமமேவ யுத்ததரங். மூலவிஸுத்³தி⁴யா அந்தராபத்தீதி மூலாயபடிகஸ்ஸனாதீ³னி அகத்வா ஸப்³ப³பட²மங் தி³ன்னபரிவாஸமானத்தவிஸுத்³தி⁴யா சரணகாலே ஆபன்னஅந்தராபத்திஸங்கா²தஸங்கா⁴தி³ஸேஸோ. அக்³க⁴விஸுத்³தி⁴யாதி அந்தராபத்திங் ஆபன்னஸ்ஸ மூலாய படிகஸ்ஸித்வா ஓதா⁴னஸமோதா⁴னவஸேன ஓது⁴னித்வா புரிமாபத்தியா ஸமோதா⁴ய தத³க்³க⁴வஸேன புன தி³ன்னபரிவாஸாதி³ஸுத்³தி⁴யா சரணகாலே புன ஆபன்னா அந்தராபத்தி.
Pārivāsikādīhi pacchā āpannāti vattabhedesu dukkaṭāni sandhāya vuttaṃ. Tasmiṃ khaṇe āpajjitabbaantarāpattiyo sandhāyāti keci vadanti, tassa pubbāpattīnaṃantarāpatti-padeneva vakkhamānattā purimameva yuttataraṃ. Mūlavisuddhiyā antarāpattīti mūlāyapaṭikassanādīni akatvā sabbapaṭhamaṃ dinnaparivāsamānattavisuddhiyā caraṇakāle āpannaantarāpattisaṅkhātasaṅghādiseso. Agghavisuddhiyāti antarāpattiṃ āpannassa mūlāya paṭikassitvā odhānasamodhānavasena odhunitvā purimāpattiyā samodhāya tadagghavasena puna dinnaparivāsādisuddhiyā caraṇakāle puna āpannā antarāpatti.
ஸஉஸ்ஸாஹேனேவாதி புனபி தங் ஆபத்திங் ஆபஜ்ஜிதுகாமதாசித்தேன, ஏவங் தே³ஸிதாபி ஆபத்தி ந வுட்டா²தீதி அதி⁴ப்பாயோ. து⁴ரனிக்கே²பங் அகத்வா ஆபஜ்ஜனே ஸிகா²ப்பத்ததோ³ஸங் த³ஸ்ஸெந்தோ ஆஹ ‘‘அட்ட²மே வத்து²ஸ்மிங் பி⁴க்கு²னியா பாராஜிகமேவா’’தி. ந கேவலஞ்ச பி⁴க்கு²னியா ஏவ, பி⁴க்கூ²னம்பி து⁴ரனிக்கே²பங் அகத்வா தோ²கங் தோ²கங் ஸப்பிஆதி³கங் தெ²ய்யாய க³ண்ஹந்தானங் பாத³க்³க⁴னகே புண்ணே பாராஜிகமேவ. கேசி பன ‘‘அட்ட²மே வத்து²ஸ்மிங் பி⁴க்கு²னியா பாராஜிகமேவ ஹோதீதி வுத்தத்தா அட்ட²வத்து²கமேவேதங் ஸந்தா⁴ய வுத்த’’ந்தி வத³ந்தி.
Saussāhenevāti punapi taṃ āpattiṃ āpajjitukāmatācittena, evaṃ desitāpi āpatti na vuṭṭhātīti adhippāyo. Dhuranikkhepaṃ akatvā āpajjane sikhāppattadosaṃ dassento āha ‘‘aṭṭhame vatthusmiṃ bhikkhuniyā pārājikamevā’’ti. Na kevalañca bhikkhuniyā eva, bhikkhūnampi dhuranikkhepaṃ akatvā thokaṃ thokaṃ sappiādikaṃ theyyāya gaṇhantānaṃ pādagghanake puṇṇe pārājikameva. Keci pana ‘‘aṭṭhame vatthusmiṃ bhikkhuniyā pārājikameva hotīti vuttattā aṭṭhavatthukamevetaṃ sandhāya vutta’’nti vadanti.
த⁴ம்மிகஸ்ஸ படிஸ்ஸவஸ்ஸாதி ‘‘இத⁴ வஸ்ஸங் வஸிஸ்ஸாமீ’’திஆதி³னா கி³ஹீனங் ஸம்முகா² கதஸ்ஸ த⁴ம்மிகஸ்ஸ படிஸ்ஸவஸ்ஸ, அத⁴ம்மிகஸ்ஸ பன ‘‘அஸுகங் பஹரிஸ்ஸாமீ’’திஆதி³கஸ்ஸ படிஸ்ஸவஸ்ஸ அஸச்சாபனேன ஆபத்தி நத்தி².
Dhammikassa paṭissavassāti ‘‘idha vassaṃ vasissāmī’’tiādinā gihīnaṃ sammukhā katassa dhammikassa paṭissavassa, adhammikassa pana ‘‘asukaṃ paharissāmī’’tiādikassa paṭissavassa asaccāpanena āpatti natthi.
ததா² சோதி³தோதி அத⁴ம்மேன சோதி³தோ, ஸயங் ஸச்சே, அகுப்பே ச அட்ட²த்வா படிச்சா²தெ³ந்தோபி அத⁴ம்மசுதி³தகோ ஏவ. பஞ்சானந்தரியனியதமிச்சா²தி³ட்டி²யேவ மிச்ச²த்தனியதா நாம. சத்தாரோ மக்³கா³ ஸம்மத்தனியதா நாம.
Tathā coditoti adhammena codito, sayaṃ sacce, akuppe ca aṭṭhatvā paṭicchādentopi adhammacuditako eva. Pañcānantariyaniyatamicchādiṭṭhiyeva micchattaniyatā nāma. Cattāro maggā sammattaniyatā nāma.
ஏககவாரவண்ணனா நிட்டி²தா.
Ekakavāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. ஏககவாரோ • 1. Ekakavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / ஏககவாரவண்ணனா • Ekakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஏககவாரவண்ணனா • Ekakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஏககவாரவண்ணனா • Ekakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஏகுத்தரிகனயோ ஏககவாரவண்ணனா • Ekuttarikanayo ekakavāravaṇṇanā
