| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
згуд̇д̇ариганаяо
Ekuttarikanayo
згагаваараван̣н̣анаа
Ekakavāravaṇṇanā
321. аабад̇д̇игараа д̇хаммаа ж̇аанид̇аб̣б̣аад̇иаад̣̇имхи згуд̇д̇ариганаяз аабад̇д̇игараа д̇хаммаа наама ча аабад̇д̇исамудтаанаани. зд̇зсан̃хи васзна буг̇г̇ало аабад̇д̇им̣ аабаж̇ж̇ад̇и, д̇асмаа ‘‘аабад̇д̇игараа’’д̇и вуд̇д̇аа. анаабад̇д̇игараа наама сад̇д̇а самат̇аа. аабад̇д̇и ж̇аанид̇аб̣б̣аад̇и д̇асмим̣ д̇асмим̣ сигкаабад̣̇з жа вибхан̇г̇з жа вуд̇д̇аа аабад̇д̇и ж̇аанид̇аб̣б̣аа. анаабад̇д̇ийд̇и ‘‘анаабад̇д̇и бхигку асаад̣̇ияанд̇ассаа’’д̇иаад̣̇инаа наязна анаабад̇д̇и ж̇аанид̇аб̣б̣аа. лахугаад̇и лахугзна винаяагаммзна висуж̇жханад̇о бан̃жавид̇хаа аабад̇д̇и. г̇аругаад̇и г̇аругзна винаяагаммзна висуж̇жханад̇о сан̇гхаад̣̇исзсаа аабад̇д̇и. гзнажи аагаарзна анаабад̇д̇ибхаавам̣ убанзд̇ум̣ асаггун̣зяяад̇о баарааж̇игаабад̇д̇и жа. саавасзсаад̇и табзд̇ваа баарааж̇игам̣ сзсаа. анавасзсаад̇и баарааж̇игаабад̇д̇и. д̣̇вз аабад̇д̇игканд̇хаа д̣̇удтуллаа; авасзсаа ад̣̇удтуллаа. саббадигаммад̣̇угам̣ саавасзсад̣̇угасад̣̇исам̣. д̣̇зсанааг̇ааминид̣̇угам̣ лахугад̣̇угасан̇г̇ахид̇ам̣.
321.Āpattikarādhammā jānitabbātiādimhi ekuttarikanaye āpattikarā dhammā nāma cha āpattisamuṭṭhānāni. Etesañhi vasena puggalo āpattiṃ āpajjati, tasmā ‘‘āpattikarā’’ti vuttā. Anāpattikarā nāma satta samathā. Āpatti jānitabbāti tasmiṃ tasmiṃ sikkhāpade ca vibhaṅge ca vuttā āpatti jānitabbā. Anāpattīti ‘‘anāpatti bhikkhu asādiyantassā’’tiādinā nayena anāpatti jānitabbā. Lahukāti lahukena vinayakammena visujjhanato pañcavidhā āpatti. Garukāti garukena vinayakammena visujjhanato saṅghādisesā āpatti. Kenaci ākārena anāpattibhāvaṃ upanetuṃ asakkuṇeyyato pārājikāpatti ca. Sāvasesāti ṭhapetvā pārājikaṃ sesā. Anavasesāti pārājikāpatti. Dve āpattikkhandhā duṭṭhullā; avasesā aduṭṭhullā. Sappaṭikammadukaṃ sāvasesadukasadisaṃ. Desanāgāminidukaṃ lahukadukasaṅgahitaṃ.
анд̇арааяигаад̇и сад̇д̇аби аабад̇д̇ияо сан̃жижжа вийд̇игганд̇аа саг̇г̇анд̇арааяан̃жзва могканд̇арааяан̃жа гаронд̇ийд̇и анд̇арааяигаа. аж̇аананд̇зна вийд̇игганд̇аа бана бан̣н̣ад̇д̇иваж̇ж̇аабад̇д̇и нзва саг̇г̇анд̇арааяам̣ на могканд̇арааяам̣ гарод̇ийд̇и ананд̇арааяигаа. анд̇арааяигам̣ аабаннассааби д̣̇зсанааг̇ааминим̣ д̣̇зсзд̇ваа вудтаанаг̇ааминид̇о вудтааяа суд̣̇д̇хибад̇д̇асса сааман̣зрабхуумияам̣ тид̇асса жа аваарид̇о саг̇г̇амогкамаг̇г̇од̇и. сааваж̇ж̇абан̃н̃ад̇д̇ийд̇и логаваж̇ж̇аа. анаваж̇ж̇абан̃н̃ад̇д̇ийд̇и бан̣н̣ад̇д̇иваж̇ж̇аа. гирияад̇о самудтид̇аа наама яам̣ гаронд̇о аабаж̇ж̇ад̇и баарааж̇игаабад̇д̇и вияа. агирияад̇од̇и яам̣ агаронд̇о аабаж̇ж̇ад̇и, жийвараанад̇хидтаанаабад̇д̇и вияа. гирияаагирияад̇од̇и яам̣ гаронд̇о жа агаронд̇о жа аабаж̇ж̇ад̇и, гудигаараабад̇д̇и вияа.
Antarāyikāti sattapi āpattiyo sañcicca vītikkantā saggantarāyañceva mokkhantarāyañca karontīti antarāyikā. Ajānantena vītikkantā pana paṇṇattivajjāpatti neva saggantarāyaṃ na mokkhantarāyaṃ karotīti anantarāyikā. Antarāyikaṃ āpannassāpi desanāgāminiṃ desetvā vuṭṭhānagāminito vuṭṭhāya suddhipattassa sāmaṇerabhūmiyaṃ ṭhitassa ca avārito saggamokkhamaggoti. Sāvajjapaññattīti lokavajjā. Anavajjapaññattīti paṇṇattivajjā. Kiriyato samuṭṭhitā nāma yaṃ karonto āpajjati pārājikāpatti viya. Akiriyatoti yaṃ akaronto āpajjati, cīvaraanadhiṭṭhānāpatti viya. Kiriyākiriyatoti yaṃ karonto ca akaronto ca āpajjati, kuṭikārāpatti viya.
буб̣б̣аабад̇д̇ийд̇и батамам̣ аабаннаабад̇д̇и. абараабад̇д̇ийд̇и баариваасигаад̣̇ийхи бажчаа аабаннаабад̇д̇и. буб̣б̣аабад̇д̇ийнам̣ анд̇араабад̇д̇и наама муулависуд̣̇д̇хияаа анд̇араабад̇д̇и. абараабад̇д̇ийнам̣ анд̇араабад̇д̇и наама аг̇гхависуд̣̇д̇хияаа анд̇араабад̇д̇и. гурунд̣̇ияам̣ бана ‘‘буб̣б̣аабад̇д̇и наама батамам̣ аабаннаа. абараабад̇д̇и наама маанад̇д̇аарахагаалз аабаннаа. буб̣б̣аабад̇д̇ийнам̣ анд̇араабад̇д̇и наама бариваасз аабаннаа. абараабад̇д̇ийнам̣ анд̇араабад̇д̇и наама маанад̇д̇ажаарз аабаннаа’’д̇и вуд̇д̇ам̣. ид̣̇амби згзна барияааязна яуж̇ж̇ад̇и.
Pubbāpattīti paṭhamaṃ āpannāpatti. Aparāpattīti pārivāsikādīhi pacchā āpannāpatti. Pubbāpattīnaṃ antarāpatti nāma mūlavisuddhiyā antarāpatti. Aparāpattīnaṃ antarāpatti nāma agghavisuddhiyā antarāpatti. Kurundiyaṃ pana ‘‘pubbāpatti nāma paṭhamaṃ āpannā. Aparāpatti nāma mānattārahakāle āpannā. Pubbāpattīnaṃ antarāpatti nāma parivāse āpannā. Aparāpattīnaṃ antarāpatti nāma mānattacāre āpannā’’ti vuttaṃ. Idampi ekena pariyāyena yujjati.
д̣̇зсид̇аа г̇ан̣ануубаг̇аа наама яаа д̇хуранигкзбам̣ гад̇ваа буна на аабаж̇ж̇иссаамийд̇и д̣̇зсид̇аа ход̇и. аг̇ан̣ануубаг̇аа наама яаа д̇хуранигкзбам̣ агад̇ваа сауссаахзнзва жид̇д̇зна абарисуд̣̇д̇хзна д̣̇зсид̇аа ход̇и. аяан̃хи д̣̇зсид̇ааби д̣̇зсид̇аг̇ан̣анам̣ на убзд̇и. адтамз вад̇т̇усмим̣ бхигкунияаа баарааж̇игамзва ход̇и. бан̃н̃ад̇д̇и ж̇аанид̇аб̣б̣аад̇иаад̣̇ийсу навасу бад̣̇зсу батамабаарааж̇игабужчааяа вуд̇д̇анаязнзва винижчаяо взд̣̇ид̇аб̣б̣о.
Desitā gaṇanūpagā nāma yā dhuranikkhepaṃ katvā puna na āpajjissāmīti desitā hoti. Agaṇanūpagā nāma yā dhuranikkhepaṃ akatvā saussāheneva cittena aparisuddhena desitā hoti. Ayañhi desitāpi desitagaṇanaṃ na upeti. Aṭṭhame vatthusmiṃ bhikkhuniyā pārājikameva hoti. Paññatti jānitabbātiādīsu navasu padesu paṭhamapārājikapucchāya vuttanayeneva vinicchayo veditabbo.
т̇уллаваж̇ж̇аад̇и т̇уллад̣̇осз бан̃н̃ад̇д̇аа г̇аругаабад̇д̇и. ат̇уллаваж̇ж̇аад̇и лахугаабад̇д̇и. г̇ихибадисам̣яуд̇д̇аад̇и суд̇хаммад̇т̇зрасса аабад̇д̇и, яаа жа д̇хаммигасса бадиссавасса асажжаабанз аабад̇д̇и, авасзсаа на г̇ихибадисам̣яуд̇д̇аа. бан̃жаананд̇арияагаммаабад̇д̇и нияад̇аа, сзсаа анияад̇аа. аад̣̇игарод̇и суд̣̇иннад̇т̇зраад̣̇и аад̣̇игаммиго. анаад̣̇игарод̇и маггадисаман̣аад̣̇и анубан̃н̃ад̇д̇игаараго. ад̇хижжаабад̇д̇иго наама яо гад̣̇аажи гарахажи аабад̇д̇им̣ аабаж̇ж̇ад̇и. абхин̣хаабад̇д̇иго наама яо нижжам̣ аабаж̇ж̇ад̇и.
Thullavajjāti thulladose paññattā garukāpatti. Athullavajjāti lahukāpatti. Gihipaṭisaṃyuttāti sudhammattherassa āpatti, yā ca dhammikassa paṭissavassa asaccāpane āpatti, avasesā na gihipaṭisaṃyuttā. Pañcānantariyakammāpatti niyatā, sesā aniyatā. Ādikaroti sudinnattherādi ādikammiko. Anādikaroti makkaṭisamaṇādi anupaññattikārako. Adhiccāpattiko nāma yo kadāci karahaci āpattiṃ āpajjati. Abhiṇhāpattiko nāma yo niccaṃ āpajjati.
жод̣̇аго наама яо вад̇т̇унаа ваа аабад̇д̇ияаа ваа барам̣ жод̣̇зд̇и. яо бана звам̣ жод̣̇ид̇о аяам̣ жуд̣̇ид̇аго наама. бан̃жад̣̇асасу д̇хаммзсу аббад̇идтахид̇ваа абхууд̇зна вад̇т̇унаа жод̣̇знд̇о ад̇хаммажод̣̇аго наама, д̇зна д̇ат̇аа жод̣̇ид̇о ад̇хаммажуд̣̇ид̇аго наама. вибарияааязна д̇хаммажод̣̇агажуд̣̇ид̇агаа взд̣̇ид̇аб̣б̣аа. мижчад̇д̇анияад̇зхи ваа саммад̇д̇анияад̇зхи ваа д̇хаммзхи саманнааг̇ад̇о нияад̇о, вибарийд̇о анияад̇о.
Codako nāma yo vatthunā vā āpattiyā vā paraṃ codeti. Yo pana evaṃ codito ayaṃ cuditako nāma. Pañcadasasu dhammesu appatiṭṭhahitvā abhūtena vatthunā codento adhammacodako nāma, tena tathā codito adhammacuditako nāma. Vipariyāyena dhammacodakacuditakā veditabbā. Micchattaniyatehi vā sammattaniyatehi vā dhammehi samannāgato niyato, viparīto aniyato.
саавагаа бхаб̣б̣аабад̇д̇игаа наама, б̣уд̣̇д̇хаа жа бажжзгаб̣уд̣̇д̇хаа жа абхаб̣б̣аабад̇д̇игаа наама. угкзбанийяагаммагад̇о угкид̇д̇аго наама, авасзсажад̇уб̣б̣ид̇хад̇аж̇ж̇анийяаад̣̇игаммагад̇о анугкид̇д̇аго наама. аяан̃хи убосат̇ам̣ ваа бавааран̣ам̣ ваа д̇хаммабарибхог̇ам̣ ваа аамисабарибхог̇ам̣ ваа на гобзд̇и. ‘‘мзд̇д̇ияам̣ бхигкуним̣ наасзт̇а, д̣̇уусаго наасзд̇аб̣б̣о, ган̣даго саман̣уд̣̇д̣̇зсо наасзд̇аб̣б̣о’’д̇и звам̣ лин̇г̇ад̣̇ан̣д̣агамма-сам̣ваасанаасанаахи наасид̇аб̣б̣о наасид̇аго наама. сзсаа саб̣б̣з анаасид̇агаа. язна сад̣̇д̇хим̣ убосат̇аад̣̇иго сам̣ваасо ад̇т̇и, аяам̣ самаанасам̣ваасаго, ид̇аро наанаасам̣ваасаго . со гамманаанаасам̣ваасаго лад̣̇д̇хинаанаасам̣ваасагод̇и д̣̇увид̇хо ход̇и. табанам̣ ж̇аанид̇аб̣б̣анд̇и ‘‘згам̣ бхигкавз ад̇хаммигам̣ баад̇имогкадтабана’’нд̇иаад̣̇инаа наязна вуд̇д̇ам̣ баад̇имогкадтабанам̣ ж̇аанид̇аб̣б̣анд̇и ад̇т̇о.
Sāvakā bhabbāpattikā nāma, buddhā ca paccekabuddhā ca abhabbāpattikā nāma. Ukkhepanīyakammakato ukkhittako nāma, avasesacatubbidhatajjanīyādikammakato anukkhittako nāma. Ayañhi uposathaṃ vā pavāraṇaṃ vā dhammaparibhogaṃ vā āmisaparibhogaṃ vā na kopeti. ‘‘Mettiyaṃ bhikkhuniṃ nāsetha, dūsako nāsetabbo, kaṇṭako samaṇuddeso nāsetabbo’’ti evaṃ liṅgadaṇḍakamma-saṃvāsanāsanāhi nāsitabbo nāsitako nāma. Sesā sabbe anāsitakā. Yena saddhiṃ uposathādiko saṃvāso atthi, ayaṃ samānasaṃvāsako, itaro nānāsaṃvāsako. So kammanānāsaṃvāsako laddhinānāsaṃvāsakoti duvidho hoti. Ṭhapanaṃ jānitabbanti ‘‘ekaṃ bhikkhave adhammikaṃ pātimokkhaṭṭhapana’’ntiādinā nayena vuttaṃ pātimokkhaṭṭhapanaṃ jānitabbanti attho.
згагаваараван̣н̣анаа нидтид̇аа.
Ekakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. згагавааро • 1. Ekakavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо згагаваараван̣н̣анаа • Ekuttarikanayo ekakavāravaṇṇanā
