| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
згуд̇д̇ариганаяо
Ekuttarikanayo
згагаваараван̣н̣анаа
Ekakavāravaṇṇanā
321. муулависуд̣̇д̇хияаа анд̇араабад̇д̇ийд̇и анд̇араабад̇д̇им̣ аабаж̇ж̇ид̇ваа муулааяабадигассанам̣ гад̇ваа тид̇зна аабаннаа. ‘‘аг̇гхависуд̣̇д̇хияаа анд̇араабад̇д̇ийд̇и самб̣ахулаа аабад̇д̇ияо аабаж̇ж̇ид̇ваа д̇аасу саб̣б̣ажирабадижчаннавасзна аг̇гхасамод̇хаанам̣ г̇ахзд̇ваа васанд̇зна аабаннаабад̇д̇ий’’д̇и г̇ан̣тибад̣̇зсу вуд̇д̇ам̣. сауссаахзнзва жид̇д̇знаад̇и ‘‘бунаби аабаж̇ж̇иссаамий’’д̇и сауссаахзнзва жид̇д̇зна. бхигкунийнам̣ адтавад̇т̇угааяа васзна жзд̇ам̣ вуд̇д̇ам̣. д̇знзвааха ‘‘адтамз вад̇т̇усмим̣ бхигкунияаа баарааж̇игамзва ход̇ий’’д̇и. ‘‘д̇хаммигасса бадиссавасса асажжаабанз’’д̇и вуд̇д̇ад̇д̇аа ад̇хаммигабадиссавасса висам̣ваад̣̇з д̣̇уггадам̣ на ход̇и. ‘‘д̇умхз виб̣бхамат̇аа’’д̇и хи вуд̇д̇з суд̣̇д̇хажид̇д̇о ‘‘саад̇хуу’’д̇и бадиссун̣ид̇ваа сажз на виб̣бхамад̇и, анаабад̇д̇и. звам̣ саб̣б̣ад̇т̇а. бан̃жад̣̇асасу д̇хаммзсууд̇и ‘‘гаалзна вагкаами, но агаалзнаа’’д̇иаад̣̇инаа вуд̇д̇абан̃жад̣̇асад̇хаммзсу. аабад̇д̇им̣ аабаж̇ж̇ид̇ум̣ бхаб̣б̣ад̇ааяа бхаб̣б̣аабад̇д̇игаа.
321.Mūlavisuddhiyāantarāpattīti antarāpattiṃ āpajjitvā mūlāyapaṭikassanaṃ katvā ṭhitena āpannā. ‘‘Agghavisuddhiyā antarāpattīti sambahulā āpattiyo āpajjitvā tāsu sabbacirapaṭicchannavasena agghasamodhānaṃ gahetvā vasantena āpannāpattī’’ti gaṇṭhipadesu vuttaṃ. Saussāheneva cittenāti ‘‘punapi āpajjissāmī’’ti saussāheneva cittena. Bhikkhunīnaṃ aṭṭhavatthukāya vasena cetaṃ vuttaṃ. Tenevāha ‘‘aṭṭhame vatthusmiṃ bhikkhuniyā pārājikameva hotī’’ti. ‘‘Dhammikassa paṭissavassa asaccāpane’’ti vuttattā adhammikapaṭissavassa visaṃvāde dukkaṭaṃ na hoti. ‘‘Tumhe vibbhamathā’’ti hi vutte suddhacitto ‘‘sādhū’’ti paṭissuṇitvā sace na vibbhamati, anāpatti. Evaṃ sabbattha. Pañcadasasu dhammesūti ‘‘kālena vakkhāmi, no akālenā’’tiādinā vuttapañcadasadhammesu. Āpattiṃ āpajjituṃ bhabbatāya bhabbāpattikā.
згагаваараван̣н̣анаа нидтид̇аа.
Ekakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. згагавааро • 1. Ekakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо згагаваараван̣н̣анаа • Ekuttarikanayo ekakavāravaṇṇanā
