| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
згуд̇д̇ариганаяаван̣н̣анаа
Ekuttarikanayavaṇṇanā
згагаваараван̣н̣анаа
Ekakavāravaṇṇanā
321. згуд̇д̇ариганаяз аабад̇д̇и ж̇аанид̇аб̣б̣аад̇и зд̇т̇а аабад̇д̇и наама гим̣ барамад̇т̇асабхааваа, уд̣̇ааху на вад̇д̇аб̣б̣асабхааваад̇и? на вад̇д̇аб̣б̣асабхааваа. вуд̇д̇ан̃хи бариваарз ‘‘вад̇т̇у ж̇аанид̇аб̣б̣ам̣, г̇од̇д̇ам̣ ж̇аанид̇аб̣б̣ам̣, наамам̣ ж̇аанид̇аб̣б̣ам̣, аабад̇д̇и ж̇аанид̇аб̣б̣аа’’д̇и зд̇зсам̣ бад̣̇аанам̣ вибхан̇г̇з ‘‘мзт̇унад̇хаммод̇и вад̇т̇у жа г̇од̇д̇ан̃жа. баарааж̇иганд̇и нааман̃жзва аабад̇д̇и жаа’’д̇и. нааман̃жа г̇од̇д̇ан̃жа ‘‘наамаг̇од̇д̇ам̣ на ж̇ийрад̇ий’’д̇и (сам̣. ни. 1.76) важанад̇о саммуд̇имад̇д̇ам̣, д̇асмаа ‘‘гусалад̇д̇игавинимуд̇д̇аа на вад̇д̇аб̣б̣ад̇хаммабхууд̇аа згажжаа саммуд̇и зваа’’д̇и вуд̇д̇ам̣. яам̣ бана вуд̇д̇ам̣ самат̇агканд̇хагз ‘‘аабад̇д̇аад̇хигаран̣ам̣ сияаа агусалам̣, сияаа аб̣яаагад̇а’’нд̇и (жуул̣ава. 222), д̇ам̣ ‘‘виваад̣̇аад̇хигаран̣ам̣ сияаа гусалам̣, сияаа агусалам̣, сияаа аб̣яаагад̇а’’нд̇и (жуул̣ава. 220) зд̇т̇а вияа барияааяад̇о вуд̇д̇ам̣. ад̇т̇ад̇о хи виваад̣̇о наама згажжо саммуд̇ивисзсо. яо жид̇д̇асаман̇г̇ино, со ‘‘д̇ам̣ жид̇д̇абарияааязна бана сияаа гусала’’нд̇иаад̣̇и вохааралад̣̇д̇хо, д̇ат̇аа аабад̇д̇аад̇хигаран̣амбийд̇и д̣̇адтаб̣б̣ам̣. д̇знзва вуд̇д̇ам̣ адтагат̇ааяам̣ ‘‘аабад̇д̇им̣ аабаж̇ж̇амаано хи агусалажид̇д̇о ваа аабаж̇ж̇ад̇и гусалааб̣яаагад̇ажид̇д̇о ваа’’д̇и (ган̇каа. адта. батамабаарааж̇игаван̣н̣анаа). ан̃н̃ат̇аа самат̇зхи ад̇хигаран̣ийяад̇аа на самбхавад̇и. на хи самат̇аа гусалаад̣̇им̣ агусалаад̣̇им̣ ваа ад̇хигижжабавад̇д̇анд̇и, самат̇авасзна ваа гусалаад̣̇и саммад̇и. на жа гусаласса виваад̣̇асса, ануваад̣̇асса ваа гусалаад̣̇исамат̇зхи вуубасамзд̇аб̣б̣ад̇аа аабаж̇ж̇ад̇ийд̇и д̇зсам̣ ад̇хигаран̣амад̇д̇амзва на самбхавзяяа, д̇асмаа ад̇хигаран̣аанам̣, самат̇аанан̃жа гусалаад̣̇ибхааво барияааяад̣̇зсанааяа лаб̣бхад̇и, но ан̃н̃ат̇аа, д̇знзва саммукаавинаяз вияа аабад̇д̇аад̇хигаран̣з д̇игам̣ на буурид̇ам̣. сан̃жижжа аабад̇д̇им̣ аабаж̇ж̇амаанасса яасмаа сан̃жзд̇анаа зганд̇ад̇о агусалаава ход̇и. ид̇арасса сажид̇д̇агасса ваа ажид̇д̇агасса ваа д̇ад̣̇аабхаавамад̇д̇ам̣ убаад̣̇ааяа ‘‘аб̣яаагад̇а’’нд̇и вуд̇д̇ам̣. яат̇аа хи ‘‘д̇игкад̇д̇ум̣ жод̣̇аяамаано д̇ам̣ жийварам̣ абхинибпаад̣̇зяяа, ижжзд̇ам̣ гусала’’нд̇иаад̣̇ийсу (баараа. 538) на гусаласад̣̇д̣̇о сукавибааго, ‘‘самбарааяигаанам̣ агусалаанам̣ д̇хаммаанам̣ бадигхаад̇ааяаа’’д̇иаад̣̇ийсу (бари. 498) на агусалаа ваа ход̇и. ид̇арасса сажид̇д̇агасса ваа ажид̇д̇агасса ваа д̇ад̣̇аабхаавамад̇д̇ам̣ убаад̣̇ааяа ‘‘аб̣яаагад̇а’’нд̇и вуд̇д̇ам̣. яат̇аа хи д̣̇вигкад̇д̇ум̣ жод̣̇аяамаано д̇ам̣ жийварам̣ абхинибпаад̣̇зяяа, яам̣ банзд̇т̇а ‘‘аабад̇д̇аад̇хигаран̣ам̣ агусала’’нд̇и вуд̇д̇ам̣, д̇асса васзна д̇ад̣̇агусалад̇о сад̇д̇а винийд̇авад̇т̇ууни взд̣̇ид̇аб̣б̣аани, д̇ад̇о жийваранд̇и самбхавад̇о ажийварагаа, анд̇араабад̇д̇игаа жа. ананд̇аригалагкан̣аббад̇д̇асса васзна нияад̇аа жа наамаад̇и взд̣̇ид̇аб̣б̣ам̣. саммуд̇инид̣̇д̣̇зсз г̇аругалахуганид̣̇д̣̇зсоби самбхавад̇и. ан̃н̃ат̇аа ‘‘ананд̇арааяигаа бан̣н̣ад̇д̇иваж̇ж̇аа, анаваж̇ж̇аабан̣н̣ад̇д̇ий’’д̇и жа вуд̇д̇аа. гудигаарамахаллагаабад̇д̇и анд̇арааяигаа логаваж̇ж̇асааваж̇ж̇абан̣н̣ад̇д̇ид̇о. самбаж̇аанамусааваад̣̇о омасаваад̣̇аад̣̇ид̇о г̇аругаад̣̇и на самбхавзяяа, д̇ад̇о ваа аяам̣ лахугаад̣̇ийд̇и ид̣̇ам̣ саб̣б̣ам̣ згажжаанам̣ аажарияаанам̣ мад̇ам̣, ‘‘саб̣б̣ам̣ аяуд̇д̇а’’нд̇и вад̣̇анд̇и. гасмаа? яасмаа ‘‘баарааж̇иганд̇и нааман̃жзва аабад̇д̇ижаа’’д̇и важанзна жз аабад̇д̇и на вад̇д̇аб̣б̣ад̇хаммо сияаа, вад̇т̇у жа на вад̇д̇аб̣б̣ад̇хаммо сияаа г̇од̇д̇зна самаанаад̇хигаран̣абхаавзна вуд̇д̇ад̇д̇аа, д̇асмаа ‘‘мзт̇унад̇хаммо’’д̇и бад̣̇ам̣ аж̇жхаажаарасан̇каад̇ам̣ вад̇т̇ун̃жа д̣̇ийбзд̇и. аж̇жхаажааравасзнзва аабад̇д̇ияаа лад̣̇д̇ханаамам̣ асаад̇хааран̣анаамад̇д̇аа ‘‘г̇од̇д̇а’’нд̇и жа вужжад̇ийд̇и аяам̣ д̇ад̇т̇а ад̇т̇о.
321. Ekuttarikanaye āpatti jānitabbāti ettha āpatti nāma kiṃ paramatthasabhāvā, udāhu na vattabbasabhāvāti? Na vattabbasabhāvā. Vuttañhi parivāre ‘‘vatthu jānitabbaṃ, gottaṃ jānitabbaṃ, nāmaṃ jānitabbaṃ, āpatti jānitabbā’’ti etesaṃ padānaṃ vibhaṅge ‘‘methunadhammoti vatthu ca gottañca. Pārājikanti nāmañceva āpatti cā’’ti. Nāmañca gottañca ‘‘nāmagottaṃ na jīratī’’ti (saṃ. ni. 1.76) vacanato sammutimattaṃ, tasmā ‘‘kusalattikavinimuttā na vattabbadhammabhūtā ekaccā sammuti evā’’ti vuttaṃ. Yaṃ pana vuttaṃ samathakkhandhake ‘‘āpattādhikaraṇaṃ siyā akusalaṃ, siyā abyākata’’nti (cūḷava. 222), taṃ ‘‘vivādādhikaraṇaṃ siyā kusalaṃ, siyā akusalaṃ, siyā abyākata’’nti (cūḷava. 220) ettha viya pariyāyato vuttaṃ. Atthato hi vivādo nāma ekacco sammutiviseso. Yo cittasamaṅgino, so ‘‘taṃ cittapariyāyena pana siyā kusala’’ntiādi vohāraladdho, tathā āpattādhikaraṇampīti daṭṭhabbaṃ. Teneva vuttaṃ aṭṭhakathāyaṃ ‘‘āpattiṃ āpajjamāno hi akusalacitto vā āpajjati kusalābyākatacitto vā’’ti (kaṅkhā. aṭṭha. paṭhamapārājikavaṇṇanā). Aññathā samathehi adhikaraṇīyatā na sambhavati. Na hi samathā kusalādiṃ akusalādiṃ vā adhikiccapavattanti, samathavasena vā kusalādi sammati. Na ca kusalassa vivādassa, anuvādassa vā kusalādisamathehi vūpasametabbatā āpajjatīti tesaṃ adhikaraṇamattameva na sambhaveyya, tasmā adhikaraṇānaṃ, samathānañca kusalādibhāvo pariyāyadesanāya labbhati, no aññathā, teneva sammukhāvinaye viya āpattādhikaraṇe tikaṃ na pūritaṃ. Sañcicca āpattiṃ āpajjamānassa yasmā sañcetanā ekantato akusalāva hoti. Itarassa sacittakassa vā acittakassa vā tadābhāvamattaṃ upādāya ‘‘abyākata’’nti vuttaṃ. Yathā hi ‘‘tikkhattuṃ codayamāno taṃ cīvaraṃ abhinipphādeyya, iccetaṃ kusala’’ntiādīsu (pārā. 538) na kusalasaddo sukhavipāko, ‘‘samparāyikānaṃ akusalānaṃ dhammānaṃ paṭighātāyā’’tiādīsu (pari. 498) na akusalā vā hoti. Itarassa sacittakassa vā acittakassa vā tadābhāvamattaṃ upādāya ‘‘abyākata’’nti vuttaṃ. Yathā hi dvikkhattuṃ codayamāno taṃ cīvaraṃ abhinipphādeyya, yaṃ panettha ‘‘āpattādhikaraṇaṃ akusala’’nti vuttaṃ, tassa vasena tadakusalato satta vinītavatthūni veditabbāni, tato cīvaranti sambhavato acīvarakā, antarāpattikā ca. Anantarikalakkhaṇappattassa vasena niyatā ca nāmāti veditabbaṃ. Sammutiniddese garukalahukaniddesopi sambhavati. Aññathā ‘‘anantarāyikā paṇṇattivajjā, anavajjāpaṇṇattī’’ti ca vuttā. Kuṭikāramahallakāpatti antarāyikā lokavajjasāvajjapaṇṇattito. Sampajānamusāvādo omasavādādito garukādi na sambhaveyya, tato vā ayaṃ lahukādīti idaṃ sabbaṃ ekaccānaṃ ācariyānaṃ mataṃ, ‘‘sabbaṃ ayutta’’nti vadanti. Kasmā? Yasmā ‘‘pārājikanti nāmañceva āpatticā’’ti vacanena ce āpatti na vattabbadhammo siyā, vatthu ca na vattabbadhammo siyā gottena samānādhikaraṇabhāvena vuttattā, tasmā ‘‘methunadhammo’’ti padaṃ ajjhācārasaṅkhātaṃ vatthuñca dīpeti. Ajjhācāravaseneva āpattiyā laddhanāmaṃ asādhāraṇanāmattā ‘‘gotta’’nti ca vuccatīti ayaṃ tattha attho.
‘‘аабад̇д̇аад̇хигаран̣асса гим̣ буб̣б̣ан̇г̇аманд̇и? лобхо буб̣б̣ан̇г̇амо, д̣̇осо, мохо, алобхо, ад̣̇осо, амохо буб̣б̣ан̇г̇амо’’д̇и ‘‘гад̇и хзд̇ууд̇и? ча хзд̇уу д̇аяо агусалахзд̇уу, д̇аяо аб̣яаагад̇ахзд̇уу’’д̇и жа вуд̇д̇ад̇д̇аа ниббарияааязнзва ‘‘аабад̇д̇аад̇хигаран̣ам̣ сияаа агусалам̣, сияаа аб̣яаагад̇а’’нд̇и вуд̇д̇ам̣. самат̇агканд̇хагз бана санд̇хааяабхаасид̇авасзна д̇ат̇аа зва вуд̇д̇ам̣. д̇асмаа аабад̇д̇аад̇хигаран̣ам̣ сабхаавад̇о ниббарияааязнзва агусалаа жад̇д̇ааро канд̇хаа, руубааб̣яаагад̇аа жа хонд̇и. ‘‘над̇т̇и аабад̇д̇аад̇хигаран̣ам̣ гусала’’нд̇и (жуул̣ава. 222) вуд̇д̇ад̇д̇аа гусаламзва бадигкид̇д̇ам̣, кийн̣аасаваанам̣ гирияааб̣яаагад̇ам̣ наама ход̇ийд̇и гусалз бадигкид̇д̇з гирияааб̣яаагад̇амби бадигкид̇д̇амзва ход̇и. д̇асмим̣ бадигкид̇д̇з саб̣б̣ат̇аа аваавадам̣ вибаагааб̣яаагад̇ам̣ бадигкид̇д̇амзва ход̇и. ниб̣б̣аанааб̣яаагад̇з вад̇д̇аб̣б̣амзва над̇т̇ийд̇и згз, д̇ам̣ аяуд̇д̇ам̣ ‘‘ча хзд̇уяо’’д̇и вуд̇д̇ад̇д̇аа. гин̃жааби вуд̇д̇ам̣ сааман̃н̃зна, д̇ат̇ааби вибаагахзд̇уязва д̇ад̇т̇а ад̇хиббзд̇о, на гирияаахзд̇у, д̇з хи гусаласабхааваа жа, д̇асмаа руубам̣, вибаагааб̣яаагад̇ан̃жаабад̇д̇и. д̇ад̇т̇а агусалаабад̇д̇ид̇о винийд̇авад̇т̇ууни. ид̇арассааби аад̣̇ид̇о чаад̣̇анаа гусалажид̇д̇ад̇од̇и вуд̇д̇ам̣ ход̇и. анд̇арааяиганияад̇асааваж̇ж̇абан̃н̃ад̇д̇ибхаавоби жассаа взважанавасзна взд̣̇ид̇аб̣б̣о бан̣н̣ад̇д̇иваж̇ж̇ааяа, сан̃жижжа аабаннааяа жа, д̇асмаа ‘‘ж̇ийвид̇инд̣̇рияам̣ сияаа саарамман̣ам̣ сияаа анаарамман̣а’’нд̇и важанам̣ вияа зганд̇аагусалам̣ анзганд̇аагусалан̃жа логаваж̇ж̇ам̣, зганд̇ааб̣яаагад̇ам̣ бхууд̇аарожанам̣ анзганд̇ааб̣яаагад̇ан̃жа сзсам̣ бан̣н̣ад̇д̇иваж̇ж̇ам̣ згад̇о самбин̣д̣зд̇ваа ‘‘аабад̇д̇аад̇хигаран̣ам̣ сияаа агусалам̣ сияааб̣яаагад̇а’’нд̇и вуд̇д̇ам̣. самат̇агканд̇хагз бана бан̣н̣ад̇д̇иваж̇ж̇амзва санд̇хааяа д̇ат̇аа вуд̇д̇ам̣. вуд̇д̇ан̃хзд̇ам̣ адтагат̇ааяам̣, г̇ан̣тибад̣̇з жа ‘‘аабад̇д̇аад̇хигаран̣ам̣ сияаа агусалам̣, сияаа аб̣яаагад̇ам̣, над̇т̇и аабад̇д̇аад̇хигаран̣ам̣ гусала’нд̇и зд̇т̇а санд̇хааяабхаасид̇авасзна ад̇т̇о взд̣̇ид̇аб̣б̣о. яасмин̃хи бат̇авикан̣анаад̣̇игз аабад̇д̇аад̇хигаран̣з абагад̇ан̃н̃уно санд̇хааяа аббахарид̇агаран̣аад̣̇игаалз гусалажид̇д̇ам̣ ан̇г̇ам̣ ход̇и, кан̣анаад̣̇ибаяог̇асан̇каад̇ам̣ руубааб̣яаагад̇ам̣ аабад̇д̇исамудтаабзнд̇ам̣ ход̇ийд̇и ад̇хиббааяо’’д̇и. яам̣ санд̇хааяа вуд̇д̇ам̣ ‘‘ад̇т̇аабад̇д̇и гусалажид̇д̇о аабаж̇ж̇ад̇и, гусалажид̇д̇о вудтаад̇ий’’д̇иаад̣̇и. д̇асмин̃хи сад̇и на саггаа вад̇д̇ум̣ ‘‘над̇т̇и аабад̇д̇аад̇хигаран̣ам̣ гусала’’нд̇и. яасмаа аабад̇д̇исамудтаабагам̣ жид̇д̇ам̣ санд̇хааяа вуд̇д̇ам̣ на ход̇и, д̇асмаа на яид̣̇ам̣ ан̇г̇аббахонагажид̇д̇ам̣ санд̇хааяа вуд̇д̇ам̣. яад̣̇и д̇ам̣ санд̇хааяа вуд̇д̇ам̣, ‘‘сияаа гусала’’нд̇и жа вад̇д̇аб̣б̣ам̣ бхавзяяа, на жа вуд̇д̇ам̣. д̇асмаа ид̣̇ам̣ бана санд̇хааяа вуд̇д̇ам̣ – яам̣ д̇аава аабад̇д̇аад̇хигаран̣ам̣ логаваж̇ж̇ам̣, д̇ам̣ зганд̇ад̇о агусаламзва, д̇ад̇т̇а ‘‘сияаа агусала’’нд̇и вигаббо над̇т̇и. яам̣ бана бан̣н̣ад̇д̇иваж̇ж̇ам̣, д̇ам̣ яасмаа сан̃жижжа ‘‘имам̣ аабад̇д̇им̣ вийд̇иггамаамий’’д̇и вийд̇иггаманд̇ассзва агусалам̣ ход̇и, асан̃жижжа бана гин̃жи аж̇аананд̇асса сахасзяяаад̣̇ивасзна аабаж̇ж̇ад̇о руубавибаагам̣ аб̣яаагад̇ам̣ ход̇и анудтаанад̇о. д̇асмаа д̇асса бан̣н̣ад̇д̇иваж̇ж̇асса сан̃жижжаасан̃жижжавасзна имам̣ вигаббабхаавам̣ санд̇хааяа ид̣̇ам̣ вуд̇д̇ам̣ ‘‘аабад̇д̇аад̇хигаран̣ам̣ сияаа агусалам̣, сияаа аб̣яаагад̇ам̣, над̇т̇и аабад̇д̇аад̇хигаран̣ам̣ гусала’’нд̇и.
‘‘Āpattādhikaraṇassa kiṃ pubbaṅgamanti? Lobho pubbaṅgamo, doso, moho, alobho, adoso, amoho pubbaṅgamo’’ti ‘‘kati hetūti? Cha hetū tayo akusalahetū, tayo abyākatahetū’’ti ca vuttattā nippariyāyeneva ‘‘āpattādhikaraṇaṃ siyā akusalaṃ, siyā abyākata’’nti vuttaṃ. Samathakkhandhake pana sandhāyabhāsitavasena tathā eva vuttaṃ. Tasmā āpattādhikaraṇaṃ sabhāvato nippariyāyeneva akusalā cattāro khandhā, rūpaabyākatā ca honti. ‘‘Natthi āpattādhikaraṇaṃ kusala’’nti (cūḷava. 222) vuttattā kusalameva paṭikkhittaṃ, khīṇāsavānaṃ kiriyābyākataṃ nāma hotīti kusale paṭikkhitte kiriyābyākatampi paṭikkhittameva hoti. Tasmiṃ paṭikkhitte sabbathā avāvaṭaṃ vipākābyākataṃ paṭikkhittameva hoti. Nibbānābyākate vattabbameva natthīti eke, taṃ ayuttaṃ ‘‘cha hetuyo’’ti vuttattā. Kiñcāpi vuttaṃ sāmaññena, tathāpi vipākahetuyeva tattha adhippeto, na kiriyāhetu, te hi kusalasabhāvā ca, tasmā rūpaṃ, vipākābyākatañcāpatti. Tattha akusalāpattito vinītavatthūni. Itarassāpi ādito chādanā kusalacittatoti vuttaṃ hoti. Antarāyikaniyatasāvajjapaññattibhāvopi cassā vevacanavasena veditabbo paṇṇattivajjāya, sañcicca āpannāya ca, tasmā ‘‘jīvitindriyaṃ siyā sārammaṇaṃ siyā anārammaṇa’’nti vacanaṃ viya ekantākusalaṃ anekantākusalañca lokavajjaṃ, ekantābyākataṃ bhūtārocanaṃ anekantābyākatañca sesaṃ paṇṇattivajjaṃ ekato sampiṇḍetvā ‘‘āpattādhikaraṇaṃ siyā akusalaṃ siyābyākata’’nti vuttaṃ. Samathakkhandhake pana paṇṇattivajjameva sandhāya tathā vuttaṃ. Vuttañhetaṃ aṭṭhakathāyaṃ, gaṇṭhipade ca ‘‘āpattādhikaraṇaṃ siyā akusalaṃ, siyā abyākataṃ, natthi āpattādhikaraṇaṃ kusala’nti ettha sandhāyabhāsitavasena attho veditabbo. Yasmiñhi pathavikhaṇanādike āpattādhikaraṇe apakataññuno sandhāya appaharitakaraṇādikāle kusalacittaṃ aṅgaṃ hoti, khaṇanādipayogasaṅkhātaṃ rūpābyākataṃ āpattisamuṭṭhāpentaṃ hotīti adhippāyo’’ti. Yaṃ sandhāya vuttaṃ ‘‘atthāpatti kusalacitto āpajjati, kusalacitto vuṭṭhātī’’tiādi. Tasmiñhi sati na sakkā vattuṃ ‘‘natthi āpattādhikaraṇaṃ kusala’’nti. Yasmā āpattisamuṭṭhāpakaṃ cittaṃ sandhāya vuttaṃ na hoti, tasmā na yidaṃ aṅgappahonakacittaṃ sandhāya vuttaṃ. Yadi taṃ sandhāya vuttaṃ, ‘‘siyā kusala’’nti ca vattabbaṃ bhaveyya, na ca vuttaṃ. Tasmā idaṃ pana sandhāya vuttaṃ – yaṃ tāva āpattādhikaraṇaṃ lokavajjaṃ, taṃ ekantato akusalameva, tattha ‘‘siyā akusala’’nti vikappo natthi. Yaṃ pana paṇṇattivajjaṃ, taṃ yasmā sañcicca ‘‘imaṃ āpattiṃ vītikkamāmī’’ti vītikkamantasseva akusalaṃ hoti, asañcicca pana kiñci ajānantassa sahaseyyādivasena āpajjato rūpavipākaṃ abyākataṃ hoti anuṭṭhānato. Tasmā tassa paṇṇattivajjassa sañciccāsañciccavasena imaṃ vikappabhāvaṃ sandhāya idaṃ vuttaṃ ‘‘āpattādhikaraṇaṃ siyā akusalaṃ, siyā abyākataṃ, natthi āpattādhikaraṇaṃ kusala’’nti.
сажз бана гожи винаяз абагад̇ан̃н̃уу ‘‘яам̣ гусалажид̇д̇о аабаж̇ж̇ад̇и, ид̣̇ам̣ вужжад̇и аабад̇д̇аад̇хигаран̣ам̣ гусала’’нд̇и вад̣̇зяяа, д̇ассзвам̣ваад̣̇ино ажид̇д̇агаанам̣ зл̣агаломаад̣̇исамудтаанаанамби гусалажид̇д̇асаман̇г̇игаалз д̇аасам̣ аабад̇д̇ийнам̣ гусалажид̇д̇о аабаж̇ж̇зяяа, на ваа аабаж̇ж̇ад̇и . гим̣гааран̣ам̣? на жа д̇ад̇т̇а виж̇ж̇амаанамби гусалажид̇д̇ам̣ аабад̇д̇ияаа ан̇г̇ам̣. ад̇д̇абхааво сабхааво багад̇ийд̇и вуд̇д̇ам̣ ход̇и. гад̇арам̣ бана д̇ассаа аабад̇д̇ияаа д̇ад̣̇аа ан̇г̇асабхаавод̇и? вужжад̇з – гааяаважийвин̃н̃ад̇д̇ивасзна бана жалид̇асса гааяасса, бавад̇д̇ааяа ваажааяа жаад̇и зд̇зсам̣ д̣̇виннам̣ жалид̇аббавад̇д̇аанам̣ гааяаваажаанам̣ ан̃н̃ад̇арамзва ан̇г̇асабхааво, д̇ан̃жа руубагканд̇хабарияаабаннад̇д̇аа аб̣яаагад̇анд̇и. гим̣ вуд̇д̇ам̣ ход̇и? гааяо, ваажаа жа д̇ад̣̇аа аабад̇д̇аад̇хигаран̣анд̇и вуд̇д̇ам̣ ход̇и. яаа банзд̇т̇а агусалаабад̇д̇игкан̣з гааяаваажааяо аб̣яаагад̇абхааво, д̇аа аб̣б̣охааригаа хонд̇и гааяаважийгаммагаалз маногаммам̣ вияа. д̇ад̣̇аа хи гааяаваажааяо аабад̇д̇игараад̣̇идтаанз д̇идтанд̇и. яам̣ санд̇хааяа вуд̇д̇ам̣ ‘‘аабад̇д̇игараа д̇хаммаа ж̇аанид̇аб̣б̣аа. гад̇и муулаанийд̇и ча аабад̇д̇исамудтаанаани муулааний’’д̇иаад̣̇и. яад̣̇аа бана гааяаваажааяо аабад̇д̇ияаа ан̇г̇амзва хонд̇и, д̇ад̣̇аа ‘‘жид̇д̇ам̣ жид̇д̇аад̇хибад̇зяяа’’нд̇и (д̇ха. са. адта. 1 гаамааважарагусалаван̣н̣анаа) важанам̣ вияа буб̣б̣абаяог̇аанам̣ абарабаяог̇асса бажжаяабхаавад̇о аабад̇д̇игараад̣̇ибан̃н̃ад̇д̇им̣ на виж̇аханд̇и. яат̇аа д̇аб̣бхаавзби ‘‘аабад̇д̇аад̇хигаран̣асса гад̇и вад̇т̇уунийд̇и? сад̇д̇а аабад̇д̇игканд̇хаа вад̇т̇ууни. гад̇и бхуумияод̇и? сад̇д̇а аабад̇д̇игканд̇хаа бхуумияо’’д̇и вуд̇д̇ам̣. д̇ат̇аа д̇аб̣бхаавзби аабад̇д̇игараа ‘‘аабад̇д̇исамудтаанаа’’ижжзва вужжанд̇ийд̇и взд̣̇ид̇аб̣б̣аа. зд̇д̇аавад̇аа аабад̇д̇и наама жад̇д̇ааро агусалагканд̇хаа сан̃жижжа вийд̇иггамагаалз бхууд̇аарожанам̣ табзд̇ваа саб̣б̣ааби ависзсад̇о, висзсад̇о бана саб̣б̣ааби зганд̇аагусалаа агусалаа, анзганд̇аагусалаа бана г̇ираг̇г̇асамаж̇ж̇ажид̇д̇ааг̇аарасан̇гхааниид̇т̇аалан̇гаараг̇анд̇хаван̣н̣агаваасид̇абин̃н̃аагаббабхзд̣̇аа, бхигкуниаад̣̇ийнам̣ уммад̣̇д̣̇анабаримад̣̇д̣̇анаббабхзд̣̇аа жаад̇и д̣̇асаббабхзд̣̇аа саганаамзхи барижчинд̣̇ид̇ваа вад̇т̇уж̇аананасажид̇д̇агагаалз зва агусалаа, д̇ад̣̇абхаавад̇о ажид̇д̇агагаалз винаа анаабад̇д̇аад̇хигаран̣зна гаммадтаанаад̣̇исийсзна гусалажид̇д̇зна д̇ам̣ д̇ам̣ вад̇т̇ум̣ вийд̇иггаманд̇асса аабад̇д̇и гзвалам̣ руубааб̣яаагад̇амзва.
Sace pana koci vinaye apakataññū ‘‘yaṃ kusalacitto āpajjati, idaṃ vuccati āpattādhikaraṇaṃ kusala’’nti vadeyya, tassevaṃvādino acittakānaṃ eḷakalomādisamuṭṭhānānampi kusalacittasamaṅgikāle tāsaṃ āpattīnaṃ kusalacitto āpajjeyya, na vā āpajjati . Kiṃkāraṇaṃ? Na ca tattha vijjamānampi kusalacittaṃ āpattiyā aṅgaṃ. Attabhāvo sabhāvo pakatīti vuttaṃ hoti. Kataraṃ pana tassā āpattiyā tadā aṅgasabhāvoti? Vuccate – kāyavacīviññattivasena pana calitassa kāyassa, pavattāya vācāya cāti etesaṃ dvinnaṃ calitappavattānaṃ kāyavācānaṃ aññatarameva aṅgasabhāvo, tañca rūpakkhandhapariyāpannattā abyākatanti. Kiṃ vuttaṃ hoti? Kāyo, vācā ca tadā āpattādhikaraṇanti vuttaṃ hoti. Yā panettha akusalāpattikkhaṇe kāyavācāyo abyākatabhāvo, tā abbohārikā honti kāyavacīkammakāle manokammaṃ viya. Tadā hi kāyavācāyo āpattikarādiṭṭhāne tiṭṭhanti. Yaṃ sandhāya vuttaṃ ‘‘āpattikarā dhammā jānitabbā. Kati mūlānīti cha āpattisamuṭṭhānāni mūlānī’’tiādi. Yadā pana kāyavācāyo āpattiyā aṅgameva honti, tadā ‘‘cittaṃ cittādhipateyya’’nti (dha. sa. aṭṭha. 1 kāmāvacarakusalavaṇṇanā) vacanaṃ viya pubbapayogānaṃ aparapayogassa paccayabhāvato āpattikarādipaññattiṃ na vijahanti. Yathā tabbhāvepi ‘‘āpattādhikaraṇassa kati vatthūnīti? Satta āpattikkhandhā vatthūni. Kati bhūmiyoti? Satta āpattikkhandhā bhūmiyo’’ti vuttaṃ. Tathā tabbhāvepi āpattikarā ‘‘āpattisamuṭṭhānā’’icceva vuccantīti veditabbā. Ettāvatā āpatti nāma cattāro akusalakkhandhā sañcicca vītikkamakāle bhūtārocanaṃ ṭhapetvā sabbāpi avisesato, visesato pana sabbāpi ekantākusalā akusalā, anekantākusalā pana giraggasamajjacittāgārasaṅghāniitthālaṅkāragandhavaṇṇakavāsitapiññākappabhedā, bhikkhuniādīnaṃ ummaddanaparimaddanappabhedā cāti dasappabhedā sakanāmehi paricchinditvā vatthujānanasacittakakāle eva akusalā, tadabhāvato acittakakāle vinā anāpattādhikaraṇena kammaṭṭhānādisīsena kusalacittena taṃ taṃ vatthuṃ vītikkamantassa āpatti kevalaṃ rūpaabyākatameva.
гзжи банзд̇т̇а ‘‘аббагаасз таанз гадисуд̇д̇агасан̃н̃ааяа сан̇гхаан̣им̣, мад̇д̇игаасан̃н̃ааяа г̇анд̇хаван̣н̣агаад̣̇им̣ ваа д̇хаарзнд̇ияааби аабад̇д̇и, д̇асмаа ажид̇д̇агааязваа’’д̇и ван̣н̣аяанд̇и. д̇з ‘‘сан̇гхаан̣ияаа асан̇гхаан̣исан̃н̃ааяа д̇хаарзд̇и, аабад̇д̇и баажид̇д̇ияассаа’’д̇и баатаабхаавам̣ д̣̇ассзд̇ваа бадигкибид̇аб̣б̣аа. сураабаанаабад̇д̇и бана ажид̇д̇агааби зганд̇аагусалаава. д̇знзва ‘‘маж̇ж̇з амаж̇ж̇асан̃н̃ий бивад̇и, аабад̇д̇и баажид̇д̇ияассаа’’д̇и (баажи. 328) вуд̇д̇ам̣. яасмаа банзд̇т̇а ааб̣аад̇хабажжаяааби на саггаа винаа агусалзна сураабаанам̣ баад̇ум̣, д̇асмаа яат̇аавуд̇д̇зсу анзганд̇аагусалзсу вияа логаваж̇ж̇зсу ид̇ха ‘‘сураабаанзсу анаабад̇д̇и ааб̣аад̇хабажжаяаа’’д̇и на вуд̇д̇ам̣. суубасам̣баагаад̣̇и бана амаж̇ж̇амзва. д̇ад̇т̇а гуггужжавинод̣̇анад̇т̇ам̣ ‘‘анаабад̇д̇ий’’д̇и вуд̇д̇ам̣ уд̣̇агад̣̇анд̇абон̣з вияа. бхууд̇аарожанаабад̇д̇и руубааб̣яаагад̇амзва, ажид̇д̇агагаалз сахасзяяаад̣̇и руубавибаагааб̣яаагад̇амзва, д̇ад̇т̇а субинанд̇о виж̇ж̇амаанамби агусалам̣ анан̇г̇ад̇д̇аа аб̣б̣охааригам̣ ход̇и. гусалз гат̇аава над̇т̇и анаабад̇д̇и сабхаавад̇д̇аа гусаласса. д̇ат̇аа гирияаад̇и иминаа наязна саб̣б̣ад̇т̇а яат̇аасамбхавам̣ агусалам̣ ваа суд̣̇д̇харуубам̣ ваа савибаагам̣ ваад̇и д̇ид̇хаа бхиж̇ж̇ад̇ийд̇и аяамад̇т̇о д̣̇ассид̇о ход̇и.
Keci panettha ‘‘appakāse ṭhāne kaṭisuttakasaññāya saṅghāṇiṃ, mattikāsaññāya gandhavaṇṇakādiṃ vā dhārentiyāpi āpatti, tasmā acittakāyevā’’ti vaṇṇayanti. Te ‘‘saṅghāṇiyā asaṅghāṇisaññāya dhāreti, āpatti pācittiyassā’’ti pāṭhābhāvaṃ dassetvā paṭikkhipitabbā. Surāpānāpatti pana acittakāpi ekantākusalāva. Teneva ‘‘majje amajjasaññī pivati, āpatti pācittiyassā’’ti (pāci. 328) vuttaṃ. Yasmā panettha ābādhapaccayāpi na sakkā vinā akusalena surāpānaṃ pātuṃ, tasmā yathāvuttesu anekantākusalesu viya lokavajjesu idha ‘‘surāpānesu anāpatti ābādhapaccayā’’ti na vuttaṃ. Sūpasaṃpākādi pana amajjameva. Tattha kukkuccavinodanatthaṃ ‘‘anāpattī’’ti vuttaṃ udakadantapoṇe viya. Bhūtārocanāpatti rūpābyākatameva, acittakakāle sahaseyyādi rūpavipākābyākatameva, tattha supinanto vijjamānampi akusalaṃ anaṅgattā abbohārikaṃ hoti. Kusale kathāva natthi anāpatti sabhāvattā kusalassa. Tathā kiriyāti iminā nayena sabbattha yathāsambhavaṃ akusalaṃ vā suddharūpaṃ vā savipākaṃ vāti tidhā bhijjatīti ayamattho dassito hoti.
д̇ад̇т̇а табзд̇ваа сураабаанам̣ згажжан̃жа бан̣н̣ад̇д̇иваж̇ж̇ам̣, зганд̇аагусалан̃жа сажид̇д̇агамзва, бхууд̇аарожанам̣ ажид̇д̇агамзва, сзсам̣ саха сураабаанзна анзганд̇аагусалам̣ логаваж̇ж̇ан̃жа анзганд̇ааб̣яаагад̇ам̣ бан̣н̣ад̇д̇иваж̇ж̇ан̃жа язбхуяязна сажид̇д̇агаажид̇д̇аганд̇и саб̣б̣асигкаабад̣̇ам̣ д̇иббабхзд̣̇ам̣ ход̇и. яам̣ банзд̇т̇а сажид̇д̇агамзва, д̇ам̣ мзт̇унаад̣̇ивад̇т̇уж̇аананажид̇д̇знзва сажид̇д̇агам̣, саб̣б̣ам̣ сзкияам̣ бан̣н̣ад̇д̇иж̇аананажид̇д̇знзва сажид̇д̇агам̣ ‘‘анаад̣̇арияам̣ бадижжаа’’д̇и важанад̇од̇и сажид̇д̇агам̣ д̣̇увид̇хам̣ ход̇и. зганд̇аажид̇д̇агам̣ бан̣н̣ад̇д̇иж̇аананажид̇д̇аабхаавзна, на вад̇т̇уж̇аананажид̇д̇аабхаавзна. д̇ад̣̇абхаавад̇о зганд̇аагусалам̣ сураабаанам̣, зганд̇ааб̣яаагад̇ам̣ сан̃жарид̇д̇ам̣, вад̇т̇уж̇аананажид̇д̇асса ваа бан̣н̣ад̇д̇иж̇аананажид̇д̇асса ваа убхиннам̣ абхаавзна ажид̇д̇агабхаавзна ажид̇д̇агам̣ ход̇и. сураабаанам̣ бана сажид̇д̇агам̣ ход̇и вад̇т̇уж̇аананажид̇д̇знзва. арияабуг̇г̇алаанам̣ ид̇арзсам̣ убхиннам̣ ваа ан̃н̃ад̇арасса бхаавзна сзсам̣ жид̇д̇агаажид̇д̇агам̣ . висзсад̇о жа вад̇т̇уж̇аананажид̇д̇аабхаавзна, абагад̇ан̃н̃уно бан̣н̣ад̇д̇иж̇аананажид̇д̇аабхаавзна ваа ажид̇д̇агабхаавзна ажид̇д̇агам̣ ход̇и. д̇ад̇т̇а зганд̇аажид̇д̇аган̃жа сажид̇д̇аган̃жа ‘‘ажид̇д̇ага’’мижжзва вужжад̇и. аяам̣ д̇аава ‘‘аабад̇д̇и ж̇аанид̇аб̣б̣аа’’д̇и зд̇т̇а винижчаяо.
Tattha ṭhapetvā surāpānaṃ ekaccañca paṇṇattivajjaṃ, ekantākusalañca sacittakameva, bhūtārocanaṃ acittakameva, sesaṃ saha surāpānena anekantākusalaṃ lokavajjañca anekantābyākataṃ paṇṇattivajjañca yebhuyyena sacittakācittakanti sabbasikkhāpadaṃ tippabhedaṃ hoti. Yaṃ panettha sacittakameva, taṃ methunādivatthujānanacitteneva sacittakaṃ, sabbaṃ sekhiyaṃ paṇṇattijānanacitteneva sacittakaṃ ‘‘anādariyaṃ paṭiccā’’ti vacanatoti sacittakaṃ duvidhaṃ hoti. Ekantācittakaṃ paṇṇattijānanacittābhāvena, na vatthujānanacittābhāvena. Tadabhāvato ekantākusalaṃ surāpānaṃ, ekantābyākataṃ sañcarittaṃ, vatthujānanacittassa vā paṇṇattijānanacittassa vā ubhinnaṃ abhāvena acittakabhāvena acittakaṃ hoti. Surāpānaṃ pana sacittakaṃ hoti vatthujānanacitteneva. Ariyapuggalānaṃ itaresaṃ ubhinnaṃ vā aññatarassa bhāvena sesaṃ cittakācittakaṃ . Visesato ca vatthujānanacittābhāvena, apakataññuno paṇṇattijānanacittābhāvena vā acittakabhāvena acittakaṃ hoti. Tattha ekantācittakañca sacittakañca ‘‘acittaka’’micceva vuccati. Ayaṃ tāva ‘‘āpatti jānitabbā’’ti ettha vinicchayo.
муулависуд̣̇д̇хияаа анд̇араабад̇д̇ийд̇и анд̇араабад̇д̇им̣ аабаж̇ж̇ид̇ваа муулааяабадигассанам̣ гад̇ваа тид̇зна аабаннаабад̇д̇и. аяам̣ аг̇гхависуд̣̇д̇хияаа анд̇араабад̇д̇ийд̇и самб̣ахулаа аабад̇д̇ияо аабаж̇ж̇ид̇ваа д̇аасу саб̣б̣ажирабадижчаннавасзна аг̇гхасамод̇хаанам̣ г̇ахзд̇ваа васанд̇зна аабаннаабад̇д̇и. ‘‘бунаби аабаж̇ж̇иссаамий’’д̇и сауссаахзнзва жид̇д̇зна. ‘‘аяам̣ бхигкунияаа зваа’’д̇и ликид̇ам̣. ‘‘баарааж̇игамзваа’’д̇и ид̣̇ан̃жа бхууд̇авасзна д̣̇ассзд̇ум̣ вуд̇д̇ам̣. ‘‘звам̣ д̣̇зсид̇з бана яаа гаажи аабад̇д̇и на вудтаад̇ийд̇и абарз, д̇ам̣ на г̇ахзд̇аб̣б̣а’’нд̇и вуд̇д̇ам̣. ‘‘д̇хаммигасса бадиссавасса асажжаабанз’’д̇и вуд̇д̇ад̇д̇аа ад̇хаммигабадиссавз д̣̇уггадам̣ на ход̇и. ‘‘буб̣б̣з суд̣̇д̇хажид̇д̇асса ‘д̇умхз виб̣бхамат̇аа’д̇и вуд̇д̇з ‘саад̇хуу’д̇и бадиссун̣ид̇ваа сажз на виб̣бхамад̇и анаабад̇д̇и, звам̣ саб̣б̣ад̇т̇аа’’д̇и жа вуд̇д̇ам̣. ‘‘аавигаро ж̇аанид̇аб̣б̣о’’д̇иби баал̣и. гаалзна вагкаами, но агаалзнаа’’д̇иаад̣̇ийсу бан̃жад̣̇асасу д̇хаммзсу. бхаб̣б̣аабад̇д̇игаа наама аабад̇д̇им̣ аабаж̇ж̇ид̇ум̣ бхаб̣б̣аа.
Mūlavisuddhiyā antarāpattīti antarāpattiṃ āpajjitvā mūlāyapaṭikassanaṃ katvā ṭhitena āpannāpatti. Ayaṃ agghavisuddhiyā antarāpattīti sambahulā āpattiyo āpajjitvā tāsu sabbacirapaṭicchannavasena agghasamodhānaṃ gahetvā vasantena āpannāpatti. ‘‘Punapi āpajjissāmī’’ti saussāheneva cittena. ‘‘Ayaṃ bhikkhuniyā evā’’ti likhitaṃ. ‘‘Pārājikamevā’’ti idañca bhūtavasena dassetuṃ vuttaṃ. ‘‘Evaṃ desite pana yā kāci āpatti na vuṭṭhātīti apare, taṃ na gahetabba’’nti vuttaṃ. ‘‘Dhammikassa paṭissavassa asaccāpane’’ti vuttattā adhammikapaṭissave dukkaṭaṃ na hoti. ‘‘Pubbe suddhacittassa ‘tumhe vibbhamathā’ti vutte ‘sādhū’ti paṭissuṇitvā sace na vibbhamati anāpatti, evaṃ sabbatthā’’ti ca vuttaṃ. ‘‘Āvikaro jānitabbo’’tipi pāḷi. Kālena vakkhāmi, no akālenā’’tiādīsu pañcadasasu dhammesu. Bhabbāpattikā nāma āpattiṃ āpajjituṃ bhabbā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. згагавааро • 1. Ekakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо згагаваараван̣н̣анаа • Ekuttarikanayo ekakavāravaṇṇanā
