| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
згуд̇д̇ариганаяам̣
Ekuttarikanayaṃ
згагаваараван̣н̣анаа
Ekakavāravaṇṇanā
321. згуд̇д̇ариганаяз бана аж̇аананд̇зна вийд̇игганд̇аад̇и бан̣н̣ад̇д̇им̣ ваа вад̇т̇ум̣ ваа аж̇аананд̇зна вийд̇игганд̇аа бат̇авийкан̣анасахасзяяаад̣̇игаа, сааби бажчаа аабаннабхаавам̣ н̃ад̇ваа бадигаммам̣ агаронд̇асса анд̇арааяигаава ход̇и.
321. Ekuttarikanaye pana ajānantena vītikkantāti paṇṇattiṃ vā vatthuṃ vā ajānantena vītikkantā pathavīkhaṇanasahaseyyādikā, sāpi pacchā āpannabhāvaṃ ñatvā paṭikammaṃ akarontassa antarāyikāva hoti.
баариваасигаад̣̇ийхи бажчаа аабаннаад̇и вад̇д̇абхзд̣̇зсу д̣̇уггадаани санд̇хааяа вуд̇д̇ам̣. д̇асмим̣ кан̣з аабаж̇ж̇ид̇аб̣б̣аанд̇араабад̇д̇ияо санд̇хааяаад̇и гзжи вад̣̇анд̇и, д̇асса буб̣б̣аабад̇д̇ийнам̣анд̇араабад̇д̇и-бад̣̇знзва вагкамаанад̇д̇аа буримамзва яуд̇д̇ад̇арам̣. муулависуд̣̇д̇хияаа анд̇араабад̇д̇ийд̇и муулааяабадигассанаад̣̇ийни агад̇ваа саб̣б̣абатамам̣ д̣̇иннабариваасамаанад̇д̇ависуд̣̇д̇хияаа жаран̣агаалз аабаннаанд̇араабад̇д̇исан̇каад̇асан̇гхаад̣̇исзсо. аг̇гхависуд̣̇д̇хияаад̇и анд̇араабад̇д̇им̣ аабаннасса муулааяа бадигассид̇ваа од̇хаанасамод̇хаанавасзна од̇хунид̇ваа буримаабад̇д̇ияаа самод̇хааяа д̇ад̣̇аг̇гхавасзна буна д̣̇иннабариваасаад̣̇исуд̣̇д̇хияаа жаран̣агаалз буна аабаннаа анд̇араабад̇д̇и.
Pārivāsikādīhi pacchā āpannāti vattabhedesu dukkaṭāni sandhāya vuttaṃ. Tasmiṃ khaṇe āpajjitabbaantarāpattiyo sandhāyāti keci vadanti, tassa pubbāpattīnaṃantarāpatti-padeneva vakkhamānattā purimameva yuttataraṃ. Mūlavisuddhiyā antarāpattīti mūlāyapaṭikassanādīni akatvā sabbapaṭhamaṃ dinnaparivāsamānattavisuddhiyā caraṇakāle āpannaantarāpattisaṅkhātasaṅghādiseso. Agghavisuddhiyāti antarāpattiṃ āpannassa mūlāya paṭikassitvā odhānasamodhānavasena odhunitvā purimāpattiyā samodhāya tadagghavasena puna dinnaparivāsādisuddhiyā caraṇakāle puna āpannā antarāpatti.
сауссаахзнзваад̇и бунаби д̇ам̣ аабад̇д̇им̣ аабаж̇ж̇ид̇угаамад̇аажид̇д̇зна, звам̣ д̣̇зсид̇ааби аабад̇д̇и на вудтаад̇ийд̇и ад̇хиббааяо. д̇хуранигкзбам̣ агад̇ваа аабаж̇ж̇анз сикааббад̇д̇ад̣̇осам̣ д̣̇ассзнд̇о ааха ‘‘адтамз вад̇т̇усмим̣ бхигкунияаа баарааж̇игамзваа’’д̇и. на гзвалан̃жа бхигкунияаа зва, бхигкуунамби д̇хуранигкзбам̣ агад̇ваа т̇огам̣ т̇огам̣ саббиаад̣̇игам̣ т̇зяяааяа г̇ан̣ханд̇аанам̣ баад̣̇аг̇гханагз бун̣н̣з баарааж̇игамзва. гзжи бана ‘‘адтамз вад̇т̇усмим̣ бхигкунияаа баарааж̇игамзва ход̇ийд̇и вуд̇д̇ад̇д̇аа адтавад̇т̇угамзвзд̇ам̣ санд̇хааяа вуд̇д̇а’’нд̇и вад̣̇анд̇и.
Saussāhenevāti punapi taṃ āpattiṃ āpajjitukāmatācittena, evaṃ desitāpi āpatti na vuṭṭhātīti adhippāyo. Dhuranikkhepaṃ akatvā āpajjane sikhāppattadosaṃ dassento āha ‘‘aṭṭhame vatthusmiṃ bhikkhuniyā pārājikamevā’’ti. Na kevalañca bhikkhuniyā eva, bhikkhūnampi dhuranikkhepaṃ akatvā thokaṃ thokaṃ sappiādikaṃ theyyāya gaṇhantānaṃ pādagghanake puṇṇe pārājikameva. Keci pana ‘‘aṭṭhame vatthusmiṃ bhikkhuniyā pārājikameva hotīti vuttattā aṭṭhavatthukamevetaṃ sandhāya vutta’’nti vadanti.
д̇хаммигасса бадиссавассаад̇и ‘‘ид̇ха вассам̣ васиссаамий’’д̇иаад̣̇инаа г̇ихийнам̣ саммукаа гад̇асса д̇хаммигасса бадиссавасса, ад̇хаммигасса бана ‘‘асугам̣ бахариссаамий’’д̇иаад̣̇игасса бадиссавасса асажжаабанзна аабад̇д̇и над̇т̇и.
Dhammikassa paṭissavassāti ‘‘idha vassaṃ vasissāmī’’tiādinā gihīnaṃ sammukhā katassa dhammikassa paṭissavassa, adhammikassa pana ‘‘asukaṃ paharissāmī’’tiādikassa paṭissavassa asaccāpanena āpatti natthi.
д̇ат̇аа жод̣̇ид̇од̇и ад̇хаммзна жод̣̇ид̇о, саяам̣ сажжз, агуббз жа адтад̇ваа бадижчаад̣̇знд̇оби ад̇хаммажуд̣̇ид̇аго зва. бан̃жаананд̇арияанияад̇амижчаад̣̇идтиязва мижчад̇д̇анияад̇аа наама. жад̇д̇ааро маг̇г̇аа саммад̇д̇анияад̇аа наама.
Tathā coditoti adhammena codito, sayaṃ sacce, akuppe ca aṭṭhatvā paṭicchādentopi adhammacuditako eva. Pañcānantariyaniyatamicchādiṭṭhiyeva micchattaniyatā nāma. Cattāro maggā sammattaniyatā nāma.
згагаваараван̣н̣анаа нидтид̇аа.
Ekakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. згагавааро • 1. Ekakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / згагаваараван̣н̣анаа • Ekakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо згагаваараван̣н̣анаа • Ekuttarikanayo ekakavāravaṇṇanā
