| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
เอกุตฺตริกนโย
Ekuttarikanayo
เอกกวารวณฺณนา
Ekakavāravaṇṇanā
๓๒๑. มูลวิสุทฺธิยา อนฺตราปตฺตีติ อนฺตราปตฺติํ อาปชฺชิตฺวา มูลายปฎิกสฺสนํ กตฺวา ฐิเตน อาปนฺนาฯ ‘‘อคฺฆวิสุทฺธิยา อนฺตราปตฺตีติ สมฺพหุลา อาปตฺติโย อาปชฺชิตฺวา ตาสุ สพฺพจิรปฎิจฺฉนฺนวเสน อคฺฆสโมธานํ คเหตฺวา วสเนฺตน อาปนฺนาปตฺตี’’ติ คณฺฐิปเทสุ วุตฺตํฯ สอุสฺสาเหเนว จิเตฺตนาติ ‘‘ปุนปิ อาปชฺชิสฺสามี’’ติ สอุสฺสาเหเนว จิเตฺตนฯ ภิกฺขุนีนํ อฎฺฐวตฺถุกาย วเสน เจตํ วุตฺตํฯ เตเนวาห ‘‘อฎฺฐเม วตฺถุสฺมิํ ภิกฺขุนิยา ปาราชิกเมว โหตี’’ติฯ ‘‘ธมฺมิกสฺส ปฎิสฺสวสฺส อสจฺจาปเน’’ติ วุตฺตตฺตา อธมฺมิกปฎิสฺสวสฺส วิสํวาเท ทุกฺกฎํ น โหติฯ ‘‘ตุเมฺห วิพฺภมถา’’ติ หิ วุเตฺต สุทฺธจิโตฺต ‘‘สาธู’’ติ ปฎิสฺสุณิตฺวา สเจ น วิพฺภมติ, อนาปตฺติฯ เอวํ สพฺพตฺถฯ ปญฺจทสสุ ธเมฺมสูติ ‘‘กาเลน วกฺขามิ, โน อกาเลนา’’ติอาทินา วุตฺตปญฺจทสธเมฺมสุฯ อาปตฺติํ อาปชฺชิตุํ ภพฺพตาย ภพฺพาปตฺติกาฯ
321.Mūlavisuddhiyāantarāpattīti antarāpattiṃ āpajjitvā mūlāyapaṭikassanaṃ katvā ṭhitena āpannā. ‘‘Agghavisuddhiyā antarāpattīti sambahulā āpattiyo āpajjitvā tāsu sabbacirapaṭicchannavasena agghasamodhānaṃ gahetvā vasantena āpannāpattī’’ti gaṇṭhipadesu vuttaṃ. Saussāheneva cittenāti ‘‘punapi āpajjissāmī’’ti saussāheneva cittena. Bhikkhunīnaṃ aṭṭhavatthukāya vasena cetaṃ vuttaṃ. Tenevāha ‘‘aṭṭhame vatthusmiṃ bhikkhuniyā pārājikameva hotī’’ti. ‘‘Dhammikassa paṭissavassa asaccāpane’’ti vuttattā adhammikapaṭissavassa visaṃvāde dukkaṭaṃ na hoti. ‘‘Tumhe vibbhamathā’’ti hi vutte suddhacitto ‘‘sādhū’’ti paṭissuṇitvā sace na vibbhamati, anāpatti. Evaṃ sabbattha. Pañcadasasu dhammesūti ‘‘kālena vakkhāmi, no akālenā’’tiādinā vuttapañcadasadhammesu. Āpattiṃ āpajjituṃ bhabbatāya bhabbāpattikā.
เอกกวารวณฺณนา นิฎฺฐิตาฯ
Ekakavāravaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๑. เอกกวาโร • 1. Ekakavāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / เอกกวารวณฺณนา • Ekakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / เอกกวารวณฺณนา • Ekakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / เอกกวารวณฺณนา • Ekakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / เอกุตฺตริกนโย เอกกวารวณฺณนา • Ekuttarikanayo ekakavāravaṇṇanā
