| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཨེཀུཏྟརིཀནཡོ
Ekuttarikanayo
ཨེཀཀཝཱརཝཎྞནཱ
Ekakavāravaṇṇanā
༣༢༡. མཱུལཝིསུདྡྷིཡཱ ཨནྟརཱཔཏྟཱིཏི ཨནྟརཱཔཏྟིཾ ཨཱཔཛྫིཏྭཱ མཱུལཱཡཔཊིཀསྶནཾ ཀཏྭཱ ཋིཏེན ཨཱཔནྣཱ། ‘‘ཨགྒྷཝིསུདྡྷིཡཱ ཨནྟརཱཔཏྟཱིཏི སམྦཧུལཱ ཨཱཔཏྟིཡོ ཨཱཔཛྫིཏྭཱ ཏཱསུ སབྦཙིརཔཊིཙྪནྣཝསེན ཨགྒྷསམོདྷཱནཾ གཧེཏྭཱ ཝསནྟེན ཨཱཔནྣཱཔཏྟཱི’’ཏི གཎྛིཔདེསུ ཝུཏྟཾ། སཨུསྶཱཧེནེཝ ཙིཏྟེནཱཏི ‘‘པུནཔི ཨཱཔཛྫིསྶཱམཱི’’ཏི སཨུསྶཱཧེནེཝ ཙིཏྟེན། བྷིཀྑུནཱིནཾ ཨཊྛཝཏྠུཀཱཡ ཝསེན ཙེཏཾ ཝུཏྟཾ། ཏེནེཝཱཧ ‘‘ཨཊྛམེ ཝཏྠུསྨིཾ བྷིཀྑུནིཡཱ པཱརཱཛིཀམེཝ ཧོཏཱི’’ཏི། ‘‘དྷམྨིཀསྶ པཊིསྶཝསྶ ཨསཙྩཱཔནེ’’ཏི ཝུཏྟཏྟཱ ཨདྷམྨིཀཔཊིསྶཝསྶ ཝིསཾཝཱདེ དུཀྐཊཾ ན ཧོཏི། ‘‘ཏུམྷེ ཝིབྦྷམཐཱ’’ཏི ཧི ཝུཏྟེ སུདྡྷཙིཏྟོ ‘‘སཱདྷཱུ’’ཏི པཊིསྶུཎིཏྭཱ སཙེ ན ཝིབྦྷམཏི, ཨནཱཔཏྟི། ཨེཝཾ སབྦཏྠ། པཉྩདསསུ དྷམྨེསཱུཏི ‘‘ཀཱལེན ཝཀྑཱམི, ནོ ཨཀཱལེནཱ’’ཏིཨཱདིནཱ ཝུཏྟཔཉྩདསདྷམྨེསུ། ཨཱཔཏྟིཾ ཨཱཔཛྫིཏུཾ བྷབྦཏཱཡ བྷབྦཱཔཏྟིཀཱ།
321.Mūlavisuddhiyāantarāpattīti antarāpattiṃ āpajjitvā mūlāyapaṭikassanaṃ katvā ṭhitena āpannā. ‘‘Agghavisuddhiyā antarāpattīti sambahulā āpattiyo āpajjitvā tāsu sabbacirapaṭicchannavasena agghasamodhānaṃ gahetvā vasantena āpannāpattī’’ti gaṇṭhipadesu vuttaṃ. Saussāheneva cittenāti ‘‘punapi āpajjissāmī’’ti saussāheneva cittena. Bhikkhunīnaṃ aṭṭhavatthukāya vasena cetaṃ vuttaṃ. Tenevāha ‘‘aṭṭhame vatthusmiṃ bhikkhuniyā pārājikameva hotī’’ti. ‘‘Dhammikassa paṭissavassa asaccāpane’’ti vuttattā adhammikapaṭissavassa visaṃvāde dukkaṭaṃ na hoti. ‘‘Tumhe vibbhamathā’’ti hi vutte suddhacitto ‘‘sādhū’’ti paṭissuṇitvā sace na vibbhamati, anāpatti. Evaṃ sabbattha. Pañcadasasu dhammesūti ‘‘kālena vakkhāmi, no akālenā’’tiādinā vuttapañcadasadhammesu. Āpattiṃ āpajjituṃ bhabbatāya bhabbāpattikā.
ཨེཀཀཝཱརཝཎྞནཱ ནིཊྛིཏཱ།
Ekakavāravaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡. ཨེཀཀཝཱརོ • 1. Ekakavāro
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / ཨེཀཀཝཱརཝཎྞནཱ • Ekakavāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨེཀཀཝཱརཝཎྞནཱ • Ekakavāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨེཀཀཝཱརཝཎྞནཱ • Ekakavāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཨེཀུཏྟརིཀནཡོ ཨེཀཀཝཱརཝཎྞནཱ • Ekuttarikanayo ekakavāravaṇṇanā
