| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
ਏਕੁਤ੍ਤਰਿਕਨਯੋ
Ekuttarikanayo
੧. ਏਕਕવਾਰੋ
1. Ekakavāro
੩੨੧. ਆਪਤ੍ਤਿਕਰਾ ਧਮ੍ਮਾ ਜਾਨਿਤਬ੍ਬਾ। ਅਨਾਪਤ੍ਤਿਕਰਾ ਧਮ੍ਮਾ ਜਾਨਿਤਬ੍ਬਾ। ਆਪਤ੍ਤਿ ਜਾਨਿਤਬ੍ਬਾ। ਅਨਾਪਤ੍ਤਿ ਜਾਨਿਤਬ੍ਬਾ। ਲਹੁਕਾ ਆਪਤ੍ਤਿ ਜਾਨਿਤਬ੍ਬਾ। ਗਰੁਕਾ ਆਪਤ੍ਤਿ ਜਾਨਿਤਬ੍ਬਾ। ਸਾવਸੇਸਾ ਆਪਤ੍ਤਿ ਜਾਨਿਤਬ੍ਬਾ। ਅਨવਸੇਸਾ ਆਪਤ੍ਤਿ ਜਾਨਿਤਬ੍ਬਾ। ਦੁਟ੍ਠੁਲ੍ਲਾ ਆਪਤ੍ਤਿ ਜਾਨਿਤਬ੍ਬਾ। ਅਦੁਟ੍ਠੁਲ੍ਲਾ ਆਪਤ੍ਤਿ ਜਾਨਿਤਬ੍ਬਾ। ਸਪ੍ਪਟਿਕਮ੍ਮਾ ਆਪਤ੍ਤਿ ਜਾਨਿਤਬ੍ਬਾ। ਅਪ੍ਪਟਿਕਮ੍ਮਾ ਆਪਤ੍ਤਿ ਜਾਨਿਤਬ੍ਬਾ। ਦੇਸਨਾਗਾਮਿਨੀ ਆਪਤ੍ਤਿ ਜਾਨਿਤਬ੍ਬਾ। ਅਦੇਸਨਾਗਾਮਿਨੀ ਆਪਤ੍ਤਿ ਜਾਨਿਤਬ੍ਬਾ। ਅਨ੍ਤਰਾਯਿਕਾ ਆਪਤ੍ਤਿ ਜਾਨਿਤਬ੍ਬਾ। ਅਨਨ੍ਤਰਾਯਿਕਾ ਆਪਤ੍ਤਿ ਜਾਨਿਤਬ੍ਬਾ। ਸਾવਜ੍ਜਪਞ੍ਞਤ੍ਤਿ ਆਪਤ੍ਤਿ ਜਾਨਿਤਬ੍ਬਾ। ਅਨવਜ੍ਜਪਞ੍ਞਤ੍ਤਿ ਆਪਤ੍ਤਿ ਜਾਨਿਤਬ੍ਬਾ। ਕਿਰਿਯਤੋ ਸਮੁਟ੍ਠਿਤਾ ਆਪਤ੍ਤਿ ਜਾਨਿਤਬ੍ਬਾ। ਅਕਿਰਿਯਤੋ ਸਮੁਟ੍ਠਿਤਾ ਆਪਤ੍ਤਿ ਜਾਨਿਤਬ੍ਬਾ। ਕਿਰਿਯਾਕਿਰਿਯਤੋ ਸਮੁਟ੍ਠਿਤਾ ਆਪਤ੍ਤਿ ਜਾਨਿਤਬ੍ਬਾ। ਪੁਬ੍ਬਾਪਤ੍ਤਿ ਜਾਨਿਤਬ੍ਬਾ। ਅਪਰਾਪਤ੍ਤਿ ਜਾਨਿਤਬ੍ਬਾ। ਪੁਬ੍ਬਾਪਤ੍ਤੀਨਂ ਅਨ੍ਤਰਾਪਤ੍ਤਿ ਜਾਨਿਤਬ੍ਬਾ। ਅਪਰਾਪਤ੍ਤੀਨਂ ਅਨ੍ਤਰਾਪਤ੍ਤਿ ਜਾਨਿਤਬ੍ਬਾ। ਦੇਸਿਤਾ ਗਣਨੂਪਗਾ ਆਪਤ੍ਤਿ ਜਾਨਿਤਬ੍ਬਾ। ਦੇਸਿਤਾ ਨ ਗਣਨੂਪਗਾ ਆਪਤ੍ਤਿ ਜਾਨਿਤਬ੍ਬਾ। ਪਞ੍ਞਤ੍ਤਿ ਜਾਨਿਤਬ੍ਬਾ। ਅਨੁਪਞ੍ਞਤ੍ਤਿ ਜਾਨਿਤਬ੍ਬਾ। ਅਨੁਪ੍ਪਨ੍ਨਪਞ੍ਞਤ੍ਤਿ ਜਾਨਿਤਬ੍ਬਾ। ਸਬ੍ਬਤ੍ਥਪਞ੍ਞਤ੍ਤਿ ਜਾਨਿਤਬ੍ਬਾ। ਪਦੇਸਪਞ੍ਞਤ੍ਤਿ ਜਾਨਿਤਬ੍ਬਾ। ਸਾਧਾਰਣਪਞ੍ਞਤ੍ਤਿ ਜਾਨਿਤਬ੍ਬਾ । ਅਸਾਧਾਰਣਪਞ੍ਞਤ੍ਤਿ ਜਾਨਿਤਬ੍ਬਾ। ਏਕਤੋਪਞ੍ਞਤ੍ਤਿ ਜਾਨਿਤਬ੍ਬਾ। ਉਭਤੋਪਞ੍ਞਤ੍ਤਿ ਜਾਨਿਤਬ੍ਬਾ। ਥੁਲ੍ਲવਜ੍ਜਾ ਆਪਤ੍ਤਿ ਜਾਨਿਤਬ੍ਬਾ। ਅਥੁਲ੍ਲવਜ੍ਜਾ ਆਪਤ੍ਤਿ ਜਾਨਿਤਬ੍ਬਾ। ਗਿਹਿਪਟਿਸਂਯੁਤ੍ਤਾ ਆਪਤ੍ਤਿ ਜਾਨਿਤਬ੍ਬਾ। ਨ ਗਿਹਿਪਟਿਸਂਯੁਤ੍ਤਾ ਆਪਤ੍ਤਿ ਜਾਨਿਤਬ੍ਬਾ। ਨਿਯਤਾ ਆਪਤ੍ਤਿ ਜਾਨਿਤਬ੍ਬਾ। ਅਨਿਯਤਾ ਆਪਤ੍ਤਿ ਜਾਨਿਤਬ੍ਬਾ। ਆਦਿਕਰੋ ਪੁਗ੍ਗਲੋ ਜਾਨਿਤਬ੍ਬੋ। ਅਨਾਦਿਕਰੋ ਪੁਗ੍ਗਲੋ ਜਾਨਿਤਬ੍ਬੋ। ਅਧਿਚ੍ਚਾਪਤ੍ਤਿਕੋ ਪੁਗ੍ਗਲੋ ਜਾਨਿਤਬ੍ਬੋ। ਅਭਿਣ੍ਹਾਪਤ੍ਤਿਕੋ ਪੁਗ੍ਗਲੋ ਜਾਨਿਤਬ੍ਬੋ। ਚੋਦਕੋ ਪੁਗ੍ਗਲੋ ਜਾਨਿਤਬ੍ਬੋ। ਚੁਦਿਤਕੋ ਪੁਗ੍ਗਲੋ ਜਾਨਿਤਬ੍ਬੋ। ਅਧਮ੍ਮਚੋਦਕੋ ਪੁਗ੍ਗਲੋ ਜਾਨਿਤਬ੍ਬੋ। ਅਧਮ੍ਮਚੁਦਿਤਕੋ ਪੁਗ੍ਗਲੋ ਜਾਨਿਤਬ੍ਬੋ। ਧਮ੍ਮਚੋਦਕੋ ਪੁਗ੍ਗਲੋ ਜਾਨਿਤਬ੍ਬੋ। ਧਮ੍ਮਚੁਦਿਤਕੋ ਪੁਗ੍ਗਲੋ ਜਾਨਿਤਬ੍ਬੋ । ਨਿਯਤੋ ਪੁਗ੍ਗਲੋ ਜਾਨਿਤਬ੍ਬੋ। ਅਨਿਯਤੋ ਪੁਗ੍ਗਲੋ ਜਾਨਿਤਬ੍ਬੋ। ਅਭਬ੍ਬਾਪਤ੍ਤਿਕੋ ਪੁਗ੍ਗਲੋ ਜਾਨਿਤਬ੍ਬੋ। ਭਬ੍ਬਾਪਤ੍ਤਿਕੋ ਪੁਗ੍ਗਲੋ ਜਾਨਿਤਬ੍ਬੋ। ਉਕ੍ਖਿਤ੍ਤਕੋ ਪੁਗ੍ਗਲੋ ਜਾਨਿਤਬ੍ਬੋ। ਅਨੁਕ੍ਖਿਤ੍ਤਕੋ ਪੁਗ੍ਗਲੋ ਜਾਨਿਤਬ੍ਬੋ। ਨਾਸਿਤਕੋ ਪੁਗ੍ਗਲੋ ਜਾਨਿਤਬ੍ਬੋ। ਅਨਾਸਿਤਕੋ ਪੁਗ੍ਗਲੋ ਜਾਨਿਤਬ੍ਬੋ। ਸਮਾਨਸਂવਾਸਕੋ ਪੁਗ੍ਗਲੋ ਜਾਨਿਤਬ੍ਬੋ। ਅਸਮਾਨਸਂવਾਸਕੋ ਪੁਗ੍ਗਲੋ ਜਾਨਿਤਬ੍ਬੋ। ਠਪਨਂ ਜਾਨਿਤਬ੍ਬਨ੍ਤਿ।
321. Āpattikarā dhammā jānitabbā. Anāpattikarā dhammā jānitabbā. Āpatti jānitabbā. Anāpatti jānitabbā. Lahukā āpatti jānitabbā. Garukā āpatti jānitabbā. Sāvasesā āpatti jānitabbā. Anavasesā āpatti jānitabbā. Duṭṭhullā āpatti jānitabbā. Aduṭṭhullā āpatti jānitabbā. Sappaṭikammā āpatti jānitabbā. Appaṭikammā āpatti jānitabbā. Desanāgāminī āpatti jānitabbā. Adesanāgāminī āpatti jānitabbā. Antarāyikā āpatti jānitabbā. Anantarāyikā āpatti jānitabbā. Sāvajjapaññatti āpatti jānitabbā. Anavajjapaññatti āpatti jānitabbā. Kiriyato samuṭṭhitā āpatti jānitabbā. Akiriyato samuṭṭhitā āpatti jānitabbā. Kiriyākiriyato samuṭṭhitā āpatti jānitabbā. Pubbāpatti jānitabbā. Aparāpatti jānitabbā. Pubbāpattīnaṃ antarāpatti jānitabbā. Aparāpattīnaṃ antarāpatti jānitabbā. Desitā gaṇanūpagā āpatti jānitabbā. Desitā na gaṇanūpagā āpatti jānitabbā. Paññatti jānitabbā. Anupaññatti jānitabbā. Anuppannapaññatti jānitabbā. Sabbatthapaññatti jānitabbā. Padesapaññatti jānitabbā. Sādhāraṇapaññatti jānitabbā . Asādhāraṇapaññatti jānitabbā. Ekatopaññatti jānitabbā. Ubhatopaññatti jānitabbā. Thullavajjā āpatti jānitabbā. Athullavajjā āpatti jānitabbā. Gihipaṭisaṃyuttā āpatti jānitabbā. Na gihipaṭisaṃyuttā āpatti jānitabbā. Niyatā āpatti jānitabbā. Aniyatā āpatti jānitabbā. Ādikaro puggalo jānitabbo. Anādikaro puggalo jānitabbo. Adhiccāpattiko puggalo jānitabbo. Abhiṇhāpattiko puggalo jānitabbo. Codako puggalo jānitabbo. Cuditako puggalo jānitabbo. Adhammacodako puggalo jānitabbo. Adhammacuditako puggalo jānitabbo. Dhammacodako puggalo jānitabbo. Dhammacuditako puggalo jānitabbo . Niyato puggalo jānitabbo. Aniyato puggalo jānitabbo. Abhabbāpattiko puggalo jānitabbo. Bhabbāpattiko puggalo jānitabbo. Ukkhittako puggalo jānitabbo. Anukkhittako puggalo jānitabbo. Nāsitako puggalo jānitabbo. Anāsitako puggalo jānitabbo. Samānasaṃvāsako puggalo jānitabbo. Asamānasaṃvāsako puggalo jānitabbo. Ṭhapanaṃ jānitabbanti.
ਏਕਕਂ ਨਿਟ੍ਠਿਤਂ।
Ekakaṃ niṭṭhitaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਕਰਾ ਆਪਤ੍ਤਿ ਲਹੁਕਾ, ਸਾવਸੇਸਾ ਚ ਦੁਟ੍ਠੁਲ੍ਲਾ।
Karā āpatti lahukā, sāvasesā ca duṭṭhullā;
ਪਟਿਕਮ੍ਮਦੇਸਨਾ ਚ, ਅਨ੍ਤਰਾ વਜ੍ਜਕਿਰਿਯਂ॥
Paṭikammadesanā ca, antarā vajjakiriyaṃ.
ਕਿਰਿਯਾਕਿਰਿਯਂ ਪੁਬ੍ਬਾ, ਅਨ੍ਤਰਾ ਗਣਨੂਪਗਾ।
Kiriyākiriyaṃ pubbā, antarā gaṇanūpagā;
ਥੁਲ੍ਲਗਿਹਿਨਿਯਤਾ ਚ, ਆਦਿ ਅਧਿਚ੍ਚਚੋਦਕੋ।
Thullagihiniyatā ca, ādi adhiccacodako;
ਅਧਮ੍ਮਧਮ੍ਮਨਿਯਤੋ, ਅਭਬ੍ਬੋਕ੍ਖਿਤ੍ਤਨਾਸਿਤਾ।
Adhammadhammaniyato, abhabbokkhittanāsitā;
ਸਮਾਨਂ ਠਪਨਞ੍ਚੇવ, ਉਦ੍ਦਾਨਂ ਏਕਕੇ ਇਦਨ੍ਤਿ॥
Samānaṃ ṭhapanañceva, uddānaṃ ekake idanti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਏਕਕવਾਰવਣ੍ਣਨਾ • Ekakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਏਕਕવਾਰવਣ੍ਣਨਾ • Ekakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਏਕਕવਾਰવਣ੍ਣਨਾ • Ekakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਏਕਕવਾਰવਣ੍ਣਨਾ • Ekakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਏਕਕવਾਰવਣ੍ਣਨਾ • Ekuttarikanayo ekakavāravaṇṇanā
