| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੮. ਅਟ੍ਠਾਰਸਮવਗ੍ਗੋ
18. Aṭṭhārasamavaggo
(੧੮੧) ੫. ਏਕਮਗ੍ਗਕਥਾ
(181) 5. Ekamaggakathā
੮੧੦. ਏਕੇਨ ਅਰਿਯਮਗ੍ਗੇਨ ਚਤ੍ਤਾਰਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ? ਆਮਨ੍ਤਾ। ਚਤੁਨ੍ਨਂ ਫਸ੍ਸਾਨਂ…ਪੇ॰… ਚਤੁਨ੍ਨਂ ਸਞ੍ਞਾਨਂ ਸਮੋਧਾਨਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਏਕੇਨ ਅਰਿਯਮਗ੍ਗੇਨ ਚਤ੍ਤਾਰਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ? ਆਮਨ੍ਤਾ। ਸੋਤਾਪਤ੍ਤਿਮਗ੍ਗੇਨਾਤਿ ? ਨ ਹੇવਂ વਤ੍ਤਬ੍ਬੇ…ਪੇ॰… ਸਕਦਾਗਾਮਿ…ਪੇ॰… ਅਨਾਗਾਮਿਮਗ੍ਗੇਨਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
810. Ekena ariyamaggena cattāri sāmaññaphalāni sacchikarotīti? Āmantā. Catunnaṃ phassānaṃ…pe… catunnaṃ saññānaṃ samodhānaṃ hotīti? Na hevaṃ vattabbe…pe… ekena ariyamaggena cattāri sāmaññaphalāni sacchikarotīti? Āmantā. Sotāpattimaggenāti ? Na hevaṃ vattabbe…pe… sakadāgāmi…pe… anāgāmimaggenāti? Na hevaṃ vattabbe…pe….
ਕਤਮੇਨ ਮਗ੍ਗੇਨਾਤਿ? ਅਰਹਤ੍ਤਮਗ੍ਗੇਨਾਤਿ। ਅਰਹਤ੍ਤਮਗ੍ਗੇਨ ਸਕ੍ਕਾਯਦਿਟ੍ਠਿਂ વਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਰਹਤ੍ਤਮਗ੍ਗੇਨ ਸਕ੍ਕਾਯਦਿਟ੍ਠਿਂ વਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀਤਿ? ਆਮਨ੍ਤਾ। ਨਨੁ ਤਿਣ੍ਣਂ ਸਂਯੋਜਨਾਨਂ ਪਹਾਨਂ ਸੋਤਾਪਤ੍ਤਿਫਲਂ વੁਤ੍ਤਂ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਤਿਣ੍ਣਂ ਸਂਯੋਜਨਾਨਂ ਪਹਾਨਂ ਸੋਤਾਪਤ੍ਤਿਫਲਂ વੁਤ੍ਤਂ ਭਗવਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਰਹਤ੍ਤਮਗ੍ਗੇਨ ਸਕ੍ਕਾਯਦਿਟ੍ਠਿਂ વਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀ’’ਤਿ।
Katamena maggenāti? Arahattamaggenāti. Arahattamaggena sakkāyadiṭṭhiṃ vicikicchaṃ sīlabbataparāmāsaṃ jahatīti? Na hevaṃ vattabbe…pe… arahattamaggena sakkāyadiṭṭhiṃ vicikicchaṃ sīlabbataparāmāsaṃ jahatīti? Āmantā. Nanu tiṇṇaṃ saṃyojanānaṃ pahānaṃ sotāpattiphalaṃ vuttaṃ bhagavatāti? Āmantā. Hañci tiṇṇaṃ saṃyojanānaṃ pahānaṃ sotāpattiphalaṃ vuttaṃ bhagavatā, no ca vata re vattabbe – ‘‘arahattamaggena sakkāyadiṭṭhiṃ vicikicchaṃ sīlabbataparāmāsaṃ jahatī’’ti.
ਅਰਹਤ੍ਤਮਗ੍ਗੇਨ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਰਹਤ੍ਤਮਗ੍ਗੇਨ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀਤਿ? ਆਮਨ੍ਤਾ। ਨਨੁ ਕਾਮਰਾਗਬ੍ਯਾਪਾਦਾਨਂ ਤਨੁਭਾવਂ ਸਕਦਾਗਾਮਿਫਲਂ વੁਤ੍ਤਂ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਕਾਮਰਾਗਬ੍ਯਾਪਾਦਾਨਂ ਤਨੁਭਾવਂ ਸਕਦਾਗਾਮਿਫਲਂ વੁਤ੍ਤਂ ਭਗવਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਰਹਤ੍ਤਮਗ੍ਗੇਨ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀ’’ਤਿ।
Arahattamaggena oḷārikaṃ kāmarāgaṃ oḷārikaṃ byāpādaṃ jahatīti? Na hevaṃ vattabbe…pe… arahattamaggena oḷārikaṃ kāmarāgaṃ oḷārikaṃ byāpādaṃ jahatīti? Āmantā. Nanu kāmarāgabyāpādānaṃ tanubhāvaṃ sakadāgāmiphalaṃ vuttaṃ bhagavatāti? Āmantā. Hañci kāmarāgabyāpādānaṃ tanubhāvaṃ sakadāgāmiphalaṃ vuttaṃ bhagavatā, no ca vata re vattabbe – ‘‘arahattamaggena oḷārikaṃ kāmarāgaṃ oḷārikaṃ byāpādaṃ jahatī’’ti.
ਅਰਹਤ੍ਤਮਗ੍ਗੇਨ ਅਣੁਸਹਗਤਂ ਕਾਮਰਾਗਂ ਅਣੁਸਹਗਤਂ ਬ੍ਯਾਪਾਦਂ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਰਹਤ੍ਤਮਗ੍ਗੇਨ ਅਣੁਸਹਗਤਂ ਕਾਮਰਾਗਂ ਅਣੁਸਹਗਤਂ ਬ੍ਯਾਪਾਦਂ ਜਹਤੀਤਿ? ਆਮਨ੍ਤਾ । ਨਨੁ ਕਾਮਰਾਗਬ੍ਯਾਪਾਦਾਨਂ ਅਨવਸੇਸਪ੍ਪਹਾਨਂ ਅਨਾਗਾਮਿਫਲਂ વੁਤ੍ਤਂ ਭਗવਤਾਤਿ? ਆਮਨ੍ਤਾ। ਹਞ੍ਚਿ ਕਾਮਰਾਗਬ੍ਯਾਪਾਦਾਨਂ ਅਨવਸੇਸਪ੍ਪਹਾਨਂ ਅਨਾਗਾਮਿਫਲਂ વੁਤ੍ਤਂ ਭਗવਤਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਰਹਤ੍ਤਮਗ੍ਗੇਨ ਅਣੁਸਹਗਤਂ ਕਾਮਰਾਗਂ ਅਣੁਸਹਗਤਂ ਬ੍ਯਾਪਾਦਂ ਜਹਤੀ’’ਤਿ।
Arahattamaggena aṇusahagataṃ kāmarāgaṃ aṇusahagataṃ byāpādaṃ jahatīti? Na hevaṃ vattabbe…pe… arahattamaggena aṇusahagataṃ kāmarāgaṃ aṇusahagataṃ byāpādaṃ jahatīti? Āmantā . Nanu kāmarāgabyāpādānaṃ anavasesappahānaṃ anāgāmiphalaṃ vuttaṃ bhagavatāti? Āmantā. Hañci kāmarāgabyāpādānaṃ anavasesappahānaṃ anāgāmiphalaṃ vuttaṃ bhagavatā, no ca vata re vattabbe – ‘‘arahattamaggena aṇusahagataṃ kāmarāgaṃ aṇusahagataṃ byāpādaṃ jahatī’’ti.
੮੧੧. ਨ વਤ੍ਤਬ੍ਬਂ – ‘‘ਏਕੇਨ ਅਰਿਯਮਗ੍ਗੇਨ ਚਤ੍ਤਾਰਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀ’’ਤਿ? ਆਮਨ੍ਤਾ। ਭਗવਤਾ ਸੋਤਾਪਤ੍ਤਿਮਗ੍ਗੋ ਭਾવਿਤੋਤਿ? ਆਮਨ੍ਤਾ । ਭਗવਾ ਸੋਤਾਪਨ੍ਨੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਭਗવਤਾ ਸਕਦਾਗਾਮਿ…ਪੇ॰… ਅਨਾਗਾਮਿਮਗ੍ਗੋ ਭਾવਿਤੋਤਿ? ਆਮਨ੍ਤਾ। ਭਗવਾ ਅਨਾਗਾਮੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
811. Na vattabbaṃ – ‘‘ekena ariyamaggena cattāri sāmaññaphalāni sacchikarotī’’ti? Āmantā. Bhagavatā sotāpattimaggo bhāvitoti? Āmantā . Bhagavā sotāpannoti? Na hevaṃ vattabbe…pe… bhagavatā sakadāgāmi…pe… anāgāmimaggo bhāvitoti? Āmantā. Bhagavā anāgāmīti? Na hevaṃ vattabbe…pe….
੮੧੨. ਭਗવਾ ਏਕੇਨ ਅਰਿਯਮਗ੍ਗੇਨ ਚਤ੍ਤਾਰਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤਿ, ਸਾવਕਾ ਚਤੂਹਿ ਅਰਿਯਮਗ੍ਗੇਹਿ ਚਤ੍ਤਾਰਿ ਸਾਮਞ੍ਞਫਲਾਨਿ ਸਚ੍ਛਿਕਰੋਨ੍ਤੀਤਿ? ਆਮਨ੍ਤਾ। ਸਾવਕਾ ਬੁਦ੍ਧਸ੍ਸ ਭਗવਤੋ ਅਦਿਟ੍ਠਂ ਦਕ੍ਖਨ੍ਤਿ ਅਨਧਿਗਤਂ ਅਧਿਗਚ੍ਛਨ੍ਤਿ ਅਸਚ੍ਛਿਕਤਂ ਸਚ੍ਛਿਕਰੋਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
812. Bhagavā ekena ariyamaggena cattāri sāmaññaphalāni sacchikaroti, sāvakā catūhi ariyamaggehi cattāri sāmaññaphalāni sacchikarontīti? Āmantā. Sāvakā buddhassa bhagavato adiṭṭhaṃ dakkhanti anadhigataṃ adhigacchanti asacchikataṃ sacchikarontīti? Na hevaṃ vattabbe…pe….
ਏਕਮਗ੍ਗਕਥਾ ਨਿਟ੍ਠਿਤਾ।
Ekamaggakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਏਕਮਗ੍ਗਕਥਾવਣ੍ਣਨਾ • 5. Ekamaggakathāvaṇṇanā
