| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๕. เอกมคฺคกถาวณฺณนา
5. Ekamaggakathāvaṇṇanā
๘๑๐-๘๑๑. อิทานิ เอกมคฺคกถา นาม โหติฯ ตตฺถ เยสํ พุเทฺธ ภควติ อโยนิโส เปมวเสเนว ‘‘ภควา โสตาปโนฺน หุตฺวา สกทาคามี, สกทาคามี หุตฺวา อนาคามี, อนาคามี หุตฺวา อรหตฺตํ สจฺฉากาสิ, เอเกเนว ปน อริยมเคฺคน จตฺตาริ ผลานิ สจฺฉากาสี’’ติ ลทฺธิ, เสยฺยถาปิ เตสเญฺญว; เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ อถ นํ จตูหิ ผเลหิ สทฺธิํ อุปฺปนฺนานํ จตุนฺนํ ผสฺสาทีนํ เอกโต สโมธานวเสน โจเทตุํ จตุนฺนํ ผสฺสานนฺติอาทิมาหฯ โสตาปตฺติมเคฺคนาติอาทิ ‘‘กตรมเคฺคน สจฺฉิกโรตี’’ติ ปุจฺฉนตฺถํ วุตฺตํฯ อรหตฺตมเคฺคนาติ จ วุเตฺต เตน สกฺกายทิฎฺฐิอาทีนํ ปหานาภาววเสน โจเทติฯ ภควา โสตาปโนฺนติ พุทฺธภูตสฺส โสตาปนฺนภาโว นตฺถีติ ปฎิกฺขิปติฯ ปรโต ปญฺหทฺวเยปิ เอเสว นโยฯ เสสเมตฺถ ยถาปาฬิเมว นิยฺยาตีติฯ
810-811. Idāni ekamaggakathā nāma hoti. Tattha yesaṃ buddhe bhagavati ayoniso pemavaseneva ‘‘bhagavā sotāpanno hutvā sakadāgāmī, sakadāgāmī hutvā anāgāmī, anāgāmī hutvā arahattaṃ sacchākāsi, ekeneva pana ariyamaggena cattāri phalāni sacchākāsī’’ti laddhi, seyyathāpi tesaññeva; te sandhāya pucchā sakavādissa, paṭiññā itarassa. Atha naṃ catūhi phalehi saddhiṃ uppannānaṃ catunnaṃ phassādīnaṃ ekato samodhānavasena codetuṃ catunnaṃ phassānantiādimāha. Sotāpattimaggenātiādi ‘‘kataramaggena sacchikarotī’’ti pucchanatthaṃ vuttaṃ. Arahattamaggenāti ca vutte tena sakkāyadiṭṭhiādīnaṃ pahānābhāvavasena codeti. Bhagavā sotāpannoti buddhabhūtassa sotāpannabhāvo natthīti paṭikkhipati. Parato pañhadvayepi eseva nayo. Sesamettha yathāpāḷimeva niyyātīti.
เอกมคฺคกถาวณฺณนาฯ
Ekamaggakathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๘๑) ๕. เอกมคฺคกถา • (181) 5. Ekamaggakathā
